Tag: منی لانڈرنگ

اسلام آباد : منی لانڈرنگ کے خلاف کارروائیوں کو مزید مؤثر اور شفاف بنانے کے لیے اہم ایس او پیز جاری کر دیئے گئے۔

تفصیلات کے مطابق ڈی جی ایف آئی اے رفعت مختارکا منی لانڈرنگ کی تحقیقات کے حوالے سے تاریخی اقدام اٹھایا۔

ڈی جی ایف آئی اے نے منی لانڈرنگ کے خلاف کارروائیوں کو مزید مؤثر اور شفاف بنانے کے لیے اہم ایس او پیز جاری کر دی ہیں۔

ان ایس او پیز کا مقصد اختیارات کے ناجائز استعمال کا خاتمہ، شفافیت کا فروغ اور احتساب کے عمل کو یقینی بنانا ہے۔

ان ہدایات کے مطابق ایف آئی آر کے اندراج کو بہتر، ضابطے کے تابع اور قابل نگرانی بنایا گیا ہے تاکہ ادارے کی ساکھ برقرار رہے اور بے جا قانونی کارروائیوں سے گریز ممکن ہو۔

نئی ایس او پیز کے مطابق منی لانڈرنگ کے کسی بھی مقدمے کا اندراج صرف ٹھوس اور قابلِ قبول شواہد کی بنیاد پر ہوگا۔

مزید پڑھیں : سائبر فراڈ اور ڈیجیٹل منی لانڈرنگ میں ملوث نیٹ ورک بے نقاب

ایس او پیز میں اس امر کو لازمی قرار دیا گیا ہے کہ ایف آئی آر درج کرنے سے قبل متعلقہ پریڈیکیٹ آفنس (بنیادی جرم) کا حوالہ دینا ضروری ہوگا۔

اگر کوئی مقدمہ بنیادی جرم کے بغیر ہے تو اس پر منی لانڈرنگ کے تحت کارروائی نہیں کی جا سکے گی۔

نئے ایس او پیز میں تحقیقاتی عمل کے لیے واضح ٹائم لائن مقرر کر دیا گیا ہے، جس پر عملدرآمد تمام تفتیشی افسران کے لیے لازم ہوگا۔

تفتیش میں تاخیر کی صورت میں متعلقہ افسر کے خلاف محکمانہ کارروائی عمل میں لائی جائے گی۔

ایف آئی آر درج کرنے کے اختیارات کو اعلیٰ سطح کی منظوری سے مشروط کر دیا گیا ہے تاکہ بے جا مقدمات کا اندراج روکا جا سکے اور شفافیت کو فروغ دیا جا سکے۔

تمام کیسز اور انکوائریز کی 24 گھنٹے مانیٹرنگ ایف آئی اے ہیڈکوارٹرز سے کی جائے گی تاکہ بروقت پیش رفت، یکسانیت، اور احتساب کے عمل کو یقینی بنایا جا سکے۔

دیگر متعلقہ اداروں کے ساتھ معلومات کے تبادلے اور مشترکہ کارروائیوں کے لیے ایک مؤثر بین الادارہ جاتی کوآرڈینیشن میکانزم قائم کر دیا گیا ہے تاکہ منی لانڈرنگ جیسے سنگین جرم کی مؤثر روک تھام ممکن بنایا جا سکے

ایف آئی اے کے جاری کردہ نئے ایس او پیز کے تحت منی لانڈرنگ کے مقدمات میں شفافیت اور قانون پر سختی سے عملدرآمد کو یقینی بنایا گیا ہے۔

ان ایس او پیز میں ٹھوس شواہد کے بغیر ایف آئی آر درج کرنے پر پابندی، مقررہ ٹائم لائنز، ہیڈکوارٹرز سے نگرانی، اور بین الاداراتی رابطہ کو مؤثر بنانے جیسے اہم نکات شامل کیا گیا ہے تا کہ تفتیش کو مؤثر انداز میں پایہ تکمیل تک پہنچایا جا سکے۔

کراچی : مصطفیٰ عامر قتل کیس کے ملزم ارمغان کیخلاف منی لانڈرنگ کے عبوری چالان میں انکشاف کیا گیا کہ ملزم کالز سینٹر سے ماہانہ 3سے 4لاکھ ڈالرز کماتاتھا اور اپنے اثاثے کرپٹو کرنسی میں بھی منتقل کیا کرتا تھا۔

تفصیلات کے مطابق مصطفیٰ عامر قتل کیس کے ملزم ارمغان کیخلاف منی لانڈرنگ کا عبوری چالان جمع کردیا گیا ، ایف آئی اے نے انسداددہشت گردی کی منتظم عدالت میں عبوری چالان جمع کرایا۔

جس میں کہا ہے کہ ارمغان اور اس کے ساتھی امریکا کے مختلف اداروں کے اہلکار بن کر لوگوں سےبات کرتےتھے، ارمغان اپنے اثاثے کرپٹو کرنسی میں بھی منتقل کیاکرتاتھا اور اندازے کے مطابق کالز سینٹر سے ماہانہ 3 سے  4لاکھ ڈالرز کماتا تھا۔

عبوری چالان میں کہا گیا کہ ارمغان کے پاس 8 گاڑیاں ہیں، جس کی مالیت 154 ملین سے زیادہ ہے، ملزم کے خلاف ثبوت 18لیپ ٹاپس میں موجودہیں، لوگوں کو بیوقوف بنانے والے اسکرپٹ بھی ملزم کیخلاف ثبوت ہیں۔

مزید پڑھیں : مصطفیٰ عامر قتل کیس: ارمغان کو منشیات فراہم کرنے والے ملزم کا دوران تفتیش اہم انکشاف

ایف آئی اے نے کہا کہ ارمغان نے مختلف کال سینٹرزمیں کام کرنےکے بعد 2018میں اپنی ہی کمپنی رجسٹر کرالی تھی، ارمغان اورکامران قریشی دونوں منی لانڈرنگ میں ملوث ہیں۔

عبوری چالان کے مطابق ارمغان کی جانب سے چھوٹے پیمانے پر ڈرگز کی خرید وفروخت کا کام بھی شروع کردیا گیا تھا، ڈارک ویب کااستعمال کرکےمختلف ممالک سےمنشیات منگوائی جاتی تھی،ادائیگی کرپٹو میں ہوتی تھی۔

چالان میں مزید کہا گیا کہ امریکی شہریوں کو بیوقوف بنا کر ارمغان سالانہ  25بلین ڈالر کماتا تھا اور کال سینٹرز ایجنٹس کو75 ہزار بیسک سیلری پر رکھا جاتاتھا جبکہ کال سینٹرزایجنٹس کی سیلری کی رقم ساڑھے 4لاکھ تک بڑھ بھی جایا کرتی تھی۔

کراچی : ایف آئی اے ٹیم مصطفی عامر قتل کیس کے ملزم ارمغان سے باقاعدہ تحقیقات کا آغاز کرے گی، جس میں تحقیقات کی جائیں گی کہ ارمغان کے ساتھ اور کون ملوث ہے۔

تفصیلات کے مطابق مصطفی عامر قتل کیس کے ملزم ارمغان کی ایف آئی اے کو حوالگی کے معاملے پر ایف آئی اے اینٹی منی لانڈرنگ ٹیم جیل سے ایف آئی اے دفتر پہنچی۔

ایف آئی اے ٹیم باقاعدہ تحقیقات کا آغاز کرے گی ، گرفتار ملزم سے منی لانڈرنگ سے متعلق تحقیقات کی جائیں گی۔

حکام نے کہا کہ ٹیم ملزم ارمغان کو سوالنامہ دے گی اور تحقیقات کی جائیں گی کہ ارمغان کے ساتھ اورکون ملوث ہے۔

حکام کا کہنا تھا کہ بین الاقوامی کنکشنز اور ٹرانزیکشنز کی تحقیقات کی جائیں گی، منی لانڈرنگ کےپیسےکس مدمیں کس کو اور کتنے دیے گئے تحقیقات ہوں گی اور تمام معلومات اکٹھی کرکے کیس ریکارڈ فائنل کیا جائے گا۔

ایف آئی اے ٹیم نے کہا کہ سوائےکال سینٹرمیں دی گئی تنخواہوں کے تمام کا حساب ہوگا، پراپرٹیز، گاڑیوں، انٹرنیشنل والٹس سے متعلق معلومات حاصل کی جائیں گی اور پتہ لگایا جائے گا گرفتاری کے وقت ارمغان کی مدد کس  نے کی۔

حکام کے مطابق گرفتاری کے بعد اگر پیسے ٹرانسفر ہوئے اس کا بھی پتہ چل جائے گا ایف آئی اے اپنا ٹیکنیکل کام تقریباً مکمل کر چکی ہے ، ارمغان کی منی لانڈرنگ سے متعلق تمام معلومات حاصل کریں گے۔

کراچی : مصطفی عامر قتل کیس کے مرکزی ملزم ارمغان کے خلاف منی لانڈرنگ کی تحقیقات شروع کردی گئیں۔

تفصیلات کے مطابق ایف آئی اے اینٹی منی لانڈرنگ اینڈ کاونٹرفنانسنگ آف ٹیرارزم نے گذشتہ روزڈیفنس میں ارمغان کے گھر سرچ آپریشن کرتے ہوئے ایک قیمتی کار18 لیپ ٹاپس اور دیگر اہم دستاویزات کو تحویل میں لیا تھا، جس کے بعد اب وفاقی تحقیقاتی ادارے نے ارمغان کے خلاف منی لانڈرنگ کی تحقیقات شروع کردی ہیں۔

ایف آئی اے ذرائع نے بتایا کہ ٹیکنیکل ٹیم کو شواہد ملتے ہی سب سے پہلے ارمغان کے خلاف مقدمہ درج کرکے اس کی گرفتاری کی جائے گی اور باقاعدہ تفتیش کا آغاز کیا جائے گا۔

ایف آئی اے ارمغان سے پہلے بھی ایک غیررسمی ملاقات کرچکی ہے، سرچ آپریشن کے بعد گھر سے برآمد سامان سے ایف آئی اے کو کیس میں مدد حاصل ہوگی۔

مزید پڑھیں : ایف آئی اے اینٹی منی لانڈرنگ ٹیم نے ارمغان کے گھر سے کیا برآمد کیا؟

ایف آئی اے ذرائع کے مطابق ارمغان ایک نہایت ہی ہوشیار اور چالاک لڑکا ہے، جس نے ایسی صورتحال کے لیے پہلے سے تیاری کررکھی تھی۔

ذرائع نے کہا ارمغان جسے ملزم ڈیجیٹل فٹ پرنٹس نہیں چھوڑتے، برآمد دستاویزات سے کئی شواہد سامنے آئے ہیں، ایف آئی اے کو اب اتنا مٹیریل مل چکا ہے کہ باآسانی کیس پر کام کرسکتے ہیں۔

ذرائع کا کہنا تھا کہ ارمغان کی گرفتاری کے بعد ہی اگرتحقیقات ملتی تو کیس جلد ٹریس ہوتا، چھاپہ مار ٹیم کی جانب سے 11 صفحات پر مشتمل سیزر میمو بنایا گیا ہے، جس کے مطابق تلاشی کے دوران گھر سے اوڈی ای ٹرون گاڑی 18 لیپ ٹاپس، گرفک کارڈ ، فور جی بولٹ ڈیوائس ، ایما اور آئڈہ کمپنی کی چیک بکس اور کئی علیحدہ چیک بھی ملے۔

اس کے علاوہ متعدد شناختی کارڈز کی کاپیاں، بینک کو لکھے گئے لیٹز اورصدیقی سیکیورٹی سروس کے سیکیورٹی گارڈز کا اتھارٹی لیٹر ملا اور تلاشی کے دوران کامران اصغرقریشی کے نام کے اسلحہ لائسنس کی کاپی بھی ملی اوراسلحہ لے کر چلنے کا پرمٹ بھی ملا۔

سرچ آپریشن میں متعدد انوائسز، سیل اور ٹیکس سرٹیفکیٹ اور دستاویزات کے ساتھ ارمغان کے نام پر ایگزٹ کمپنی کا اپوائنٹمنٹ لیٹر بھی ملا، سیزرمیمو کے مطابق آن لائن فراڈ سے متعلق ایک اسکرپٹ کی کاپی بھی گھر سے ملی جبکہ کئی افراد کی سی ویز، جاوید اینڈ کامران باونسر اسکواڈ سے معاہدے کی کاپی بھی ملی۔

تلاشی کے دوران ارمغان اور کامران قریشی کے آن لائن اکاونٹس کی ڈائری کے ساتھ ارمغان اور کامران قریشی کے کئی ویزا اور ڈیبٹ کارڈ بھی گھر سے ملے جوبینک آف امریکہ اور دیگر بینک کی جانب سے جاری کیے گئے ہیں۔

کراچی : مصطفیٰ عامر قتل کیس کے مرکزی ملزم ارمغان کے منی لانڈرنگ میں ملوث ہونے سے متعلق تحقیقات شروع کردی گئیں۔

تفصیلات کے مطابق مصطفیٰ عامر قتل کیس میں وفاقی تحقیقاتی ادارے (ایف آئی اے) نے ارمغان کے منی لانڈرنگ میں ملوث ہونے سے متعلق تحقیقات شروع کردی۔

اینٹی منی لانڈرنگ سرکل اورسائبر کرائم سرکل مشترکہ تفتیش کررہے ہیں، حکام نے بتایا کہ ارمغان کے تمام اکاؤنٹس اور پراپرٹیز کو 90 روز کیلئے منجمد کر رہے ہیں۔

ایف آئی اے حکام کا کہنا تھا کہ ارمغان نے اکاؤنٹس سےجن افراد کیساتھ ڈیلنگ کی انہیں بھی شامل تفتیش کیا جائے گا۔

مزید پڑھیں : مصطفیٰ عامر کیس میں ارمغان اور دیگر کیخلاف گھیرا تنگ

منی لانڈرنگ میں ملوث ہونے کے حوالے سے شواہد دینے کیلئے سی آئی اے کو خط لکھ دیا ہے، ملزم کے سائبرکرائم میں ملوث ہونے کے حوالے سے شواہد کا فرانزک کروائیں گے۔

یاد رہے گذشتہ روز قومی اسمبلی کی قائمہ کمیٹی برائے داخلہ نے مصطفی عامر قتل کیس میں ایف آئی اے سائبر کرائم کو تحقیقات کرنے کا حکم دیا تھا۔

بعد ازاں ماہر ایف آئی اے افسران پر مشتمل 3 رکنی کمیٹی تشکیل دے دی گئی تھی، ڈپٹی ڈائریکٹر فرانزک اسلم منظور کمیٹی کی سربراہی کریں گے جبکہ
اسسٹنٹ ڈائریکٹر فرانزک عامرزیب ٹیم میں بطور ممبر شامل ہوں گے جب کہ سب انسپکٹر شعیب شہاب بھی بطور ممبر تحقیقاتی ٹیم میں شامل ہیں۔

کراچی : مصطفی عامر قتل میں ملوث ملزم ارمغان کے منی لانڈرنگ میں ملوث ہونے کا انکشاف سامنے آیا، شواہد دیکھ کر منی لانڈرنگ کا مقدمہ درج کیا جائے گا۔

تفصیلات کے مطابق پولیس نے مصطفی عامر قتل میں ملوث ارمغان کے غیر قانونی سرگرمیوں اور منی لانڈرنگ میں ملوث ہونے کا شبہ ظاہر کیا۔

ایف آئی اے حکام نے بتایا کہ پولیس کےتفتیشی افسر نے عدالت میں ملزم کے منی لانڈرنگ میں ملوث ہونے کا انکشاف کیا، پولیس ہم سے رابطہ کرے گی تو شواہد دیکھ کر منی لانڈرنگ کا مقدمہ بھی درج کریں گے۔

حکام کا کہنا تھا کہ ملزم کے گھر میں غیرقانونی کال سینٹر اور سافٹ وئیر ہاؤس کے حوالے سے معاونت کریں گے ، ایف آئی اے سائبر کرائم اے وی سی سی کی تفتیش میں معاونت کرے گی۔

ایف آئی اے نے مزید کہا کہ لیپ ٹاپ کو ڈی کوڈ کرنے اور دیگر ڈیجیٹل شواہد تک پہنچنے میں بھی پولیس کو مدد فراہم کریں گے۔

مزید پڑھیں : مصطفیٰ عامر قتل کیس میں ایک اور لڑکی کا نام سامنے آگیا، ملزمان کے مزید سنسنی خیز انکشافات

اس سے قبل پولیس نے بتایا تھا کہ ارمغان بوٹ تھانہ بیسن،کلفٹن، ساحل اور درخشان کے کئی مقدمات میں نامزد و مفرور ہے، وہ کال سینٹراور ویئرہاؤس چلارہا تھا،غیر قانونی سرگرمیوں میں ملوث ہے۔

حکام کا کہنا تھا کہ ملزم سےغیر قانونی سرگرمیوں اور ملوث نعمان و دیگر ساتھیوں کا پتہ لگانا ہے، ساتھ ہی منی لانڈرنگ میں ملوث ہونے کی بھی معلومات حاصل کرنی ہیں۔