نئی دہلی: مودی حکومت کے 11 سالہ دور اقتدار کو نااہلی، جھوٹ، فریب اور حقائق کو چھپانے کی حکمرانی قرار دیا جا رہا ہے۔
ناقدین کا کہنا ہے کہ مودی کی قیادت میں سچائی، احتساب اور شفافیت غائب ہو چکی ہے، جبکہ حکومت کے دعوے صرف فوٹو شوٹس اور جھوٹے اشتہارات تک محدود ہیں۔
مودی کا گیارہ سالہ دور جھوٹ اور فریب کی بنیاد پر قائم ہے، بھارت میں پہ در پہ حادثات کے باوجود مودی حکومت کی بےحسی برقرار ہے جبکہ احمدآباد طیارہ حادثے پر بھی سخت ایکشن اور حفاظتی اقدامات اٹھانے کے بجائے مودی سرکار خاموش رہی۔
رپورٹ کے مطابق بھارتی سول ایوی ایشن کا نظام شدید عملے کی کمی کا شکار ہے مگر کوئی سنے والا نہیں، پانچ سال میں 244 ریلوے بڑے حادثات ہوئے مگر مودی کی ساری توجہ نئے ٹرینوں کی افتتاح پر رہی۔
اشتہاروں میں "شائننگ انڈیا” لیکن حقیقی بھارت بھوک، غربت اور افلاس کا شکار ہے، کورونا میں گجرات میں اموات تیتیس گنا زیادہ نکلی اور سرکاری گنتی فراڈ نکلی جبکہ پلوامہ اور پہلگام حملوں پر صرف مودی نے سیاست چمکائی۔
مودی حکومت کی سفارتی ناکامیاں بھی عیاں ہو چکی ہیں، کینیڈا کے ساتھ تعلقات کشیدہ ہیں اور نجر قتل کے معاملے پر خاموشی اختیار کی گئی ہے۔ مجموعی طور پر مودی کا دور بھارت کی ناکامی کا دور ثابت ہو رہا ہے۔
