Tag: منیب بٹ

شوبز انڈسٹری کے معروف اداکار منیب بٹ نے جوائنٹ فیملی سسٹم کے فوائد بتاتے ہوئے اسے مسائل کا حل قرار دے دیا۔

اداکار منیب بٹ نے گزشتہ روز نجی ٹی وی کے شو میں بطور مہمان شرکت کی اور اس دوران انہوں نے نجی زندگی اور جوائنٹ فیملی سسٹم سے متعلق گفتگو کی۔

انہوں نے کہا کہ میں یہاں لاہور میں موجود ہوں اور گھر پر میری بیوی یا بچوں کے ساتھ کوئی مسئلہ ہو تو سنبھالنے کے لیے میرے والد اور بھائی موجود ہیں اس لیے مجھے لگتا ہے کہ جوائنٹ فیملی سسٹم میں رہنے کا فائدہ زیادہ ہے۔

اداکار نے کہا کہ اگر جوائنٹ فیملی سسٹم میں الگ الگ پورشن میں رہ کر کچن الگ ہو تو بھی کوئی مسئلہ نہیں ہوتا۔

منیب بٹ نے کہا کہ ابتدا میں شادی ہوتی ہے تو مسائل ہوتے ہیں لیکن گھر کے بڑے موجود ہوتے ہیں تو صلح کرواسکتے ہیں اور چھوٹے مسائل بھی باآسانی حل ہوسکتے ہیں۔

انہوں نے بتایا کہ میرے گھر کے تین پورشن ہیں، سب سے نیچے میں رہتا ہوں، درمیان والے پورشن میں چھوٹا بھائی اور سب سے اوپر والدین موجود ہوتے ہیں، ایک گھر میں رہتے ہوئئے بھی سب کا الگ سسٹم ہے تو اللہ کا شکر ہے کبھی کوئی مسئلہ نہیں ہوتا۔

View this post on Instagram

A post shared by ShowbizShowsha (@showbizshowsha)

منیب کا کہنا تھا کہ مجھے کھانے کے ساتھ ایک ڈش کے علاوہ دوسری چیزیں بھی چاہیے ہوتی ہیں مثال کے طور پر دال ہے تو اس کے ساتھ کڑاہی، سبزی ودیگر چیزیں موجود ہوں تو میں تھوڑا تھوڑا سب کھاتا ہوں کبھی کوئی چیز نہیں ہوتی ہے تو بھائی کے کچن میں مل جاتا ہے۔

انہوں نے دعویٰ کیا کہ کچھ عرصہ قبل ایک جوا کے کھیل کی ایپلی کیشن والوں نے ان سے رابطہ کیا اور کہا کہ وہ ان کے اشتہار میں کام کریں، وہ انہیں دگنا معاوضہ دینے کو تیار تھے لیکن انہوں نے مذکورہ غلط ایپلی کیشن کے اشتہار میں کام کرنے سے انکار کیا۔

شوبز انڈسٹری کے معروف اداکار منیب بٹ کا کہنا ہے کہ ایمن خان اور فیملی نے ’کولڈ پلے‘ کے کنسرٹ میں جانے کی خواہش ظاہر کی ہے۔

اداکار منیب بٹ نے حال ہی میں اداکارہ اشنا شاہ کے شو میں شرکت کی اور اس دوران نجی زندگی اور شوبز سے متعلق اظہار خیال کیا۔

انہوں نے بتایا کہ ایمن خان کو ’کولڈ پلے‘ کے کنسرٹ میں شرکت کرنے کا بہت شوق ہے اور پوری فیملی میرے پیچھے پڑی ہوئی ہے کہ کنسرٹ کے پاسز خریدیں اور انہیں لے کر جائیں۔

منیب بٹ نے کہا کہ ’کولڈ پلے‘ کے کنسرٹ کے پاسز 24 گھنٹوں میں فروخت ہوچکے ہیں اور اب وہ بلیک میں مل رہے ہیں، اس لیے اگر جانا ہے تو پھر پہلے سے نظر رکھنی پڑے گی۔

ایک سوال کے جواب میں انہوں نے بتایا کہ نہ صرف والد بننے بلکہ شادی ہوجانے کے بعد ہی انسان میں بڑی تبدیلیاں آجاتی ہیں، شادی کے بعد انسان سمجھدار ہوجاتا ہے۔

منیب بٹ کا کہنا تھا کہ شادی سے قبل ہر وقت انسان دوستوں یا دوسرے کاموں میں مصروف رہتا ہے لیکن شادی کے بعد ایسا نہیں ہوتا اور نہ ہی بیوی ایسا کرنے دیتی ہے۔

انہوں نے بتایا کہ اب اگر انہیں گھر جانے میں دیر ہوجائے تو ایمن خان 10 منٹ میں انہیں 25 مس فون کالز دیں گی، جس پر انہیں فوری گھر پہنچنا ہوتا ہے۔

منیب بٹ کے مطابق اتنے کم وقت میں اتنی زیادہ فون کالز آنے کے بعد جب بندہ گھر پہنچتا ہے تو اسے پتا چلتا ہے کہ کچھ بھی نہیں ہوا تھا، انہیں بس گھر بلانا تھا۔

اداکار نے ایک اور سوال کے جواب میں بتایا کہ وہ ’گرل اور بوائے فرینڈ‘ جیسے تعلقات پر یقین نہیں رکھتے، ان کا خیال ہے کہ پسند آجانے کے بعد فوری شادی کرلینی چاہیے۔

پاکستان کے معروف اداکار منیب بٹ نے کہا کہ جب وہ ایک بار آڈیشن دینے گئے تو انہیں کرسی سے اٹھ کر فرش پر بیٹھنے کا کہا گیا۔

پاکستان کے معروف اداکار منیب بٹ کی ایک ویڈیو کلپ فوٹو اینڈ شیئرنگ ایپ انسٹاگرام پر گردش کررہی ہے جس میں انہیں کیریئر کے ابتدائی دنوں سے متعلق  بات کرتے ہوئے سنا جا سکتا ہے۔

منیب بٹ نے بتایا کہ ایک بار جب وہ آڈیشن دینے گیا تو وہاں کام کرنے والے ایک ملازم نے مجھے کرسی سے اٹھنے کا کہام مجھے اس شخص نے کہا کہ یہ کرسی اداکاروں کے بیٹھنے کے لیے ہے، اس لیے آپ وہاں سے اٹھ کر فرش پر بیٹھ جائیں۔

منیب نے بتایا کہ میں کرسی سے اٹھ کر سخت گرمی کے باوجود فرش پر بیٹھ گیا، میں نے اسی شخص سے پینے کے لیے پانی مانگا تو اس نے پانی دینے سے بھی انکار کردیا۔

 

View this post on Instagram

 

A post shared by ShowbizShowsha (@showbizshowsha)

منیب بٹ کا کہنا تھا کہ مذکورہ شخص ہر کسی کو پانی پلا رہا تھا لیکن جب انہوں نے ان سے پینے کے پانی مانگا تو اس نے انہیں جواب دیا کہ یہاں صرف اداکاروں کو پینے کے لیے پانی ملتا ہے۔

اداکار نے کہا کہ پانی نہ ملنے کے بعد میں وہاں سے اٹھ کر چلا آیا، اس دن میں نے بہت بے عزتی محسوس کی اور میرا دل بھی ٹوٹ گیا تھا، اس دن گھر آنے کے بعد میں بہت رویا، جس کے بعد میں نے ایک فیصلہ کیا۔

منیب بٹ نے مزید کہا کہ میں نے سوچا کہ ایک دن آئے گا جب ہر کوئی میری بھی عزت کرے گا اور آج ہر کوئی مجھے پہچانتا ہے اور میری عزت کرتا ہے۔

واضح رہے کہ ویڈیو میں منیب بٹ نے یہ واضح نہیں کیا کہ ان کے ایسا سلوک کس پروڈکشن ہاؤس نے یا کس پروڈیوسر اور ہدایت کار نے کیا؟۔