اسلام آباد : وزیراعظم عمران خان نے وفاقی کابینہ کااجلاس منگل کو طلب کرلیا، اجلاس میں فیصلوں پر عمل کا جائزہ لیا جائےگا اور انڈین پریمیئرلیگ کے میچز دکھانے پر مکمل پابندی لگائے جانے کا امکان ہے۔
تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس منگل کو ہوگا ، اجلاس میں 19رکنی ایجنڈے پرغورہوگا اور وفاقی کابینہ کے فیصلوں پر عمل کا جائزہ لیا جائےگا۔
وفاقی کابینہ کے ایجنڈے میں سماجی تحفظ اورغربت کےخاتمےکیلئےڈویژن کےقیام کی منظوری ، پی آئی اےکےنئےچیف ایگزیکٹوافسرکی تعیناتی کی منظوری شامل ہیں جبکہ وژن ایئرکےڈومیسٹک اورانٹرنیشنل لائسنس کی مدت میں اضافے کا بھی امکان ہے۔
پاکستان ملائیشیا کے آڈیٹر جنرل کے آفسز کے درمیان یادداشت کی توثیق ، رواں سال موبائل کمپنیوں کے لائسنس کی تجدید کیلئے پالیسی اور نیشنل انڈسٹریل ریلیشن کمیشن کے 3ارکان کی تعیناتی کی توثیق بھی ایجنڈے کا حصہ ہیں۔
وفاقی کابینہ کے اجلاس میں انڈین پریمیئرلیگ کےمیچزدکھانے پر مکمل پابندی لگائے جانے کا امکان ہے جبکہ یو اے ای کیساتھ رینوبل توانائی کے فروغ پر تعاون کی یادداشت کاجائزہ اور اسلام آبادایئرپورٹ کی تعمیرمیں بےضابطگیوں کی رپورٹ کاجائزہ لیاجائےگا۔
اجلاس میں فاٹا کے بجٹ اور دیگرفنڈز کی خیبرپختونخوا کو منتقلی کا فیصلہ کئے جانے کا بھی امکان ہے۔
مزید پڑھیں : وزیراعظم عمران خان کی زیرصدارت وفاقی کابینہ کا اجلاس، متعدد فیصلوں کی منظوری
یاد رہے 26 مارچ کو ہونے والے اجلاس میں وفاقی کابینہ نے کرتارپورراہداری کے معاملے پر دس رکنی پربندھک کمیٹی تشکیل دے دی، کرتارپورراہداری نومبرمیں کھلے گی جبکہ نئی سول ایوی ایشن پالیسی کی منظوری بھی دی گئی، جس کا مقصد ہوابازی صنعتوں کو بحالی کرنا ہے۔
مسافرطیارے درآمدکی مدت بارہ سال سے بڑھا کر اٹھارہ سال اور تیس سال پراناکارگوطیارہ درآمدکرنے کی بھی منظوری دی گئی جبکہ سیاحوں کے لیے بہت سے علاقوں میں اجازت کی شرط ختم اور بلیو ایریا سمیت تجارتی مراکز میں بلند عمارتوں کیلئے این او سی کی شرط بھی ختم کردی گئی تھی۔
