Tag: منی لانڈرنگ کیس

لاہور: مقامی عدالت نے ایف آٸی اے منی لانڈرنگ کیس میں پرویز الہی کا جسمانی ریمانڈ کی استدعا مسترد کرتے ہوئے چودہ روزہ جوڈیشل ریمانڈ پر جیل بھجوا دیا۔

تفصیلات کے مطابق وفاقی تحقیقاتی ادارے (ایف آئی اے) نے سابق وزیراعلیٰ پنجاب پرویز الہی کو کیمپ جیل سے گرفتار کرنے کے بعد ان کا جسمانی ریمانڈ لینے کیلئے ضلع کچہری لایا گیا۔

جوڈیشل مجسٹریٹ کے روبرو ایف آئی اے کے وکیل نے تفتیش کیلئے جسمانی ریمانڈ دینے کی استدعا کی، سرکاری وکیل نے بتایا کہ پرویز الٰہی کیخلاف پانچ کمپنیوں کے ذریعے منی لانڈرنگ کا مقدمہ درج ہے اور جو ملزم منی لانڈرنگ میں سہولت کار ہو یا شامل ہو اس سے تحقیقات ہونی ہے، ایف آئی اے کے وکیل نے تفتیش کرنی ہے کہ کتنے مزید افراد اس منی لانڈرنگ میں ملوث ہیں اس کی معلومات حاصل کرنی ہیں۔

ایف آٸی اے نے وکیل نے کہا کہ 2004 میں ایک کمپنی بنائی گئی، 71 فیصد شئیر ان کے ہیں یہ آف شور کمپنی ہے، جنرل مینٹرنگ کمپنی یہ پانامہ میں شامل ہے،تمام دیگر کمپنیوں کا پتہ ایک ہیں، مونس الٰہی 23 فیصد شئیر کا مالک ہیں جبکہ ٹریکٹر بنانے والی کمپنی 2012 میں لائسنس کی معیاد ختم ہو گئی اور 2016 میں انہیں رقم منتقل کی گئی اور آف شور کمپنیوں کے ذریعے پیسہ پاکستان منتقل کیا گیا۔

سرکاری وکیل کے مطابق تفتیش میں معلوم ہو گا کہ ملزم قصور وار ہے یا نہیں، پرویز الہی کے وکیل رانا انتظار نے جسمانی ریمانڈ دینے کی مخالفت کی اور کہا ایف آئی آر کے پہلے صفحے پر پرویز الٰہی کا کوئی نام نہیں لیا گیا، دوسرے صفحہ پر پرویز الٰہی کا نام درج کیا گیا ہے، اس مقدمہ میں پرویز الٰہی پر کوئی الزام نہیں لگایا گیا، تمام مقدمات سیاسی بنیادوں پر بنائے گئے۔

رانا انتظار کا کہنا تھا کہ کہ گزشتہ روز پرویز الٰہی کی ضمانت ہوئی ہے اور اس مقدمے میں کوئی نوٹس تک جاری نہیں کیا گیا اور نہ ہی کسی عدالت سے اس مقدمے میں گرفتاری کے لیے رجوع کیا گیا۔

پرویز الہی کے وکیل نے بتایا کہ لاہور ہائیکورٹ اسی نوعیت کے الزامات پر ایک مقدمہ خارج کر چکی ہے، وکیل نے استدعا کی کہ پرویز الہی کو منی لانڈرنگ کے مقدمے سے ڈسچارج کیا جائے، ان کے ساتھ مناسب سلوک نہیں ہو رہا کوٸی سہولت نہیں دی گٸی، کوٹھڑی کے فرش پر کیڑے ریگتے ہیں جو لباس پہلے دن پہنا تھا، آج بھی وہی ہے، یہ ہاٸی کورٹ کا بھی حکم نہیں مان رہے۔

عدالت نے وکلا کے دلاٸل سننے کے بعد جسمانی ریمانڈ کی استدعا مسترد کر دی اور سابق وزیراعلی کو جوڈیشل ریمانذ پر جیل بھجوا دیا۔

لاہور : جوڈیشل مجسٹریٹ نے 5 کمپنیوں کے ذریعے منی لانڈرنگ کے کیس میں سابق وزیراعلیٰ پنجاب پرویزالہٰی کے جسمانی ریمانڈ پر فیصلہ محفوظ کرلیا۔

تفصیلات کے مطابق وفاقی تحقیقاتی ادارے (ایف آئی اے) نے منی لانڈرنگ کیس میں گرفتار سابق وزیراعلیٰ پنجاب پرویز الہٰی کو جوڈیشل مجسٹریٹ کی عدالت میں پیش کردیا۔

جوڈیشل مجسٹریٹ غلام مرتضیٰ ورک نے پرویز الٰہی کی 5کمپنیوں کے ذریعے منی لانڈرنگ کے کیس میں جسمانی ریمانڈ کی درخواست پرسماعت کی۔

ایف آئی اے نے چوہدری پرویز الہٰی کا جسمانی ریمانڈ مانگ لیا ، ایف آئی اےوکیل نے بتایا کہ پرویز الہٰی کیخلاف ٹھوس شواہدثبوت موجود ہیں۔

وکیل ایف آئی اے کا کہنا تھا کہ جو منی لانڈرنگ میں سہولت کار یا شامل ہو اس سےتحقیقات ہونی ہیں، کتنے مزید افراد منی لانڈرنگ میں ملوث ہیں اس کی معلومات حاصل کرنی ہیں، ملزم قصور وار ہے یابے گناہ یہ تفتیش میں سامنے آسکےگا، جبران خان نےفرنٹ مین کے طور پر کام کیا، جبران خان کوتحقیقات کے لیےبلایا مگر پیش نہیں ہوئے۔

پرویزالہٰی کے وکیل رانا انتظار نے کہا کہ 5کمپنیوں کا پتہ ایک ہی جگہ کا بتایا جا رہا ہے، مونس الٰہی کے 31 فیصد شیئرز بتائے گئے ہیں ، مقدمےمیں پرویز الٰہی پر کرپشن کاکوئی الزام نہیں لگایا گیا،کچھ کمپنیوں کے ذریعےمنی لانڈرنگ کا الزام لگایا گیا ہے، 8 جون کوپرویز الٰہی کو گرفتار کیا گیا،3 مقدمات قائم کیے گئے، تمام مقدمات سیاسی بنیادوں پر بنائےگئے،گزشتہ روز پرویزالٰہی کی ضمانت ہوئی۔

راناانتظار کا کہنا تھا کہ اس کیس میں کوئی نوٹس تک جاری نہیں کیا گیا، کسی عدالت سےاس کیس میں گرفتاری کے لیےرجوع نہیں کیاگیا،جبران خان کو مونس الٰہی کافرنٹ مین بتایا گیا ہے پرویزالٰہی کانہیں، باپ بیٹے اور بیٹا باپ کےکاموں کا ذمہ دار نہیں ہے۔

پرویزالہٰی کے وکیل نے سوال کیا کہ کیا ان کمپنیوں کےخلاف دنیا بھر میں کیا کوئی شکایات درج ہیں ،پرویز الٰہی نان کمپنیوں کے ڈائیریکٹر،شیئر ہولڈرنہیں ہیں، استدعا ہے پرویزالہٰی کےجسمانی ریمانڈ کی استدعا مسترد کی جائے۔

جوڈیشل مجسٹریٹ کی عدالت نے 5 کمپنیوں کے ذریعے منی لانڈرنگ کے کیس میں پرویز الہٰی کے جسمانی ریمانڈ پر فیصلہ محفوظ کرلیا۔

یاد رہے سابق وزیراعلیٰ پنجاب پرویزالہی کو عدالت پیشی سے قبل سروسزاسپتال لے جا کرمعائنہ کرایا گیا، جس میں ڈاکٹروں نے پرویزالہی کو صحت مند قرار دیا تھا۔