Tag: منیر اکرم

نیویارک: پاکستانی مستقل مندوب منیر اکرم کا کہنا ہے کہ فلسطین اور جموں و کشمیر میں لوگوں کے حق خود ارادیت کو بے دردی سے دبایا جا رہا ہے۔

تفصیلات کے مطابق پاکستانی مستقل مندوب منیر اکرم نے اقوام متحدہ کی جنرل اسمبلی سے خطاب کرتے ہوئے کہا کہ فلسطین اور جموں و کشمیر میں لوگوں کے حق خود ارادیت کو بے دردی سے دبایا جا رہا ہے، بھارت میں سرکاری طورپر اسلاموفوبیا کے مظاہرےپردنیا تشویش کا اظہار نہیں کرتی۔

پاکستانی مستقل مندوب کا کہنا تھا کہ بھارت میں ہندوتوا کا نظریہ منظم طریقے سے نافذ کیا جارہا ہے، مسلمانوں ، عیسائیوں اور دلتوں سےناروا سلوک کیاجارہا ہے اور متیازی قوانین کے خلاف احتجاج کو بیدردی سے دبایا جارہا ہے۔

انھوں نے کہا انتہ پسند ہندو گروپوں نے واضح طور پرمسلمانوں کی نسل کشی کا مطالبہ کیا ہے، مودی نے مسلمانوں کو درانداز کہہ کر نفرت اور تشددکو ہوا دی ہے اور مسلمانوں کو بھارت کے ہندوؤں کی دولت لوٹنے والا قرار دیا ہے۔

پاکستانی مندوب کا کہنا تھا کہ بھارت میں اسلامی ورثے کو ختم کرنے کیلئے سرکاری مہم چلائی جارہی ہے، مسلم حوالہ جات کو ختم کرنے کیلئے تاریخ کی کتابیں دوبارہ لکھی جارہی ہیں، مسلمانوں کی مساجد کو ہندو مندروں میں تبدیل کیا جارہا ہے، بھارت میں ہزاروں مساجد اور مسلمانوں کے مذہبی مقامات خطرے میں ہیں۔

نیویارک : پاکستان نے فلسطین کی اقوام متحدہ کی رکنیت کی درخوست پرنظرثانی کامطالبہ کردیا اور کہا اس سے فلسطینی عوام کیخلاف تاریخی ناانصافی کاازالہ ہوگا۔

تفصیلات کے مطابق تفصیلات کے مطابق اقوام متحدہ میں پاکستان کے مستقل مندوب منیر اکرم نے اپنے خطاب میں کہا کہ سلامتی کونسل فلسطین کی یواین ممبرشپ کی درخواست پرنظرثانی کرے۔

ان کا کہنا تھا کہ اقوام متحدہ کی رکنیت سےفلسطینی عوام کیخلاف تاریخی ناانصافی کاازالہ ہوگا، دو ریاستی حل کےقیام کی راہ بھی ہموارہوگی۔

یاد رہے اقوام متحدہ میں پاکستان کے مستقل مندوب نے مطالبہ کیا ہے کہ فلسطین کو اقوام متحدہ کے مکمل رکن کے طور پر شامل کیا جائے تاکہ دو ریاستی حل کو یقینی بنایا جاسکے۔

ان کا کہنا تھا کہ وقت آگیا ہے کہ سلامتی کونسل اور اقوام متحدہ کے تمام ارکان اسرائیل کاامن کو مسلسل مسترد کرنے پر احتساب کریں۔

اس سے قبل اقوام متحدہ میں پاکستانی مندوب  نے اے آر وائی نیوز سے خصوصی گفتگو کرتے ہوئے کہا تھا کہ اسرائیل کےظالمانہ حملوں پرآوازنہ اٹھاناشرم کی بات ہے، فلسطین کی عوام کو حق رائےدہی کاحق دیناہوگا۔

پاکستان نے بابری مسجد کی جگہ رام مندر کا مسئلہ سلامی تعاون تنظیم (او آئی سی) میں اٹھا دیا اور کہا صدیوں پرانی بابری مسجد کو انیس سو بانوے میں المناک طور پر منہدم کیا گیا۔

تفصیلات کے مطابق اقوامِ متحدہ میں پاکستان کے مستقل مندوب منیر اکرم نے اسلامی تعاون تنظیم کے سفیروں کے اجلاس میں شرکت کی۔

اجلاس میں منیر اکرم نے بھارتی شہر ایودھیا میں بابری مسجد کی جگہ رام مندر کی تعمیر کی مذمت کرتے ہوئے کہا صدیوں پرانی بابری مسجد کو انیس سو بانوے میں المناک طور پر منہدم کیا گیا۔

پاکستانی سفیر کا کہنا تھا کہ قابلِ مذمت فعل کے باوجود ذمے داروں کو بری کردیا گیا اور بابری مسجد کی جگہ پر مندر بنانے کی بھی اجازت دی گئی۔

منیر اکرم نے مسئلے پر یو این الائنس فار سویلائزیشن کو لکھے خط کے مندراجات بھی پیش کیے۔

او آئی سی نے بابری مسجد کے مقام پر رام مندر کی تعمیر اور افتتاح پر شدید تشویش کا اظہار کیا تھا۔۔

نیویارک : اقوام متحدہ میں پاکستان کے مستقل مندوب منیر اکرم نے مطالبہ کیا ہے کہ فلسطین کو اقوام متحدہ کے مکمل رکن کے طور پر شامل کیا جائے تاکہ دو ریاستی حل کو یقینی بنایا جاسکے۔

تفصیلات کے مطابق اقوام متحدہ میں پاکستان کے مستقل مندوب منیر اکرم نے سلامتی کونسل کی وزارتی سطح کی بحث کے دوران ’’مشرق وسطیٰ کی صورت حال بشمول فلسطین کے سوال‘‘ پر بیان میں کہا وقت آگیا ہے کہ سلامتی کونسل اور اقوام متحدہ کے تمام ارکان اسرائیل کاامن کو مسلسل مسترد کرنے پر احتساب کریں۔

منیر اکرم نے مطالبہ کیا کہ فلسطین کو اقوام متحدہ کے مکمل رکن کے طور پر شامل کیا جائے تاکہ دو ریاستی حل کو یقینی بنایا جاسکے۔

یاد رہے اقوام متحدہ میں پاکستان کےمستقل مندوب منیراکرم نے اے آر وائی نیوز سے خصوصی گفتگو کرتے ہوئے کہا تھا کہ اسرائیل کےظالمانہ حملوں پرآوازنہ اٹھاناشرم کی بات ہے، فلسطین کی عوام کو حق رائےدہی کاحق دیناہوگا۔

منیر اکرم کا کہنا تھا کہ فلسطینیوں کو اپنی ریاست بنانےکا حق ملنا چاہیے، اسرائیل فلسطینی عوام کو فلسطین سے نکالناچاہتاہے اور ناجائز قبضے کے ذریعےگریٹراسرائیل کامنصوبہ بنا رہا ہے۔

نیویارک : اقوام متحدہ میں پاکستان کے مستقل مندوب منیر اکرم کا کہنا ہے کہ غزہ میں 18 ہزار سے زائد معصوم فلسطینیوں کو قتل کردیا گیا، کیا یہ اسرائیل کا جائز ’سیلف ڈیفنس‘ ہے؟

تفصیلات کے مطابق اقوام متحدہ میں پاکستان کے مستقل مندوب منیراکرم نے جنرل اسمبلی سے خطاب کرتے ہوئے کہا کہ پاکستان جنگ بندی کی قراردادکی حمایت کرتا ہے۔

منیر اکرم کا کہنا تھا کہ اسرائیل فلسطینیوں کی نسل کشی کررہا ہے، 18ہزارسےزائدمعصوم فلسطینیوں کوقتل کردیاگیا، کیایہ اسرائیل کاجائز’سیلف ڈیفنس‘ہے۔۔ اسرائیل اپنےخلاف سلامتی کونسل کارروائی سےتحفظ انجوائےکررہا ہے۔

پاکستان کے مستقل مندوب نے کہا کہ کسی کو آزاد زندگی گزارنے سے روکا جائے گا تو وہ ردعمل دے گا، کھلے آسمان والی جیل میں قید کرکے قتل عام ہو تو ردعمل آئے گا اور پھر اس کا ردعمل بھی ویسا ہی ہوگا، جیسا اُس کیساتھ سلوک کیا گیا۔

ان کا کہنا تھا کہ غزہ پر 25 ٹن سے زائد بارود برسایا جا چکا ہے، یہ ان ایٹم بم کے برابر ہے، جو ناگا ساکی اور ہیروشیما پر گرائے گئے تھے۔

نیویارک : اقوام متحدہ میں پاکستانی مندوب منیراکرم کا کہنا ہے کہ بھارت کے حوالے سے جوہم دنیا سےکہتےتھے اسکا ثبوت آگیا ہے، دنیا کو اندازا ہوتا جارہا ہے کہ بھارت میں کس قسم کی حکومت ہے۔

تفصیلات کے مطابق نیویارک میں اقوام متحدہ میں پاکستانی مندوب منیر اکرم سے گفتگو کرتے ہوئے کہا کہ پاکستان کی پالیسی انٹرنیشنل ایشوز پر بہت واضح‌ ہے، ہمارے وزیراعظم، وزیر خارجہ اور سیکریٹری خارجہ یہاں موجود ہیں، ہماری پالیسیز واضح طور پر بیان کی جارہی ہیں۔

منیر اکرم کا کہنا تھا کہ ہمارا جو مکمل ترجیحی مسئلہ ہے وہ کشمیر ہے اس کو ہر وقت آگے رکھنا ہے، دنیاکوبتاناہےکشمیرکامسئلہ ابھی تک حل نہیں ہوااوراس کوحل کرنےکی ضرورت ہے، سمٹ میٹنگز میں ہماری توجہ مالیاتی کمٹمنٹس پر ہے، منٹ میں جو مالیاتی کمٹمنٹس ہوئی ہیں ان کو لاگو کرنےکی ضرورت ہے۔

بھارت کے حوالے سے پاکستانی مندوب نے کہا کہ ہمیں بھارت کےحوالے سے کچھ کہنےکی ضرورت نہیں جو ہم دنیا سے کہتے تھے اس کا ثبوت آگیاہے، دنیا کو نظر آئے گا ہندوستان اوراس کی حکومت کس قسم کی ہے۔

ان کا کہنا تھا کہ بھارت نےکس طرح سےانٹرنیشنل قوانین کی خلاف ورزیاں کی ہیں، دنیا میں بھارت کا برتاؤ جس طرح کا ہے کہ ہمیں کوئی کچھ نہیں کہہ سکتا۔

منیر اکرم نے مزید بتایا کہ ترک صدر کے ساتھ شیڈول کے مسئلہ کی وجہ سے اب تک ملاقات نہیں ہوسکی ہے، ترکی سے ہمارے قریبی تعلقات ہیں وہ ہمیں جانتے ہیں ہم انہیں جاتے ہیں۔