Tag: مولانا طارق جمیل

لاہور: وزیراعلیٰ پنجاب عثمان بزدار کا کہنا ہے کہ کرونا وبا کے دوران علمائے کرام کا تعاون لائق تحسین ہے۔

تفصیلات کے مطابق وزیراعلیٰ پنجاب عثمان بزدار سے عالم دین مولانا طارق جمیل نے ملاقات کی۔اس موقع پر وزیراعلیٰ پنجاب نےانسداد کورونا اور انسداد پولیو پر علمائے کرام کے کردار کو سراہتے ہوئے کہا کہ انسداد پولیو کے لیے علماء کا مؤثر کردار کلیدی اہمیت رکھتا ہے۔

وزیراعلیٰ پنجاب نے کہا کہ علمائے کرام نے ہمیشہ قومی معاملات پرفعال کردار ادا کیا ہے،کرونا وباکے دوران علمائے کرام کا تعاون لائق تحسین ہے۔

سردار عثمان بزدار کا کہنا تھا کہ علماء نے معاشرتی، سماجی اور اخلاقی اقدار کے تحفظ پر بھرپور کردار ادا کیا،علماء کا مؤثر کردار اس موذی مرض کے خاتمے میں معاون ثابت ہوگا۔انہوں نے کہا کہ ہمارا قومی مسئلہ ہے اور اس سے نمٹنے کے لیےسب کو مل کر کام کرنا ہوگا۔

دوسری جانب معروف عالم دین مولانا طارق جمیل نے وزیراعلیٰ پنجاب سردار عثمان بزدار کے عوامی خدمت کے جذبے کو سراہا۔

اس سے قبل رواں سال 8 جولائی کو وزیراعظم عمران خان سے معروف عالم دین مولانا طارق جمیل نے ملاقات کی تھی۔وزیراعظم نے مولانا طارق جمیل سے دعاؤں کی بھی درخواست کی تھی۔

لاہور: معروف عالم دین مولانا طارق جمیل نے کہا ہے کہ چوہدری برادران ، ان کے گھرانے کی دین کے لیے خدمات کو سراہتے ہیں۔

تفصیلات کے مطابق چوہدری برادران سے معروف عالم دین مولانا طارق جمیل نے ملاقات کی۔صوبائی وزیر معدنیات حافظ عمار یاسر اور راسخ الٰہی بھی ملاقات میں موجود تھے۔مولانا نے چوہدری شجاعت حسین کی خیریت دریافت کی۔

انہوں نے کہا کہ چوہدری برادران نے ہمیشہ دینی معاملات پر اسٹینڈ لیا،چوہدری برادران، ان کے گھرانے کی دین کے لیے خدمات کو سراہتے ہیں۔مولانا طارق جمیل نے دینی کتب کی اشاعت سے قبل علما بورڈ کی منظوری کا اقدام بھی سراہا۔

اس سے قبل گزشتہ دنوں وزیراعظم عمران خان سے مولانا طارق جملی نے وزیراعظم آفس میں ملاقات کی تھی۔وزیراعظم نے کرونا وبا کے دوران علما کے کردار پر خوشی کا اظہار کرتے ہوئے امید ظاہر کی تھی کہ مستقبل میں اسی طرح علمائے کرام لوگوں کی رہنمائی کرتے رہیں گے۔

وزیراعظم عمران خان نے مولانا طارق جمیل سے کرونا وائرس سے بچاؤ کے لیے دعا کی بھی درخواست کی تھی۔

اسلام آباد: وزیراعظم عمران خان کا کہنا ہے کہ کرونا کی وبا سے نمٹنے کے لیے علمائے کرام کا تعاون درکار ہے۔

تفصیلات کے مطابق وزیراعظم عمران خان سے ممتاز عالم دین مولانا طارقن جمیل نے وزیراعظم آفس میں ملاقات کی۔ وزیراعظم نے مولانا طارق جمیل کی کورونا کےخلاف آگاہی مہم کو سراہتے ہوئے کہا کہ کرونا کی وبا سے نمٹنے کے لیے علمائےکرام کا تعاون درکار ہے، جلد علمائے کرام کے وفد سے خود ملاقات کروں گا۔

وزیراعظم کا کہنا تھا کہ حکومتی کوششوں کا مقصد عوام کو وبا سےمحفوظ رکھنا ہے،علمائےکرام نے ہمیشہ مشکل میں حکومت کی رہنمائی کی ہے،رمضان کے پیش نظرعلما کی مشاورت سے لائحہ عمل مرتب کیاجائے گا۔

یاد رہے کہ گزشتہ ماہ 16 مارچ کو وزیراعظم عمران خان سے ممتاز عالم دین مولانا طارق جمیل نے وزیراعظم آفس میں ملاقات کی تھی جس میں کرونا وائرس کی روک تھام سے متعلق گفتگو سمیت قومی سلامتی کمیٹی کے فیصلوں پر بات چیت کی گئی تھی۔

وزیراعظم عمران خان نے معروف عالم دین مولانا طارق جمیل سے خصوصی دعاؤں کی بھی درخواست کی تھی۔

کرونا وائرس پاکستان میں 124 جانیں لے گیا، 6505 کیسز کی تصدیق

واضح رہے کہ کرونا وائرس نے پاکستان بھر میں 124 جانیں تلف کر لی ہیں، اب تک ملک کے مختلف حصوں میں کرونا وائرس کے تصدیق شدہ کیسز کی تعداد 6505 ہو چکی ہے۔

لاہور: معروف مبلغ مولانا طارق جمیل کا کہنا ہے کہ عوام جتنی احتیاط کرسکتے ہیں کریں، حکومت کی ہدایت پر عمل کریں۔

تفصیلات کے مطابق معروف مذہبی اسکالر مولانا طارق جمیل نے کہا کہ پوری دنیا پر یہ اللہ کی طرف سے ایک آزمائش آئی ہے، یہ آزمائش عالمی وبا کی شکل اختیار کرچکی ہے۔

انہوں نے کہا کہ عوام جتنی احتیاط کرسکتے ہیں کریں،حکومت کی ہدایت پر عمل کریں، اٹلی کی صورت حال بدترین ہوچکی، باقی ممالک بھی لپیٹ میں آ رہے ہیں۔

مولانا طارق جمیل کا کہنا تھا کہ مصافحہ اور اجتماعات سے یہ وبا پھیل رہی ہے تو اس سے بچا جائے، مسجد میں باجماعت نماز سے یہ وبا پھیلتی ہے تو گھروں میں نماز پڑھیں۔

انہوں نے کہا کہ مختصر درخواست ہے دنیا اس وقت سنگین صورت حال کی لپیٹ میں ہے، نبیﷺنے بارش کے وقت کہا تھا کہ اعلان کرو گھروں میں نماز پڑھیں۔

معروف مذہبی اسکالر نے مزید کہا کہ ہم صورت حال کو آسان نہ سمجھیں اپنی اور دوسروں کی مدد کریں، احتیاط کریں باقی زندگی اور موت اللہ کے ہاتھ میں ہے۔

واضح رہے کہ پاکستان میں کرونا وائرس کے کیسز کی تعداد 730 ہو گئی ہے، وائرس سے مجموعی طور پر 3 افراد جاں بحق جبکہ 13 مریض صحت یاب ہو چکے ہیں۔