Tag: موبائل فون

 کیا آپ اندازہ لگا سکتے ہیں کہ لوگ روزانہ موبائل فون پر کتنا وقت گزارتے ہیں؟

ایپ اینی کی ایک تحقیق کے مطابق دنیا بھر میں اوسطاً ایک شخص اپنے فون پر روزانہ 3 گھنٹے 15 منٹ گزارتا ہے، اور 5 میں سے 1 اسمارٹ فون استعمال کرنے والا روزانہ اپنے فون پر اوسطاً 4.5 گھنٹے سے زیادہ وقت خرچ کرتا ہے۔

حیرت کی بات یہ ہے کہ ہفتے کے آخر میں اوسطاً اسمارٹ فون کا زیادہ استعمال ہوتا ہے، اس کے علاوہ لوگ اپنے فون کو دن میں 58 بار چیک کرتے ہیں۔

رپورٹ میں بتایا گیا کہ 2021 میں دنیا بھر میں صارفین نے ریکارڈ 3.8 ٹریلین گھنٹے موبائل فونز میں مختلف کام کرتے ہوئے گزارے ہیں۔

تحقیق کے مطابق 2021 میں مجموعی طور پر لوگوں نے موبائل طرز زندگی کو اپنانے کا سلسلہ جاری رہا، لوگوں نے ڈیوائسز کو بڑی اسکرینوں پر ترجیح دی گئی۔

تحقیق میں بتایا گیا کہ ویڈیو شیئرنگ ایپ ٹک ٹاک پر وقت گزارنے کی شرح 2020  کے مقابلے میں عالمی سطح پر 90 فیصد تک بڑھ گئی۔

تحقیق میں دریافت کیا گیا کہ عالمی سطح پر موبائل ایپس پر 170 ارب ڈالرز خرچ کیے گئے جو 2020  کے مقابلے میں 19 فیصد زیادہ ہے۔

 اسی طرح ایپ ڈاؤن لوڈ کی شرح میں ایک سال میں 5 فیصد اضافہ ہوا اور مجموعی طور پر230 ارب ایپس ڈاؤن لوڈ کی گئیں ہیں۔

کمپنی کا کہنا ہے کہ بڑی اسکرینوں تک رسائی کے باوجود لوگ موبائل کا استعمال زیادہ کررہے ہیں، جس کے لیے خصوصی کنٹینٹ بھی تیار کیا جارہا ہے تاکہ مزید لوگ اس طرف متوجہ ہوں۔

رپورٹ میں بتایا گیا کہ عالمی سطح پر صارفین کو سب سے زیادہ مصروف رکھنے والی ایپ ٹک ٹاک ہی رہی جس کے بعد فیس بک، فیس بک میسنجر، واٹس ایپ اور انسٹاگرام ہیں۔

آجکل جسے دیکھو اس کے ہاتھ میں موبائل فون ہے اور وہ اس کی دنیا میں گُم ہے۔ ایسالگتاہے موبائل فون ہمارے جسم کا ایک حصہ ہے اور ہماری عادتوں میں شامل ہے، بہت سے لوگوں کیلئے یہ کسی علت سے کم نہیں۔

 سوتے، جاگتے، کھاتے، پیتے، اٹھتے، بیٹھتے، یہاں تک کہ واش روم میں بھی موبائل فون کا استعمال اس قد رعام ہے کہ ایسا لگتاہے جیسے آپ موبائل فون استعمال نہیں کررہے بلکہ موبائل فون آپ کو استعمال کررہاہے جسے دیکھ کر موبائل فون کے بانی بھی پریشان ہوگئے۔

غیرملکی میڈیا کے مطابق 50 سال پہلے موبائل فون ایجاد کرنے والے 94 سالہ مارٹن کوپر نے کہا کہ مسئلہ یہ ہے کہ لوگ موبائل فون کی اسکرین کو بہت زیادہ دیکھتے ہیں۔

خبردار! موبائل فونز بیچتے وقت یہ اقدامات ضرور کرلیں

کیلیفورنیا میں اپنے دفتر میں غیرملکی میڈیا سے گفتگو کرتے ہوئے امریکی انجینئر ’ موبائل فون کے بانی‘ مارٹن کوپر نے کہا کہ ہم سب کی جیبوں میں جو صاف ستھرا آلہ ہے اس میں تقریباً لامحدود صلاحیت موجود ہے مجھے لگتا ہے یہ ایک دن بیماریوں پر قابو پانے کے لیے بھی مدد گار ثابت ہوسکتا ہے۔

’ لیکن لوگ اسے ایک جنون کی طرح استعمال کررہے ہیں، انہون نے ایک واقعہ بتاتے ہوئے کہا کہ جب میں کسی کو سڑک پار کرتے ہوئے جب میں موبائل فون استعمال کرتے دیکھتا ہوں تو میں حیران رہ جاتا ہوں، ایسے لوگوں کا دماغ خراب ہے ایسے لوگوں پر جب گاڑی چڑھ دوڑے گی پھر انہیں پتا چلے گا۔

مارٹن کوپر کہتے ہیں سیل فون کو اس طرح استعمال کرنا میں کبھی نہیں سمجھ سکوں گا جس طرح میرے پوتے اور نواسے کرتے ہیں۔

واضح رہے کہ دنیا کا پہلا موبائل فون موٹرولا کا ڈینا ٹیک 8000 ایکس تھا جسے 1983 میں اس کمپنی کے ایک سنیئر عہدیدار مارٹن کوپر نے تیار کیا تھا اس فون میں صرف 30 نمبروں کو اسٹور کیا جاسکتا تھا جبکہ اس کا وزن 1.1 کلو گرام جس سے 30 منٹ تک بات کی جاسکتی ہے۔