اسلام آباد: پاکستان ٹیلی کمیونیکیشن اتھارٹی (پی ٹی اے) نے ہیکنگ کے معاملے پر واٹس ایپ انتظامیہ سے رابطہ کرلیا۔
پی ٹی اے کی جانب سے جاری ہونے والے اعلامیے میں بتایا گیا ہے کہ ایسی خبریں سامنے آئیں کہ ہیکنگ سافٹ ویئر کی مدد سے صرف پاکستانی صارفین کے اکاؤنٹس ہیک کیے گئے۔
پی ٹی اے نے واٹس ایپ انتظامیہ سے اُن پاکستانی صارفین کی تفصیلات مانگی جن کے اکاؤنٹس کو ہیکرز نے ہدف بنایا جبکہ انتظامیہ سے پوچھا گیا ہے کہ اُس نے ہیکرز سے حفاظت کے لیے کیا اقدامات کیے۔
مزید پڑھیں: سائبر حملوں سے بچنے کے لیے واٹس ایپ کا صارفین کو مشورہ
پی ٹی اے کی جانب سے واٹس ایپ صارفین کو ہیکنگ سے بچنے کے لیے تاکید کی گئی ہے کہ وہ اپنی ایپلیکیشن کو اپ ڈیٹ کریں اور اگر اُن کا اکاؤنٹ ہیک ہوجاتا ہے تو فوری طور پر پاکستان ٹیلی کمیونیکیشن سے رابطہ کریں۔
PTA has taken up the matter with @WhatsApp management not only to get the details of users targeted in Pakistan but also to have an update on the remedial measures taken by WhatsApp to prevent the occurrence of such hacking attempts in future. pic.twitter.com/JHXgg7vvEL
— PTA Pakistan (@PTAofficialpk) December 20, 2019
یادرہے کہ تین روز قبل پوری دنیا میں ایک بار پھر واٹس ایپ صارفین کے اکاؤنٹس ہیک ہوئے تھے، ٹیکنالوجی کے ماہرین نے خدشہ ظاہر کیا تھا کہ اسرائیلی کمپنی کے ہیکرز مختلف اکاؤنٹس تک رسائی حاصل کررہے ہیں۔
واضح رہے کہ فروری 2019 میں بھی پاکستانی صارفین کے اکاؤنٹس ہیک ہوئے تھے جس پر پی ٹی اے نے ایک پیغام جاری کیا تھا اور موبائل اپیلیکیشن استعمال کرنے والوں کو تاکید کی تھی کہ وہ سیکیورٹی فیچر استعمال کریں۔
