Tag: منکی پاکس

  • منکی پاکس: کراچی سمیت ملک کے دیگر ایئر پورٹس پر ہیلتھ ایمرجنسی نافذ

    منکی پاکس: کراچی سمیت ملک کے دیگر ایئر پورٹس پر ہیلتھ ایمرجنسی نافذ

    کراچی: ملک میں منکی پاکس کے پھلاؤ اور روک تھام کے لیے ائرپورٹ سیکیورٹی فورس (اے ایس ایف) نے نئی ایس او پیز جاری کردی ہیں۔

    اے آر وائی کے مطابق ایئرپورٹ سیکیورٹی فورس نے منکی پاکس سے بچاؤ کیلئے کراچی سمیت ملک کے دیگر آپریشنل ایئر پورٹس پر ہیلتھ ایمرجنسی نافذ کردیں گئی ہے۔

    ایس او پیز  کے مطابق تمام اے ایس ایف کا عملہ اب سے فوری طور پر فیس ماسک پہنے گا اس کے علاوہ مسافروں کی تلاشی اور سامان چیکنگ کے دوران دستانے پہننا بھی لازمی ہے۔

    دوسری جانب ایئرپورٹ میں داخلے کیلئے عارضی پاسز کا اجرا بھی روک دیا گیا ہے۔

    واضح رہے کہ پاکستان میں اب تک منکی پاکس کے 2 کنفرم کیسز راولپنڈی / اسلام آباد میں سامنے آچکے ہیں اور حکومت نے اس حوالے سے الرٹ جاری کردیا ہے۔

    ادارہ قومی صحت نے وفاقی اور صوبائی حکام کو منکی پاکس کے مشتبہ کیسز سے متعلق ہائی الرٹ جاری کیا ہے اور ملک کے تمام داخلی راستوں اور ائیر پورٹس پر مسافروں کی سخت نگرانی کرنے کی ہدایت جاری کی گئی ہے۔

  • بیرون ملک سے کراچی آنے والے 3 مسافروں منکی پاکس کی تصدیق نہیں ہوئی

    بیرون ملک سے کراچی آنے والے 3 مسافروں منکی پاکس کی تصدیق نہیں ہوئی

    کراچی : بیرون ملک سے کراچی آنے والے 3 مسافروں منکی پاکس کی تصدیق نہیں ہوئی، رپورٹس منفی آنے پر انھیں گھر جانے کی اجازت دے دی گئی۔

    تفصیلات کے مطابق بیرون ملک سے کراچی آنے والے 3 مسافروں کے سیمپل کو کلیئر قرار دے دیا گیا ، تینوں مسافروں میں منکی پاکس کی تصدیق نہیں ہوئی۔

    بیرون ملک سے آئے 3 مسافروں میں منکی پاکس کے خدشات کا اظہار کیا گیا تھا ، جس کے بعد تینوں مسافروں کو منکی پاکس کی علامات پرآئیسولیٹ کیا گیا تھا تاہم مسافروں کی رپورٹس منفی آنے پر گھر جانے کی اجازت دے دی گئی ہے۔

    پارلیمانی سیکریٹری صحت قاسم سومرو نے کراچی میں منکی پاکس کیسزسامنے آنے کی تردید کرتے ہوئے کہا کراچی میں منکی پاکس کا کیس سامنےنہیں آیا، چاروں مشکوک کیسزکی ٹیسٹ بھی منفی آئے، سندھ حکومت منکی پاکس کی صورتحال کاجائزہ لے رہی ہے۔

    یاد رہے بین الااقوامی پروازوں سے کراچی آنے والے تین مسافروں میں منکی پاکس کی تشخیص ہوئی تھی۔

    منکی پاکس وائرس میں مبتلا ایک سومالی باشندہ اور دو پاکستانی شامل تھے، تینوں مسافروں کو ابتدائی کارروائی کے بعد محکمہ صحت نے بھٹائی آباد سینٹر منتقل کر دیا گیا تھا۔

  • منکی پاکس سے متعلق محکمہ صحت بلوچستان کی وضاحت

    منکی پاکس سے متعلق محکمہ صحت بلوچستان کی وضاحت

    کوئٹہ: بلوچستان کی  محکمہ صحت نے بلوچستان میں منکی پاکس کے حوالے وضاحت دی ہے۔

    تفصیلات کے مطابق محکمہ صحت کا کہنا ہے کہ بلوچستان میں منکی پاکس کا کوئی کیس نہیں، مشتبہ مریض کا پی سی آرٹیسٹ منفی آیا ہے۔

    بلوچستان کی محکمہ صحت کا کہنا ہے کہ ٹیسٹ رپورٹ کےمطابق مشتبہ مریض میں منکی پاکس کے شواہد نہیں ملے، مریض کافے عرصہ سے جلد کی بیماری میں مبتلا ہے۔

    پاکستان میں منکی پاکس کا پھیلاؤ، اہم فیصلے کرلئے گئے

    واضح رہے کہ گزشتہ روز کوئٹہ میں منکی پاکس کا پہلا مشتبہ کیس رپورٹ ہوا ہے، منکی پاکس وائرس کے شبے میں ایک مریض فاطمہ جناح چسٹ اسپتال میں داخل کر لیا گیا ہے۔

     35 سالہ اکبر کا تعلق بلوچستان کے ضلع شیرانی سے ہے ،جلد کی بیماری میں مبتلا اکبر گزشتہ دنوں دبئی سے کوئٹہ پہنچا تھا، جہاں اسے منکی پاکس وائرس کے شبے میں اسپتال لایا گیا تھا۔

  • کراچی میں منکی پاکس کا پہلا مشتبہ کیس رپورٹ

    کراچی میں منکی پاکس کا پہلا مشتبہ کیس رپورٹ

    کراچی : لیاری میں منکی پاکس کا مشتبہ کیس رپورٹ ہوا، سات سال کے بچے میں منکی پاکس جیسی علامات موجود ہیں۔

    تفصیلات کے مطابق پاکستان میں منکی پاکس کا پھیلاؤ کا خطرہ بڑھتا جارہا ہے، کراچی میں منکی پاکس کا پہلا مشتبہ کیس رپورٹ ہوا ہے۔

    سات سال کے بچے کو این آئی سی ایچ آئسولیشن وارڈ میں داخل کیا گیا ہے، بچہ لیاری کا رہائشی ہے ، اسپتال ذرائع نے بتایا کہ بچے میں منکی پاکس جیسی علامات موجود ہیں۔

    دوسری جانب بچے کے والد کا کہنا ہے کہ بچے کی کوئی ٹریول ہسٹری نہیں اور نہ ہی کوئی رشتہ دار بیرون ملک سے آیا ہے۔

    گذشتہ روز وزیر صحت سندھ ڈاکٹر عذرا پیچوہو اپنے بیان میں کہا تھا کہ کراچی میں منکی پاکس کا کوئی کیس رپورٹ نہیں ہوا، کراچی ایئرپورٹ پر ایک مسافر میں منکی پاکس کے حوالے سے خبروں میں کوئی صداقت نہیں ہے۔

    ڈاکٹر عذرا پیچوہو کا کہنا تھا کہ ایئرپورٹ انتظامیہ کو اس حوالے سے تصدیق کے بغیر کسی قسم کی اطلاع جاری کرنے کا کوئی اختیار نہیں، محکمہ صحت تمام تر صورتحال کو ازخود مانیٹر کر رہا ہے۔

    انھوں نے بتایا تھا کہ جناح اسپتال اور چانڈکا میڈیکل اسپتال میں آئسولیشن وارڈ قائم کئے جا چکے ہیں اور کراچی میں20بستروں پر مشتمل علیحدہ آئسولیشن وارڈ تشکیل دیا گیا ہے۔

  • کراچی میں منکی پاکس کا کوئی کیس رپورٹ نہیں ہوا ، وزیر صحت سندھ

    کراچی میں منکی پاکس کا کوئی کیس رپورٹ نہیں ہوا ، وزیر صحت سندھ

    کراچی : وزیرصحت سندھ عذراپیچوہو کا کہنا ہے کہ کراچی میں منکی پاکس کاکوئی کیس رپورٹ نہیں ہوا، مسافر میں منکی پاکس کے حوالے سے خبروں میں کوئی صداقت نہیں۔

    تفصیلات کے مطابق وزیر صحت سندھ ڈاکٹر عذرا پیچوہو اپنے بیان میں کہا ہے کہ کراچی میں منکی پاکس کا کوئی کیس رپورٹ نہیں ہوا، کراچی ایئرپورٹ پر ایک مسافر میں منکی پاکس کے حوالے سے خبروں میں کوئی صداقت نہیں ہے۔

    ڈاکٹر عذرا پیچوہو کا کہنا تھا کہ ایئرپورٹ انتظامیہ کو اس حوالے سے تصدیق کے بغیر کسی قسم کی اطلاع جاری کرنے کا کوئی اختیار نہیں، محکمہ صحت تمام تر صورتحال کو ازخود مانیٹر کر رہا ہے۔

    وزیر صحت سندھ نے کہا کہ جناح اسپتال اور چانڈکا میڈیکل اسپتال میں آئسولیشن وارڈ قائم کئے جا چکے ہیں اور کراچی میں20بستروں پر مشتمل علیحدہ آئسولیشن وارڈ تشکیل دیا گیا ہے۔

    ان کا مزید کہنا تھا کہ منکی پاکس سے متعلق غیر مصدقہ اطلاعات فراہم کرنے سے گریز کیا جائے، صوبہ سندھ میں منکی پاکس کا ایک بھی کیس رپورٹ نہیں ہوا۔

  • پاکستان میں منکی پاکس کا پھیلاؤ، اہم فیصلے کرلئے گئے

    پاکستان میں منکی پاکس کا پھیلاؤ، اہم فیصلے کرلئے گئے

    لاہور/ اسلام آباد : منکی پاکس کے علاج کے لئے ڈاکٹروں اور طبی عملے کو خصوصی ٹریننگ دینے جبکہ پولی کلینک میں منکی پاکس کیسز کیلئے فلٹر او پی ڈی شروع کرنے کا فیصلہ کرلیا گیا۔

    تفصیلات کے مطابق نگران وزیراعلیٰ پنجاب محسن نقوی کی زیر صدارت اجلاس ہوا، اجلاس میں منکی پاکس سے بچاؤ کیلئے حفاظتی تدابیر اورپیشگی قدامات کا جائزہ لیا گیا۔

    نگران وزیراعلیٰ پنجاب نے محکمہ صحت کو الرٹ کردیا اور اسپتالوں میں منکی پاکس کے مریضوں کے لئے آئسولیشن وارڈ قائم کردیئے گئے۔

    اجلاس میں منکی پاکس علاج کے لئے ڈاکٹروں اور طبی عملےکوخصوصی ٹریننگ دینےکا فیصلہ کیا گیا اور منکی پاکس کےممکنہ خطرے کے پیش نظر خصوصی وزارتی کمیٹی تشکیل دے دی گئی۔

    کمیٹی میں نگراں وزیرڈاکٹر جاوید اکرم، ڈاکٹر جمال ناصر،منصور قادر شامل ہیں ، کمیٹی منکی پاکس کےحوالے سےصورتحال کا باقاعدگی سے جائزہ لے گی۔

    دوسری جانب وفاق کے تحت اسپتالوں میں منکی پاکس کیسز کے پیش نظر اقدامات کا سلسلہ جاری ہے ، پولی کلینک اسپتال میں 8 بیڈز کا منکی پاکس آئیسولیشن وارڈ قائم کردیا گیا ہے۔

    ذرائع نے بتایا کہ پولی کلینک میں4بیڈز مصدقہ اور 4مشتبہ کیسز کیلئے مختص ہیں، پولی کلینک شعبہ میڈیسن، سکن کے ڈاکٹر منکی پاکس کا علاج کریں گے۔

    ذرائع کا کہنا ہے کہ پولی کلینک میں منکی پاکس کیسز کیلئے فلٹر او پی ڈی شروع کرنے کا فیصلہ کیا ہے ، پولی کلینک میں فلٹر او پی ڈی آئیسولیشن وارڈ میں قائم ہو گی جبلپ منکی پاکس فلٹر او پی ڈی 2 شفٹ میں کام کرے گی۔

    پولی کلینک میں منکی پاکس فلٹر او پی ڈی صبح 8 تا رات 8 بجے تک ہو گی، فلٹر او پی ڈی میں شعبہ میڈیسن و سکن کے ڈاکٹرز مریض دیکھیں گے، منکی پاکس کے مشتبہ کیسز سے سیمپلز شعبہ ریڈیالوجی کا عملہ اکٹھا کرے گا۔

  • پاکستان میں منکی پاکس کا خطرہ، بیرون ملک سے کراچی آنے والے 3 مسافروں میں وائرس کی تشخیص

    پاکستان میں منکی پاکس کا خطرہ، بیرون ملک سے کراچی آنے والے 3 مسافروں میں وائرس کی تشخیص

    کراچی : بیرون ملک سے کراچی آنے والے 3مسافروں میں منکی پاکس کی تصدیق ہوگئی، وائرس میں مبتلا ایک سومالی باشندہ اور دو پاکستانی شامل ہیں۔

    تفصیلات کے مطابق پاکستان میں منکی پاکس وائرس کے پھیلاؤ کا خطرہ بڑھ گیا، بین الااقوامی پروازوں سے کراچی آنے والے تین مسافروں میں منکی پاکس کی تشخیص ہوگئی۔

    منکی پاکس وائرس میں مبتلا ایک سومالی باشندہ اور دو پاکستانی شامل ہیں، دبئی سے کراچی پہنچنے والا سومالی باشندہ منکی پاکس کا شکار نکلا ، بشیر مالم فلائی دبئی کی پرواز ایف زیڈ 329 سے کراچی آیا اور مسافر کی اسکینگ کے بعد منکی پاکس کی تصدیق ہوئی۔

    اس کے علاوہ شارجہ سے کراچی آنے والا مسافر ایوب خان بھی منکی پاکس کا شکار نکلا ،ایوب خان شارجہ سے ہراز نمبر جی نائن 548 سے کراچی آیا جبکہ اسی پرواز سے آنے والا تیسرا مسافر محمد جاوید بھی منکی پاکس کا شکار نکلا۔

    تینوں مسافروں کو ابتدائی کارروائی کے بعد محکمہ صحت نے بھٹائی آباد سینٹر منتقل کر دیا گیا ہے۔

    مزید پڑھیں : منکی پاکس کیسے منتقل ہوتا ہے؟ وزارت قومی صحت نے تفصیلی اعلامیہ جاری کر دیا

    یاد رہے گذشتہ روز بیرون ملک سے آئے 2 مسافروں میں منکی پاکس کی تصدیق کے بعد قومی وزارت صحت نے اس حوالے سے اعلامیہ جاری کیا تھا۔

    قومی وزارت صحت کا کہنا تھا کہ منکی پاکس کے دیگر کیسز کے حوالے سے تحقیقات جاری ہیں، تاہم ملک میں منکی پاکس کے مقامی پھیلاؤ کے ثبوت نہیں ملے ہیں۔

    بعد ازاں صوبہ سندھ کے دارالحکومت کراچی کے جناح انٹرنیشنل ایئرپورٹ پر منکی پاکس کے ممکنہ پھیلاؤ کے خدشے کے پیش نظر مسافروں کی اسکیننگ شروع کردی گئی۔

    کراچی ایئرپورٹ پر طبی عملہ بیرون ملک سے آنے والوں کے ہاتھ اور بازو چیک کر رہا ہے، مشتبہ علامت کی تصدیق پر طبی عملے اور مسافروں کو اسکینر سے گزرا جارہا ہے۔

  • منکی پاکس کے پھیلاؤ کا خدشہ: کراچی ایئرپورٹ پر مسافروں کی اسکیننگ شروع

    منکی پاکس کے پھیلاؤ کا خدشہ: کراچی ایئرپورٹ پر مسافروں کی اسکیننگ شروع

    کراچی: صوبہ سندھ کے دارالحکومت کراچی کے جناح انٹرنیشنل ایئرپورٹ پر منکی پاکس کے ممکنہ پھیلاؤ کے خدشے کے پیش نظر مسافروں کی اسکیننگ کی جارہی ہے۔

    تفصیلات کے مطابق ملک میں منکی پاکس کے 2 مصدقہ کیسز اور اس کے ممکنہ پھیلاؤ کے خدشے کے تحت کراچی ایئرپورٹ پر مسافروں کی اسکیننگ شروع کردی گئی۔

    ذرائع کا کہنا ہے کہ کراچی ایئرپورٹ پر طبی عملہ بیرون ملک سے آنے والوں کے ہاتھ اور بازو چیک کر رہا ہے، مشتبہ علامت کی تصدیق پر طبی عملے اور مسافروں کو اسکینر سے گزرا جارہا ہے۔

    خیال رہے کہ بیرون ملک سے آئے 2 مسافروں میں منکی پاکس کی تصدیق کے بعد قومی وزارت صحت نے اس حوالے سے اعلامیہ جاری کردیا ہے۔

    قومی وزارت صحت کا کہنا ہے کہ منکی پاکس کے دیگر کیسز کے حوالے سے تحقیقات جاری ہیں، تاہم ملک میں منکی پاکس کے مقامی پھیلاؤ کے ثبوت نہیں ملے ہیں۔

    وزارت صحت کے مطابق پاکستان سے منکی پاکس کا عالمی سطح پر زیادہ پھیلاؤ نہیں ہوا، متعلقہ صحت حکام کو ایڈوائزری جاری کی جا چکی ہے۔

  • منکی پاکس کیسے منتقل ہوتا ہے؟ وزارت قومی صحت نے تفصیلی اعلامیہ جاری کر دیا

    منکی پاکس کیسے منتقل ہوتا ہے؟ وزارت قومی صحت نے تفصیلی اعلامیہ جاری کر دیا

    اسلام آباد: وزارت قومی صحت نے ایک اعلامیہ جاری کرتے ہوئے کہا ہے کہ منکی پاکس ایک وائرل زونوٹک متعدی مرض ہے، جو متاثرہ جانور سے انسانوں کو منتقل ہوتا ہے۔

    تفصیلات کے مطابق پاکستان میں بھی منکی پاکس کے کیسز سامنے آ گئے ہیں، جس کے بعد وزارت قومی صحت نے ایک اعلامیہ جاری کیا ہے، جس میں کہا گیا ہے کہ ڈبلیو ایچ او نے 2022 میں منکی پاکس کو عالمی صحت عامہ کے لیے ایک خطرہ قرار دیا تھا۔

    اعلامیے کے مطابق منکی پاکس ایک وائرل زونوٹک متعدی مرض ہے، یہ متاثرہ جانور سے انسانوں کو منتقل ہوتا ہے، متاثرہ مریض سے بھی دوسرے انسان کو منتقل ہو سکتا ہے۔

    وزارت قومی صحت کے مطابق 111 ممالک میں تاحال منکی پاکس کے کیسز رپورٹ ہو چکے ہیں، عالمی سطح پر منکی پاکس کے 87 ہزار کیسز، 119 اموات ہو چکی ہیں، تاہم اگست 2022 سے منکی پاکس کے عالمی کیسز میں کمی ریکارڈ کی گئی۔

    وزارت کا کہنا ہے کہ پاکستان میں مئی 2022 سے تاحال منکی پاکس کے 22 مشتبہ سیمپلز این آئی ایچ بھجوائے گئے تھے، یہ سیمپلز ملک کے مختلف حصوں سے بھجوائے گئے تھے، ملک میں منکی پاکس کا پہلا کیس پمز اسپتال میں زیر علاج ہے۔

    قومی صحت کی وزارت کا کہنا ہے کہ منکی پاکس کے دیگر کیسز کے حوالے سے تحقیقات جاری ہیں، تاہم ملک میں منکی پاکس کے مقامی پھیلاؤ کے ثبوت نہیں ملے ہیں، پاکستان سے منکی پاکس کا عالمی سطح پر زیادہ پھیلاؤ نہیں ہوا، متعلقہ صحت حکام کو ایڈوائزری جاری کی جا چکی ہے۔

    منکی پاکس: سندھ حکومت نے اسپتالوں کو آئسولیشن وارڈز بنانے کا الرٹ جاری کر دیا

    اعلامیے میں کہا گیا ہے کہ عالمی ہوائی اڈوں پر بیرون ملک سے آئے مسافروں کی اسکریننگ ہوگی، وفاقی اور صوبائی ہیلتھ اتھارٹیز کو منکی پاکس سرویلنس، ٹیسٹنگ بڑھانے کی ہدایت کی گئی ہے، منکی پاکس کیسز کے قریبی افراد اور مشتبہ مریضوں کی فوری ٹیسٹنگ ہوگی، اس سلسلے میں این آئی ایچ کو کیسز کی ٹریسنگ اور ٹیسٹنگ کی ہدایات دی گئی ہیں۔

    اعلامیے کے مطابق منکی پاکس کا پھیلاؤ روکنے کے لیے پازیٹو کیسز کو فوری آئیسولیٹ کیا جائے گا، نیز ملک میں وزارت صحت، این سی او سی، اور این آئی ایچ صورت حال کی کڑی نگرانی کر رہے ہیں۔

  • منکی پاکس: سندھ حکومت نے اسپتالوں کو آئسولیشن وارڈز بنانے کا الرٹ جاری کر دیا

    منکی پاکس: سندھ حکومت نے اسپتالوں کو آئسولیشن وارڈز بنانے کا الرٹ جاری کر دیا

    کراچی: سندھ حکومت نے منکی پاکس کیسز کے پیش نظر اسپتالوں کو آئسولیشن وارڈز بنانے کا الرٹ جاری کر دیا۔

    تفصیلات کے مطابق پاکستان میں منکی پاکس کے کیسز رپورٹ ہونے کے بعد ڈائریکٹر ہیلتھ سروسز سندھ کی جانب سے سندھ کے تمام سرکاری اسپتالوں کو الرٹ جاری کیا گیا ہے کہ فوری طور پر آئیسولیشن وارڈ قائم کیے جائیں۔

    الرٹ میں ہدایت کی گئی ہے کہ 10 بستروں پر مشتمل آئیسولیشن وارڈ فوری بنائے جائیں، وارڈز میں 5 بیڈ خواتین اور5 مردوں کے لیے مختص کیے جائیں۔

    سندھ کے 25 سے زائد بڑے سرکاری اسپتالوں میں آئیسولیشن وارڈز کے احکامات جاری کیے گئے ہیں، سول اسپتال، جناح اسپتال اور لیاری جنرل اسپتال کے سربراہوں کو الرٹ موصول ہو گیا ہے۔

    پیپلز میڈیکل یونیورسٹی شہید بینظیر آباد، غلام محمد میڈیکل کالج و اسپتال، سندھ گورنمنٹ چلڈرن اسپتال سعود آباد، نارتھ کراچی، کورنگی اور ابراہیم حیدری کو بھی فوری وارڈ قائم کرنے کی ہدایت جاری کی گئی ہے۔

    واضح رہے کہ وزارت صحت کے ترجمان نے گزشتہ روز کہا تھا کہ پاکستان میں منکی پاکس کا پہلا کیس رپورٹ ہوا ہے، قومی ادارہ برائے صحت اسلام آباد نے متاثرہ شخص میں منکی پاکس کی تصدیق کی تھی، جس کے بعد پورے ملک کے ایئر پورٹس پر ہیلتھ ریگولیشنز کی سفارشات پر عمل درآمد جاری ہے۔

    وفاقی وزارت صحت نے ایک کیس کی تصدیق کی ہے، جب کہ ترجمان سندھ حکومت نے دعویٰ کیا ہے کہ 2 کیسز رپورٹ ہو چکے ہیں۔

    پاکستان میں منکی پاکس کے 2 کیسز سامنے آگئے

    ایئرپورٹس پر منکی پاکس سے متعلق گائڈ لائن کے مطابق متاثرہ مریض کو ایپرن کے ذریعے ایف آئی اے کی نگرانی میں باہر لایا جائے گا،

    متاثرہ مریض کا مکمل ڈیٹا اکھٹا کیا جائے گا اور اسے عام مسافروں کے چینل برج سے باہر نہیں لایا جائے گا، مریض کو ہینڈل کرتے وقت محکمہ صحت کی ایس او پیز کا مکمل خیال رکھا جائے گا، مشتبہ مریض سامنے آنے کی صورت میں ایف آئی اے کاؤنٹر سمیت لیگیج ایریا اور بیت الخلا سمیت فرش کو ڈس انفیکٹ کیا جائے گا۔