Tag: منی لانڈرنگ کیس

کراچی: ایم کیو ایم کے قائد الطاف حسین نے کہا ہے کہ اُنھیں دھمکیاں دینے کے بجائے حکمراں اپنی صفوں میں جائزہ لیں۔

حیدرآبادزونل کمیٹی کےارکان سے ٹیلی فون پرگفتگومیں الطاف حسین کا کہنا تھا آئی ایس آئی کے سابق سربراہوں کے خلاف خواجہ آصف کے بیان پر چوہدری نثار خاموش رہے، اُن پرجھوٹے الزامات لگائے جارہے ہیں اُنھوں نے ملک کے خلاف بات نہیں کی۔

 الطاف حسین نے کہاکہ اُنھیں جھوٹے مقدمات میں پھنسا کر جیل بھیجا جاسکتاہے، مافیاز کے ذریعے قتل بھی کرایاجاسکتاہے،اگراُنھیں کچھ ہوجائے تو کارکنان تحریک زندہ رکھیں اورکسی قیمت پرقانون ہاتھ میں نہ لیں۔

کراچی : متحدہ قومی موومنٹ کے ترجمان نے اپنے ایک اعلامیہ میں کہاہے کہ لندن میٹروپولیٹن پولیس نے منی لانڈرنگ کیس میں قائدتحریک الطاف حسین کی پولیس ضمانت میں 5اکتوبر2015ء تک کی توسیع کردی ہے ۔

ترجمان نے مزیدکہاکہ ایم کیوایم کے سینئرممبرسیدطارق میرکی ضمانت میں 6 اکتوبرجبکہ رابطہ کمیٹی کے رکن محمدانور کی ضمانت میں 7اکتوبر تک توسیع کی گئی ہے۔

واضح رہے کہ اس سے قبل میٹروپولیٹن پولیس نے منی لانڈرنگ کے الزام  میں پہلے سے جاری تفتیش کے سلسلے میں ایم کیوایم کے قائد الطاف حسین کی ضمانت میں جولائی تک کیلئے توسیع کی تھی۔