کراچی: محرم الحرام کی سیکیورٹی کے باعث بند کی گئی موبائل فون سروس بحال ہونا شروع ہوگئی، ٹریکر کے سبب بند ہونے والی گاڑیاں بھی چلنے کے قابل ہوگئیں۔
تفصیلات کے مطابق آج دس محرم الحرام کو تیسرے روز بھی بند کی گئی موبائل فون سروس بحال ہونا شروع ہوگئی ہے جس کے باعث لوگوں کی رابطوں میں دشواری کی مشکل میں کمی آنے لگی ہے۔
یہ بھی پڑھیں: موبائل فون کی بندش سے اے ٹی ایم سروس متاثر
خیال رہے کہ کراچی، حیدرآباد، لاہور پشاور سمیت مختلف شہروں میں آج بھی موبائل فون سروس معطل ہے جس کے باعث نہ صرف رابطوں میں دشواری کا سامنا ہے بلکہ مختلف بینکوں کی اے ٹی ایم سروسز بھی متاثر ہوئیں جس سے عوام کو اے ٹی ایم کے ذریعے رقوم کے حصول کے لیے مشکلات کا سامنا رہا۔
دوسری جانب ملک بھر میں مجالس اور جلوسوں کا سلسلہ جاری ہے ، جس کے لیے سکیورٹی کے سخت انتظامات کیے گئے ہیں کراچی سمیت مختف شہروں میں 3 دن تک موٹر سائیکل کی ڈبل سواری پر پابندی عائد کی گئی ہے جبکہ راولپنڈی اسلام آباد میٹرو اور ملتان کی میٹرو بس سروس بھی معطل رہے گی۔
جلوس کی گزرگاہیں کو کنٹینر لگا کر بند کردیا گیا ہے اور رینجرز اور پولیس کا گشت جاری ہے جبکہ جلوس کی گزرگاہوں کی فضائی نگرانی بھی کی جارہی ہے۔
