کراچی : پولیس نے ماڈل و اداکارہ حمیرا اصغر کے زیراستعمال 3 موبائل فون اور ایک لیپ ٹاپ تحویل میں لے لیا اور تفتیش شروع کردی۔
تفصیلات کے مطابق کراچی کے علاقے ڈیفنس فیز 6 کے فلیٹ سے ماڈل واداکارہ حمیرا اصغر کی لاش ملنے کے واقعے کی تحقیقات میں بڑی پیش رفت سامنے آئی۔
پولیس نے حمیرا کے زیر استعمال 3 موبائل فون اور ایک لیپ ٹاپ تحویل میں لےلیا۔
پولیس نے آئی پیڈ کے ڈیٹا پر تفتیش شروع کردی اور کہا حمیرا کے زیر استعمال ڈیجیٹل آلات بندحالت میں ملے تھے، موبائل فون ڈیٹا میں بھی آخری فون کال 2024 کو ہوئی تھی۔
حکام کے مطابق گھر میں موجود پیکٹڈ دودھ،ڈبل روٹی کئی ماہ پرانی ملی ہے، میڈیکل ایکسپرٹ نے گزشتہ روز متاثرہ فلیٹ کا دورہ کر کے شواہد جمع کئے تھے۔
گذشتہ روز میت لینے کیلئے حمیرا کے بہنوئی نے گزری، پولیس سے رابطہ کیا تھا، جس پر پولیس کی جانب سے کہا گیا کہ لاش صرف خونی رشتے کو ہی دی جائے گی۔
صوبائی وزیرذوالفقارشاہ کی جانب سے کہا گیا کہ اگرورثا نے میت وصول نہ کی تو وہ تدفین کرائیں گے۔
مزید پڑھیں : حمیرا اصغر کے گھر والوں نے لاش لینے کےلیے پولیس سے رابطہ کرلیا
اس سے قبل پوسٹ مارٹم رپورٹ میں انکشاف کیاگیا کہ اداکارہ کی لاش چھ ماہ پرانی ہے، گھٹنوں کے جوڑ تک گلنا شروع ہوگئے تھے، فرج میں رکھے کھانے اکتوبر2024 میں ایکسپائر ہوگئے تھے۔
خیال رہے پاکستانی اداکارہ و ماڈل حمیرہ اصغر علی، جن کی عمر بیالیس برس تھی، کی لاش 8 جولائی 2025ء کو کراچی کے ڈیفنس ہاؤسنگ اتھارٹی (ڈی ایچ اے) فیز VI میں ان کے کرائے کے اپارٹمنٹ سے ملی۔ یہ دریافت بقایا کرایہ نہ ادا کرنے کی وجہ سے عدالتی حکم پر بے دخلی کے دوران ہوئی۔
لاش انتہائی گل سڑی حالت میں تھی، جو اس بات کی طرف اشارہ کرتی ہے کہ ان کی وفات ممکنہ طور پر اکتوبر 2024ء میں ہوئی۔
پولیس نے ابتدائی طور پر قتل کا امکان مسترد کر دیا ہے، کیونکہ اپارٹمنٹ اندر سے بند تھا اور کوئی زبردستی داخلے کے آثار نہیں ملے۔ فورنزک رپورٹس کا انتظار ہے تاکہ موت کی وجہ معلوم ہو سکے۔
حمیرا تماشا گھر اور فلم جلیبی (2015) میں اپنے کرداروں کی وجہ سے مشہور تھیں، وہ ایک ماہر مصورہ اور مجسمہ ساز بھی تھیں، جن کے انسٹاگرام پر 715,000 فالوورز تھے اور ان کی آخری پوسٹ 30 ستمبر 2024ء کو تھی۔
حمیرا اصغر کیس سے متعلق تمام خبریں
ان کی موت نے شوبز انڈسٹری میں صدمے کی لہر دوڑا دی، جہاں سونیا حسین، عتیقہ اوڈھو اور دیگر نے افسوس کا اظہار کیا۔ یہ کیس تنہائی اور ذہنی صحت کے مسائل پر بحث چھیڑ گیا ہے۔