Tag: موبائل فون
-
کراچی : نمائش چورنگی دھماکے میں موبائل فون استعمال کیا گیا
شہدائے کربلا کے چہلم پر کراچی کی نمائش چورنگی کے قریب ہونے والے بم دھماکے میں موبائل فون استعمال کیا گیا تھا۔
نمائش چورنگی دھماکے کی فرانزک رپورٹ میں کہا گیا ہے کہ اس دھماکے میں موبائل فون استعمال کیا گیا، رپورٹ کے مطابق دہشتگردوں نے موبائل فون میں الارم سیٹ کردیا تھا اور اسے دھماکہ خیزمواد میں لگایا گیا تھا۔
فرانزک رپورٹ کے مطابق دہشت گرد بارودی مواد چھپانے میں کامیاب رہے تھے، جو سیکورٹی اداروں کی ناکامی کے برابر ہے، نمائش چورنگی دھماکے میں کوئی جانی نقصان نہیں ہوا تھا۔
-
پی ٹی اے نے ملک بھرمیں موبائل فون سروس بند کرنے کا اعلان کردیا
پاکستان ٹیلی کمونیکیشن اتھارٹی نے حضرت امام حسیین اور اُن کے رفقا کے چہلم کے موقع پر ملک بھر میں موبائل فون سروس بند کرنے کا اعلان کردیا ہے۔ پاکستان ٹیلی کمونیکیشن اتھارٹی کے حکام کے مطابق کل حضرت امام حسین اور اُن کے رفقا کے چہلم کے موقع پر سیکیورٹی خدشات کے پیش نظر ملک بھرمیں موبائل فون سروس بند رہے گی۔
موبائل فونز جلوس کے اوقات کے دوران بند رہیں گے۔ واضح رہے کہ صوبائی حکومتوں نے چہلم کے دن خصوصی طور پر موبائل فون سروس بند کرنے کی وزارت داخلہ سے درخواست کی تھی جس کو مدنظر رکھتے ہوئے پی ٹی اے نے مذکورہ فیصلہ کیا ہے۔ اس سے پہلے عاشورہ کے موقع پر بھی ممکنہ دہشت گردی سے بچنے کے لئے موبائل فون سروس بند کی گئی تھی۔