Tag: منی لانڈرنگ

  • یورپی پارلیمنٹ میں منی لانڈرنگ پر 4 برس قید کا قانون منظور

    یورپی پارلیمنٹ میں منی لانڈرنگ پر 4 برس قید کا قانون منظور

    برسلز : یورپی پارلیمنٹ کے قانون سازوں نے منی لانڈرنگ کرنے والے کو 4 برس قید کی سزا دینے کا قانون منظور کرتے ہوئے ہنگری کے خلاف آرٹیکل 7 کی خلاف پر قرارداد بھی پیش کردی۔

    تفصیلات کے مطابق یورپی ممالک میں منی لانڈرنگ کی روک تھام کے لیے گذشتہ روز یورپی پارلیمنٹ میں نئی قانون سازی عمل لائی گئی ہے جس کے تحت یورپی یونین میں منی لانڈرنگ کرنے والے شخص کو کم از کم 4 برس قید کی سزا دینے کا بل پاس ہوا ہے۔

    غیر ملکی خبر رساں ادارے کا کہنا تھا کہ گذشتہ روز منی لانڈرنگ کی روک تھام کے حوالے سے ہونے والے یورپی پارلیمنٹ کے اجلاس میں ارکان ممالک نے نئے قانون کی منظوری دے دی۔

    یورپی میڈیا کا کہنا ہے کہ ارکین پارلیمنٹ نے فیصلہ کیا کہ 10 ہزار یورو کیش کی حد کے باوجود اگر کسی پر شک ہوا تو اس کی نقدی ضبط کی جائے گی۔

    یورپی خبر رساں ادارے کا کہنا ہے کہ پارلیمنٹ نے نئی قانون سازی کا بل اس لیے منظور کیا تھا دہشت گردوں کی مالی معاونت کو روکا جاسکے۔

    غیر ملکی خبر رساں ادارے کا کہنا ہے کہ یورپی پارلیمنٹ کے اجلاس میں یورپی یونین کاپی رائٹس کے قانون کی بھی منظوری دی گئی ہے، جس کے ذریعے نشر و اشاعت کے چھوٹے ادارے بڑی ویب سایٹس جیسے (گوگل، فیس بک) سے زیادہ بااختیار ہوں گے۔

    خبروں کی نشر و اشاعت کرنے والے چھوٹے ادارے مواد کی چوری کے خلاف بڑے اداروں کے خلاف قانونی چارہ جوئی کرسکیں گے۔

    یورپی پارلیمنٹ نے اجلاس میں ہنگری حکومت کو آرٹیکل 7 کی خلاف ورزی پر قرار داد پیش کرتے ہوئے سزا دینے کی حمایت کردی ہے، اگر ہنگری کو سزا ہوئی تو ہنگری یورپی یونین میں ووٹ بھی نہیں دے سکے گا۔

    دوسری جانب ہنگری کی وزارت خارجہ کا کہنا ہے کہ مہاجرت کے حامی سیاست دانوں نے ہنگری سے بدلہ لیا ہے۔

  • پاکستان منی لانڈرنگ میں ٹاپ تھری ملکوں میں سے ہے، رپورٹ

    پاکستان منی لانڈرنگ میں ٹاپ تھری ملکوں میں سے ہے، رپورٹ

    اسلام آباد : فارن بینک اکاؤنٹ کیس میں اسٹیٹ بینک  نے انکوائری  رپورٹ میں کہا کہ پاکستان منی لانڈرنگ میں ٹاپ تھری ملکوں میں سے ہے جبکہ   5027پاکستانیوں کی دبئی میں جائیدادوں کا انکشاف کیا گیا ۔

    تفصیلات کے مطابق فارن بینک اکاؤنٹ کیس میں اسٹیٹ بینک کی جانب سے انکوائری رپورٹ سپریم کورٹ میں پیش کردی گئی ، رپورٹ میں انکوئری کا دائرہ یو کے اور یو اے ای سے آگے بڑھانے کی سفارش کی گئی اور کہا گیا ہے کہ اثاثے واپس لانے والی کمیٹی کا دائرہ اختیار عالمی قانون کے تحت باہمی معلومات تک بڑھایا جائے۔

    اسٹیٹ بینک کی رپورٹ میں کہا گیا برطانوی نیشنل کرائم ایجنسی کی رپورٹ میں پاکستان کا نام لیاگیا، پاکستان منی لانڈرنگ میں ٹاپ تھری ملکوں میں سے ہے۔

    انکوائری رپورٹ کے مطابق 150 بلین ڈالرز کی پرائیویٹ پراپرٹیز منظرعام پر آئیں، دبئی میں 16-2015 میں 135 بلین درہم چھپائے گئے، یو اے ای، یو ایس اے، یو کے، سوئٹزر لینڈ، ہانگ کانگ پناہ گاہیں ہیں، ٹیکس ایمنسٹی اسکیم کے ذریعے 5366افراد نے اثاثے ظاہر کیے، اسکیم کے ذریعے 8.1بلین یو ایس ڈالرز کی جائیدادیں سامنے آئیں۔

    رپورٹ میں کہا گیا فارن اکاؤنٹس انکوائری میں سست روی کی وجہ کمزور نظام ہے، انکوائری میں تاخیرکی وجہ انٹرنیشنل قوانین بھی ہیں۔

     5027 پاکستانیوں کی دبئی میں جائیدادیں ہیں، رپورٹ

    دوسری جانب جعلی بینک اکاؤنٹس کیس میں ایف آئی اے نے سپریم کورٹ میں جواب جمع کرادیا ، جس میں انکشاف کیا گیا ہے کہ 110 ارب روپے مالیت کی 5027 پاکستانیوں کی دبئی میں جائیدادیں ہیں، بیرونی ملک پاکستانیوں کی جائیدادوں کا تخمینہ150 ارب ڈالرز ہے۔

    رپورٹ میں کہا گیا کہ دبئی لینڈ ڈیپارٹمنٹ سے ریکارڈ کی تفصیلات درکارہیں، ایف آئی اے اب تک 54 فوجداری انکوائریاں درج کرچکا ہے، دبئی لینڈ ڈیپارٹمنٹ کا ریکارڈ نہ ملنے سے تحقیقات تعطل کا شکار ہیں۔

    ایف آئی اے رپورٹ کے مطابق 626 پاکستانیوں کی دبئی میں جائیدادیں فرسٹ سورس سےپتہ چلیں جبکہ 7614 جائیدادیں سائبرانٹیلی جنس رپورٹ کی بنیاد پر سامنے آئیں، جائیدادوں کی ریکوری کیلئے باہمی قانونی تعاون کی درخواست کرنا ہوگی۔

    مزید پڑھیں : منی لانڈرنگ کیس ، بیرون ملک جائیداد رکھنے والے 200 افراد کی فہرست طلب

    رپورٹ میں کہا گیا ہے کہ برطانیہ نے پاکستان کو 3منی لانڈرنگ سورس کاملک قرار دیا ہے۔

    خیال رہے منی لانڈرنگ کیس میں چیف جسٹس آف پاکستان نے بیرون ملک جائیداد رکھنے والے 200افراد کی فہرست طلب کرلی جبکہ منی لانڈرنگ کرنے والےڈھائی سو افراد کے کوائف بھی جمع کرانے کا حکم دیا۔

  • منی لانڈرنگ کیس: حسین لوائی اورطحہٰ رضا کی درخواستِ ضمانت پرسماعت

    منی لانڈرنگ کیس: حسین لوائی اورطحہٰ رضا کی درخواستِ ضمانت پرسماعت

    کراچی: منی لانڈرنگ اورجعلی اکاؤنٹس کیس کے ملزمان حسین لوائی اورطحہٰ رضا کی جانب سے دائر کردہ درخواستِ ضمانت پر سماعت ہوئی، تفتیشی افسر نے عدالت میں کہا کہ منی لانڈرنگ کے تمام تر شواہد موجود ہیں۔

    تفصیلات کے مطابق منی لانڈرنگ کیس میں دو ملزمان کی جانب سے دائر کی جانے والی ضمانت کی درخواست کے موقع پر وفاقی تحقیقاتی ادارے ( ایف آئی اے ) کے ایڈیشنل ڈائریکٹر ممتاز الحسن عدالت میں پیش ہوئے۔

    منی لانڈرنگ کیس کی سماعت کے موقع پر ایف آئی اے کے ایڈیشنل ڈائریکٹرممتاز الحسن نے عدالت کو بتایا کیا کہ وائٹ کالرکرائم30 جعلی بینک اکاؤنٹس پرپھیلاہواہے، دیکھناہوگا کہ جعلی بینک اکاوئنٹس کھولنےکےمقاصد کیاتھے۔

    انہوں نے اپنے دلائل میں کہا کہ ملزمان جواب دیں،جعلی اکاوئنٹس کی ضرورت کیوں پیش آئی،20ہزارلینےوالےملازمین کےاکاؤنٹس میں4،4ارب منتقل کیےگئے۔ ممتاز الحسن کا مزید کہنا تھا کہ حسین لوائی نجی بینک کےسربراہ تھے، یہ سب ان کی نگرانی میں ہوا، اومنی گروپ بھی اس اسکینڈل میں برابرکاشریک ہے۔

    دوسری جانب عدالت میں تفتیشی افسر علی ابڑو نے بتایا کہ ٹھیکیداروں کاکک بیک جعلی اکاونٹس کےذریعےمنتقل ہوا ،جس پر عدالت نے استفار کیا کہ ’کیاشواہدہیں یہ رقم غیرقانونی طورپرمنتقل ہوئیں ،عدالت کومطمئن کریں جعلی اکاوئنٹس کی ضرورت کیوں پیش آئی‘‘۔

    اپنے جواب میں تفتیشی افسر کا کہنا ہے کہ حسین لوائی کےموبائل سےثبوت حاصل کرلیےہیں، منی لانڈرنگ کی ساری چین جعلی اکاوئنٹس کےگردگھوم رہی ہے۔مکمل شواہدموجودہیں پیسےکہاں سےآئے اور کیسےنکالے گئے۔

    یاد رہے کہ گزشتہ ماہ حسین لوائی کی گرفتاری کے بعد سیکیورٹی ایسکچینج کمیشن پاکستان نے پاکستان سیکیورٹی ایکسچینج کے بورڈ آف ڈائریکٹر کے فیصلے کو مسترد کرتے ہوئے حسین لوائی کو عہدے سے برطرف کرنےکی ہدایت اورنوٹی فکیشن جاری کیا تھا، جس کے مطابق انہیں ایس ای سی پی کے قانون 2015 کے سیکشن 12 اور انڈر سیکشن 170 عہدے سے برطرف کیے جانے کا حکم دیا گیا ہے۔

    گزشتہ روز میگا منی لانڈرنگ کیس میں سابق صدر اور شریک چیئرمین پیپلز پارٹی آصف علی زرداری کے ناقابل ضمانت وارنٹ گرفتاری جاری کر نے کی خبریں سامنے آئیں تھیں ۔مقدمے میں شریک دیگر ملزمان میں نمرمجید،اسلم مسعود،عارف خان،نصیرعبداللہ حسین لوتھا،عدنان جاوید، عمیر،اقبال آرائیں ، اعظم وزیرخان،مصطفی ذوالقرنین ودیگرکےنام شامل ہیں۔

  • منی لانڈرنگ کی تحقیقات، نیب نے میاں منشا کو آج صبح طلب کرلیا

    منی لانڈرنگ کی تحقیقات، نیب نے میاں منشا کو آج صبح طلب کرلیا

    لاہور: منی لانڈرنگ سے متعلق تحقیقات کے لیے نیب نے آج میاں منشا کو صبح دس بجے طلب کرلیا، تین رکنی ٹیم تفتیش کرے گی۔

    تفصیلات کے مطابق نیب لاہور کی جانب سے 3 رکنی ٹیم میاں منشا سے منی لانڈرنگ کی تحقیقات کرے گی، جس کے لیے انہیں آج صبح دس بجے طلب کیا گیا ہے۔

    نیب حکام کے مطابق میاں منشا کو کہا گیا ہے کہ وہ 2010 میں لندن میں خریدے گئے ہوٹل کی تفصیلات مہیا کریں، جبکہ منی لانڈرنگ سے متعلق مزید پوچھ گچھ بھی کی جائے گی۔

    درخواست گزار کا کہنا ہے کہ میاں منشا نے 95 ملین ڈالر سے برطانیہ میں ہوٹل خریدا، رقم غیر قانونی طور پر پاکستان سے برطانیہ منتقل کی گئی۔

    خیال رہے کہ درخواست گزار گزشتہ ماہ نیب میں اپنا بیان ریکارڈ کرا چکے ہیں، جبکہ نیب منی لانڈرنگ کی تحقیقات سپریم کورٹ کے احکامات پر کررہی ہے۔


    پچانوے ملین ڈالرکی منی لانڈرنگ کی تحقیقات ، میاں منشا 17 اگست کو طلب


    قبل ازیں نیب ذرائع نے گذشتہ ہفتے کہا تھا کہ میاں منشا کے خلاف پاکستان ورکر پارٹی کے فاروق سہلریا نے درخواست دی تھی، فاروق سہلریا کو الیکشن سےقبل طلب کرکے بیان ریکارڈ کرچکا ہے۔

    ذرائع نے یہ بھی کہا تھا کہ میاں منشا نے 95 ملین ڈالر منی لانڈرنگ کے ذریعے برطانیہ منتقل کیے، ایم سی بی بینک، نشاط گروپ، ڈی جی خان سیمنٹ میاں منشا کی ملکیت ہیں جبکہ آدم جی انشورنس اور نشاط پاورکمپنیاں بھی میاں منشا کی ملکیت ہیں۔

    خیال رہے میاں منشانواز شریف کے قریبی ساتھیوں میں شمار کیے جاتے ہیں۔

  • پچانوے ملین ڈالرکی منی لانڈرنگ کی تحقیقات ،  میاں منشا 17 اگست کو طلب

    پچانوے ملین ڈالرکی منی لانڈرنگ کی تحقیقات ، میاں منشا 17 اگست کو طلب

    اسلام آباد : نیب نے پچانوے ملین ڈالر منی لانڈرنگ کی تحقیقات کے لئے نواز شریف کے قریبی ساتھی میاں منشا کو سترہ اگست کو طلب کرلیا، میاں منشا نے 95 ملین ڈالرمنی لانڈرنگ کےذریعے برطانیہ منتقل کیے۔

    تفصیلات کے مطابق قومی احتساب بیورو (نیب) نے 95 ملین ڈالر منی لانڈرنگ کی تحقیقات کے لئے میاں منشا کو 17 اگست کو طلب کرلیا ہے۔

    ذرائع کا کہنا ہے کہ نیب کی 3 رکنی ٹیم میاں منشا سے منی لانڈرنگ کی تحقیقات کرے گی۔

    نیب ذرائع کے مطابق میاں منشا کے خلاف پاکستان ورکر پارٹی کے فاروق سہلریا نے درخواست دی تھی، فاروق سہلریا کو الیکشن سےقبل طلب کرکے بیان ریکارڈ کرچکا ہے۔

    ذرائع کا کہنا ہے کہ میاں منشا نے 95 ملین ڈالر منی لانڈرنگ کے ذریعے برطانیہ منتقل کیے، ایم سی بی بینک، نشاط گروپ، ڈی جی خان سیمنٹ میاں منشا کی ملکیت ہیں جبکہ آدم جی انشورنس اور نشاط پاورکمپنیاں بھی میاں منشا کی ملکیت ہیں۔

    خیال رہے میاں منشانواز شریف کے قریبی ساتھیوں میں شمار کیے جاتے ہیں۔

    یادرہے گذشتہ روز سابق وزیراعظم کے پرنسپل سیکریٹری فواد حسن فواد نے تفتیش میں انکشافات کرتے ہوئے کہا تھا کہ غیرملکی اثاثے شہزاد سلیم کے پاس محفوظ ہیں، چونیاں پاور، نشاط پاور سے قومی خزانے کو 80 ارب کا نقصان پہنچایا، دونوں پاور پلانٹ نشاط گروپ کی ملکیت ہیں، دونوں پاور پلانٹس سے سالانہ 80 ارب روپے کا فراڈ ہوتا تھا۔

    انکشافات کے بعد نیب نے چیف ایگزیکٹو نشاط چونیاں ملز شہزاد سلیم کو طلب کرلیا تھا۔

    خیال رہے کہ شہزاد سلیم ٹیکسٹائل انڈسٹری کی دنیا میں بڑے بزنس مین مانے جاتے ہیں اور معروف کاروباری شخصیت میاں منشا کے قریبی عزیز بھی ہیں جبکہ نشاط چونیاں ملز میاں منشا کی ملکیت ہے۔

  • مولانا فضل الرحمان ایک کلو گوشت کیلئے پوری بھینس ذبح کرنا چاہتے ہیں، فواد چوہدری

    مولانا فضل الرحمان ایک کلو گوشت کیلئے پوری بھینس ذبح کرنا چاہتے ہیں، فواد چوہدری

    اسلام آباد : تحریک انصاف کے ترجمان فواد چوہدری نے کہا ہے کہ منی لانڈرنگ پر سخت پالیسی بنے گی جسے دنیا کا تعاون حاصل ہوگا، حکومت پھولوں کی سیج نہیں کانٹوں کا بستر ہے، مولانا فضل الرحمان اپنے ایک کلو گوشت کےلئے پوری بھینس ذبح کرنا چاہتے ہیں۔

    ان خیالات کا اظہار انہوں نے بنی گالہ اسلام آباد میں میڈیا سے گفتگو کرتے ہوئے کیا، انہوں نے کہا کہ عمران خان وزرائے اعلیٰ اور وزراء کے فیصلے11تاریخ تک کرلیں گے، قومی اسمبلی سے8آزاد امیدوار اور 26 آزاد ایم پی ایز پی ٹی آئی میں شامل ہوچکے ہیں، قومی اسمبلی میں ہمارے نمبرز177، پنجاب میں186کےقریب ہیں، گیارہ تاریخ کو ایوان مکمل ہوجائے گا۔

    کےپی میں بھی دوتہائی اکثریت سے حکومت بنائیں گے، فاٹا کے دو آزاد ارکان پی ٹی آئی کو ووٹ دے رہے ہیں، پرویزخٹک ان سے رابطے میں ہیں، جبکہ بلوچستان میں اتحادیوں سے مل کر مخلوط حکومت تشکیل دیں گے، حکومت سازی کا یہ عمل ایک سے ڈیڑھ ہفتےمیں مکمل ہوجائے گا، تاہم اب تک حلف برداری کی کوئی تاریخ مقررنہیں کی گئی ہے۔

    فواد چوہدری کا کہنا تھا کہ ملک کے48حلقوں میں دوبارہ گنتی ہوئی لیکن اس سے زیادہ فرق نہیں پڑا، عمران خان نے کہا ہے کہ جو حلقے کھلوانے ہیں کھلوالیں، اپوزیشن اپنے اعتراضات لائے، ہم آئین کے مطابق انہیں حل کرینگے۔

    ترجمان پی ٹی آئی نے کہا کہ اپوزیشن اپنے مطالبات تو سامنے لے کر آئے، الیکشن ہم نے نہیں کرائے بلکہ الیکشن کمیشن نے کرائے ہیں، جس کو بھی کوئی شکایت ہے ان سے رابطہ کرے ہماری طرف سے کوئی رکاوٹ نہیں۔

    ایک سوال کے جواب میں انہوں نے کہا کہ مولانا فضل الرحمان دو نشستوں سے الیکشن ہارے ہیں، وہ دس دفعہ بھی الیکشن لڑلیں پھر بھی ہاریں گے، مولانا صاحب اپنے ایک کلو گوشت کے لئے پوری بھینس ذبح کرنا چاہتے ہیں، حکومت میں میرٹ پر لوگ ہونگے، کوئی سفارش نہیں چلے گی۔

    ترجمان پی ٹی آئی کا کہنا تھا کہ حکومت پھولوں کی سیج نہیں کانٹوں کا بستر ہے، عوام کی جو توقعات ہیں ان پر پورا اترنے کی کوشش کریں گے، عمران خان محل میں رہ رہے ہیں نہ پروٹوکول لے رہےہیں۔

    ملاقات کیلئے آنے والے سفیروں سے کہا ہے کہ وہ بیرون ممالک سے رقم لانے کیلئے ہماری مدد کریں، پاکستان سے باہر منی لانڈرنگ کیا گیا پیسہ واپس لانا ملک کے مفاد میں ہے، پاکستان کے لوگوں کاپیسہ لندن، یواےای میں گیا ہے، منی لانڈرنگ پر سخت پالیسی بنے گی اور اسے دنیا کا تعاون حاصل ہوگا۔

    فواد چوہدری نے مزید بتایا کہ پاکستان کے دنیا کے ممالک سے برابری کی بنیاد پر تعلقات ہوں گے، نوازشریف کی طرح ذاتی تعلقات نہیں بنائیں گے، نوازشریف سے عمران خان کی کوئی ذاتی لڑائی نہیں۔

    ایون فیلڈ پراپرٹیز کا معاملہ برطانوی حکومت سے اٹھایا جائے گا، برطانوی حکومت سے کہیں گے کہ ایون فیلڈ پراپرٹیز پاکستانیوں کی ملکیت ہے، اس کا پیسہ پاکستانی عوام کا ہے جو واپس لانا حکومت کا فرض ہے۔

  • منی لانڈرنگ کیس: فریال تالپورنے زرضمانت جمع کرادی

    منی لانڈرنگ کیس: فریال تالپورنے زرضمانت جمع کرادی

    کراچی : پیپلزپارٹی کی رہنمااور سابق صدر آصف علی زرداری کی ہمشیرہ فریال تالپور نے منی لانڈرنگ کیس میں 20 لاکھ روپے زرِ ضمانت کے عوض ضمانت حاصل کرلی۔

    تفصیلات کے مطابق منی لانڈرنگ کیس میں پیپلزپارٹی کی رہنما فریال تالپورعدالت میں پیش ہوئیں اور انہوں نے بیکنگ کورٹ میں 20 لاکھ روپے زرضمانت جمع کرادیے، ساتھ ہی انہوں نے تحقیقاتی کمیٹی کے سامنے پیش ہونے کے لیے پندرہ روز کی مہلت طلب کرلی۔

    یادرہے کہ سندھ ہائی کورٹ نے چھ روز قبل فریال تالپور کی ضمانت قبل از گرفتاری منظور کی تھی، جس کی مہلت آج ختم ہورہی تھی ، حالیہ ضمانت چھ اگست تک کے لیے منظور کی گئی ہے۔

     سابق صدر آصف علی زرداری کی ہمشیرہ فریال تالپور نے ایف آئی اے کی تحقیقاتی کمیٹی کے سامنے پیش ہونے کے لیے پندرہ روز کی مہلت بھی طلب کی ہے، انہیں آج بینکنگ سرکل کے روبرو پیش ہوناتھا۔

    پیپلزپارٹی کی رہنما کی جانب سے ان کے وکیل فاروق ایچ نائیک نے درخواست جمع کرائی جس میں موقف اختیار کیا گیا کہ فریال تالپور بینکنگ کورٹ میں مصروف ہیں۔

    فریال تالپور کے وکیل کی جانب سے درخواست میں کہا گیا کہ ان کے موکل کو جے آئی ٹی میں پیش ہونے کے لیے کوئی اور تاریخ دی جائے۔

    خیال رہے کہ ایف آئی اے نے آصف علی زرداری اور فریال تالپور کو 11 جولائی کو طلب کیا تھا تاہم دونوں رہنما پیش نہیں ہوئے تھے اور ضمانت حاصل کرلی تھی۔

    واضح رہے کہ 12 جولائی سپریم کورٹ میں مبینہ جعلی اکاؤنٹس سے متعلق ازخود نوٹس کی سماعت کے دوران چیف جسٹس نےکہا تھا کہ آصف زرداری اور فریال تالپور کوالیکشن تک نہ بلایا جائے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • آصف علی زرداری اورفریال تالپورکوکل ایف آئی اے نے طلب کرلیا

    آصف علی زرداری اورفریال تالپورکوکل ایف آئی اے نے طلب کرلیا

    کراچی : ایف آئی اے نے اربوں روپے کی غیرقانونی ٹرانزیکشن سےمتعلق کیس میں سابق صدر آصف علی زرداری اور ان کی ہمشیرہ فریال تالپور کو کل طلب کرلیا۔

    تفصیلات کے مطابق اربوں روپے کی غیرقانونی ٹرانزیکشن سےمتعلق کیس میں وفاقی تحقیقاتی ادارے ایف آئی نے سابق صدر آصف علی زرداری اورفریال تالپور کو 11 جولائی کو طلب کرلیا۔

    ذرائع کے مطابق آصف زرداری، فریال تالپورکو بیان ریکارڈ کرانے کے لیے طلب کیا ہے اور اس حوالے سے ایف آئی اے نے طلبی کے نوٹس جاری کردیے۔

    آصف زرداری اور فریال تالپور کا نام ای سی ایل میں ڈالنے کا حکم

    خیال رہے کہ گزشتہ روزسپریم کورٹ آف پاکستان نے آصف علی زرداری اور فریال تالپور کا نام ای سی ایل میں ڈالنے کا حکم دیا تھا۔

    چیف جسٹس آف پاکستان جسٹس میاں ثاقب نثار نے اٹارنی جنرل کی جانب سے جمع کردہ رپورٹ کی بنیاد پر یہ حکم جاری کیا تھا۔

    رپورٹ کے مطابق یہ افراد منی لانڈرنگ کیس میں ایف آئی اے کو مطلوب ہیں، آصف زرداری اور فریال تالپور کا نام بھی جعلی اکاونٹس ہولڈرز میں شامل ہے۔

    سپریم کورٹ آف پاکستان نے سابق صدر آصف علی زرداری اور ان کی ہمشیرہ کو 12 جولائی کو طلب کررکھا ہے۔

    دوسری جانب پیپلزپارٹی نے لاہور میں ہنگامی اجلاس طلب کرلیا ہے جس میں شرکت کے لیے چیئرمین بلاول بھٹو زرداری لاہور پہنچ گئے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • روسی پیسا برطانیہ کو تباہ کر رہا ہے، سیاست دانوں کی دہائی

    روسی پیسا برطانیہ کو تباہ کر رہا ہے، سیاست دانوں کی دہائی

    لندن: برطانوی سیاست دانوں کا کہنا ہے کہ لندن میں روسی کالے دھن کی بھرمار ہے جس کی وجہ سے برطانیہ تباہ ہورہا ہے۔

    تفصیلات کے مطابق برطانوی فارن افیئرز کمیٹی نے آج ایک رپورٹ جاری کی ہے جس میں بتایا گیا ہے کہ 1991 میں سوویت یونین کے ٹوٹنے کے بعد روسی پیسے سے سب سے زیادہ فائدہ اٹھانے والا ملک برطانیہ تھا۔

    رپورٹ کے مطابق یہ روسی پیسا برطانوی اثاثوں میں چھپا دیا گیا تھا جس کی مالیاتی اداروں نے لندن میں لانڈرنگ کرلی تھی۔

    برطانوی پارلیمنٹ کے ایک رکن ٹام ٹوجینڈھٹ کا کہنا ہے کہ اس کالے دھن سے برطانوی خارجہ پالیسی کو نقصان پہنچ رہا ہے اور اس کی وجہ سے لندن میں روسی ٹرانزیکشن سے ہونے والا فائدہ بھی سکڑ جاتا ہے۔

    ان کا کہنا تھا کہ برطانیہ روسی صدر پیوٹن کے کاسہ لیسوں اور انسانی حقوق کو پامال کرنے والوں کی طرف سے آنکھیں بند نہیں کرسکتا جو لندن میں کالا دھن سفید کرکے ہمارے دوستوں کو خرید رہے ہیں اور ہمارے اتحاد کو کم زور کر رہے ہیں، جس سے اپنے ہی اداروں پر ہمارا اعتماد متزلزل ہورہا ہے۔

    مذکورہ رپورٹ میں اس نکتے کو بھی نمایاں کیا گیا ہے کہ کس طرح تقریباً ڈیڑھ ماہ قبل سابقہ روسی ڈبل ایجنٹ سرگئی اسکریپل اور ان کی بیٹی یولیا کو زہر دینے والے واقعے کی وجہ سے آخر کار مغربی ممالک سے روسی سفارت کاروں کو نکلنا پڑا تھا۔

    برطانیہ: اعصابی گیس حملے کے شکار سابق روسی جاسوس کو اسپتال سے ڈسچارج کردیا گیا


    رکن پارلیمنٹ کا کہنا تھا کہ اس واقعے کے بعد بھی پیوٹن اور اس کے اتحادی لندن میں آزادانہ طور پر اپنا کالا دھن چھپا کر کاروبار کرتے رہے۔

    دوسری طرف کمیٹی نے اس مسئلے سے نمٹنے کے لیے متعدد تجاویز  جاری کردی ہیں، جن میں روسی صدر کے حامیوں پر مزید پابندیاں، کارپوریٹ اونر شپ میں شفافیت کا فروغ اور لوپ ہولز بند کرنا شامل ہیں۔


    خبر کے بارے میں اپنی رائے کا اظہار کمنٹس میں کریں، مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • برطانیہ پاکستان سے منی لانڈرنگ کا بڑا مرکزبنا ہوا ہے، برطانوی نیشنل کرائم ایجنسی

    برطانیہ پاکستان سے منی لانڈرنگ کا بڑا مرکزبنا ہوا ہے، برطانوی نیشنل کرائم ایجنسی

    لندن : برطانوی نیشنل کرائم ایجنسی کی رپورٹ میں کہا گیا ہے کہ برطانیہ پاکستان سے منی لانڈرنگ کا بڑا مرکزبنا ہوا ہے، کرپٹ سیاستدان منی لانڈرنگ کے ذریعے کرپشن کی رقم برطانیہ منتقل کررہے ہیں۔

    تفصیلات کے مطابق کرپٹ غیر ملکی سیاستدانوں کے لئے برطانیہ پسندیدہ ملک بن گیا، برطانیہ کی نیشنل کرائم ایجنسی رپورٹ میں انکشاف کیا گیا ہے کہ پاکستان، روس اور نائجیریا کے کرپٹ سیاستدان منی لانڈرنگ سے کرپشن کی رقم برطانیہ منتقل کررہے ہیں۔

    برطانوی نیشنل کرائم ایجنسی کے مطابق سینکڑوں پاکستانیوں نے حکومت کو بتائے بغیر برطانیہ میں سرمایہ کاری کر رکھی ہے، منی لانڈرنگ کی رقم پراپرٹی کی خریداری میں استعمال ہورہی ہے۔

    رپورٹ میں کہا گیا ہے کہ آف شورکمپنیاں کم ٹیکس اورمعلومات خفیہ رکھنے کی سہولت فراہم کرتی ہیں، اس لئے برطانیہ میں جائیدادوں کی ملکیت اوراصل بینیفیشل اونرشپ چھپانے کے لئے کرپٹ سیاستدان بدستورآف شورکمپنیوں کا استعمال کررہے ہیں۔

    این سی اے کی رپورٹ میں کہا گیا ہے کہ برطانیہ کے قانون نافذ کرنے والے اداروں، سرکاری محکموں، انٹیلیجنس کمیونٹی اور نجی اور رضاکار شعبوں کی رپورٹس کی معلومات پر تیار کی گئی ہے۔

    رپورٹ کے مطابق ہر سال سینکڑوں ارب پونڈز منی لانڈرنگ کے ذریعے برطانیہ لائے جا رہے ہیں اور ٹرسٹ اور کمپنیوں سے وابستہ اکاؤنٹنگ اور قانونی پروفیشنلز کی جانب سے مجرمانہ طریقے سے فائدہ اٹھانے کی کوشش کے خدشات بڑھ گئے ہیں۔


    مزید پڑھیں : برطانیہ میں غیرقانونی دولت سے بنائی گئی جائیداد کا نیا قانون لاگو


    یاد رہے فروری میں برطانیہ میں غیرقانونی دولت سے بنائی گئی جائیداد کا نیا قانون لاگو کیا گیا تھا، اس اقدام کا مقصد برطانیہ منتقل کی گئی دولت کی شفافیت میں موجود سقم دور کرنا ہے، نئے قانون کے بعد ٹرانسپیرنسی انٹرنیشنل نے 5متنازع جائیدادوں کی چھان بین کیلئے کہہ دیا ہے۔

    جس کے بعد شریف فیملی کی برطانیہ میں بنائی گئی جائیداد قانون کی زد میں آگئی، ٹرانسپیرنسی انٹرنیشنل نے ایوان فیلڈ جائیداد کی کھوج کیلئے حکام کو مراسلہ لکھ دیا تھا۔

    مراسلے میں مطالبہ کیا گیا کہ ایوان فیلڈ جائیداد کی فوری تحقیقات کی جائیں، نئے برطانوی قانون کو ’’ان ایکسپلینڈ ویلتھ آرڈر‘‘ کا نام دیا گیا ہے، جس کے مطابق برطانوی ایجنسیاں کسی بھی جائیداد کی رقم کی منتقلی اور جائیداد کیلئے حاصل رقم کے بارے میں بھی چھان بین کی مجازہوں گی۔


    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔