Tag: موبائل

سان فرانسسکو: گوگل نے اسمارٹ جیکٹ متعارف کرادی جو صارفین کو موبائل فون ساتھ میں لے جانے کی یاد دلائے گی۔

گوگل کی جانب سے جاری اعلامیے کے مطابق جیکٹ بین الاقوامی کمپنی ’لیوی‘ کے اشتراک سے تیار کی گئی جس میں جدید فیچرز شامل کیے گئے ہیں۔

اگر کوئی صارف گھر میں موبائل بھول کر جارہا ہوگا تو یہ جیکٹ اُسے موبائل فون نہ ہونے کی نشاندہی کرے گی اسی طرح فون کھو جانے کی صورت میں بھی جیکٹ تلاش میں مدد فراہم کرے گی۔

مزید پڑھیں: موبائل سے کنٹرول کرنے والا اسمارٹ جھولا متعارف

اس جیکٹ میں ’آلویز ٹو گیدر‘ نامی فیچر شامل کیا گیا، جب کوئی شخص جیکٹ پہنے گا اور موبائل سے فاصلہ اختیار کرے گا تو یہ فیچر خود بہ خود ایکٹیو ہوجائے گا اور صارف کو مطلع کرے گا۔

علاوہ ازیں جیکٹ صارف کو کالز، میسجز سے بھی آگاہی دے گی جبکہ اس کے ذریعے میوزک پلیئر بھی چلایا جاسکے گا۔ کمپنی کی جانب سے اس کی قیمت 350 ڈالر مقرر کی گئی جو پاکستانی کرنسی کے حساب سے تقریبا 48 ہزار روپے بنتی ہے۔

یہ بھی پڑھیں: خواتین کو جنسی حملوں سے بچانے والا اسمارٹ فون کیس

گوگل نے اعلان کیا کہ اسمارٹ جیکٹ فی الحال امریکا کے صارفین خرید سکتے ہیں، آئندہ برس سے یہ دنیا بھر میں دستیاب ہوگی۔

اینڈرائیڈ پولیس نے جیکٹ کا کامیاب تجربہ کیا جس کے دوران یہ بات سامنے آئی کہ اگر صارف اپنی اسمارٹ جیکٹ کہی بھول جائے گا تو موبائل پر نوٹی فکیشن موصول ہوگا۔

نیویارک: امریکا کی ٹیکنالوجی کمپنی نے نیا اسمارٹ فون متعارف کرایا جس کو وقت پڑنے پر لیب ٹاپ بھی بنایا جاسکتا ہے۔

تفصیلات کے مطابق امریکا کی غیر معروف کمپنی پلانیٹ نے ایک بار پھر اپنی پرانی ایجاد کو جدید طرز پر پیش کرتے ہوئے کوسمو کمیونیکیٹر نامی اسمارٹ فون تیار کرلیا جس میں موبائل اورلیپ ٹاپ کی سہولت فراہم کی گئی ہے۔

کمپنی کی جانب سے جاری اعلامیے کے مطابق کوسومو کمیونیکٹر کی اسکرین 6 انچ ہے اور اس میں معیاری کی بورڈ بھی موجود ہے، جبکہ اس کی ایل سی ڈی مکمل ٹچ ہے اور اس فون میں فنگر پرنٹ سینسر، کال بٹن مائیک، 24 میگا پکسل کیمرے سمیت دیگر فیچرز شامل ہیں۔

یہ بھی پڑھیں: نوکیا کا نیا فون متعارف، قیمت بھی سامنے آگئی

اعلامیے کے مطابق فون کو بوقت ضرورت کھولا جاسکتا ہے، استعمال کے بعد اس کا سائز کم ہوجاتا ہے جسے آسانی سے جیب میں بھی رکھ سکتے ہیں۔

موبائل کے لیے اینڈرائیڈ 9.0 آپریٹنگ سسٹم جبکہ لیپ ٹاپ کے آپریٹنگ سسٹم کو اوپن سورس رکھا گیا، علاوہ ازیں پراسیسر ہیلو پی 70 رکھا گیا جبکہ 6 جی بی ریم اور 24 میگا پکسل کیمرہ بھی شامل ہے۔

اسے بھی پڑھیں: جدید فیچرز اور طاقتور بیٹری کے ساتھ متعارف

کمپنی کی جانب سے اس فون کی قیمت 800 ڈالر رکھی گئی جبکہ صارفین کو متاثر کرنے کے لیے یہ بھی اعلان کیا ہے کہ ایڈوانس بکنگ کروانے والے کو خصوصی رعایت کے بعد قیمت 549 ڈالر ہوگی۔

کراچی: موبائل فون صارفین کی سیکیورٹی پرکھنے والے ادارے نے صارفین کو خبردار کیا ہے کہ وہ گوگل پلے اسٹور پر موجود بیٹری چارج کرنے والی ایپلیکشنز  ہرگز ڈاؤن لوڈ نہ کریں۔

رسک آئی کیو کی جانب سے جاری ہونے والے تنبیہ بلاگ میں کہا گیا ہے کہ بیٹری بچانے یا چارج کرنے کا دعویٰ کرنے والی اینڈرائیڈ ایپلیکشنز استعمال کرنے والے صارفین کا موبائل ڈیٹا، لوکیشن، نمبرز اور میسجز غیر محفوظ ہیں۔

اعلامیہ میں کہا گیا ہے وہ صارفین جن کے موبائل میں یہ ایپلیکشن موجود ہیں اُن کا تمام ڈیٹا ہیکرز کسی بھی وقت لیک کرسکتے ہیں اور وہ آسانی سے کسی بھی اینڈرائیڈ ڈیوائس تک رسائی حاصل کرسکتے ہیں۔

بلاگ میں مزیدکہا گیا ہے کہ گوگل پلے اسٹور پر موجود اپلیکیشنز آپ کے فون کو وائرس سے صاف کرنے اور بیٹری کی کارکردگی کی بہتر بنانے کا دھوکا دے کر تمام ڈیٹا تک باآسانی رسائی حاصل کرسکتے ہیں۔

رسک آئی کیو میں شائع ہونے والے بلاگ میں کہا گیا ہے کہ کسی بھی بڑے ادارے کی تصدیق کے بغیر کوئی ایپلیکشن اپنے موبائل میں ڈاؤن لوڈ نہ ڈکریں وگرنہ آئی ایم ای آئی، فون نمبرز، اسمارٹ ڈیوائس کا ماڈل، برانڈ سب ہیکرز کے پاس پاس پہنچ سکتا ہے۔

بلاگ میں یہ بھی کہا گیا ہے کہ اس وقت  تقریبا 6 لاکھ سے زائد صارفین جعلی اور دھوکا دہی پر مبنی ایپلیکشن استعمال کررہے ہیں، ایسے تمام لوگ فوری طور پر اپنے موبائل کو ری سیٹ کر کے اینٹی مالور پروگرام ڈالیں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔