Tag: موسلا دھار بارش

  • مدینہ منورہ میں موسلا دھار بارش، زائرین کی دعائیں (ویڈیو)

    مدینہ منورہ میں موسلا دھار بارش، زائرین کی دعائیں (ویڈیو)

    سعودی عرب مدینہ منورہ میں موسلادھار بارش سے موسم خوشگوار ہوگیا، جبکہ بارش کے دوران زائرین نے رب کے حضور دعائیں مانگیں۔

    سعودی خبر رساں ادارے کی رپورٹ کے مطابق مدینہ منورہ میں بادل خوب برسے جس سے ہر طرف جل تھل ہوگیا۔

    رپورٹس کے مطابق مسجد نبوی صلی اللہ علیہ وآلہ وسلم میں بھی باران رحمت جم کر برسا جس کی ویڈیوز سوشل میڈیا پر بھی گردش کررہی ہیں۔

    بارش کے باعث مدینہ منورہ میں گرمی کی شدت میں کمی آئی اور موسم خوشگوار ہوگیا۔

    سعودی عرب: کونسے علاقے پورے ہفتے بارش کی زد میں رہیں گے؟

    سعودی عرب میں موسمیات کے قومی مرکز کا کہنا ہے کہ ’مملکت کے بیشترعلاقوں میں بارش کا سلسلہ رواں ہفتے کے آخر تک جاری رہنے کا امکان ہے۔‘

    رپورٹ کے مطابق جازان، عسیر، الباحہ، مکہ، مدینہ اور نجران ریجن میں درمیانے درجے سے شدید بارش جبکہ ریاض قصیم، حائل اور الشرقیہ ریجن ہلکی سے درمیانے درجے کی بارش کی زد میں رہیں گے۔

    رپورٹس کے مطابق جنوب مغربی اور مغربی پہاڑی علاقوں خاص طور پر جازان، عسیر، الباحہ اور مکہ میں شدید بارش کا امکان ظاہر کیا گیا ہے۔ بعض مقامات پر گرد آلود ہوائیں بھی چلیں گی۔

    کراچی میں بارش، محکمہ موسمیات کا اہم بیان سامنے آگیا

    موسمیات کے قومی مرکز نے شہریوں اور رہائشیوں سے کہا ہے کہ ’وہ ویب سائٹ اور میڈیا پلیٹ فارمز کو فالو کریں اور حکام کی ہدایات اور گائیڈ لائنز پر عمل کریں۔‘

  • کراچی میں موسلا دھار بارش ،   فلائٹ آپریشن متاثر

    کراچی میں موسلا دھار بارش ، فلائٹ آپریشن متاثر

    کراچی: موسلا دھار بارش سے جناح انٹرنیشنل ایئرپورٹ پر فلائٹ آپریشن متاثر ہونے سے متعدد پروازیں تاخیر کا شکار ہے۔

    تفصیلات کے مطابق کراچی میں موسلا دھار بارش کے باعث جناح انٹرنیشنل ایئرپورٹ پر فلائٹ آپریشن متاثر ہوا، جس سے ملکی و غیر ملکی پروازیں تاخیر کا شکار ہوئیں۔

    ایئرپورٹ ذرائع نے بتایا کہ پاکستان انٹرنیشنل ایئرلائن (پی آئی اے) کی کراچی سے اسلام آباد جانے والی پرواز PK-300 30 منٹ کی تاخیر سے روانہ ہوئی جبکہ فلائی جناح کی پرواز FJ-670 ایک گھنٹے کی تاخیر سے صبح 8 بجے روانہ کی گئی۔ ایئرسیال کی صبح 7 بجے روانہ ہونے والی اسلام آباد پرواز بھی تاحال روانہ نہ ہو سکی۔

    اسی طرح پی آئی اے کی کراچی سے لاہور پرواز PK-302 صبح 8 بج کر 30 منٹ پر روانہ ہوئی، جو کہ مقررہ وقت سے آدھا گھنٹہ تاخیر کا شکار تھی۔

    حکام کے مطابق تین بین الاقوامی پروازیں بھی موسم کی خرابی کے باعث تاخیر سے کراچی پہنچیں۔

    شہر میں رات سے شروع ہونے والا ہلکی بارش کا سلسلہ صبح کے وقت موسلا دھار بارش میں تبدیل ہوگیا، جس سے مختلف علاقوں میں معمولات زندگی متاثر ہوئے۔

    تیز بارش طارق روڈ، عزیز آباد، شاہراہِ قائدین، بوٹ بیسن، لیاقت آباد، حسن اسکوائر، نارتھ ناظم آباد، سائٹ ایریا، کلفٹن، ڈیفنس، قیوم آباد، شاہراہِ فیصل، ایئرپورٹ، قائدآباد، ملیر، لانڈھی اور کورنگی میں ریکارڈ کی گئی۔

    مزید پڑھیں : کراچی میں بھی بادل برس پڑے، مختلف علاقوں میں موسلادھار بارش

    گلستانِ جوہر، گلشنِ اقبال، فیڈرل بی ایریا، اسکیم 33، صفورا چورنگی، ملیر کینٹ، نارتھ کراچی، منگھوپیر، سرجانی ٹاؤن اور تیسر ٹاؤن سمیت متعدد علاقوں میں بھی شدید بارش ہوئی جبکہ نارتھ ناظم آباد اور ملحقہ علاقوں میں تیز بارش کے ساتھ گرج چمک بھی ہوئی۔

    محکمہ موسمیات کے مطابق آئندہ 24 گھنٹوں میں ملک کے شمالی علاقوں میں مزید بارشوں کا امکان ہے۔ کشمیر، گلگت بلتستان، مری اور گلیات میں شدید بارش جبکہ کوئٹہ، ژوب، قلات، لاہور، اٹک، راولپنڈی، اسلام آباد، پشاور، نوشہرہ، تھرپارکر، عمرکوٹ، مٹھی اور ٹھٹھہ کے نشیبی علاقوں میں اربن فلڈنگ کا خدشہ ظاہر کیا گیا ہے۔

  • سعودی عرب: موسلا دھار بارشوں کا الرٹ، کونسے علاقے زد میں رہیں گے؟

    سعودی عرب: موسلا دھار بارشوں کا الرٹ، کونسے علاقے زد میں رہیں گے؟

    سعودی عرب کے محکمہ موسمیات نے مملکت کے کئی علاقوں میں آج سے آئندہ ہفتے تک درمیانے درجے سے موسلا دھار بارش کا امکان ظاہر کیا ہے۔

    سعودی خبر رساں ادارے کی رپورٹ کے مطابق جازان، عسیر، الباحہ، مکہ مکرمہ، تبوک اور مدینہ منورہ ریجن بارش کی زد میں ہوں گے۔

    رپورٹس کے مطابق ریاض ریجن کے کچھ علاقوں میں ہلکی سے درمیانے درجے کی بارش کا امکان ہے، جبکہ جازان، عسیر، الباحہ اور مکہ مکرمہ کے پہاڑی علاقوں میں بارش میں اضافہ متوقع ہے۔

    موسمیات کے قومی مرکز نے لوگوں پر زور دیا ہے کہ وہ موسم کے حوالے سے رپورٹ کے لیے ویب سائٹ اور میٹیا پلیٹ فارم کو فالو اور متعلقہ حکام کی ہدایات پر عمل کریں۔

    یاد رہے کہ اس سے قبل سعودی عرب کے سیاحتی شہر ابھا میں افسوسناک حادثہ رونما ہوا تھا، آسمانی بجلی گرنے سے 2 خواتین جاں بحق جبکہ ایک شدید زخمی ہوگئی تھی۔

    سعودی عرب کے اسپتال نے عالمی ریکارڈ بنا لیا!

    رپورٹ کے مطابق متاثرہ خاندان کے رشتہ دار کا کہنا ہے کہ ہم 2 خاندان القریات سے سیر و تفریح کی غرض سے ابھا کے ایک تفریحی مقام پر موجود تھے۔

    اسی دوران اچانک آسمانی بجلی گری جس کی زد میں آکر ایک رشتہ دار خاتون اور اس کی 22 سالہ بیٹی موقع پر ہی جان کی بازی ہار گئیں۔

  • بھارت کی مختلف ریاستوں میں موسلا دھار بارشوں کا الرٹ جاری

    بھارت کی مختلف ریاستوں میں موسلا دھار بارشوں کا الرٹ جاری

    بھارت کے شمال میں شدید بارشوں کا سلسلہ جاری ہے، جبکہ محکمہ موسمیات نے دہلی میں بھی تیز بارشوں کی پیش گوئی کردی ہے۔

    بھارتی میڈیا رپورٹس کے مطابق بھارت کے محکمہ موسمیات کا کہنا ہے کہ 18 جولائی تک ہلکی سے درمیانی بارش کا سلسلہ جاری رہے گا، وہیں اتر پردیش، بہار، ہماچل پردیش، اتراکھنڈ، راجستھان، مدھیہ پردیش میں بھی شدید بارش کا الرٹ جاری کیا گیا ہے، اتر پردیش کے 13 اضلاع میں آج تیز بارش کا امکان ہے۔

    محکمہ موسمیات کے مطابق بہرائچ، بلرام پور، گونڈا، اعظم گڑھ، جونپور، مہاراج گنج، وارانسی، چندولی، مرزا پور، امبیڈکر نگر، پریاگ راج، بلیا میں شدید بارشیں ہوسکتی ہیں، جبکہ بہار کے آرہ، پٹنہ، نالندہ، لکھی سرائے، جموئی، اورنگ آباد میں بھی بارش کا امکان ہے۔

    رپورٹس کے مطابق پہاڑی ریاستوں میں بھی مسلسل بارش ہو رہی ہے، جس کی وجہ سے عام زندگی بُری طرح متاثر ہوئی ہے۔ ہماچل پردیش میں 17 جولائی تک بارش کا سلسلہ جاری رہنے کا امکان ہے۔

    رپورٹس کے مطابق شملہ اور سولن ضلع میں بارش کو لے کر یلو الرٹ جاری کیا گیا ہے۔ اترا کھنڈ کے دہرہ دون، باگیشور اور نینی تال میں شدید بارش کا آرینج الرٹ جاری کردیا گیا ہے، جبکہ ریاست کے دوسرے ضلعوں میں بھی ہلکی بارش کا امکان ظاہر کیا گیا ہے۔

    رپورٹس کے مطابق مدھیہ پردیش میں آج موسم تبدیل ہوسکتا ہے، ریاست کے کئی ضلعوں میں بارش کا امکان ہے، کچھ مقامات پر درجہ حرارت معمول سے تھوڑا کم ہوسکتا ہے۔

    محکمہ موسمیات کے مطابق راجستھان کے کوٹا، جئے پور، اجمیر اور جودھپور ڈویژن کے ضلعوں میں بارش کا ریڈ الرٹ جاری کیا جاچکا ہے، جبکہ کونکن اور گوا میں الگ الگ مقامات، گجرات، وسطی مہاراشٹر کے گھاٹ علاقوں میں بھی تیز بارش کا امکان ہے۔

    نیو یارک، موسلا دھار بارشوں سے سیلاب کا خطرہ، ایمرجنسی نافذ

    رپورٹس کے مطابق اگلے 7 دنوں تک شمال مشرقی ہند میں کئی مقامات پر گرج اور بجلی کڑکنے کے ساتھ ہلکی بارش ہوسکتی ہے، آسام اور میگھالیہ، ناگالینڈ، منی پور، میزورم اور اروناچل پردیش، تریپورہ میں بعض مقامات پر تیز بارشوں کا امکان ظاہر کیا گیا ہے۔

  • ملک میں بارشوں کی انٹری، رین ایمرجنسی نافذ

    ملک میں بارشوں کی انٹری، رین ایمرجنسی نافذ

    راولپنڈی، ترجمان واسا کا کہنا ہے کہ اسلام آباد میں موسلا دھار بارش کا سلسلہ جاری ہے، محکمہ موسمیات کی پیشگوئی پر واسا راولپنڈ ی ہائی الرٹ، رین ایمرجنسی نافذ کردی گئی ہے۔

    ترجمان واسا کے مطابق عملہ ہیوی مشینری کے ساتھ نشیبی علاقوں میں موجود ہے، جڑواں شہروں میں 80 ملی میٹر سے زائد بارش ریکارڈ کی گئی ہے۔

    سیدپور میں 52، گولڑہ 25، بوکڑہ 66، پی ایم ڈی 32 ملی میٹر بارش ریکارڈ کی گئی، شمس آباد میں 55، کچہری 41، پیر ودھائی میں 53 ملی میٹر بارش ریکارڈ کی گئی۔

    ایم ڈی واسا کے مطابق شہر بھر کے نالوں اور نالہ لئی کی مانیٹرنگ کی جا رہی ہے، نالہ لئی میں کٹاریاں پر پانی کی سطح 9 فٹ، گوالمنڈی پل پر 5 فٹ ہے۔

    کراچی کا موسم:

    محکمہ موسمیات کا کہنا ہے کہ کراچی میں آج حبس کی کیفیت کیساتھ موسم گرم اور مرطوب رہے گا، دن میں سمندری ہوائیں جزوی طور پر بند رہیں گی۔

    محکمہ موسمیات کے مطابق زیادہ سے زیادہ درجہ حرارت 38 ڈگری تک جانے کا امکان ہے، آج سے 2 روز تک درجہ حرارت میں اضافہ متوقع ہے۔

    نمی زیادہ ہونے سے دن میں گرمی کی شدت زیادہ محسوس کی جاسکتی ہے، جنوب مغرب سے ہوا 12 کلو میٹر فی گھنٹہ کی رفتار سے چل رہی ہے۔

    محکمہ موسمیات نے شہرِقائد کے شہریوں کو خوشخبری سناتے ہوئے کہا ہے کہ کراچی میں 27 جون سے بارشوں کا امکان ہے، جس کے باعث رین ایمرجنسی نافذ کردی گئی ہے۔

    محکمہ موسمیات نے بتایا کہ کراچی میں نہ صرف 27 جون کو بادلوں کے برسنے کا امکان ہے بلکہ 28 اور 29 جون کو شہر میں بارش کا امکان زیادہ ہے، کراچی میں 27 سے 29 جون کے دوران تیز اور معتدل بارش متوقع ہے۔

    کراچی میں تیز ہوائیں چلنے کا امکان، موسمیات کی پیشگوئی

    محکمہ موسمیات نے بتایا کہ مون سون کا سسٹم 25 جون کو ملک کے بالائی علاقوں پر اثرانداز ہوسکتا ہے، 26 جون سے سسٹم سندھ پر اثرانداز ہونا شروع ہوگا۔

  • محکمہ موسمیات نے شدید موسمی صورتحال کی وارننگ جاری کردی

    محکمہ موسمیات نے شدید موسمی صورتحال کی وارننگ جاری کردی

    اسلام آباد : محکمہ موسمیات نے اسلام آباد اور اس کے مضافات میں آندھی اور گرج چمک کے ساتھ موسلا دھار بارش کا انتباہ جاری کردیا،شہریوں سے غیر ضروری سفر نہ کرنے کی اپیل کی گئی ہے۔

    اے آر وائی نیوز کی رپورٹ کے مطابق محکمہ موسمیات نے کا کہا ہے کہ اسلام آباد اور مضافات میں تیز آندھی اور گرج چمک کے ساتھ بارش کا امکان ہے۔

    بعض علاقوں میں ژالہ باری بھی متوقع ہے، محکمہ موسمیات نے اسلام آباد اور راولپنڈی میں شدید موسمی صورتحال کی وارننگ جاری کرتے ہوئے اپیل کی ہے کہ اسلام آباد کے شہری ہر ممکن احتیاطی تدابیر اختیار کریں۔

    دوسری جانب راولپنڈی اور گرد و نواح میں تیز ہواؤں کے ساتھ موسلادھار بارش شروع ہوگئی، بارش کے ساتھ ہی بیشترعلاقوں میں بجلی کی سپلائی معطل ہوگئی۔

    رپورٹ کے مطابق روات، مندرہ، جاتلی، کلرسیداں اور کہوٹہ کے علاقوں میں شدید بارش ریکارڈ کی گئی ہے، جبکہ ایم ڈی واسا کا کہنا ہے کہ بارش سے پیدا صورتحال پر نظر رکھے ہوئے ہیں، ہیوی مشینری اور عملہ مختلف علاقوں میں روانہ کردیا گیا ہے۔

  • اسلام آباد راولپنڈی میں آندھی اور بارش کی خطرناک پیش گوئی

    اسلام آباد راولپنڈی میں آندھی اور بارش کی خطرناک پیش گوئی

    اسلام آباد، راولپنڈی اور گرد و نواح میں گرج چمک کے ساتھ بارش جاری ہے، محکمہ موسمیات نے آندھی اور بارش کاسلسلہ صبح تک جاری رہنےکی پیشگوئی کردی۔

    محکمہ موسمیات کا کہنا ہے کہ بارشوں کا یہ سلسلہ راولپنڈی، اٹک، پوٹوھار سے مری، گلیات اور آزاد کشمیر تک پھیلنے کی توقع ہے۔

    اس موقع پر عوام کو ہدایات جاری کی گئی ہیں کہ بارش اور گرد آلود ہواؤں کے موجودہ اسپیل میں انتہائی احتیاط سے کام لیتے ہوئے اپنا اور اپنے اہل خانہ کا خیال رکھیں۔

    گرج چمک کے ساتھ بارش

    یاد رہے کہ محکمہ موسمیات کی جانب سے ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کا امکان ظاہر کیا گیا تھا۔

    اسلام آباد، خطہ پوٹھوہار، شمال مشرقی پنجاب، بالائی خیبرپختونخوا، کشمیر اور گلگت بلتستان میں مطلع جزوی ابر آلود رہنے کے علاوہ آندھی، تیز ہواؤں اور گرج چمک کے ساتھ چند مقامات پر بارش کا امکان ظاہر کیا گیا تھا۔

    محکمہ موسمیات نے اسلام آباد سمیت مختلف علاقوں میں تیز ہواؤں اور گرج چمک کے ساتھ بارش اور ملک کے بیشتر علاقوں میں موسم گرم اور خشک جبکہ میدانی علاقوں میں شدید گرم رہنے کی پیش گوئی کی تھی۔

    مزید پڑھیں : طوفانی ہواؤں ساتھ بارش اور ژالہ باری، دن میں رات کا منظر

    گزشتہ ہفتے ملک کے مختلف حصوں میں بادل برس پڑے، اسلام آباد اور راولپنڈی میں آندھی کے ساتھ موسلادھار بارش اور ژالہ باری ہوئی ساتھ ہی کالی گھٹاؤں سے دن میں اندھیرا چھا گیا۔

    موسلادھار بارش اور ژالہ باری نے گرمی کا روز ٹوٹ گیا اور موسم خوشگوار ہوگیا تاہم طوفانی ہواؤں نے قائد اعظم یونیورسٹی میں کینٹین کی چھت گرا دی اور درخت کو جڑ سے اکھاڑ پھینکا۔

    طوفانی پواؤں نے ٹریفک کا نظام درہم برہم کردیا جبکہ متعددفیڈرزٹرپ کرگئے، سائن بورڈز اور درخت گرنے سے بجلی کی تاروں ،کھمبوں کو نقصان پہنچا۔

  • سعودی عرب: موسلا دھار بارشوں کا الرٹ جاری

    سعودی عرب: موسلا دھار بارشوں کا الرٹ جاری

    سعودی عرب کے محکمہ شہری دفاع کی جانب سے ملک کے مختلف علاقوں میں پیر سے جمعے تک گرج چمک کے ساتھ موسلا دھار بارش کے حوالے سے الرٹ جاری کردیا گیا ہے۔

    سعودی خبر رساں ادارے ایس پی اے کا اس حوالے سے کہنا ہے کہ محکمہ شہری دفاع نے عوام کو احتیاطی تدابیر اختیار کرنے کا مشورہ دیا ہے۔

    سعودی عرب کے محکمہ شہری دفاع کے بیان کے مطابق ’بارش کے دوران میڈیا اور سوشل نیٹ ورکنگ سائٹس کے ذریعے دی جانے والی ہدایات پر عمل کیا جائے‘۔

    بارشوں کے دوران محفوظ مقامات پر رہیں۔ سیلابی مراکز، وادیوں اور نشیبی مقامات کی طرف جانے سے گریز کریں۔

    محکمہ شہری دفاع کے مطابق ریاض ریجن میں عفیف، الدوامی، القویعیہ، الافلاج، السلیل اور وادی الدواسیر میں بارش ہوگی۔ مکہ مکرمہ ریجن بارش سے متاثر ہوگا۔

    مراکش میں شدید بارشوں سے تباہی، 11 ہلاک، متعدد لاپتہ

    حائل، مدینہ، نجران، قصیم، الشرقیہ کے علاقوں میں درمیانے درجے کی بارش کی توقع ہے جبکہ الباحہ، عسیر، جازان شدید بارش سے متاثر ہوں گے۔

  • مدینہ منورہ میں موسلا دھار بارش، روح پرور مناظر کی ویڈیو

    مدینہ منورہ میں موسلا دھار بارش، روح پرور مناظر کی ویڈیو

    سعودی عرب میں مدینہ منورہ اور مختلف علاقوں میں گزشتہ روز ہونے والی موسلا دھار بارشوں سے جل تھل ہوگیا۔

    سعودی خبر رساں ادارے کی رپورٹ کے مطابق مدینہ منورہ میں مسجد نبوی صلی اللہ علیہ وآلہ وسلم کے صحن میں نمازی اور عمرہ زائرین بارش کے دوران دعاوں میں مشغول رہے۔

    رپورٹس کے مطابق مسجد الحرام اور مسجد نبوی صلی اللہ علیہ وآلہ وسلم کی دیکھ بھال کے لیے قائم جنرل اتھارٹی نے بارش کے بعد نمازیوں اور عمرہ زائرین کی حفاظت اور سلامتی کو یقینی بنانے کے لیے مطاف کی صفائی اور اسے خشک کرنے کی کوششوں کو تیز کردیا ہے۔

    سعودی خبر رساں ادارے کا کہنا ہے کہ بارش کی صورتحال سے نمٹنے کیلیے 200 سے زیادہ سپروائزر، 4 ہزار کارکنان اور 500 سے زیادہ مشینوں اور ٹولز کو متحرک کیا۔

    واضح رہے بارش کے دوران مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنانے کے لئے اقدامات کئے جا رہے ہیں۔

    اتھارٹی کی جانب سے مسجد الحرام میں بارش کے مسائل سے نمٹنے کے لیے ہنگامی اسکیموں پر عمل درآمد شروع کردیا گیا ہے۔

  • کراچی میں موسلا دھار بارش سے اربن فلڈنگ کا خطرہ

    کراچی میں موسلا دھار بارش سے اربن فلڈنگ کا خطرہ

    کراچی: محکمہ موسمیات کا کہنا ہے کہ ملک کے جنوبی علاقوں میں کل سے 29 اگست کے دوران موسلا دھار بارشیں ہوسکتی ہیں جبکہ کراچی، ٹھٹھہ، بدین، مٹھی، میرپورخاص، سکھر میں موسلادھار بارشوں کا امکان ہے، کراچی میں موسلا دھار بارش سے اربن فلڈنگ کا خطرہ ہے۔

    اے آر وائی نیوز کے مطابق کراچی میں گزشتہ رات ہلکی بوندا باندی کے بعد شہر کا موسم خوشگوار ہوگیا، محکمہ موسمیات کے مطابق رات کے اوقات میں آج بھی ہلکی بارش کا امکان ہے۔

    بارشوں کے باعث گلگت بلتستان اوربالائی خیبرپختونخوا میں لینڈ سلائیڈنگ کاخدشہ ہے، جبکہ ملک کے جنوبی علاقوں میں کل سے 29 اگست کے دوران بارش کی پیشگوئی کی گئی ہے۔

    محکمہ موسمیات کا کہنا ہے کہ ملک کے بیشتر علاقوں میں آج موسم گرم اور مرطوب رہے گا، بالائی خیبرپختونخوا، جنوب مشرقی اور وسطی سندھ میں چند مقامات پر بارش ہوسکتی ہے۔

    شمال مشرقی پنجاب،خطہ پوٹھوہار اور کشمیر میں بعض علاقوں میں بارش متوقع ہے جبکہ چترال، دیر، سوات، کوہستان، شانگلہ میں بارش کا امکان ہے۔

    موٹر سائیکل کی ڈبل سواری پر پابندی عائد

    آج بٹگرام، مانسہرہ، بالاکوٹ، ایبٹ آباد، ہری پور، بونیر، مہمند، خیبر،باجوڑ، مالاکنڈ، مردان، پشاور اور کوہاٹ میں بھی بارش کا امکان ہے۔