Tag: موسلادھار بارش

اسلام آباد : وفاقی دارالحکومت اسلام آباد میں بارش پھر امتحان بن گئی، نیوچٹھہ بختاور کا علاقہ زیرآب آگیا اور نالے بپھر گئے۔

تفصیلات کے مطابق وفاقی دارالحکومت میں وقفے وقفے سے جاری بارش نے ایک بار پھر شہری زندگی کو متاثر کر دیا۔

مارگلہ کی پہاڑیوں سے آنے والے تیز ریلے کے باعث برساتی نالے بپھر گئے، جس کے نتیجے میں نیو چٹھہ بختاور سمیت کئی نشیبی علاقے زیر آب آ گئے۔

نیو چٹھہ بختاور کا علاقہ شدید موسلا دھار بارش کے بعد تالاب کا منظر پیش کرنے لگا۔ گلی نمبر 6، 7، 8، 9، 10 اور 11 میں گھروں میں پانی داخل ہو گیا، جس سے مکینوں کو شدید مشکلات کا سامنا کرنا پڑا۔

علاقہ مکینوں کے مطابق، نالے کے کنارے غیرقانونی تعمیرات اور نکاسی آب کا ناقص نظام نقصان کی بڑی وجہ بنے۔

چک شہزاد اور پارک روڈ کے اطراف میں بھی برساتی نالے اوور فلو ہو گئے، جہاں کئی کئی فٹ پانی جمع ہونے سے معمولات زندگی مفلوج ہو کر رہ گئے۔

راول ڈیم میں پانی کی سطح ایک بار پھر بلند ہونا شروع ہو گئی، جس کے بعد اسپل وے کھول دیے گئے تاکہ اضافی پانی کا دباؤ کم کیا جا سکے۔

سی ڈی اے اور این ڈی ایم اے نے متاثرہ علاقوں میں ریسکیو اور نکاسی آب کا کام شروع کر دیا ہے۔ انتظامیہ کے مطابق، نیو چٹھہ بختاور میں پانی کی سطح اب کافی حد تک کم ہو چکی ہے، تاہم متاثرہ علاقوں میں صفائی اور بحالی کا عمل جاری ہے۔

دوسری جانب گجرات میں بارش کے باعث ایک مکان کی چھت گرنے کا واقعہ پیش آیا، جس میں میاں بیوی زخمی ہو گئے۔

متعلقہ اداروں کو ہدایت کی گئی ہے کہ آئندہ ممکنہ بارشوں کے پیش نظر فوری احتیاطی تدابیر اختیار کریں، تاکہ شہریوں کو مزید نقصان سے بچایا جا سکے۔

راولپنڈی : راولپنڈی میں موسلادھار بارش کے بعد ہنگامی حالت کا اعلان کردیا گیا اور پانی آبادی میں داخل ہونے کے خطرے کے پیش نظر مساجد میں اعلانات شروع کردیئے گئے ہیں۔

تفصیلات کے مطابق اسلام اباد اور راولپنڈی سمیت نواحی علاقوں میں رات سے موسلا دھار بارش کا سلسلہ جاری ہے، راولپنڈی میں دو سو بیس ملی میٹر سے زائد بارش ریکارڈ کی گئی ہے۔

ندی نالوں میں طغیانی کے باعث جڑواں شہروں میں الرٹ جاری کردیا گیا اور نالہ لئی کے اطراف خطرے کی گھنٹیاں بج گئیں۔

ریسکیوون ون ٹو ٹو کی جانب سے مختلف مساجد میں اعلانات شروع کردیئے گئے ہیں، نالہ لئی میں پانی کی سطح بیس فٹ بلند ہونے پر پانی آبادی میں داخل ہونے کا خطرہ ہے۔

مزید پڑھیں : راولپنڈی میں خراب موسم کے باعث ایک دن کی چھٹی کا اعلان

ریسکیو ون ون ٹوٹو کی جانب سے شہریوں سے نشیبی علاقے خالی کرنے کی اپیل کی جارہی ہے۔

راولپنڈی کنٹونمنٹ بورڈ اور مری روڈ کی شاہراہیں زیرآب آگئیں جبکہ نشیبی علاقوں میں گلیوں اور سڑکوں پر پانی جمع ہوگیا اور بجلی کی فراہمی معطل ہوگئی، محکمہ موسمیات کا کہنا ہے بارش کا سلسلہ آئندہ چند گھنٹے تک جاری رہنے کا امکان ہے۔

راولپنڈی میں موسلادھار بارش کے بعد ہنگامی حالت اور آج چھٹی کا اعلان کردیا گیا ہے، وزیراعلیٰ پنجاب کی ہدایات پرراولپنڈی میں رین ایمرجنسی نفاذ کیا گیا۔

مساجد سے لوگوں کو گھروں میں رہنے کے اعلانات کئے جارہے ہیں کیونکہ مختلف مقامات پر نالہ لئی میں پانی کی سطح بیس فٹ تک بلند ہوچکی ہے۔

ڈی جی پی ڈی ایم اے نے کہا کہ نالہ لئی کےاطراف نشیبی علاقوں کےرہائشی انخلاکی صورت میں تعاون کریں ، نالہ لئی کے اطراف جمع اور نہانے والوں کیخلاف سخت کارروائی کی جائے تاہم شہری موسمی صورتحال کے پیش نظر احتیاطی تدابیر اختیار کریں۔

لکی مروت‌ (14 جولائی 2025) :‌ آندھی اور موسلادھار بارش سے سیلابی ریلے کے باعث لکی مروت سے پنجاب جانے والازمینی رابطہ منقطع ہوگیا۔

تفصیلات کے مطابق ضلع لکی مروت میں گزشتہ رات شدید آندھی اور بارش سے ضلع کے مختلف علاقوں میں سڑکیں اور پل پانی میں بہہ گئی ہیں اور انہیں شدید نقصان پہنچا ہے جبکہ نکاس اب نہ ہونے کے باعث جگہ جگہ روڈوں پر پانی کھڑے ہیں۔

موسلادھار بارش سے درہ تنگ روڈ پر سیلابی ریلے اور پل کو پانی میں بہنے کے باعث لکی مروت سے پنجاب جانے والی زمینی رابطہ منقطع ہوگیا ہے۔

روڈ بندش سے پنجاب اور اسلام باد جانے اور جانے والے مسافر رستے میں پھنس گئے اور دونوں اطراف گاڑیوں کی لمبی قطاریں لگ گی ہیں۔

گاڑیاں پانی میں پھنس گئی، جس سے مسافروں کو شدید مشکلات کا سامنا کرنا پڑ رہا ہے۔

مزید پڑھیں : دریائے سندھ میں تونسہ بیراج کے مقام پر فلڈ الرٹ جاری

اندھی اور بارش سے بجلی کا نظام درہم برہم ہوگیا ہے اور ابھی تک شہر سمیت بیشتر علاقوں کی بجلی بحال نہ ہوسکی۔

ڈپٹی کمشنر لکی مروت زیشان عبداللہ نے لکی درہ تنگ روڈ بحالی کیلئے لکی مروت نے رستے کو عارضی کھولنے کیلئے مشنیری روانہ کردی ہیں اور روڈ کی بحالی پر کام شروع کردیا

تاہم ابھی تک روڈ بڑی گاڑیوں کیلیے بند ہے جبکہ ضلعی انتظامیہ روڈ کی بحالی میں مصروف ہے۔

اسلام آباد : محکمہ موسمیات نے گردآلود طوفان اور موسلادھار بارش کی پیشگوئی کردی اور کہا مغربی ہوا کاسلسلہ 24 مئی کو بالائی علاقوں میں داخل ہونے کا امکان ہے۔

تفصیلات کے مطابق محکمہ موسمیات نے بالائی علاقوں میں 23 اور 24 مئی کو گرد آلود طوفان اور گرج چمک کیساتھ بارش کی پیشگوئی کردی۔

محکمہ موسمیات نے بتایا کہ مرطوب ہوائیں مسلسل ملک کےبالائی اور وسطی علاقوں میں داخل ہورہی ہیں، مغربی ہوا کاسلسلہ 24 مئی کو بالائی علاقوں میں داخل ہونے کا امکان ہے۔

جس کے باعث کشمیر،جی بی ، اسلام آباد،راولپنڈی، مری، گلیات ، اٹک، چکوال، جہلم، میانوالی، حافظ آباد، منڈی بہاؤالدین، سیالکوٹ، نارووال، لاہور میں بارش کا امکان ہے۔

موسم کی خبریں

گوجرانوالہ، گجرات، شیخوپورہ، چترال، دیر، سوات، مالاکنڈ، مانسہرہ، بٹگرام، شانگلہ، کوہستان ، ایبٹ آباد،ہری پور، پشاور، مردان، صوابی، نوشہرہ، مہمند، خیبر، اورکزئی، کرم میں بھی بارش کی پیشگوئی کی گئی ہتے۔

بنوں،لکی مروت، کوہاٹ، کرک ،وزیرستان میں 23اور 24 مئی کو بارش اور طوفانی ہوائیں چلنے کا امکان ہے۔

ژوب، زیارت، بارکھان، سرگودھا، فیصل آباد، جھنگ، ٹوبہ ٹیک سنگھ ، ڈی جی خان،راجن پور، ملتان، بھکر، لیہ اور ڈی آئی خان میں گرج چمک کے ساتھ بارش کا امکان ہے۔

اسلام آباد : محکمہ موسمیات نے آندھی، جھکڑ اور موسلادھار بارش کی پیش گوئی کرتے ہوئے خبردار کیا بارش سے کمزور انفراسٹرکچر کو نقصان پہنچنے کا خدشہ ہے۔

تفصیلات کے مطابق پنجاب، خیبر پختونخوا اور آزاد کشمیر سمیت ملک کے مختلف علاقوں میں وقفے وقفے سے بارش کا سلسلہ جاری ہے، جس سے موسم خوشگوار ہوگیا۔

محکمہ موسمیات نے اسلام آباد میں آندھی، جھکڑ اور گرج چمک کے ساتھ بارش کا امکان ظاہر کرتے ہوئے کہا کہ ملک کے بیشتر علاقوں میں موسم گرم اور خشک رہنے کا امکان ہے تاہم چند علاقوں میں بارش کی پیشگوئی کی گئی ہے۔

موسم کا حال بتانے والوں نے خبردار کیا آج آندھی، ژالہ باری اور موسلادھار بارش سے کمزور انفراسٹرکچر کو نقصان پہنچنے کا خدشہ ہے۔

محکمہ موسمیات کا کہنا ہے کہ خیبرپختونخوا کے پشاور، دیر، سوات، مانسہرہ، وزیرستان اور ڈی آئی خان سمیت کئی اضلاع میں بارش اور ژالہ باری کا امکان ہے جبکہ پنجاب کے لاہور، فیصل آباد، گوجرانوالہ، ملتان، سرگودھا اور راولپنڈی سمیت مختلف شہروں میں آندھی اور ژالہ باری کے ساتھ بارش متوقع ہے۔

سندھ اور بلوچستان کے بیشتر علاقوں میں موسم گرم اور خشک رہے گا تاہم شمالی بلوچستان میں تیز ہواؤں کا امکان ہے۔

گزشتہ 24 گھنٹوں کے دوران جوہرآباد میں 08 ملی میٹر، گلگت بلتستان اور دیر سمیت چند مقامات پر ہلکی بارش ریکارڈ کی گئی جبکہ سب سے زیادہ درجہ حرارت جیکب آباد، موہنجوداڑو، دادو میں 46 جبکہ سبی اور رحیم یار خان میں 45 ڈگری سینٹی گریڈ ریکارڈ کیا گیا۔