اسلام آباد: وزیر ریلوے شیخ رشید نے کہا ہے کہ جارحیت بھارت نے کی، پاکستان نے اپنے دفاع میں جواب دیا.
ان خیالات کا اظہار انھوں نے اے آر وائی نیوز سے خصوصی گفتگو کرتے ہوئے کیا. شیخ رشید کا کہنا تھا کہ مودی سرکار دباؤ میں ہے، کیوں کہ انھوں نے نفرت کی سیاست کی.
[bs-quote quote=” پاکستان میں غیرملکی سرمایہ کاری آرہی تھی، مودی برداشت نہیں کرسکا، بھارتی انتہا پسندوں کو پاکستان کی ترقی ہضم نہیں ہورہی تھی.” style=”style-8″ align=”left” author_name=”شیخ رشید”][/bs-quote]
شیخ رشید کا کہنا ہے کہ مودی سرکار نفرت میں خود پھنس گئی، بھارت سے بھی آوازیں اٹھ رہی ہیں، ہم نے ریلوے میں ایمرجنسی نافذ کر دی ہے، سپلائی ہروقت جاری رہے گی، آئندہ 72 گھنٹے اہم ہیں، پاکستان ریلوے پاک فوج کے ساتھ کھڑی ہے.
انھوں نے کہا کہ مودی ضرور مستی کرے گا، کیوں کہ مقبوضہ کشمیرعالمی سطح پراجاگر ہوگیا ہے، اسلام آباد میں سفارتی اور فوجی سرگرمیاں جاری ہیں، پاکستان کا میڈیا آزاد ہے، حقائق سے دنیا کو باخبر رکھا ہوا ہے.
ان کا مزید کہنا تھا کہ ایک لیڈر (نریندی مودی) 5 ریاستوں میں ہار چکا ہے، ایک لیڈر الیکشن جیت کرآیا ہے، مگر وہ پھر بھی وہ امن کی بات کرتا ہے.
انھوں نے کہا کہ پاکستان نے امن کی شروع سے بات کی ہے، تاریخ بھی دیکھ لیں، ہمیشہ بھارت نے جارحیت کی ہے، مودی پریشان ہے، کیوں کہ انتخابات میں شکست دیکھ رہا ہے، پاکستان کےمؤقف اوروزیراعظم عمران خان کے پیغام کی تعریف کی گئی، پاک فوج دنیاکی بہترین فوج ہے، دہشت گردی کے خلاف تازہ جنگ لڑی ہے.
مزید پڑھیں: پاکستان آرمی زندہ باد‘ دنیا بھر میں ٹاپ ٹرینڈ بن گیا
شیخ رشید نے کہا کہ بھارتی عوام جنگ کے خلاف ہیں، بھارتی عوام کو بھی پتا ہے کہ یہ جنگ آخری جنگ ہوگی، پاکستان میں غیرملکی سرمایہ کاری آرہی تھی، مودی برداشت نہیں کرسکا، بھارتی انتہا پسندوں کو پاکستان کی ترقی ہضم نہیں ہورہی تھی.
انھوں نے کہا کہ ابھی جنگ شروع نہیں ہوئی اوربھارتی پائلٹس ہماری حراست میں ہیں، بھارتی پائلٹس کے ساتھ اچھا سلوک کیا جائے گا، جنگ سےکسی کافائدہ نہیں ہوتا، سب کا نقصان ہوتا ہے.
