اسلام آباد: وفاقی دارالحکومت کی ضلعی انتظامیہ نے روز مرہ کی اشیا کی غیرضروری قیمتیں بڑھنے سے متعلق روک تھام کے لیے مانیٹرنگ ایپ متعارف کرانے کا فیصلہ کرلیا۔
تفصیلات کے مطابق روز مرہ کے استعمال کی اشیاکی قیمتوں کی مانیٹرنگ کے لیے موبائل ایپلی کیشن سے شہری روزانہ کی بنیاد پرخود قیمتیں چیک کرسکیں گے۔
نیشنل انفارمیشن ٹیکنالوجی بورڈ کی جانب سے جاری کردہ اعلامیے میں کہا گیا ہے کہ حکومت ناجائز منافق خوری روکنے کے لیے این آئی ٹی بی ’’ درست دام ‘‘ کے نام سے ایپلی کیشن متعارف کرائے گی۔ شہری اس ایپ کے ذریعے روزمرہ کی اشیائےضروریہ کی قیمیتں خودمانیٹرکریں گے۔
درست دام ایپلی کیشن پر پھلوں سبزیوں گوشت اور دیگر اشیائے ضروریہ کی قیمتیں روزانہ کی بنیاد پر اپڈیٹ کی جائیں گی۔ ضلعی انتظامیہ کا کہنا ہے کہ یہ موبائل ایپ شہریوں کو اشیاء کے روزانہ کے نرخوں سے آگاہ رکھنے کے لیے ڈویلپ کی گئی ہے۔
ضلعی انتظامیہ نے مزید کہا کہ بہت سے دوکاندار انتظامیہ کی جانب سے دی گئی ریٹ لسٹ پر عملدرآمد نہیں کرتے۔درست دام ایپلیکیشن کی لانچ سے شہری اشیاء کے حکومتی نرخوں سے آگاہ رہ سکیں گے۔
ICTA in collaboration with @NationalITBoard will soon launch “درست دام” mobile app to control profiteering by shopkeepers. The App will enable citizens to view daily prices of essential commodities including fruits, vegetables and poultry products besides complaints registration pic.twitter.com/miiqoquN7q
— Deputy Commissioner Islamabad (@dcislamabad) October 3, 2019
نیشنل انفارمیشن ٹیکنالوجی بورڈ اپیلی کیشن تیارکرکےضلعی انتظامیہ کودےگا ۔اس ایپلی کیشن پرقیمتیں روزانہ کی بنیادپرڈالناضلعی انتظامیہ کی ذمہ داری ہوگی۔
یہ ایپ ابتدائی طور پر اسلام آباد میں متعارف کرائی جا رہی ہے اور اسلام آباد کے تجربے میں کامیابی کو دیکھتے ہوئے بعد ازاں اس کا دائرہ کار پورے ملک تک پھیلایا جائے گا۔
