ARYNews.tv | Urdu – Har Lamha Bakhabar

Tag: مودی حکومت

  • مودی حکومت نے 97 نئے تیجس لڑاکا طیارے خریدنے کا آرڈر منظور کر لیا

    مودی حکومت نے 97 نئے تیجس لڑاکا طیارے خریدنے کا آرڈر منظور کر لیا

    نئی دہلی : مودی حکومت نے مقامی ساختہ لڑاکا طیارے "تیجس مارک 1A” کے 97 نئے جہاز خریدنے کا آرڈر منظور کر لیا ہے، جس کی مالیت تقریباً 62 ہزار کروڑ روپے بنتی ہے۔

    ودی سیاسی دکھاوے اور ہزیمت چھپانے کے لیے بھارتی دفاعی صنعت کے اربوں روپے ضائع کرنے میں مصروف ہے

    تفصیلات کے مطابق آپریشن سندور میں بدترین ناکامی کے بعد بھارتی وزیراعظم نریندر مودی کا جنگی جنون بے قابو ہوگیا ہے۔ رافیل طیاروں کی ناکامی کے بعد مودی سرکار خطے کا امن داؤ پر لگا کر مقامی لڑاکا جہازوں کی خریداری اور اپ گریڈیشن میں اربوں ڈالر ضائع کرنے پر تُل گئی ہے۔

    بھارتی میڈیا کی جانب سے کہا گیا کہ مودی حکومت نے مقامی ساختہ لڑاکا طیارے "تیجس مارک 1A” کے 97 نئے جہاز خریدنے کا آرڈر منظور کر لیا ہے، جس کی مالیت تقریباً 62 ہزار کروڑ روپے بنتی ہے، اس نئے آرڈر کے بعد بھارتی فضائیہ کے لیے "مارک 1A” طیاروں کی کل تعداد 180 ہو جائے گی، یہ طیارے پرانے MiG-21 طیاروں کی جگہ لیں گے جنہیں جلد ریٹائر کیا جانا ہے۔

    اکنامک ٹائمز کی رپورٹ میں کہنا تھا کہ سابق بھارتی ایئر چیف مارشل وی آر چاودھری اسپین کے دورے میں 97 اضافی جہاز خریدنے کے منصوبے کا اعلان کر چکے تھے۔ "ہندوستان ایرو ناٹکس لمیٹڈ” (HAL) کو مزید 200 مارک 2 جہاز اور ففتھ جنریشن لڑاکا طیاروں کے آرڈر بھی ملنے کی توقع ہے۔

    ذرائع کے مطابق نئے "تیجس” لڑاکا طیاروں کے 65 فیصد سے زائد پرزے مقامی سطح پر تیار کیے جا رہے ہیں۔

    بھارتی دفاعی حصول کونسل نے 1.6 لاکھ کروڑ روپے کی لاگت سے ہیلی کاپٹروں کی خریداری اور لڑاکا جہازوں کی اپ گریڈیشن کی بھی منظوری دی ہے۔ تاہم ماہرین کے مطابق یہ منصوبے عوامی تحفظ کے بجائے محض مودی حکومت کے سیاسی دکھاوے اور جنگی جنون کو پروان چڑھانے کے مترادف ہیں۔

    تجزیہ کاروں کا کہنا ہے کہ تیجس صرف ایک لڑاکا جہاز نہیں بلکہ بھارت کی ناکامی، مودی کے تکبر اور پروپیگنڈے کی علامت ہے۔ آپریشن سندور میں رافیل کی ناکامی کے بعد مودی کی دفاعی پالیسی عوامی فلاح کے بجائے سیاسی فائدے تک محدود ہوگئی ہے۔

    دہائیوں کی محنت کے باوجود بھارتی فضائیہ کی بار بار کی ناکامیاں نام نہاد دفاعی صنعت کی کمزوری کو بے نقاب کرتی ہیں۔ ماہرین کے مطابق مودی کی ناقص جنگی منصوبہ بندی اور سیاسی دکھاوا بھارتی فوج کی استعداد کار کو مزید کمزور کر رہا ہے، جس کے باعث خطے کا امن بھی خطرے میں ہے۔

  • پاکستانی فتح کی بھارتی پارلیمنٹ میں گونج، حکومت میری بات مانتی تو 5 جہاز نہ گرتے، راہول گاندھی

    پاکستانی فتح کی بھارتی پارلیمنٹ میں گونج، حکومت میری بات مانتی تو 5 جہاز نہ گرتے، راہول گاندھی

    پاکستانی فتح کی گونج بھارتی پارلیمنٹ تک جا پہنچی، راہول گاندھی نے کہا کہ مودی حکومت میری بات مانتی تو 5 جہازوں سے ہاتھ نہ دھونے پڑتے۔

    پاکستان کے ہاتھوں شکست کے بعد نریندر مودی کو بھارتی پارلیمنٹ میں شدید تنقید کا سامنا کرنا پڑا، بھارتی پارلیمنٹ میں راہول گاندھی نے نریندر مودی کو چیلنج کردیا، اپوزیشن رہنما نے کہا کہ نریندر مودی میں ہمت ہے تو ٹرمپ کو جھوٹا کہہ کر دکھائے۔

    راہول گاندھی نے کہا کہ دنیا میں ایک بھی ملک نہیں جس نے پاکستان کی مذمت کی ہو، مودی کو کہا سرنڈر کرو اور اس نے آدھے گھنٹے کے اندر ہتھیار ڈال دیے۔

    بھارتی وزیردفاع کو چین سے ڈر لگتا ہے، مودی حکومت نے بھارتی خارجہ پالیسی کوتباہ کرکے رکھ دیا، آج چین پاکستان کے ساتھ کھڑا ہے۔

    یہ بھی پڑھیں: حکوت بتائے آپریشن سندور میں بھارتی فضائیہ کے کتنے طیارے تباہ ہوئے؟ راہول گاندھی

    بھارت کے سابق وزیر داخلہ پی چد مبرم نے بھی گزشتہ دنوں بھی پہلگام حملے کے حوالے سے تہلکہ خیزانکشاف کیا تھا اور کہا تھا کہ حملے کے دہشت گرد پاکستانی نہیں بھارتی تھے۔

    بھارت کے سابق وزیرداخلہ چدم برم نے بھارتی میڈیا کو دیے گئے انٹرویو میں کہا کہ مودی حکومت میں اتنی ہمت نہیں کہ وہ بتاسکے اتنے ہفتوں میں پہلگام واقعے کی کیا تحقیقات کیں؟

    بھارتی سابق وزیر نے سوال کیا کیا دہشت گردوں کی شناخت ہو پائی ہے؟ کیایہ جان پائے کہ دہشت گرد کہاں سے آئے تھے؟

    ان کا کہنا تھا کہ پہلگام واقعے میں مقامی دہشت گرد بھی ملوث ہوسکتے ہیں، ہم یہ کیوں فرض کرتے ہیں کہ دہشتگرد پاکستان سے آئے، اگرایسا ہے تو ثبوت کیوں نہیں پیش کیے گئے، اس بات کا کوئی ثبوت نہیں کہ پہلگام واقعے میں ملوث دہشت گرد پاکستان سے آئے تھے۔

    https://urdu.arynews.tv/rahul-gandhi-modi-trump-call-04-06-2025/

  • بھارت کا چہرہ بے نقاب کرنے کے لیے پاکستانی وفد امریکا پہنچ گیا

    بھارت کا چہرہ بے نقاب کرنے کے لیے پاکستانی وفد امریکا پہنچ گیا

    گزشتہ ماہ بھارتی فوج کے بزدلانہ حملوں کے نتیجے میں بے گناہ پاکستانی شہریوں کے جاں بحق اور مودی حکومت کی آبی جارحیت سے امریکا اور اقوام متحدہ کو آگاہ کرنے کے لیے پاکستانی وفد امریکا پہنچ گیا۔

    بلاول بھٹو کی سربراہی میں اراکین پارلیمنٹ پر مشتمل پاکستانی وفد آج اپنی ملاقاتوں کا باقاعدہ آغاز کرے گا۔ 9 رکنی وفد میں شیری رحمان اور حنا ربانی کھر شامل ہیں۔ پہلے روز پاکستانی وفد نیویارک میں مصروف ترین دن گزارے گا۔

    اس کے علاوہ وفد میں جلیل عباس جیلانی، مصدق ملک، خرم دستگیر، فیصل سبزواری، بشریٰ انجم بٹ اور تہمینہ جنجوعہ بھی شامل ہیں۔

    وفد آج سلامتی کونسل کے مستقل اور غیرنمائندگان سے ملاقات کرے گا، چین،روس، فرانس دیگر ممالک کے نمائندوں سے ملاقاتیں کی جائیں گی۔

    بلاول بھٹو کی سربراہی میں وفد پاکستان کا مؤقف دنیا کے سامنے رکھے گا، پاکستانی وفد آج او آئی سی کے وفد سےملاقات کرے گا۔

    او آئی سی نمائندگان کے سامنے پاکستان کا مؤقف پیش کیا جائے گا، پاکستانی وفد کی سلامتی کونسل کے صدر سے آج ملاقات ہوگی۔

  • کانگریس صدر نے مودی حکومت کو آئینہ دکھادیا

    کانگریس صدر نے مودی حکومت کو آئینہ دکھادیا

    نریندر مودی حکومت پر کانگریس کے صدر ملکارجن کھڑگے نے ایک بار پھر عوام سے وعدہ خلافی کا سنگین الزام عائد کردیا ہے۔

    بھارتی میڈیا رپورٹس کے مطابق کانگریس کے صدر ملکارجن کھڑگے نے کچھ پرانے اور بڑے وعدوں کے ساتھ ساتھ 2014 کے عام انتخابات میں کیے گئے اعلانات مودی حکومت کو یاد دلائے۔

    اُن کا مودی حکومت پر طنز کرتے ہوئے کہنا تھا کہ ملک کی بدحالی ایسی ہے کہ ’اچھے دن‘ ایک ’خوفناک خواب‘ ثابت ہوئے ہیں۔ 140 کروڑ عوام کا ہر طبقہ پریشان حال ہے۔

    کانگریس صدر نے مودی حکومت پر یہ حملہ اپنے آفیشیل ’ایکس‘ ہینڈل پر کرتے ہوئے لکھا کہ ”26 مئی 2014 سے آج تک 11 سالوں میں بڑے بڑے وعدوں کو کھوکھلے دعوؤں میں بدل کر مودی حکومت نے ملک کی ایسی حالت کی، کہ اچھے دن کی بات اب ایک خوفناک خواب بن چکی ہے۔

    اُن کا اپنی سوشل میڈیا پوسٹ میں کہنا تھا کہ نوجوانوں کے لیے سالانہ 2 کروڑ ملازمتوں کا وعدہ کیا گیا تھا، لیکن حقیقت یہ ہے کہ انھوں نے کروڑوں ملازمتوں کو ختم کردیا ہے۔

    کھڑگے نے کہا کہ اسی طرح کسانوں سے حکومت نے وعدہ کیا تھا کہ اقتدار میں آنے کے بعد آمدنی دوگنی ہو جائے گی۔ آمدنی تو دوگنی ہوئی نہیں، اوپر سے ربر بلیٹ کھانے کی نوبت آگئی۔

    کھڑگے نے خواتین کے تعلق سے لکھا ہے کہ ان کے ریزرویشن پر شرطیں نافذ کر دی گئیں، اور ان کی سیکورٹی کو بھی تار تار کر دیا گیا ہے۔ اسی طرح کمزور طبقات، مثلاً ایس سی/ایس ٹی/او بی سی/اقلیت پر خوفناک مظالم کا سلسلہ جاری ہے، ان کی حصہ داری کو ختم کیا جارہا ہے۔

    کانگریس صدر نے معیشت پر سوال اٹھاتے ہوئے کہا کہ مہنگائی اپنے عروج پر پہنچ چکی ہے، صارفیت ٹھپ ہے، میک اِن انڈیا فلاپ ہو گیا،بے روزگاری کا سیلاب ہے اور عدم مساوات بھی عروج پر ہے۔ ہر طرف لوگ پریشان حال ہیں۔

    بھارتی خواتین نے مودی کے جنگی بیانیے کی دھجیاں اڑا دیں

    اُن کا کہنا تھا کہ حکومت نے 2014 سے پہلے خارجہ پالیسی کو لے کر وعدہ کیا تھا کہ ’وشو گرو‘ بنا کر رہیں گے۔ اب حالت یہ ہے کہ ہر ملک سے رشتے بگاڑ دیے ہیں۔

  • مودی حکومت کی انتقامی کارروائیاں، مسلمانوں کے خلاف بلڈوزر آپریشن شروع

    مودی حکومت کی انتقامی کارروائیاں، مسلمانوں کے خلاف بلڈوزر آپریشن شروع

    نئی دہلی : مودی سرکار نے انتقامی کارروائیاں کرتے ہوئے بھارت میں مسلمانوں کے خلاف بلڈوزر آپریشن شروع کردیا۔

    تفصیلات کے مطابق آپریشن سندور کی ہزیمت چھپانے کیلئے مودی سرکار کے مسلمانوں کو دہشت گرد قرار دیکر ان کے گھروں پر حملے جاری ہے۔

    حال ہی میں مودی سرکارنے ہزاروں مسلمان خاندانوں کو گھر بدر اور ان کے گھر مسمار کرنا شروع کر دیے۔

    ٹی آرٹی نے اس حوالے سے تفصیلی رپورٹ اورویڈیو جاری کر دی ، مودی سرکار نے غیر قانونی بنگلہ دیشی کا بہانہ بنا کر مسلم بستیوں پر بلڈوزر چلا دیے

    ٹی آرٹی کا کہنا ہے کہ نسل کشی کی جانب بڑھتابھارت اپنےہی شہریوں کو نشانہ بنا رہا ہے، 7 ہزار سے زائد گھروں کو زبردستی خالی کرایا گیا جن میں زیادہ ترمسلمان خاندان مقیم تھے۔

    حیران کن طور پر انہی علاقوں میں موجود ہندوؤں کے مکانات کو ہاتھ تک نہیں لگایاگ یا، مودی سرکار کا یہ وار واضح مذہبی تعصب کی عکاسی ہے۔

    احمدآبادکےچندولاتالاب پرہزاروں مسلمان کھلےآسمان تلےآگئے، مودی سرکار کےحکم پران کے مکانات مٹی کا ڈھیر بنا دیے گئے، 20 مئی کو مسمار کیے گئے گھروں میں محمد چاند نامی مسلمان کا گھر بھی شامل ہیں، جو انصاف کیلئے دوہائیاں دے رہا ہے۔

  • مودی حکومت کی جارحانہ سوچ نے خطے کو خطرے میں ڈال دیا

    مودی حکومت کی جارحانہ سوچ نے خطے کو خطرے میں ڈال دیا

    بھارتی میڈیا نے دعویٰ کیا ہے کہ وزیراعظم نریندر مودی نے پاکستان کے خلاف کارروائی کےلیے بھارتی فوج کو گرین سگنل دے دیا۔

    مقبوضہ کشمیر میں پہلگام حملے کے بعد مودی حکومت کی جارحانہ سوچ نے خطےکو خطرے میں ڈال دیا، مودی نے امن کی ہر کوشش سبوتاژ کرنےکا منصوبہ تیار کرلیا ہے۔

    بھارت کی پہلگام حملےکو جواز بنا کر خطے میں جنگی ماحول پیداکرنے کی سازش کی جارہی ہے، پاکستانی شہریوں کو ملک بدر کرنے، سفارتی تعلقات محدود کرنے کا بھارتی فیصلہ اس کی نفرت انگیز پالیسیوں کا تسلسل ہے۔

    تاہم اب بھارتی ٹی وی ٹائمز ناؤ کے مطابق مودی نے افواج کو کسی بھی وقت،کسی بھی ہدف کو نشانہ بنانے کا ٹاسک دے دیا ہے۔

    بھارتی ٹی وی کا کہنا ہے کہ بھارتی کابینہ کی سیکیورٹی کمیٹی کے مسلسل اجلاس میں پاکستان کیخلاف اسٹریٹجک اقدامات پر مشاورت کی گئی ہے۔

    بھارتی میڈیا کے مطابق بھارت کی جانب سے دوبارہ سرجیکل اسٹرائیک یا بالاکوٹ جیسے حملے کی منصوبہ بندی کی گئی ہے، بھارتی فوج، فضائیہ، بحریہ کو تیار کردیا گیا ہے جس سے ایک اور مسلح تصادم کا خدشہ بڑھ گیا ہے۔

    خیال رہے کہ بھارت دہشتگردی کے جھوٹے بیانیے کو بنیاد بنا کر پاکستان پر الزام تراشی کرکے عالمی برادری کو گمراہ کرنے کی کوشش کررہا ہے، بھارتی وزرا کا جنگی بیانیہ، خود ساختہ خطرہ بنا کر عوامی توجہ اصل مسائل سے ہٹائی جا رہی ہے۔

    دوسری جانب بھارت کی جنگی تیاریوں پر پاکستانی حکومت اور افواج پاکستان نے کسی بھی صورتحال سے نمٹنے کی تیاری کر لی ہے۔

  • پہلگام فالس فلیگ آپریشن: مودی حکومت نے جموں جیل میں قید 2 سے 3 پاکستانی شہری غائب کر دیے

    پہلگام فالس فلیگ آپریشن: مودی حکومت نے جموں جیل میں قید 2 سے 3 پاکستانی شہری غائب کر دیے

    پہلگام فالس فلیگ آپریشن کے بعد مودی حکومت جنگی جنون میں پاگل ہو گئی جموں جیل میں رکھے گئے دو سے تین پاکستانی شہریوں کو غائب کر دیا ہے۔

    مقبوضہ کمشیر پہلگام فالس فلیگ آپریشن کے بعد بھارتی حکومت اور میڈیا کا منفی اور جھوٹا پروپیگنڈا جاری ہے مگر مودی سرکار کا ہر قدم ان کے جھوٹ کو مزید بے نقاب کرتا جا رہا ہے۔ تاہم اس کے باوجود مودی حکومت جنگی جنون میں پاگل ہو چکی ہے۔

    ذرائع نے بتایا ہے کہ جموں جیل میں رکھے گئے 2 سے تین پاکستانی شہریوں کو غائب کر دیا گیا ہے۔ غیر قانونی حراست میں لیے گئے پاکستانیوں کو مذموم کارروائی میں استعمال کیا جا سکتا ہے۔

    ذرائع کا کہنا ہے کہ بھارتی فوج اور پولیس پہلے بھی متعدد بار جعلی انکاؤنٹرز کرنے کی وجہ سے بدنام ہے اور ان کے کئی جعلی مقابلے پہلے بھی منظر عام پر آ چکے ہیں۔

    ذرائع کے مطابق بھارتی حکومت کی جانب سے معصوم لوگوں کو مار کر ناکام فالس فلیگ کے مُردے میں جان ڈالنے کی کوشش کی جا سکتی ہے۔

    https://urdu.arynews.tv/pahalgam-attack-kashmir-sikh-for-justice/

  • پہلگام واقعہ: بھارتی پولیس اسٹیشن میں درج ایف آئی آر سے مودی حکومت کا جھوٹ بے نقاب

    پہلگام واقعہ: بھارتی پولیس اسٹیشن میں درج ایف آئی آر سے مودی حکومت کا جھوٹ بے نقاب

    پہلگام فالس فلیگ آپریشن کی بھارتی پولیس اسٹیشن میں درج ایف آئی آر نے بھی نریندر مودی کی حکومت کے جھوٹ کو بے نقاب کر دیا۔

    مقبوضہ کمشیر پہلگام فالس فلیگ آپریشن کے بعد بھارتی حکومت اور میڈیا کا منفی اور جھوٹا پروپیگنڈا جاری ہے مگر مودی سرکار کا ہر قدم ان کے جھوٹ کو مزید بے نقاب کرتا جا رہا ہے۔

    بھارتی پولیس اسٹیشن میں پہلگام واقعہ کی دائر ایف آئی آر نے بھی مودی حکومت کا جھوٹ بے نقاب کر دیا ہے اور اس ایف آئی آر نے اس حملے کو مشکوک بنا دیا ہے۔

    ذرائع نے بتایا کہ پہلگام جس جگہ واقعہ ہوا، اس سے مذکورہ پولیس اسٹیشن جس میں واقعہ کی ایف آئی آر درج کی گئی وہ 6 کلومیٹر دوری پر ہے۔

    ذرائع کا کہنا ہے کہ ایف آئی آر کے مطابق پہلگام حملہ 13:50 سے 14:20 تک جاری رہا۔ حیران کن طور پر صرف 10 منٹ میں 14:30 پر ایف آئی آر بھی درج ہو جاتی ہے۔

    صرف 10 منٹ میں ایف آئی آر کا درج ہونا پہلے سے بنے منصوبہ کا اشارہ دیتی ہے جبکہ ایف آئی آر میں پہلے سے ہی نامعلوم سرحد پار دہشتگرد بھی نامزد کر دیے گئے۔

    ذرائع کے مطابق ایف آئی ار میں لکھا ہے کہ مبینہ دہشتگردوں کی جانب سے اندھا دھند فائرنگ کی گئی جب کہ بھارت اور اس کا میڈیا اس واقعہ پر ٹارگٹ کلنگ کا جھوٹا راگ الاپتا رہا۔

    سیکیورٹی ذرائع نے بتایا کہ ایف آئی آر میں ’’بیرونی آقاؤں کی ایما پر‘‘ جیسے الفاظ پہلے سے شامل کیے جاتے ہیں۔

     

    ذرائع کا کہنا ہے کہ ایف آئی آر کے سامنے آنے سے مودی حکومت کا بھونڈا ڈرامہ بری طرح بے نقاب ہو چکا۔ ایف آئی آر میں جھوٹ پکڑے جانے کے بعد مودی کا پہلگام فالس فلیگ ڈراما مذاق بن چکا۔

  • اورنگزیب کے مزار پر سیاست !‌ مودی حکومت نے مسلمانوں کے خلاف نیا محاذ کھول دیا

    اورنگزیب کے مزار پر سیاست !‌ مودی حکومت نے مسلمانوں کے خلاف نیا محاذ کھول دیا

    مودی حکومت نے اورنگزیب کے مزار کو بنیاد بنا کر ایک بار پھر مسلمانوں کےخلاف نفرت کا محاذ کھول دیا۔

    تفصیلات کے مطابق مودی سرکار مسلم دشمنی میں پیش پیش ہے، مودی سرکار کے اقلیتوں پر مظالم سب پر عیاں ہیں۔

    مودی حکومت نے اورنگزیب کے مزار کو بنیاد بنا کر ایک بار پھر مسلمانوں کے خلاف نفرت کا محاذ کھول دیا اور اورنگزیب کے مزار پر سیاست کرتے ہوئے مودی حکومت نے ایک بار پھر مسلمانوں کے تاریخی ورثے کو نشانہ بنایا۔

    بی جے پی نے اورنگزیب کے خلاف جھوٹے بیانئے کو فروغ دے کر عوام میں مسلمانوں کے خلاف نفرت پھیلائی، اس کے نتیجے میں مہاراشٹرا میں اورنگزیب کے مزار کی مسماری کے مطالبے پر تشدد مظاہرے پھوٹ پڑے۔

    مودی سرکار اور بی جے پی کا مقصد اورنگزیب کو شدت پسند قرار دے کر 20 کروڑ بھارتی مسلمانوں کو نشانہ بنانا تھا۔

    تاریخی حقائق کے مطابق اورنگزیب نے ہندو راجپوتوں اور مرہٹوں کو اعلیٰ عہدوں پر فائز کیا تھا، تمام شواہد کے باوجود مسلمانوں کے خلاف جھوٹا پراپگنڈاہ مودی حکومت کے مضموم مقاصد کو واضح کرتا ہے ۔

    مودی حکومت کا مسلمانوں کی تاریخ پر حملہ دراصل مسلم ورثے کو مٹانے اور ہندو ووٹ بینک کو مضبوط کرنے کی ایک مہم ہے۔

    سال 2014 میں اقتدار حاصل کرنے کے بعد سے ہی مودی سرکار نے مسلمانوں کی شناخت کو مٹانے کی مہم شروع کی، مہم کا مقصد ہندوتوا ایجنڈے کو آگے بڑھانا تھا۔

    بابری مسجد کے مقام پر رام مندر کی تعمیر کی اجازت دے کر مودی سرکار نے مسلم مخالف مہم کو مزید ہوا دی، مودی حکومت نے تاج محل جیسے تاریخی مقام کو متنازعہ بنا کر مسلمانوں کے ورثے کو مٹانے کی کوشش کی۔

    اس دوران مسلمانوں کی مساجد اور دیگر مذہبی مقامات کو بھی ہدف بنایا گیا، جس میں گیانواپی مسجد اور دیگر مغلیہ عمارتیں شامل ہیں ، کشینگر اور گورکھپور کی مساجد کی مسماری مودی حکومت کی مسلم دشمنی کا ایک اور تازہ ترین ثبوت ہے۔

    حال ہی میں منظور ہونے والا وقف بل بھی مودی کی انتہا پسندی پالیسیوں کی واضح نشاندہی کرتا ہے ، بھارتی مسلمانوں کے خلاف اس طرح کے اوچھے ہتھکنڈے استعمال کر کے مودی کا نام نہاد جمہوریت ہونے کا دعویٰ کھوکھلا ثابت ہو چکا ہے۔

  • مودی حکومت نے مظلوم کشمیریوں کو نماز عید بھی ادا نہ کرنے دی

    مودی حکومت نے مظلوم کشمیریوں کو نماز عید بھی ادا نہ کرنے دی

    ہندو انتہا پسند جماعت بی جے پی کی مودی کی سربراہی میں قائم فاشسٹ حکومت نے مقبوضہ کمشیر میں مسلمانوں کو نماز عید ادا نہ کرنے دی۔

    مقبوضہ کشمیر میں قابض بھارت کی ریاستی دہشتگردی جاری ہے اور مودی کی سربراہی میں بی جے پی کی فاشسٹ حکومت نے عید الفطر کی نماز پر پابندی لگا کر مظلوم کشمیریوں کو نمازِ عید کی ادائیگی سے روک دیا۔

    کشمیر میڈیا سروس کے مطابق مقبوضہ وادی میں نماز عید مرکزی عیدگاہ میں ادا کرنے نہیں دی گئی۔ سری نگر کی جامع مسجد میں بھی نماز عید کی ادائیگی کی اجازت نہیں دی گئی۔

    نمازع ید کی امامت سے روکنے کے لیے میر واعظ عمرفاروق کو گھر میں نظر بند کر دیا گیا۔

    میر واعظ عمر فاروق نے اقدام کی شدید مذمت کرتے ہوئے سوال اٹھایا کہ مسلمانوں پر پابندیاں اور مذہبی مقامات سے روکنے کے پیچھے کیا ایجنڈا ہے۔

    واضح رہے کہ اس سے قبل بھارت کی کئی ریاستوں میں بھی سڑکوں اور چھتوں پر نماز عید کی ادائیگی پر پابندی عائد کرتے ہوئے خلاف ورزی کرنے والوں کے پاسپورٹ منسوخ کرنے کی دھمکی دی گئی تھی۔

    https://urdu.arynews.tv/india-threats-offering-eid-prayers-on-the-street/