Tag: موسم

اسلام آباد : نیشنل ایمرجنسی آپریشن سینٹر نے کراچی میں طوفانی بارش سے اربن فلڈنگ کا خدشہ ظاہر کردیا۔

تفصیلات کے مطابق نیشنل ایمرجنسی آپریشن سینٹر (این ڈی ایم اے) نے موسم کے حوالے سے ایڈوائزری جاری کردی ، جس میں کہا ہے کہ 25 جون تا 1 جولائی آندھی، طوفان اور بارش کا امکان ہے۔

ایڈوائزری میں کہا ہے کہ اسلام آباد، لاہور، کراچی، پشاور، گلگت،اسکردو، سوات سمیت کئی شہر متاثر ہوسکتے ہیں۔

این ڈی ایم اے کا کہنا تھا کہ شہری علاقوں میں اربن فلڈنگ اور لینڈسلائیڈنگ کا خطرہ ہے جبکہ کمزور تعمیرات متاثر ہوسکتی ہیں۔

موسم سے متعلق خبریں 

این ڈی ایم اے نے شہریوں کو مشورہ دیا کہ گاڑیاں محفوظ مقامات پرپارک کریں اور احتیاطی تدابیراختیارکریں۔

دوسری جانب محکمہ موسمیات کی جانب سے کہا گیا کراچی میں آج شام سے مغربی ہواؤں کا سسٹم داخل ہوگا، اس سسٹم کے زیر اثر شام میں بوندا باندی کا امکان ہے۔

موسم کا حال بتانے والوں کا کہنا تھا کہ کل سے وقفے وقفے سے آندھی اور گرج چمک کیساتھ کراچی میں بارش متوقع ہے تاہم مون سون کا پہلا اسپیل 2 جولائی تک بادل برسائے گا۔

کراچی : محکمہ موسمیات نے کراچی میں آئندہ 2 روز کے لئے موسم کے حوالے سے شہریوں کو خبردار کردیا۔

تفصیلات کے مطابق محکمہ موسمیات کی جانب سے بیان میں کہا گیا ہے کہ آئندہ دو روز تک موسم گرم اور مرطوب رہنے کا امکان ہے تاہم جزوی ابرآلود موسم اورگرمی برقرار رہے گی۔

آئندہ 2 روزتک سمندری ہوائیں جزوی طور پر بند رہے گی اور آئندہ2روزتک حبس کی کیفیت رہےگی تاہم جمعہ سے آندھی اور گرج چمک کے ساتھ بارش کا امکان ہے۔

گذشتہ روز محکمہ موسمیات نے شہرِقائد کے شہریوں کو خوشخبری سناتے ہوئے شہر میں 27جون سے بارشوں کا امکان ظاہر کیا تھا۔

محکمہ موسمیات نے بتایا تھا کہ کراچی میں نہ صرف 27 جون کو بادلوں کے برسنے کا امکان ہے بلکہ 28 اور 29 جون کو شہر میں بارش کا امکان زیادہ ہے۔

مزید پڑھیں : کراچی میں 27جون سے بارشیں

دوسری جانب مون سون ہواؤں کا سسٹم ملک کے بالائی اور وسطی حصوں میں کل سے داخل ہوگا جو تیز بارشوں کا باعث بن سکتا ہے

مغربی ہواؤں کا سسٹم داخل ہونے کے باعث اسلام آباد، پنجاب، خیبر پختون خوا، بلوچستان ،سندھ ، کشمیر اور گلگت بلتستان میں بارشیں ہوگی تاہم لاہور میں گرمی کی شدت برقرار ہے اور ہوا بند ہونے کی وجہ سے شدید حبس ہے۔

کراچی : سمندری ہوائیں بحال ہونے سے موسم بہتر ہوگیا، درجہ حرارت 38 ڈگری تک جانے کا امکان ہے۔

تفصیلات کے مطابق گرمی کے ستائے کراچی والوں کے لیے اچھی خبر آگئی ، شہر میں سمندری ہوائیں بحال ہونے سے موسم بہتر ہوگیا۔

محکمہ موسمیات کی جانب سے کہا گیا کہ 24 گھنٹے کے دوران موسم گرم اور مرطوب رہے گا ساتھ ہی وقفے وقفےسے ہوائیں چلیں گی۔

شہر کا موجودہ درجہ حرارت 33 ڈگری سینٹی گریڈ ہے اور زیادہ سے زیادہ درجہ حرارت 38 ڈگری سینٹی گریڈ تک جانے کا امکان ہے۔

موسم کا حال بتانے والوں کا کہنا تھا کہ ہوا میں نمی کا تناسب زیادہ ہونے سے گرمی کی شدت زیادہ محسوس کی جارہی ہے، جنوب مغربی سمت سے 15 کلومیٹر فی گھنٹہ کی رفتار سے ہوائیں چل رہی ہیں۔

مزید پڑھیں : مون سون کا پہلا اسپیل ! گرمی کے ستائے کراچی والوں کے لئے خوشخبری آگئی

آج شہر کے مضافاتی علاقوں میں بوندا باندی باندی کا امکان ہے، 19 جون سے شہر میں صبح اور شام کے اوقات میں بوندا باندی کا امکان ہے۔

محکمہ موسمیات کی جانب سے پیش گوئی کی گئی ہے کہ 25 جون سے مون سون کا پہلا اسپیل انٹری لے گا۔

کراچی : شدید گرمی نے شہریوں کا برا حال کررکھا ہے تاہم محکمہ موسمیات نے مون سون کے پہلے اسپیل سے متعلق خوشخبری سنادی ہے۔

تفصیلات کے مطابق محکمہ موسمیات نے 25 جون سے ملک بھر میں مون سون کا پہلا اسپیل شروع ہونے کی خوشخبری سنادی ، جو 2 جولائی تک جاری رہے گا۔

ڈپٹی ڈائریکٹرمحکمہ موسمیات انجم نذیر نے بتایا کہ بحیرہ عرب میں ہوا کے کم دباؤ کے باعث موسم گرم ہے اور آج درجہ حرارت 41 ڈگری تک جاسکتاہے اور محسوس کیا جانے والا پارہ 50 تک جانے کا امکان ہے۔

انجم نذیر کا کہنا تھا کہ کل شام سمندری ہوائیں مکمل بحال ہونے سےموسم بہتر ہوسکتا ہے اور 19 جون سے مطلع ابر آلود رہنے کے ساتھ صبح وشام بوندا باندی کا امکان ہے۔

مزید پڑھیں : کراچی میں محسوس کیا جانے والا درجہ حرارت 46 ڈگری تک جا پہنچا

دوسری جانب ملک کے بیشترشہر شدید گرمی کی لپیٹ میں ہیں، کراچی میں سمندری ہوائیں معطل اور شدید حبس کی کیفیت ہے، درجہ حرارت انتالیس ڈگری،جبکہ گرمی کی شدت کا احساس سینتالیس ڈگری تک پہنچ گیا۔

سبی میں پارہ چھیالیس پرشدت انچاس ڈگری ، سرگودھا میں انتالیس ڈگری کی گرمی پینتالیس ، بہاولپور میں اڑتیس ڈگری کی گرمی چھیالیس ڈگری محسوس کی گئی۔

ڈی آئی خان میں سینتیس ڈگری کی گرمی تینتالیس، ملتان اور فیصل آباد میں چھتیس ڈگری کی گرمی کا احساس پینتالیس،راولپنڈی میں چھتیس ڈگری شدت چالیس ڈگری ریکارڈ کی گئی۔

اسلام آباد اورپشاوردرجہ حرات چھتیس ڈگری اور لاہورمیں درجہ حرارت پینتیس ریکارڈ کیا گیا۔

کراچی : شہر قائد میں شدید حبس کی کیفیت برقرار ہے اور :دن بارہ بجے سے پہلے ہی محسوس کیا جانے والا درجہ حرارت 46 ڈگری تک جا پہنچا۔

تفصیلات کے مطابق کراچی شدید حبس اور گرم موسم کی لپیٹ میں ہے، دن بارہ بجے سے پہلے ہی درجہ حرارت 39 ڈگری پر پہنچ گیا جبکہ شدت 46 ڈگری محسوس کی جارہی ہے۔

محکمہ موسمیات نے شہرکے مضافات میں بارش کی بھی پیشگوئی کی ہے جبکہ شمال مشرقی پنجاب ، کشمیر ،گلگت بلتستان اوربالائی خیبرپختونخوامیں مطلع جزوی ابر آلود رہنے کے علاوہ چند مقامات پربارش کاامکان ہے۔

موسم کا حال بتانے والوں کا کہنا تھا کہ بالائی سندھ کے مختلف اضلاع میں آندھی جھکڑ چلنے اور گرج چمک کے ساتھ بارش متوقع ہے۔

مزید پڑھیں : موسم کی خبریں

دوسری جانب پنجاب ، خیبرپختونخوا اور بلوچستان کےکئی شہروں میں درجہ حرارت بدستور 40 سے اوپر ہے، گزشتہ روز تربت گرم ترین مقام رہا ، جہاں پارہ 47 سینٹی گریڈ ریکارڈ کیاگیا جبکہ سبی اوردادومیں 45 ، نواب شاہ میں 43 ڈگری رہا۔

گزشتہ روزشہرکےمختلف علاقوں میں کہیں کہیں ہلکی بارش ہوئی، گڈاپ، کاٹھور، گلشن معمار، موٹروے ایم نائن اور گرد ونواح میں بادل برسے جبکہ ٹھٹھہ کےساحلی علاقے میرپورساکرو میں سخت گرمی اور حبس کے بعد بارش ہوئی۔

یاد رہے محمکہ موسمیات نے جون کے آخری ہفتے میں مون سون کی بارشوں کی خوشخبری دیتے ہوئے کہا کراچی سے کشمیر تک بارشوں کا آغاز متوقع ہے۔