ARYNews.tv | Urdu – Har Lamha Bakhabar

Tag: موبائل کمپنی

  • موبائل کمپنی کے چینی مینیجر سے رشوت لینے والا افسر گرفتار

    موبائل کمپنی کے چینی مینیجر سے رشوت لینے والا افسر گرفتار

    اسلام آباد: موبائل کمپنی کے چینی مینیجر سے رشوت لینے والا سائبر کرائم سیل کے اسسٹنٹ ڈائریکٹر کو ساتھیوں سمیت گرفتار کرلیا گیا۔

    اے آر وائی نیوز کے مطابق ایف آئی اے اینٹی کرپشن سرکل اسلام آباد نے کارروائی کرتے ہوئے رشوت لینے کے الزام میں ایف آئی اے سائبر کرائم سیل کے اسسٹنٹ ڈائریکٹر سلمان خان کو ساتھیوں سمیت گرفتار کرلیا ہے۔

    ایف آئی اے اینٹی کرپشن سرکل نے چائنیز  باشندے کی مدعیت میں مقدمہ درج کر لیا،  مدعی مقدمہ نے مؤقف اپنایا کہ لاہور میں موبائل کمپنی کا بینک اکاؤنٹ کھلوایا تو رضوان طفیل نامی شہری نے اپنے آپکو ایف آئی اے کا ظاہر کر کے بلیک میل کیا۔

    درج مقدمے کے مطابق ملزم نے ایف آئی اے میں درخواست دیکر اکاؤنٹ منجمند کروا دیا،  اکاؤنٹ بحال کرنے اور انکوائری ختم کرنے کے لئے پانچ کروڑ روپے رشوت مانگی گئی تاہم اسسٹنٹ ڈائریکٹر اب تک پچاس لاکھ روپے وصول کرچکا ہے۔

    ایف آئی اے نے رشوت لینے کے الزام میں ایف آئی اے سائبر کرائم سیل کا اسسٹنٹ ڈائریکٹر سلمان خان کو دو فرنٹ مین رضوان طفیل اور انوار الحق کے ساتھ گرفتار کرلیا۔

    ملزم رضوان طفیل نے تفتیش کے دروان کئی شکایت کنندہ سے رشوت وصول کرنے کا اعتراف بھی کرلیا ہے۔

  • سعودی عرب میں موبائل کمپنیوں نے ایک ماہ کے بل معاف کر دیے

    سعودی عرب میں موبائل کمپنیوں نے ایک ماہ کے بل معاف کر دیے

    ریاض: کرونا وائرس کے باعث ہونے والے معاشی نقصانات کے پیش نظر سعودی عرب میں موبائل کمپنیوں نے اپنے صارفین کے ایک ماہ کے بل معاف کر دیے۔

    سعودی ویب سائٹ کے مطابق سعودی عرب میں موبائل کمپنیوں (ایس ٹی سی، زین، موبایلی) نے قرنطینہ کی زد میں آنے والوں کو اپریل کے بل معاف کردیے۔

    سعودی عرب کی تینوں بڑی موبائل کمپنیوں نے اعلان کیا ہے کہ جو سعودی اورغیر ملکی تارکین قرنطینہ کے پابند بنائے گئے ہیں ان سے اپریل 2029 کا بل نہیں لیا جائے گا۔

    تینوں مواصلاتی کمپنیوں نے قرنطینہ میں رکھے جانے والے صارفین کے لیے اپریل کا بل معاف کرنے کا فیصلہ کرلیا ہے۔

    مواصلاتی کمپنیوں نے یہ سہولت کرونا وائرس کے پھیلاؤ کو روکنے کے لیے سعودی اداروں کی جانب سے کی جانے والی کوششوں کا ساتھ دینے کے لیے کیا ہے۔

    خیال رہے کہ سعودی فرمانروا شاہ سلمان نے تمام سعودی شہریوں، مقیم غیر ملکیوں اور اقامہ قوانین کی خلاف ورزی کرنے والے تارکین کا علاج مفت فراہم کرنے کا شاہی فرمان جاری کیا ہے۔

  • امریکا، موبائل کمپنی کے ایک میسج کی وجہ سے شہری کو دل کا دورہ

    امریکا، موبائل کمپنی کے ایک میسج کی وجہ سے شہری کو دل کا دورہ

    نیویارک: امریکا میں موبائل کمپنی نے ایک شہری کو ایسا پیغام بھیج دیا کہ اسے دل کا دورہ پڑ گیا۔

    غیرملکی خبررساں ادارے کے مطابق شہری کا تعلق امریکی ریاست ہوائی سے تھا جسے کمپنی نے ایمرجنسی الرٹ بھیجا کہ اس کی موجودگی کی جگہ پر بیلسٹک میزائل حملہ ہونے والا ہے۔

    مذکورہ میسج میں درج تھا کہ ہوائی میں بیلسٹک میزائل حملے کا خطرہ ہے فوری طور پر کوئی شیلٹر تلاش کریں یہ کوئی جنگی مشق نہیں ہے، میسج پڑھنا تھا کہ جیمز سین شیلڈر نامی شخص اس قدر خوف زدہ ہوا کہ اسے دل کا دورہ پڑا اور وہ اسپتال جا پہنچا۔

    جیمز نے صحت یاب ہونے کے بعد اس موبائل کمپنی کے خلاف مقدمہ دائر کردیا ہے، جس میں موقف اختیار کیا گیا ہے کہ کمپنی کے اس پیغام سے مجھے مالی نقصان کے ساتھ جان کا خطرے سے دوچار ہونا پڑا، چنانچہ کمپنی کو ہرجانہ ادا کرنے کا حکم دیا جائے۔

    مزید پڑھیں: موبائل فون کا زیادہ استعمال خاتون کو مہنگا پڑ گیا

    واضح رہے کہ جیمز سین کو یہ پیغام 13 جنوری کو موصول ہوا تھا اور اس دوران امریکا اور شمالی کوریا کے مابین کشیدگی عروج پر تھی۔

    شمالی کوریا کے حکمران کم جونگ ان اکثر امریکا کو دھمکیاں دیتے رہتے تھے جس کی وجہ سے امریکی عوام میں خوف و ہراس پایا جاتا تھا۔

  • چینی موبائل کمپنی آئی فون سے مقابلہ کرنے کے لیے تیار

    چینی موبائل کمپنی آئی فون سے مقابلہ کرنے کے لیے تیار

    بیجنگ: چین کی موبائل کمپنی ون پلس ایسا موبائل فون متعارف کروانے جارہی ہے جو بین الاقوامی مارکیٹ میں  آئی فون کو شکست دے سکتا ہے۔

    موبائل فون استعمال کرنے والے صارفین اس بات سے بخوبی آگاہ ہیں کہ انہیں اپیل کے آئی فونز میں نت نئے فیچرز اور سہولیات فراہم کی جاتی ہیں جس کی وجہ سے  دنیا بھر میں آئی فون استعمال کرنے والے صارفین کی خاصی بڑی تعداد موجود ہے۔

    چینی موبائل کمپنی ون پلس کی جانب سے گذشتہ برس پہلا اسمارٹ فون ون پلس فائیو ٹی متعارف کروایا گیا جس نے صارفین کو بہت زیادہ متاثر کیا اور کمپنی نے شاندار کاروبار بھی کیا تھا۔

    چینی کمپنی نے ایپل کے متوقع ماڈل آئی فون ایکس کے مقابلے میں ون پلس 6 اسمارٹ فون تیار کرنا شروع کردیا جس میں نہ صرف جدید فیچرز ہوں گے بلکہ کمپنی کا دعویٰ ہے کہ وہ مارکیٹ میں آئی فون کی جگہ حاصل کرلے گا۔

    کمپنی کی جانب سے نئے ماڈل ون پلس 6 کی نئی تصاویر اور ٹریلر  سوشل میڈیا پر شیئر کیا گیا، جس کے ساتھ موبائل کی تفصیلات بھی درج ہیں۔

    ون پلس 6 کی ایل سی ڈی 6.15 انچ کے قریب ہے جبکہ اس میں سم کارڈ لگانے کے ساتھ بائیں ہاتھ سے استعمال کرنے کا خصوصی فیچر بھی شامل کیا گیا۔ (نئے فیچر کے بارے میں کمپنی کی جانب سے زیادہ تفصیلات فراہم نہیں کی گئیں)۔

    ون پلس کے چیف ایگزیکٹو پیٹی لاؤ نے جنوری میں نئے ماڈل کی تیاری کے حوالے سے آگاہ کرتے ہوئے کہا تھا کہ فون کو مارکیٹ میں فروخت کے لیے اپریل سے جون کے ماہ میں پیش کیا جاسکتا ہے جس کی قیمت ممکنہ طور پر 749 ڈالر ہوگی۔

    اُن کا کہنا تھا کہ کمپنی کی جانب سے نئے سیٹ کی قیمت اتنی زیادہ اس لیے رکھی گئی کہ اس میں 8 جی بی ریم اور 256 جی بی ڈیٹا محفوظ کرنے کی جگہ ہوگی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔