کراچی: شہر قائد میں گرمی کی شدت میں کمی کے لئے مصنوعی بارش کرانے کا فیصلہ کرلیا گیا ہے ۔
کراچی میں سوانیزے پرآئے سورج کی تپش میں کمی کیلئےادارے سرجوڑکربیٹھ گئے، سائنسی طریقے سے بارش کرانے کے لئے اعلیٰ سطح کااجلاس ہوا۔
اجلاس میں ڈی جی کے پی ٹی،سول ایوی ایشن اتھارٹی، اورمحکمہ موسمیات کے سربراہان شریک تھے، مصنوعی بارش کرانے پراتفاقِ رائے تو کرلیا گیا لیکن مُشکل یہ آپڑی کہ اس بارش کیلئے تین مخصوص قسم کے بادلوں کی ضررورت ہوتی ہے جو اس وقت کراچی کے آسمان پر دستیاب نہیں۔
محکمہ موسمیات کے مطابق مخصوص بادلوں کی تلاش کے لئے ریڈارلگادیئےگئے ہیں، سول ایوی ایشن حکام کے مطابق دوسی اے اے کے طیارے مصنوعی بارش کے لئے تیار ہیں۔
ڈی جی کے پی ٹی کاکہنا ہے کہ مصنوعی بارش کے لئے دوسولیٹرپانی میں تیس کلونمک ملاکربادلوں پرچھڑکاؤ کیا جاتا ہے۔