Tag: مودی سرکار

مودی سرکار کشمیر کے مسلم تشخص کو مسخ کرنے کیلئے ہر حربے کا استعمال کر رہی ہے، دْنیا کی سب سے بڑی جمہوریت کہلوانے والے بھارت کا مکروہ چہرہ دْنیا پر عیاں ہوگیا ہے۔

تفصیلات کے مطابق بھارت مقبوضہ کشمیر میں آبادی کا تناسب تبدیل کرنے کیلئے اوچھے ہتھکنڈے استعمال کررہا ہے ، دْنیا کی سب سے بڑی جمہوریت کہلوانے والے بھارت کا مکروہ چہرہ دْنیا پر عیاں ہوگیا ہے۔

مقبوضہ کشمیر کا 58 فیصد رقبہ لداخ، 26 فیصد جموں اور 16 فیصد وادی کشمیر پر مشتمل ہے، مودی سرکار کشمیر کے مسلم تشخص کو مسخ کرنے کیلئے ہر حربے کا استعمال کر رہی ہے۔

آرٹیکل370 اور 35-A کی غیر آئینی تنسیخ جنیوا کنونشن 4 کے آرٹیکل 49 کی کھلی خلاف ورزی ہے، مردم شماری کمیشن نے اکثریتی علاقوں کی نشستیں 83سے بڑھا کر 90کر دیں جبکہ مسلم اکثریتی علاقوں کی نشستوں میں صرف1کا اضافہ کیا گیا۔

مقبوضہ کشمیر میں 56ہزار ایکڑ اراضی بھی ہندوستانی فوج نے ناجائز طور پر قبضے میں لے رکھی ہے جبکہ نئے ڈومیسائل قوانین کے تحت 50 لاکھ سے زائد ہندوٴں کو کشمیر کا ڈومیسائل بھی دے دیا گیا ہے۔

مودی سرکار 5لاکھ پنڈتوں کے لئے اسرائیل کی طرز پر کالونیاں بھی بنا نے جا رہی ہے ، مودی سرکار مقبوضہ کشمیر میں ہندو اکثریت پر مشتمل ایک نیاڈویڑن بنانے کا ارادہ رکھتی ہے جس میں کشتوار، انتناگ اور کْلگم کے اضلاع شامل ہوں گے۔

جموں اینڈ کشمیر لینگوئج بل، کنٹرول آف بلڈنگ آپریشن ایکٹ، جموں و کشمیر ڈویلپمنٹ ایکٹ اور فارسٹ رائٹس ایکٹ میں تبدیلیوں سے مقبوضہ کشمیر کو مسلم اکثریت سے ہندو اکثریت علاقے میں بدلنے کا گھناوٴنا منصوبہ آخری مراحل میں ہے۔

مودی سرکار کے ان تمام تر اقدامات کا مقصد مقبوضہ کشمیر کو ہڑپ کرنا ہے۔

مودی سرکار کو ایک بارپھربغیر پائلٹ جہاز یو اے وی کی ناکامی کی وجہ سے منہ کی کھانی پڑی ،1786 کروڑ کے بعد بھی تاپس پروجیکٹ بار بار تاخیر کے باعث14 جنوری 2023 کو بند کر دیا گیا۔

تفصیلات کے مطابق مودی سرکار کا ڈرون پراجیکٹ ناکام ہوگیا ، مودی سرکار کو ایک بار پھر بغیر پائلٹ جہاز UAV کی ناکامی کی وجہ سے منہ کی کھانی پڑی، 2011 میں شروع ہونے والا TAPAS پروجیکٹ 1650 کروڑ روپے میں 2016 میں مکمل ہونا تھا۔

انڈیا ٹوڈے میں دیئے گئے بھارتی حکومت کے دعویٰ کے مطابق تاپس جہاز 24 گھنٹے تک 30 ہزار فٹ تک کی اونچائی پر چلنے کے قابل ہوگا لیکن 1786 کروڑ روپے کے بعد بھی تاپس پروجیکٹ بار بار تاخیر کے باعث 14 جنوری 2023 کو بند کر دیا گیا۔

ہندوستان ٹائمز کا کہنا تھا کہ تاپس جہاز انجن کے مسائل کے باعث دس سال سے زائد عرصے تک تاخیر کا شکار رہا۔

ماضی میں بھی مودی سرکار ایسے کئی منصوبوں پر اربوں روپے ڈبو چکی ہے، بھارتی عوام کا اربوں روپے ڈوبونے والا ارجن ٹینک 50 سال بعد بھی مکمل نہ ہو سکا، جسے 2021 میں بند کرنا پڑا،

میڈیا رپورٹس کے مطابق بھارت کا تیجا جہاز بھی 3 دہائیوں کے طویل عرصے کے بعد مکمل نہ ہو سکا ، جسے شرمندگی کے باعث بند کرنا پڑا۔

بھارتی حکومت میزائل، ٹینک اور جہاز کے 178 پراجیکٹس میں 119 ناکام رہا تاہم تاپس پراجیکٹ کی ناکامی پر دیگر سیاسی پارٹیوں کی جانب سے مودی سرکار اور بھارتی فوج پر شدید تنقید کی جارہی ہے۔

نئی دہلی : بھارتی جریدے ثمانا کے ایگزیکٹوایڈیٹر سنجے راوت پر مودی کیخلاف خبر چھاپنے پر مقدمہ درج کرلیا گیا، سنجے راوت نے مودی سرکار کا الیکٹرانک ووٹنگ مشینوں سے انتخابی عمل مشکوک قرار دیا تھا۔

تفصیلات کے مودی سرکار نے آزادی صحافت پر ایک اور حملہ کردیا، بھارتی جریدے ثمانا کے ایگزیکٹوایڈیٹر سنجے راوت پر مودی کیخلاف خبر چھاپنے پر مقدمہ درج کرلیا گیا، سنجے روات پرمقدمہ بھارتی قانون کے تحت عمر کھیدمہاراشٹراپولیس اسٹیشن میں درج ہوا۔

جریدےکےایگزیکٹوایڈیٹر سنجے راوت نے گزشتہ روزمودی سرکار کی پالیسیوں پرتنقیدکی تھی اور مودی سرکار کا الیکٹرانک ووٹنگ مشینوں سےانتخابی عمل مشکوک قرار دیا تھا۔

سنجےروات کا کہنا تھا کہ بی جےپی ای وی ایم کےذریعے2018مدھیہ پردیش الیکشن میں دھاندلی سے جیتی۔

واشنگٹن پوسٹ نےمودی سرکارکی خودساختہ تشہیرکیلئےخفیہ آپریشن کرنےوالی تنظیموں کوبےنقاب کیا تھا جبکہ جنوری 2023میں ایلون مسک نےدعویٰ کیا کہ بھارتی سرکار نے مودی مخالف ٹویٹس ہٹانے کیلئے دباؤ ڈالا۔

فروری 2023 میں مودی مخالف ڈاکومنٹری نشر کرنے پر بی بی سی کےدفاترپرچھاپےبھی مارےگئے جبکہ رواں سال مارچ میں مودی پر تنقید کرنے پر کانگریس رہنما راہول گاندھی کی پارلیمنٹ کی رکنیت بھی معطل کر دی گئی تھی۔

ہندوستان کے حالیہ انتخابات میں جنوبی ریاستوں نے مودی سرکار کو مسترد کردیا، ہندوستان کی پانچ بہترین کارکردگی دکھانے والی ریاستوں میں چار جنوبی ریاستیں شامل ہیں۔

تفصیلات کے مطابق مودی کے دور اقتدار میں شمالی اور جنوبی ہندوستان کی تقسیم میں اضافہ ہوگیا اور مودی ترقی یافتہ ریاستوں میں مسترد جبکہ ترقی پذیر میں مقبول ہے۔

ہندوستان کے حالیہ انتخابات میں جنوبی ریاستوں نے مودی سرکار کو مسترد کردیا، 2018 کے پبلک افیئر انڈیکس کے مطابق ہندوستان کی 5 بہترین کارکردگی دکھانے والی ریاستوں میں 4 جنوبی ریاستیں شامل ہیں۔

برطانوی نشریاتی ادارے (بی بی سی) کے مطابق ہندوستان میں جنوبی ریاستوں نے ترقی و استحکام میں مودی کے زیر اقتدار شمالی ریاستوں کو پیچھے چھوڑ دیا، جنوبی ہندوستان میں شرح خواندگی 80 فیصد سے بھی زائد جبکہ شمالی ہندوستان میں محض 50 فیصد سے بھی کم ہے۔

مودی سرکار نے جنوبی ریاستوں کی حق تلفی کرتے ہوئے ہندوستانی پارلیمنٹ میں جنوبی ریاستوں کی مختص نشستوں کو بھی کم کرنے کا منصوبہ تیار کیا اور 2024 کے انتخابات کے پیش نظر شمالی ریاستوں کی نشستیں بڑھا کر جنوبی ریاستوں کے ووٹ کا حق دبایا جارہا ہے۔

بین الاقوامی جریدے اکانومسٹ کے مطابق شمالی ہندوستان میں آبادی کی شرح 75 فیصد اور ٹیکس ادائیگی صرف 3 فیصد ہے جبکہ جنوبی ریاستوں میں آبادی کم اورٹیکس ادائیگی 25 فیصد سے بھی زائد ہے۔

مختلف عالمی جریدوں میں بتایا گیا شمالی ہندوستان میں 30 فیصد عوام غربت میں جبکہ جنوبی ریاستوں میں 92 فیصد عوام خوشحال زندگی بسر کررہے ہیں، جنوبی ہندوستان کا فی کس جی ڈی پی شمالی ہندوستان سے 4 گنا زیادہ ہے، مودی کی انتہا پسند پالیسی کے باعث جنوبی ریاستوں کے زیادہ تر اثاثے شمالی ریاستوں کو دے دیے جاتے ہیں جبکہ ملکی جی ڈی پی میں سب سے بڑا حصہ جنوبی ریاستیں شامل کرتی ہیں۔

ماہرین کا کہنا ہے کہ حالیہ انتخابات نے اس تقسیم کو اور واضع کر دیا ہے شمال اور جنوب کی یہ تقسیم مودی سرکار کی انتہا پسند پالیسیوں کا نتیجہ ہے، شمالی ریاستوں میں مودی کے زیادہ مقبول ہونے کی بڑی وجہ انتہاپسندی اور کم شرح خواندگی ہے۔