کراچی: شہر قائدکے مختلف علاقوں میں کہیں بوندا باندی، کہیں ہلکی بارش ہوئی، جس سے موسم خوشگوار ہوگیا۔
اے آر وائی نیوز کے مطابق کراچی کے علاقے ناظم آباد، میٹروول،سائٹ ایریا، گولیمار، ڈیفنس اور اطراف میں ہلکی بارش ہوئی۔
محکمہ موسمیات کا کہنا ہے کہ 16 اگست سے مون سون کاایک اور اسپیل سندھ میں داخل ہوگا، مون سون کا نیا اسپیل 17 اگست سے گرج چمک کے ساتھ بادل برسائے گا۔
بیان کے مطابق کراچی کا مطلع جزوی ابرآلود ہے، شہر میں آج بھی وقفے وقفے سے ہلکی بارش، بوندا باندی کاامکان ہے، کم سے کم درجہ حرارت 28 ڈگری سینٹی گریڈ ریکارڈ کیا گیا۔
آج زیادہ سے زیادہ درجہ حرارت 32 ڈگری سینٹی گریڈ تک جانے کا امکان ہے، ہوا میں نمی کا تناسب 80 فیصد ہے۔
پاکستان میں مون سون کی بارشوں کا دورانیہ اور اہمیت
پاکستان میں مون سون کی بارشوں کا دورانیہ عام طور پر جولائی سے ستمبر تک ہوتا ہے۔ یہ بارشیں ملک کے مختلف حصوں میں مختلف شدت اور مدت کے ساتھ برستی ہیں۔ مون سون کی آمد سے ملک کے کئی علاقوں میں خشک سالی کے بعد زندگی میں ایک نئی بہار آ جاتی ہے۔ یہ بارشیں نہ صرف زرعی پیداوار کے لیے بلکہ پانی کے ذخائر کو بھرپور کرنے اور موسم کو خوشگوار بنانے کے لیے بھی انتہائی اہم ہیں۔
تاہم، بعض اوقات یہ بارشیں اتنی شدید ہو جاتی ہیں کہ سیلاب کی صورت اختیار کر لیتی ہیں اور ملک کے مختلف علاقوں میں تباہی پھیل جاتی ہے۔ اس کے علاوہ، غیر متوقع اور بے وقت بارشیں بھی فصلوں کو نقصان پہنچا سکتی ہیں۔
