Tag: موسم

ملک بھر سرد موسم اپنے جوبن پر ہے, پہاڑی علاقوں میں برف باری سے بالائی علاقوں کی رابطہ سڑکیں بند ہیں، محکمہ موسمیات نے تین روز تک سردی کی شدت برقرار رہنے کی پیش گوئی کردی۔

ملک بھر میں سردی نئے نئے ریکارڈ بنارہی ہیں، کئی شہروں میں ٹھنڈ نے دہائیوں کے پرانے ریکارڈ توڑ دیئے، گلگت بلتستان کے بلند و بالا پہاڑوں پر برف ہی برف کے نظارے ہیں تو سندھ اور بلوچستان کے ساحلی علاقے یخ بستہ ہواؤں کی لیپٹ میں ہیں، بالائی علاقے سوات اور ایبٹ آباد میں برفباری کے باعث رابطہ سڑکیں بند ہیں۔

کوئٹہ شہر میں قلفی جما دینے والی سردی میں پانی بھی لائنوں میں جم گیا، محکمہ موسمیات کے مطابق اگلے تین روز تک سردی کی شدت میں کمی کا امکان نہیں، پنجاب کے میدانی علاقوں میں دھند چھائے رہنے کا امکان ہے، سب سے کم درجہ حرارت استور میں منفی تیرہ سینٹی گریڈ ریکارڈ کیا گیا۔

شہروں کے درجہ حرارت بھی کچھ اسطرح رہے، اسلام آباد منفی تین، لاہور ایک، کراچی نو، پشاور صفر اور کوئٹہ میں منفی نو ڈگری سینٹی گریڈ ریکارڈ کیا گیا۔
   

کوئٹہ کی یخ بستہ ہواوں نے کراچی کا رخ کیا تو شہر قائد میں قائم سردی کا تیس سالہ ریکارڈ ٹوٹ گیا۔

ملک کے مختلف شہروں میں سردی کی شدت برقرار ہے، کپکپی طاری کرنے والی سرد ہوائیں اور پہاڑوں پر برفباری سے کئی شہروں میں زندگی ٹھٹر گئی، کوئٹہ کی سرد ہواوں نے کراچی کا رخ کیا تو ہر جگہ گرم کپڑوں میں ملبوس شہری ہائے سردی ہائے سردی کرتے نظر آنے لگے، اس ریکارڈ توڑ سردی کو شہر کراچی کے منچلیں خوب انجوئے کر رہے ہیں۔

سردی میں اضافے کے ساتھ قہوا خانے، چائے اور سوپ کی دکانوں پر بھی لوگوں کا ہجوم نظر آنے لگا کہ ایسے سرد موسم میں گرما گرم سوپ اور بھاپ اڑاتی چائے کسی نعمت سے کم نہیں ہے، شدید سرد موسم کے باعث خشک میوہ جات اور گرم کپڑوں کی مانگ میں اضافہ ہوگیا ہے۔

سرسراتی سرد ہواوں سے بچنے کےلیے شہریوں نے الاوٗ روشن کرلیے ہیں، محکمہ موسمیات نے کراچی سمیت مختلف شہروں موسم مزید سرد ہونے کا امکان ظاہر کیا ہے۔
   

ملک کے بیشترعلاقوں میں شدید سردی کی لہر برقرار ہے، شہریوں کا سردی کے مارے برا حال ہوگیا، کوئٹہ اور قلات سمیت بلوچستان کے کئی علاقے شدید سردی کی لپیٹ میں ہیں۔

ملک کے مختلف شہروں میں سردی کی شدت برقرار ہے، کپکپی طاری کرنے والی سرد ہوائیں اور پہاڑوں پر برفباری سے کئی علاقوں میں زندگی ٹھٹر گئی، محکمہ موسمیات کے مطابق خیبر پختونخوا سمیت بالائی علاقوں میں سردی کی شدت مزید تین روز تک جاری رہے گی۔

لکی مروت میں کوہ شیخ بدین کے پہاڑوں پر دوسرے روز بھی برفباری کا سلسلہ جاری ہے، جس کے باعث سردی میں انتہائی اضافہ ہوگیا ہے، کوئٹہ سمیت بلوچستان کے بیشتر شہروں میں سردی نے اپنا راج برقرار رکھا ہوا ہے، سردی کی شدت میں بے انتہا اضافے نے شہریوں کے ہاتھ پاؤں سن کر دیئے۔

آج سب سے کم درجہ حرارت قلات اور کوئٹہ میں منفی تیرہ ڈگری سینٹی گریڈ ریکارڈ کیا گیا، سندھ اور پنجاب کے میدانی علاقوں میں سردی کے ساتھ دھند کا بھی راج برقرار ہے، کراچی میں سردی کی شدت برقرار ہے، جبکہ لاہور، اسلام آباد، راولپنڈی میں بھی درجہ حرارت رات کو نقطہ انجمات سے نیچھے چلا گیا۔

محکمہ موسمیات کے مطابق آئندہ چوبیس گھنٹوں کے دوران ملک کے بیشتر حصوں میں موسم خشک اور سرد رہے گا ،  تاہم مالاکنڈ ڈویژن اور گلگت بلتستان میں مطلع ابرآلود رہنے کے ساتھ چند ایک مقامات پر بارش کا بھی امکان ہے۔

ملک کے بیشترعلاقوں میں شدید سردی کی لہر برقرار ہے، شہریوں کا سردی کے مارے برا حال ہوگیا، کوئٹہ اور قلات سمیت بلوچستان کے کئی علاقوں میں پانی نے برف کی شکل اختیار کرلی۔

ملک بھر میں سردی کی شدت میں بتدریج اضافہ جاری ہے، سردی کی شدت میں بے انتہا اضافے نے شہریوں کے ہاتھ پاؤں سن کر دیئے، سندھ اور پنجاب کے میدانی علاقوں میں سردی کے ساتھ دھند کا بھی راج برقرار ہے۔

کوئٹہ میں سردی کا اڑتیس سالہ ریکارڈ ٹوٹ گیا، گزشتہ چوبیس گھنٹوں کے دوران کوئٹہ کا درجہ حرارت نقطہ انجماد سے تیرہ درجے نیچے گرگیا، قلات میں بھی درجہ حرارت منفی سولہ ہوگیا، سردی کے باعث سڑکیں سنسان دکھائی دیتی ہیں، لوگ جگہ جگہ الاؤ تاپتے نظر آئے۔

بلوچستان کے متعدد شہروں میں شدید سردی کے باعث پانی کی ٹنکیوں اور پائپوں میں پانی جم گیا، پنجاب کے مختلف شہروں میں بارش کا سلسلہ بھی جاری ہے، سیالکوٹ میں بارش کے ساتھ ژالہ باری نے موسم انتہائی سرد کر دیا۔

محکمہ موسمیات نے پیش گوئی کی ہے کہ شمالی بلوچستان سمیت ملک کے بالائی علاقوں میں بدھ تک سردی کی لہر برقرار رہے گی، پنجاب، خیبر پختونخوا، کشمیر اور گلگت بلتستان اور مری میں چند مقامات پر ہلکی بارش اور پہاڑوں پر برف باری کا امکان ہے، تاہم ملک کے دیگر علاقوں میں موسم خشک اورسرد رہے گا۔
   

ملک کے کئی علاقے شدید ترین سردی کی لپیٹ میں ہیں جبکہ وفاقی دارلحکومت میں بھی درجہ حرارت منفی تین درجہ سینٹی گریڈ تک پہنچ گیا۔

ملک میں ان دنوں شدید سردی ہے اور کئی علاقوں میں بارش جبکہ بعض علاقوں میں برف باری سے درجہ حرارت منفی ڈگری تک پہنچ چکا ہے، جہاں نظام زندگی بھی بری طرح متاثر ہے۔

سب سے زیادہ سردی قلات میں ہے، جہاں درجہ حرارت منفی پندرہ درجے ریکارڈ کیا گیا، کوئٹہ منفی تیرہ، پارا چنار منفی دس ،استور، ژوب، گلگت، مری اور دیر میں درجہ حرارت منفی چار سے منفی سات درجہ سینٹی گریڈ تک ریکارڈ کیا گیا۔

 وفاقی درالحکومت میں بھی شام کو درجہ حرارت منفی تین درجہ سینٹی گریڈ رہا، سردی سے بچنے کے لئے جہاں گرم ملبوسات کا استعمال عروج پر ہے وہاں بازاروں میں لوگ چائے، سوپ ، دودھ جلیبی اور گرم گرم پکوڑوں سے بھی لطف اندوز ہوتے نظر آتے ہیں۔

محکمہ موسمیات کا کہنا ہے کہ آئندہ چوبیس گھنٹے کے دوران لاہور، گجرانوالہ، راول پنڈی، اسلام آباد، ہزارہ ڈویژن، کشمیر کے علاوہ سرگودھا، گلگت گردونواح میں ہلکی بارش اور بالائی علاقوں میں برف فباری کے امکانات ہیں۔
   

ملک بھرمیں شدید سردی کی لہر جاری ہےکوئٹہ میں درجہ حرارت منفی بارہ ہوجانے سےلائنوں میں پانی جم گیا جبکہ کراچی میں درجہ حرارت چار سینٹی گریڈ رہنے کا امکان ہے، شمالی وزیرستان میں پانچ سال بعد پہلی برفباری ہوئی۔

ملک کے مختلف شہروں میں شدید سردی کی لہر جاری ہے، کوئٹہ سمیت بلوچستان میں سردی کی شدت میں اضافہ ہوگیا کوئٹہ میں درجہ حرارت منفی بارہ اور قلات میں منفی پندرہ ریکارڈ کیا گیا کوئٹہ میں سردی کی شدت کے باعث پانی کی لائنوں اور ٹنکیوں میں پانی برف بن گیا، سردی سے بچنے کے لئے شہری الاؤ تاپ رہے ہیں تو کچھ لوگ اس سردی کو انجوائے کرنے فوڈ اسٹریٹ پہنچے ہوئے ہیں۔

شہریوں کا کہنا ہے شدید سردی میں گرما گرم کھانوں کا لطف ہی الگ ہے، کوئٹہ کی یخ بستہ ہواؤں نے کراچی سمیت سندھ کے متعدد شہروں کو اپنی لپیٹ میں لے رکھا ہے، کراچی میں آج درجہ حرارت چار سینٹی گریڈ رہنے کا امکان ہے، شمالی وزیرستان کا رخ کریں تو پانچ سال بعد پہلی بار برف باری نے لوگوں کے چہرے خوشی سے کھلا دیئے۔

خیبر پختونخوا میں بالائی علاقوں میں پہاڑوں پر برف باری جاری ہے، محکمہ موسمیات کے مطابق شمالی بلوچستان سمیت ملک کے بالائی علاقے آئندہ چند روز تک شدید سردی کی لپیٹ میں رہیں گے جبکہ آج پنجاب، مالاکنڈ، پشاور ڈویژن میں چند مقامات پر ہلکی بارش اور گلگت بلتستان میں برف باری کا امکان ہے۔
   

آئندہ چند روز میں ملک کے زیادہ ترعلاقوں میں موسم سرد اور خشک رہےگا، تاہم شمالی بلوچستان اور بالائی علاقے شدید سردی کی لپیٹ میں رہیں گے، چترال کے بالائی علاقے لواری ٹاپ میں برف باری سے رابطہ سڑکیں بند ہوگئیں۔

سردی ان دنوں اپنے جوبن پر ہے، گلگت بلتستان اور چترال میں برفباری سے راستے بند ہوگئے ہیں، جس کی وجہ سے لوگوں کی مشکلات بڑھ گئی ہیں، محکمہ موسمیات کے مطابق دو سے تین روز کے دوران بالائی پنجاب کے علاقوں راولپنڈی، لاہور، گوجرانوالہ، فیصل آباد اور سرگودھا ڈویژن میں صبح کے وقت کہر پڑنے کا امکان ہے۔

آئندہ چوبیس گھنٹوں کے دوران ملک کے بیشتر علاقوں میں موسم سرد اور خشک رہے گا، تاہم مالاکنڈ ، ہزارہ ڈویژن کشمیر اور گلگت بلتستان میں ہلکی بارش اور پہاڑوں پر برفباری کا امکان ہے۔

گزشتہ چوبیس گھنٹوں کے دوران ملک کے بیشتر علاقوں میں موسم سرد اور خشک رہا، تاہم بالائی پنجاب میں کہیں کہیں صبح کے وقت دھند رہی اور مالاکنڈ ڈویژن میں چند مقامات پر ہلکی بارش اور پہاڑوں پر ہلکی برفباری ہوئی۔

کالام میں ایک انچ برفباری جبکہ مالم جبہ میں ایک ملی میٹر بارش ریکارڈ کی گئی، آج ملک میں سب سے کم درجہ حرارت قلات میں منفی گیارہ ڈگری سینٹی گریڈ ریکارڈ کیا گیا۔
   

آئندہ چند روز کے دوران ملک کے زیادہ ترعلاقوں میں موسم سرد اور خشک رہنے کا امکان ہے، تاہم شمالی بلوچستان سمیت ملک کے بالائی علاقے شدید سردی کی لپیٹ میں رہیں گے۔

ملک میں سردی کی شدت بدستور برقرار ہے، گزشتہ چوبیس گھنٹوں کے دوران ملک کے بیشتر علاقوں میں موسم سرد اور خشک رہا، تاہم بالائی پنجاب میں کہیں کہیں صبح کے وقت کہر پڑا۔

ملک میں سب سے کم درجہ حرارت قلات منفی تیرہ ڈگری سینٹی گریڈ جبکہ پارا چنار منفی دس، استور منفی نو، سکردو، کوئٹہ اور ہنزہ میں منفی آٹھ، گوپس منفی سات، گلگت منفی چھ، کالام، دالبندین، ژوب منفی پانچ، مالم جبہ، راولاکوٹ منفی چار ڈگری سینٹی گریڈ ریکارڈ کیا گیا۔

محکمہ موسمیات اور آئندہ دو روز کے دوران بالائی پنجاب میں صبح کے وقت کہیں کہیں کہر پڑنے کا امکان ہے اور گلگت بلتستان میں ایک دو مقامات ہلکی بارش کا امکان ہے۔

ملک کے مختلف شہروں میں سردی کا راج ہے، آئندہ چند روز تک ملک کے بیشتر میدانی علاقوں میں دھند کا سلسلہ جاری رہے گا جبکہ ملک کے بیشتر علاقوں میں موسم سرد اور خشک رہنے کا امکان ہے۔

موسم سرما کی یخ بستہ ہواؤں نے ملک کے مختلف شہروں کا رخ کرلیا ہے، گرم کپڑے اور کمبل سب باہر نکل آئے، تھر تھر کرتی سردی نے گرما گرم قہوے ، چائے اور سوپ کا مزہ دوبالہ کردیا ہے۔

محکمہ موسمیات کے مطابق پنجاب کے بیشترعلاقوں لاہور، گوجرانوالہ، فیصل آباد، ساہیوال، ملتان اور بہاولپور ڈویژن سمیت پشاور اور سکھر میں دھند کا راج رہے گا جبکہ آئندہ چند روز میں دھند کی شدت میں کمی آنے کا امکان ہے۔

رواں ہفتے ملک کے بیشتر علاقوں میں موسم سرد اور خشک رہے گا تاہم اسلام آباد، راولپنڈی، گوجرانوالہ اور کشمیر میں سورج بادلوں کی اوٹ میں چھپا رہے گا اور پہاڑوں پر برفباری بھی ہوسکتی ہے، کوئٹہ سمیت بلوچستان کے بالائی علاقے شدید سردی کی لپیٹ میں ہیں۔

سرد علاقوں میں سوئی گیس ہیٹر کے استعمال میں اضافہ ہوگیا ہے، گیس پریشر میں کمی سے لوگوں کو سخت پریشانی کا سامنا ہے، ملک میں سب سے کم درجہ حرارت قلات میں منفی آٹھ ڈگری سینٹی گریڈ ریکارڈ کیا گیا۔