Tag: منی لانڈرنگ کیس

  • منی لانڈرنگ کیس، طارق میرکی ضمانت میں جولائی تک توسیع

    منی لانڈرنگ کیس، طارق میرکی ضمانت میں جولائی تک توسیع

    لندن: برطانیہ کی پولیس نے منی لانڈرنگ کے الزام میں ایم کیوایم کے سینئر رکن سیدطارق میرکی ضمانت میں جولائی تک کیلئے توسیع کردی ہے۔

    ترجمان ایم کیو ایم کے مطابق سیدطارق میر اپنے وکیل کے ہمراہ پہلے سے طے شدہ اپائنمنٹ کے تحت سینٹرل لندن کے پولیس اسٹیشن پہنچے تھے جہاں ان سے منی لانڈرنگ کے الزام کے سلسلے میں پہلے سے جاری تفتیش کے تحت سوالات کئے گئے۔

    ترجمان کا کہنا ہے کہ ایم کیوایم کسی بھی قسم کی منی لانڈرنگ میں ملوث ہونے کی تردید کرتی ہے۔

  • منی لانڈرنگ کیس: سرفراز مرچنٹ کی بھی ضمانت میں توسیع

    منی لانڈرنگ کیس: سرفراز مرچنٹ کی بھی ضمانت میں توسیع

    لندن : منی لانڈرنگ کیس میں سرفراز مرچنٹ کی ضمانت میں بھی وسط جولائی تک توسیع ہوگئی ہے۔

    تفصیلات کے مطابق لندن میں رقم کے غیر قانونی لین دین کے الزامات کی زد میں آئے سرفراز مرچنٹ مدت ضمانت ختم ہونے پر لندن پولیس کے روبرو پیش ہوئے۔

      لندن پولیس نے پاکستانی نژاد تاجر سرفراز مرچنٹ سے دو گھنٹے تک تفتیش کی اور ان کی ضمانت میں وسط جولائی تک توسیع کردی۔

    سرفراز مرچنٹ کو گزشتہ برس منی لانڈرنگ کے الزام میں گرفتاری کے ضمانت پر رہا کردیا گیا تھا، سرفراز مرچنٹ پر ایم کیو ایم کے کئی رہنماؤں سے رقم کے غیر قانونی لین دین کا الزام ہے۔

    گزشتہ روز ایم کیو ایم کے قائد الطاف حسین کو بھی منی لانڈرنگ کے الزمات میں پوچھ گچھ کے بعد جولائی تک ضمانت میں توسیع دی گئی ہے۔

  • منی لانڈرنگ کیس: الطاف حسین کی ضمانت کی مدت آج ختم

    منی لانڈرنگ کیس: الطاف حسین کی ضمانت کی مدت آج ختم

    لندن: منی لانڈرنگ کیس میں ایم کیو ایم کے قائد الطاف حسین کی ضمانت کی مدت آج ختم ہورہی ہے، جس کے بعد متحدہ قائد آج پولیس کے سامنے پیش ہونگے۔

     ایم کیو ایم کے قائد الطاف حسین کیخلاف منی لانڈرنگ کی تحقیقات کا آغاز اس وقت ہوا جب لندن پولیس ڈاکٹرعمران فاروق قتل کیس کے سلسلے میں چھ دسمبر دوہزار بارہ کو متحدہ کے دفتر پہنچی اور چھاپے کے دوران، لاکھوں پاؤنڈ برآمد کیے گئے۔

    پولیس متحدہ موقف سے مطمئن نہ ہوئی اور رقم قبضے میں لے لی رقم کے ساتھ کمپیوٹر،اوربعض دستاویزبھی تحویل میں لی گئیں رقم کی برآمدگی کے بعد اسکاٹ لینڈ یارڈ کاؤنٹر ٹیررازم ڈیپارٹمنٹ متحرک ہوا۔

    اٹھارہ جون 2013 کو لندن پولیس نے الطاف حسین کے گھر کی تلاشی لی، گھر سے خطیر پاؤنڈ نکلے، برطانوی قانون کیمطابق رقم غیر قانونی تھی۔

      تین جون2014 اسکاٹ لینڈ یارڈ نے الطاف حسین کی رہائش گاہ کی تلاشی لی، اور متحدہ قائد کو حراست میں لے لیا گیا، علالت کے باعث انہیں اسپتال منتقل کردیا گیا اور6 جون2014 کو اکتیس جولائی تک الطاف حسین ضمانت پر رہا کر دئے گئے۔

    اکتیس جولائی2014 کو متحدہ سربراہ کی ضمانت میں دسمبر2014 تک توسیع ہوگئی، دسمبر میں ایکبار پھر متحدہ قائد کی ضمانت میں 14اپریل 2015تک توسیع کی گئی، ضمانت کی معیاد ختم ہونے کے بعد الطاف حسین کو آج پولیس انٹرویو کیلئے پھر پیش ہونا ہے۔

  • منی لانڈرنگ کیس: ایان علی کے جوڈیشل ریمانڈ میں24 اپریل تک توسیع

    منی لانڈرنگ کیس: ایان علی کے جوڈیشل ریمانڈ میں24 اپریل تک توسیع

    راولپنڈی: منی لانڈرنگ کیس میں کسٹم عدالت نے ماڈل ایان علی کے جوڈیشل ریمانڈ میں چوبیس اپریل تک توسیع کر دی اور کسٹم حکام کو آئندہ سماعت پر چالان پیش کرنے کا حکم دے دیا۔

    منی لانڈرنگ کیس میں گرفتار ماڈل ایان علی عدالت میں برقعہ پہنے بغیر پیش ہوئیں تو کمرہ عدالت میں لوگ موبائل فون سے ان کی تصاویر بنانے لگے، ریمپ پر جلوہ گر ہونے والی ماڈل ایان علی پہلی بار عدالت میں کیپ پہن کر جلوہ گر ہوئیں، بالوں اور کیپ سے اپنے چہرے کو چھپانے میں جب کامیاب نہ ہوسکیں تو پھر فیشن ایبل لباس زیب تن کرنے والی ایان میں انقلابی تبدیلی آئی اور انھوں نے برقعہ اوڑھ لیا۔

    اب جب تیسری مرتبہ عدالت آئیں تو نہ کیپ تھی اور نہ برقعہ تھا کمرہ عدالت میں موجود لوگوں نے جب ایان کا یہ روپ دیکھا تو موبائل فون سے تصویریں بنانے لگے۔

    منی لانڈرنگ کیس میں ماڈل آیان علی کو راولپنڈی کی کسٹم عدالت میں پیش کیا گیا، عدالت نے بے نظیر انٹر نیشنل ائیر پورٹ سے ڈالر اسمگلنگ کیس میں گرفتار ماڈل آیان علی کے جوڈیشنل ریمانڈ میں چو بیس اپریل تک توسیع کر دی۔

    دوران سماعت کسٹم کے تفتیشی افسر نے عدالت سے استدعا کی کہ آیان علی کے خلاف تحقیقات جاری ہیں، جس کے باعث مقدمے کا چالان ابھی مکمل نہیں ہوا، مہلت دی جائے جس پر عدالت نے کسٹم حکام کو آئندہ سماعت پر مکمل چالان پیش کرنے کا حکم دیا۔

    گزشتہ سماعت میں کسٹم عدالت نے ماڈل ایان علی کے جوڈیشل ریمانڈ میں 11 اپریل تک کی توسیع کردی تھی جبکہ ملزمہ کی جیل میں بی کلاس دینے کی درخواست مسترد کردی تھی۔

    واضح رہے کہ ماڈل ایان علی کو اسلام آباد ایئرپورٹ سے غیر ملکی کرنسی اسمگل کرنے کے الزام میں گرفتار کیا تھا۔

  • منی لانڈرنگ کیس، الطاف حسین کی ضمانت چودہ اپریل کو ختم ہورہی ہے

    منی لانڈرنگ کیس، الطاف حسین کی ضمانت چودہ اپریل کو ختم ہورہی ہے

    لندن: ایم کیو ایم قائد الطاف حسین منی لانڈرنگ کیس میں ضمانت پر ہیں، ان کی ضمانت چودہ اپریل کو ختم ہورہی ہے۔

    لندن پولیس نےعمران فاوق قتل کیس کی تحقیقات میں پانچ دسمبر سنہ 2013 کو متحدہ قومی موومنٹ کے سربراہ کے گھر پر چھاپہ مارا، جس کے بعد منی لانڈرنگ کا جن بوتل سے باہر آگیا، الطاف حسین کے گھر اور دفتر پر چھاپے میں بھاری مقداد میں نقدی برآمد کی گئی تھی، جس کےنتیجےمیں ڈاکٹر فاروق کے قتل کے علاوہ منی لانڈرنگ کی تحقیقات بھی شروع کر دی گئیں۔

    اس کیس میں جاری تحقیقات کے دوران تین جون 2014 میں پولیس نے ایم کیو ایم کے قائد الطاف حسین کو منی لانڈرنگ کے الزامات میں گرفتار کر لیا تھا۔

    سات جون کو انھیں ابتدائی تفتیش کے بعد جولائی تک ضمانت پر رہا کر دیا تھا، بعد میں ان کی ضمانت میں 14 اپریل 2015 تک توسیع کی دی گئی۔

    بی بی سی کی رپورٹ کےمطابق الطاف حسین پر ڈاکٹر عمران فاروق قتل کیس کے علاوہ، منی لانڈرنگ، ٹیکس چوری اور کراچی میں پارٹی کارکنوں کو تشدد پر اکسانے کے الزامات کی بھی تفتیش کی جا رہی ہے۔

    ایم کیو ایم ان تمام الزامات سے انکار کرتی ہے لیکن الطاف حسین نے ایک بار اپنے ایک ٹیلی فونک خطاب میں کہا تھا کہ لندن پولیس نے ان کا جینا حرام کر رکھا ہے۔

  • منی لانڈرنگ کیس : ایان علی کے جمع کروائے گئے ثبوت  مشکوک قرار

    منی لانڈرنگ کیس : ایان علی کے جمع کروائے گئے ثبوت مشکوک قرار

    اسلام آباد: منی لانڈرنگ کیس میں گرفتارماڈل ایان علی کے جمع کروائے گئے ثبوت کسٹم حکام نے مشکوک قرار دیدیئے ہیں۔

    منی لنڈرنگ کیس میں گرفتار ماڈل ایان ایک کے بعد ایک مشکل میں پڑتی جارہی ہیں، نہ ہی طبعیت ساتھ دے رہی ہے اور نہ ہی قسمت،  کسٹم حکام نے منی لانڈرنگ کیس میں ایان علی کے ثبوت کو مشکوک قرار دے دیا۔

    جس کے بعد ایان علی کی مشکلات دگنی ہوگئیں ہیں۔

    ایان علی کے وکیل اور ثبوت فراہم کرنے والے پراپرٹی ڈیلر کو بھی تفتیش میں شامل کرنے کا فیصلہ کرلیا گیا۔

    کسٹم حکام کے مطابق اسٹام فروش سے بھی تفتیش کی جائیگی کہ ایان علی تو اڈیالہ جیل میں ہے پھر اسٹام پر دستخط کس نے کیے ہیں جب کہ اڈیالہ جیل کے سپرنٹنڈنٹ بھی اس کی تصدیق نہیں کی لہٰذا ثبوتوں کی جانچ پڑتال کے لئے ماڈل کے پراپرٹی ڈیلر اور اسٹامپ پیپر فروخت کرنے والے کو شامل تفتیش کرلیا گیا ہے، تفتیشی ٹیم آج پراپرٹی ڈیلر کا بیان ریکارڈ کرے گی۔

    واضح رہے کہ ماڈل ایان علی کو 14 مارچ کو اسلام آباد ایئرپورٹ  پر غیر ملکی کرنسی بیرون ملک اسمگلنگ کرنے کے الزام میں گرفتار کیا گیا تھا جب کہ ان کی درخواست ضمانت بھی مسترد کی جاچکی ہے۔

  • منی لانڈرنگ کیس : ماڈل ایان علی کی درخواست ضمانت خارج

    منی لانڈرنگ کیس : ماڈل ایان علی کی درخواست ضمانت خارج

    راولپنڈی :راولپنڈی کسٹم خصوصی عدالت کے جج چوہدری ممتاز خان نے ائرپورٹ منی لانڈرنگ کیس میں ملک کی معروف ماڈل ایان علی کی درخواست ضمانت خارج کردی ہے۔

    ٹاپ ماڈل ایان علی کوعدالت میں پیش کیا گیا، تفتیشی افسر کا کہنا تھا کہ ایان نے ڈالر اسمگلنگ کا اعتراف کرلیا ہے، پانچ سال تک سزا ہوسکتی ہے۔

    ایان علی کے خلاف کسٹم ایکٹ کے تحت بے نظیر انٹرنیشنل ائرپورٹ پر کسٹم حکام نے 5لاکھ سے زائد امریکی ڈالر دوبئی لے جانے کی کوشش میں گرفتار کرکے مقدمہ درج کیا تھا، ایان علی کو چودہ روزہ جوڈیشل ریمانڈ پر جیل منتقل کردیا گیا تھا۔

    ایان علی کے والد محمد حفیظ نے بیٹی کی ضمانت کے لئے درخواست دائر کی، فاضل عدالت نے ان کے وکیل کے دلائل سے اتفاق نہ کرتے ہوئے درخواست ضمانت خارج کردی۔

    اے آر وائی نیوز سے بات چیت کرتے ہوئے ایان علی کے والد نے بتایا کہ بیٹی کے ساتھ ایسےسلوک پر بہت دکھ ہوا، ایک سازش کے تحت ان کی بیٹی کے خلاف مقدمہ درج کیا گیا ہے۔ بیٹی سے جیل میں ملاقات کے بعد حقائق منظر عام پر لاؤں گا، ان کی بیٹی نے یہ رقم اپنی پراپرٹی فروخت کر کے حاصل کی تھی، ایک میری ہی بیٹی کے معاملے کو کیوں اچھالا جارہا ہے جبکہ اس ملک میں بڑے بڑوں اربوں کرو ڑوں کی منی لانڈرنگ کی ہے۔

    اس موقع پر گفتگو کرتے ہوئے مقدمہ کے تفتیشی آفیسر کسٹم انوسٹی گیشن زرغام خان کا کہنا تھا کہ ایان علی نے رقم برآمد ہونے پر اعتراف کرلیا ہے کہ یہ رقم اس کی ملکیت ہے۔

    ٹاپ ماڈل کےبیگ میں کس کی رقم تھی، اس پرطرح طرح کی قیاس آرائیاں ہورہی ہیں، بعض سیاستدانوں کے نام بھی لیےجا رہےہیں، ایان گانوں اورماڈلنگ سے اتنی مشہورنہیں ہوئیں، جتنی اب بدنامی ہوگئی ہے۔

  • راولپنڈی:ایان علی کی درخواست ضمانت پر فیصلہ محفوظ

    راولپنڈی:ایان علی کی درخواست ضمانت پر فیصلہ محفوظ

    راولپنڈی: کسٹم کی خصوصی عدالت نے راولپنڈی ائیرپورٹ سے منی لانڈرنگ کیس میں گرفتار ماڈل ایان علی کی درخواست ضمانت پر فیصلہ محفوظ کرلیا ہے۔

    ماڈل ایان علی کی درخواست ضمانت پر کسٹم حکام نے سماعت کے دروان ریکارڈ عدالت میں جمع کرایا، جس کے بعد کسٹم کی خصوصی عدالت نے فیصلہ محفوظ کرلیا ہے، ایان سے برآمد رقم پر ان کے والد محمد حفیظ کا کہنا تھا کہ رقم پراپرٹی کو فروخت کرکے بعد ملی تھی ۔ مشہور ماڈل کیساتھ ایسا سلوک دیکھ کر افسوس ہوا ہے۔

    یاد رہے کہ ہفتہ کے روز بینظیرانٹرنیشنل ائیرپورٹ پر ملک کی نامور ماڈل آیان علی کو گرفتار کر کے 5 لاکھ امریکی ڈالر برآمد کرلیے گئے تھ، ماڈل آیان علی  پرغیر ملکی کرنسی اسمگل کرنے کا الزام  ہے۔،

    آیان علی نجی ایئرلائن کی پرواز کے ذریعے دبئی جا رہی تھیں کہ سامان کی تلاشی کے دوران بیگ کے خفیہ خانوں سے پانچ لاکھ ڈالر سے زائد کی رقم برآمد ہوئی، جس پر انہیں غیر ملکی کرنسی اسمگل کرنے کی کوشش کے الزام میں گرفتار کرلیا گیا۔

    کسٹم حکام نے ملزمہ کو حراست میں لے کر انھیں کسٹم ہاؤس منتقل کردیا گیا تھا جبکہ ایان علی کے خلاف کسٹم ایکٹ کے تحت مقدمہ درج کرلیا گیا تھا۔

  • الطاف حسین کیخلاف منی لانڈرنگ کیس ختم کئے جانے کا امکان

    الطاف حسین کیخلاف منی لانڈرنگ کیس ختم کئے جانے کا امکان

    کراچی/لندن: برطانیہ کی جانب سے ایم کیو ایم کے قائد الطاف حسین کیخلاف منی لانڈرنگ کیس ختم کر نے کا امکان پیدا ہوگیا ہے۔ حیدر عباس رضوی کا کہنا ہے کہ ایم کیو ایم اس حوالے سے لیگل نوٹیفکیشن کا انتظار کر رہی ہے۔

    تفصیلات کے مطابق اہم ذارئع کا کہنا ہے کہ برطانیوی حکومت ایم کیو ایم کے قائد الطاف حسین پر قائم منی لانڈرنگ کیس کو ختم کرنے کے حوالے سے سوچ رہی ہے، جس کی وجہ یہ بتائی گئی ہے کہ گزشتہ روز ان کے کزن افتخار حسین کی رہائی کے بعد کیا جارہا ہے۔ واضح رہے کہ افتخار حسین کو ڈاکٹر عمران فاروق قتل کیس میں گرفتار کیا گیا تھا جن کو گزشتہ روز برطانیوی پولیس نے رہا کردیا ہے۔

    اس حوالے سے ایم کیو ایم کے اہم رہنما حیدر عباس رضوی کا کہنا تھا کہ ایم کیو ایم الطاف حسین پر منی لانڈرنگ کیس کے ختم کرنے کے حوالے سے لیگل نوٹس کا انتظار کر رہی ہے اور ایم کیو ایم برطانیوی حکام کی کلیئرنس کے بعد جشن بھی منائے گی۔