Tag: موت

مشہور آر جے کی موت نے بھارت بھر میں ان کے مداحوں سوگوار کردیا، 6 لاکھ سے زیادہ فالورز رکھنے والی میزبان کی لاش فلیٹ سے ملی۔

بھارت میں ریڈیو کی دنیا کا مشہور نام آر جے سمرن کی گروگرام میں واقع فلیٹ سے لاش ملی ہے، ان کی موت کی خبر آتے ہی ان کے مداح رنج و غم میں مبتلا ہوگئی، ان کی موت کیسے واقع ہوئی اس حوالے سے گروگرام پولیس تفتیش میں مصروف ہے۔

سوشل میڈیا پلیٹ فارم انسٹاگرام پر 6 لاکھ سے زیادہ فالوورز رکنے والی سمرن پہلے ایک مشہور ریڈیو جوکی رہ چکی ہیں جبکہ ابھی وہ ایک فری لانسر کے طور پر کام کرتی تھیں۔

میڈیا پر آنے والی اطلاعات کے مطابق ان کی موت کل اپنے ہی فلیٹ میں ہوئی ہے، ان کی لاش سیکٹر 47 میں واقع ان کے فلیٹ سے ملی ابتدائی تفتیش میں یہ معاملہ خودکشی کا لگ رہا ہے، ان کی لاش پھندے سے لٹکتی ہوئی ملی۔

پولیس موت کی وجہ جاننے کی کوشش کر رہی ہے، سمرن جموں کی رہنے والی تھی اور گروگرام میں وہ ایک دوست کے ساتھ رہ رہی تھی، اس دوست نے ہی پولیس کو ان کی موت کی اطلاع دی، ان کی لاش لواحقین کے حوالے کر دیا گیا ہے۔

انسٹاگرام پر ان کی آخری پوسٹ تیزی سے وائرل ہو رہی ہے، سمرن کی آخری پوسٹ ایک ویڈیو ہے، جس میں وہ پنجابی میں اپنے خیالات شیئر کرتی نظر آرہی ہیں۔

آر جے سمرن ویڈیو میں کتہی ہیں ’’تو اچھا لگتا ہے مگر کہتی نہیں، تیری باتوں پر بھی خوب ہنسی آتی ہے لیکن جان کر ہنستی نہیں، میرے اوپر چانس مارنے کی ضرورت نہیں ہے۔ ‘‘

خیال رہے کہ آر جے سمرن ریڈیو کی دنیا کا ایک مشہور نام تھیں، لوگ ان کی آواز کے دیوانے تھے وہ اپنے مداحوں کے دلوں میں ایک خاص مقام رکھتی تھیں، اس کے علاوہ وہ سوشل میڈیا پر بھی کافی سرگرم رہتی تھیں۔

جنوبی کوریا سے تعلق رکھنے والے 39 سالہ اداکار سونگ جائی رم گھر میں مردہ پائے گئے ہیں۔

کورین میڈیا کے مطابق اداکار سونگ جائی رم سیول کے سیونگ ڈونگ ڈسٹرکٹ میں واقع اپنے اپارٹمنٹ میں منگل کو مردہ پائے گئے  انکے قریب سے دو صفحات پر مشتمل ایک خط بھی ملا ہے۔

رپورٹ کے مطابق انکی موت کی وجہ ابھی معلوم نہیں ہو سکی ہے، تاہم پولیس اس معاملے کی تفتیش کر رہی ہے، سونگ جے رم کی آخری رسومات 14 نومبر کو یوئڈو میں ادا کی جائیں گی۔

ان کی موت کی اطلاع کے بعد سوشل میڈیا پر ان کے مداحوں کی جانب سے گہرے رنج و غم کا اظہار کیا جا رہا ہے۔

کے ڈرامہ میں اپنی اداکاری کی وجہ سے مشہور سونگ جائی رم چند ایک شو بشمول 2012 کے ڈرامہ ’دی مون ایمبریسنگ دی سن‘ میں بھی کام کیا تھا، انھوں نے کے ڈرامہ میں کم سو ہائیون کے ساتھ اسکرین شیئر کی تھی۔

سنہ 1997 میں بالی وڈ فلم پردیس سے اپنی پہچان بنانے والی اداکارہ مہیما چوہدری اپنی زندگی کے مشکل ترین لمحات کے بارے میں بتاتے ہوئے رو پڑیں۔

بالی ووڈ کی اداکارہ مہیا چوہدری نے 1997 میں فلم پردیس سے اپنی پہچان بنائی، اس فلم میں انہوں نے شاہ رخ خان کے ساتھ ایک گاؤں کی لڑکی کا کردار ادا کیا ان کی اس فلم کو آج بھی پسند کیا جاتا ہے۔

اداکارہ مہیما چوہدری کی ایک ویڈیو سوشل میڈیا پر خوب وائرل ہو رہی ہے، جس میں وہ اپنی زندگی کی تلخ دن کو یاد کررہی ہیں، انہوں نے کہا کہ مجھے کینسر کے لفظ سے بھی ڈر لگتا ہے، میں نے اپنے والدین کو بھی نہیں بتایا کہ مجھے کینسر ہے۔

اداکاوہ نے بتایا کہ میری چھاتی کے پاس کچھ لمپس پائے گئے تھے اور اچانک کینسر کی تشخیص ہوئی، لیکن وہ پری کینسر سیلز تھے تو فوری اس کا علاج ہوسکتا تھا، میں رو رہی تھی، میری بہن مجھے سمجھاتی تھی کہ یہ قابلِ علاج مرض ہے، پریشان نہ ہو۔

انہوں نے کہا کہ مجھے ایک چھوٹے بچے کو دیکھ کر ہمت آئی اس نے کہا کہ میں 3 دن کھیلتا ہوں اور 3 دن یہاں کیموتھر اپی کے لیے آتا ہوں، اس کو سن کر دیکھ کر مجھے حوصلہ ملا کہ اتنا چھوٹا سا بچہ اتنا بہادر ہے، وہ کھیلتا ہے، ہنستا ہے اور میں اتنی بڑی ہو کر رو رہی ہوں۔

 

View this post on Instagram

 

A post shared by Mahimachaudhry (@mahimachaudhry1)

اداکارہ نے بتایا کہ میں نے اپنے بال کھوئے، اپنی خوبصورتی کھو دی، اداکارہ نے یہ بھی بتایا کہ جب میں امریکہ میں کینسر کا علاج کروا رہی تھیں، تو مجھے انوپم کھیر نے فون کرکے فلم میں کام کرنے کی آفر کی لیکن جب میں نے انوپم کو بتایا کہ میں کینسر کا شکار ہو چکی ہوں تو یہ حیران رہ گئے۔

اداکارہ نے بتایا کہ مشکل کی اس گھڑی میں میرے ساتھ کوئی نہیں تھا، میں نے کبھی اپنے والدین کو بھی بتانے کا نہیں سوچا، اس وقت صرف میری بہن ساتھ تھی، جو میری ہمت بڑھاتی تھی۔ لیکن میں ڈرتی تھی اور روتی رہتی تھی۔

 

View this post on Instagram

 

A post shared by Mahimachaudhry (@mahimachaudhry1)

اداکارہ کا کہنا تھا کہ کسی بھی انسان کو بیماری ختم کر دیتی ہے لیکن اگر آپ کا دل اور دماغ آپ کا ساتھ دے تو زندگی میں مشکلات آسان بھی ہو جاتی ہیں۔

واضح رہے کہ سوشل میڈیا پر گردش کرنے والہ ویڈیو کب کی ہے، مہیما کو کینسر کب ہوا اور کب نہیں؟ اس سے متعلق فی الحال اداکارہ نے کچھ نہیں بتایا ہے۔