Tag: موبائل فونز

پاکستان میں موبائل فونز استعمال کرنے والے صارفین کی تعداد میں دن بند اضافہ ہوتا جارہا ہے۔ اسی حوالے سے پاکستان بیورو آف اسٹیٹسٹکس نے اہم اطلاع دی ہے۔

حالیہ جاری کردہ اعداد و شمار میں پاکستان بیورو آف اسٹیٹسٹکس (پی بی ایس) نے بتایا ہے کہ اگست 2023 میں موبائل فونز کی درآمدات 71 فیصد زیادہ رہیں۔ پاکستان کی موبائل فون کی درآمدات 32ارب 70 کروڑ روپے تک پہنچ گئی ہیں۔

درآمدات میں اضافہ پچھلے مالی سال کے اسی مہینے کی درآمدات کے مقابلے میں بہت زیادہ تھا، جو کہ تقریباً 135 فیصد زیادہ ہے۔

ڈالر کے لحاظ سے اگست میں درآمدات 111.34 ملین ڈالر رہیں جو جولائی 2023 کے مقابلے میں 63 فیصد اور اگست 2022 کے مقابلے میں 76 فیصد زیادہ ہیں۔

رواں مالی سال کے پہلے دو مہینوں یعنی جولائی اور اگست کے دوران 10 ارب روپے کی درآمدات ہوئیں۔ یہ 51.85 بلین روپے کی درآمدات کے مقابلے میں 131 فیصد زیادہ ہے۔

22.44 ارب روپے کے موبائل گزشتہ مالی سال کی اسی مدت میں رجسٹرڈ ہوئے تھے۔ اگست 2023 میں درآمدات 179.47 ملین ڈالر رہی، جو کہ پچھلے مالی سال کی اسی مدت میں رجسٹرڈ 101.86 ملین ڈالر کی درآمدات کے مقابلے میں 76 فیصد زیادہ ہے۔

کراچی: ترجمان رینجرز نے ڈکیتی، اسنیچنگ، موبائل فونز کی ٹمپرنگ میں ملوث 3 ملزمان کو گرفتار کرلیا۔

تفصیلات کے مطابق ترجمان کا بتانا ہے کہ اورنگی ٹاؤن میں رینجرز اور پولیس نے مشترکہ کارروائی کے دوران ڈکیتی اور موبائل فونز کی ٹمپرنگ میں ملوث 3 ملزمان کو گرفتار  کرلیا۔

ترجمان رینجرز کے مطابق ملزمان میں محمد ایاز، عبدا لصبور عرف صبورا، احتشام عرف احسن عرف شہزور شامل ہیں، ملزمان سے چھینے گئے موبائل فونز اور موٹر سائیکل بھی برآمد ہوئے ہے۔

ترجمان رینجرز  کا کہنا ہے کہ  25 جولائی 2023 کو ملزم ایاز نے ساتھی کے ہمراہ اورنگی ٹاؤن میں موبائل چھینا تھا، دونوں ملزمان نے ملزم عبدالصبور عرف صبورا کو موبائل فروخت کیا۔

ترجمان نے مزید بتایا کہ ملزمان ڈکیتی، اسنیچنگ کی 50 سے زائد وارداتوں کا اعتراف کیا، ملزم عبدالصبور عرف صبورا کا 100 سے زائد موبائل کی ٹمپرنگ کا اعتراف کیا۔

ترجمان رینجرز نے مزید بتایا کہ ملزمان کے دیگر ساتھیوں کی گرفتاری کیلئے چھاپے جاری ہیں۔

لاہور: نواحی علاقے رائیونڈ میں موٹر سائیکل شوروم کے مالک سے ڈکیت لاکھوں روپے اور موبائل فونز چھین کر فرار ہوگئے۔

اے آر وائی نیوز کے مطابق لاہور کے نواحی علاقے رائیونڈ میں موٹر سائیکل شوروم میں ڈکیتی کی واردات کا واقعہ پیش آیا ہے جہاں 2 ڈاکو شوروم  کے مالک سے ڈھائی لاکھ روپے، موبائل فونز چھین کر فرار ہوگئے۔

پولیس کا یہ بھی بتانا ہے کہ  ملزمان نے  شوروم مالک سمیت شوروم پر آئے خریدار کو بھی لوٹ لیا ہے، خریدار  نقدی رقم اور موبائل فونز سے محروم ہوگئے۔

شوروم میں ڈکیتی واردات کی سی سی ٹی وی فوٹیج سامنے آگئی، سی سی ٹی وی فوٹیج میں دیکھا جاسکتا ہے 2 ڈاکو کیش کاؤنٹر سے لوٹ مار کر رہے ہیں۔

اسلام آباد : آئندہ مالی سال کے بجٹ میں امپورٹڈ لگژری آئٹمز پر ٹیکسز بڑھانے کی تجویز سامنے آگئی، جس کے باعث پہلے سے ہی مہنگے امپورٹڈ موبائل مزید مہنگے ہوں گے۔

تفصیلات کے مطابق آئندہ بجٹ میں لگژری گاڑیوں پر ٹیکس بڑھانے اور مقامی گاڑیوں کی ویلیو کے حساب سے ٹیکس لگانے کی تجویز دے دی گئی۔

ذرائع کا کہنا ہے کہ آیندہ بجٹ میں امپورٹڈ برانڈڈ میک اپ کا سامان مزید مہنگا جبکہ امپورٹڈ برانڈ میک اپ آلات اور مشینری مزید مہنگی ہونے کا امکان ہے۔

ذرائع نے بتایا کہ آئندہ بجٹ میں امپورٹڈ غیر ضروری اور لگژری آئٹمز پر ٹیکسز بڑھانے کی تجویز ہے ، جس سے مہنگے امپورٹڈ موبائل مزید مہنگے ہونے کا امکان ہے۔

ذرائع کے مطابق آئندہ بجٹ میں 100 ڈالر سے زائد مالیت سے امپورٹڈ موبائل پر ڈیوٹی بڑھائے جانے کا امکان ہے۔

ذرائع کا مزید کہنا تھا کہ امپورٹڈ انرجی سیور بلب، فانوس اور ایل ای ڈی ، مپورٹڈ ٹائلز اور سرامکس ، امپورٹڈ برانڈڈ باتھ فٹنگز اور سینٹری مہنگی ہونے کا امکان ہے۔