بالی ووڈ کی نامور اداکارہ منیشا کوئرالا نے اپنے ساتھ ویب سیریز ہیرامنڈی میں جلوہ گر ہونے والی سوناکشی سنہا کو شادی پر خاص تحفہ دیا ہے۔
دبنگ گرل سوناکشی سنہا آج 23 جون کو ممبئی میں اپنے قریبی دوست ظہیر اقبال کے ساتھ رشتہ ازدواج میں منسلک ہوجائیں گی۔ اسی ہفتے سے شادی کی تقریبات کا آغاز ہوا تھا، تاہم سوناکشی اور ظہیر نے شادی کی تیاریوں سمیت دیگر تمام معاملات سے اب تک میڈیا کو پرے رکھا ہے۔
سنجے لیلا بھنسالی کی ویب سیریز ہیرامندی کی ساتھی اداکارہ ملکہ جان نے شادی سے ایک رات پہلے سوناکشی پر تحائف اور پھولوں کی بارش کردی۔
منیشا نے ویب سیریز میں اپنے مخالف کا کردار ادا کرنے والے ’فریدن‘ کیلئے خاص تحائف بھیجے جس کی ویڈیو سوشل میڈیا پر وائرل ہوگئی۔
فوٹو اینڈ ویڈیو شیئرنگ ایپ انسٹاگرام پر سوناکشی سنہا کی ممبئی کی رہائش گاہ سے ایک ویڈیو زیرگردش ہے۔ ویڈیو میں دیکھا جاسکتا ہے کہ ایک شخص اپنے ہاتھ میں تحائف اور پھولوں کا ایک خوبصورت گلدستہ لیے سوناکشی کی رہائش گاہ کی جانب بڑھ رہا ہے۔
View this post on Instagram
یہ تحائف منیشا کوئرالا کی جانب سے بھیجے گئے ہیں، ظہیر اقبال اور ان کی ہونے والی اہلیہ سوناکشی کو بھیجے گئے سنہرے ریپر میں لپٹے ہوئے تحائف پُرتعیش اور قیمتی معلوم ہوتے ہیں۔
اس ویڈیو کے کمنٹ سیکشن میں شائقین کافی تجسس کا شکار نظر آرہے ہیں کہ ‘ہیرا منڈی کی ملکہ جان‘ نے فریدن کو تحفے میں ایسا کیا بھیجا ہے۔
خیال رہے کہ دبنگ گرل اور ظہیر کی شادی کے حوالے سے پرستار کافی متجسس تھے کہ جوڑا اسلامی طریقے سے شادی کرے گا یا ہندو رسم و رواج کے مطابق تاہم دولہے کے والد اقبال رتنسی نے بتایا کہ یہ شادی سول میرج ہو گی۔
