Tag: منی ٹرک

  • خوشاب : منی ٹرک کھائی میں گرنے سے ایک ہی خاندان کے 13 افراد جاں بحق

    خوشاب : منی ٹرک کھائی میں گرنے سے ایک ہی خاندان کے 13 افراد جاں بحق

    خوشاب : منی ٹرک کھائی میں گرنے سے 13 افراد جاں بحق ہوگئے،جاں بحق افراد کا تعلق ایک ہی خاندان سے تھا۔

    تفصیلات کے مطابق خوشاب مین پنج پیرکےمقام پر خوفناک حادثہ پیش آیا ، جہاں منی ٹرک کھائی میں گرگیا۔

    حادثے کے نتیجے میں 13 افراد جاں بحق ہوگئے ، جاں بحق ہونیوالوں میں5 بچےبھی شامل جبکہ 4افرادزخمی ہیں۔

    ریسکیو حکام کا کہنا تھا کہ جاں بحق افرادکاتعلق ایک ہی خاندان سےتھا، حادثےکا شکارخاندان منی ٹرک پربنوں سے وادی سون خوشاب آرہاتھا۔

    ریسکیو ذرائع نے بتایا کہ لاشوں اورزخمیوں کوٹی ایچ کیو نوشہرہ منتقل کیاجا رہا ہے،عینی شاہدین کا کہنا تھا کہ
    حادثہ تیزرفتاری کے باعث موڑ کاٹتے ہوئے پیش آیا۔

  • کراچی کے ہنستے بستے گھر میں موت کے سائے

    کراچی کے ہنستے بستے گھر میں موت کے سائے

    کراچی: صوبہ سندھ کے دارالحکومت کراچی میں سوات کے خاندان پر ہونے والے دستی بم حملے کی تحقیقات جاری ہیں، واقعے میں بچوں اور خواتین سمیت 13 افراد جاں بحق ہوئے تھے۔

    تفصیلات کے مطابق 14 اگست کے روز شادی سے واپس آنے والے خاندان پر دستی بم سے حملہ کیا گیا جس میں 13 افراد جاں بحق ہوگئے، واقعے کا مقدمہ دو دن تک درج نہ ہوسکا تھا۔

    نمائندہ اے آر وائی نیوز نذیر شاہ کا کہنا ہے کہ مرنے والوں میں 7 خواتین اور ایک 1 سال کا بچہ بھی شامل تھا، 13 جنازے اٹھانے والا خاندان اس قابل نہیں تھا کہ مقدمہ درج کروا سکتا تاہم پولیس واقعے کی تحقیقات کر رہی ہے۔

    نذیر شاہ نے بتایا کہ انچارج محکمہ انسداد دہشت گردی عمر خطاب کے مطابق بم 65 گرام کا تھا، زیادہ نقصان اس کے ہوا میں پھٹنے کی وجہ سے ہوا۔

    یاد رہے کہ چند روز قبل مواچھ گوٹھ میں منی ٹرک پر کریکر حملے میں 2 بچوں سمیت 13 افراد جاں بحق ہوگئے تھے۔ گاڑی میں 20 سے 25 افراد سوار تھے جن میں خواتین اور بچوں کی تعداد زیادہ تھی۔

    پولیس کے مطابق متاثرہ خاندان لانڈھی شیر پاؤ کالونی کا رہائشی ہے جو شادی کی تقریب سے واپس آرہا تھا جب بلدیہ مواچھ موڑ پر موٹر سائیکل سوار نے کریکر پھینکا۔