Tag: مولانا فضل الرحمان

مانسہرہ: جمعیت علمائے اسلام (جے یو آئی ف) نے پلان بی پر عمل درآمد شروع کر دیا ہے، مانسہرہ، چھترپلین کے مقام پر شاہراہ قراقرم بلاک کر دی گئی۔

تفصیلات کے مطابق جے یو آئی ف کے کارکنان نے چھتر پلین کے مقام پر شاہراہ قراقرم بلاک کر دی ہے، جس کے باعث مسافروں کو شدید مشکلات کا سامنا کرنا پڑ رہا ہے۔

ادھر لکی مروت میں بھی جے یو آئی کارکنان نے انڈس ہائی وے بنوں لنک روڈ ٹریفک کے لیے بند کر دیا ہے، مالاکنڈ میں بھی جے یو آئی کارکنان نے پل چوکی کے مقام پر مین شاہراہ ٹریفک کے لیے بند کر دی۔

نوشہرہ میں کارکنان نے حکیم آباد میں جی ٹی روڈ کو ٹریفک کے لیے بند کر دیا گیا ہے، جے یو آئی کارکنوں نے حب ریور روڈ کو بھی ٹریفک کے لیے بند کر دیا ہے، جس سے سندھ بلوچستان کے درمیان ٹریفک معطل ہو گیا اورمسافروں کو مشکلات پیش آ رہی ہیں، سکھر میں بھی کارکنوں نے قومی شاہراہ بلاک کر دی ہے، گھوٹکی میں دھرنا دیا گیا ہے جس سے قومی شاہراہ پر ٹریفک معطل ہے۔

یہ بھی پڑھیں:  مولانا فضل الرحمان کے کارکنان آج سے پلان بی پرعمل شروع کریں گے

واضح رہے کہ آج جمیعت علمائے اسلام ف نے پلان بی کے تحت سندھ، پنجاب، بلوچستان اور خیبر پختون خوا میں شاہراہیں بند کرنا شروع کر دیا ہے، اس سلسلے میں کارکنوں کو ہدایت نامے بھی جاری کیے گئے جا چکے ہیں۔

گزشتہ روز کوئٹہ چمن شاہراہ پر بھی جے یو آئی کارکنان نے دھرنا دے شاہراہ بند کر دی تھی، جس کے باعث ٹریفک کا شدید مسئلہ پیدا ہوا، گاڑیوں کی لمبی قطاریں بن گئیں اور لوگ سات گھنٹوں سے زائد شاہراہ پر پریشان پھنسے رہے۔

پشین، قلعہ عبداللہ کے اسسٹنٹ کمشنر نے مظاہرین کے ساتھ مذاکرات بھی کیے لیکن ناکام رہے، دھرنا دینے والے کارکنان شاہراہ کھولنے پر راضی نہیں ہوئے۔ پاک افغان ٹرانزٹ ٹریڈ بھی معطل ہو گئی تھی۔

لاہور: صوبائی وزیر فیاض الحسن چوہان نے کہا کہ مولانا کی گیدڑ بھبکیوں سے حکومت کو کوئی فرق نہیں پڑتا، آل پاکستان لوٹ مار ایسوسی ایشن نے انہیں کہیں کا نہیں چھوڑا۔

تفصیلات کے مطابق صوبائی وزیر فیاض الحسن چوہان نے کہا کہ ساری دنیا وزیراعظم کو کرتارپور راہداری کھولنے پر مبارکباد دے رہی ہے، وزیرِاعظم نے ایک ہی جھٹکے میں14 کروڑ سکھوں کے دل جیت لیے۔

فیاض الحسن چوہان نے کہا کہ مولانا کی گیدڑ بھبکیوں سے حکومت کو کوئی فرق نہیں پڑتا، آل پاکستان لوٹ مار ایسوسی ایشن نے انہیں کہیں کا نہیں چھوڑا۔

صوبائی وزیر نے کہا کہ مولانا 10 ہزار لوگوں کے ساتھ عمران خان سے استعفیٰ مانگ رہے ہیں، کوئی مولانا کو بتائے کہ کشمیرمیں کرفیو کو آج 100 دن ہوگئے، مولانا تنقید کے کچھ نشتر بھارت کی طرف بھی چلا دیں تو کوئی حرج نہیں ہے۔

انہوں نے کہا کہ عمران خان کی قیادت میں پاکستان ترقی وخوشحالی کی جانب گامزن ہے، مولانا کے پاس موقع ہے کہ وہ بھی ملکی ترقی میں اپنا حصہ ڈال دیں۔

مولانا فضل الرحمان تنہا رہ گئے، دیگر پارٹیاں ساتھ نہیں، شبلی فراز

یاد رہے کہ چار روز قبل تحریک انصاف کے سینیٹر شبلی فراز کا کہنا تھا کہ مولانا فضل الرحمان تنہا رہ گئے ہیں دیگر پارٹیاں ان کا ساتھ چھوڑ گئی ہیں۔

شبلی فراز کا کہنا تھا کہ لاشوں کی سیاست کے خلاف ہیں، لاشوں کی سیاست سے ملک کا نقصان ہوگا، لاشیں ہمارے ہی پاکستانیوں کی گریں گی، اس طرح کی سیاست سے گریز کیا جائے تو سب کا فائدہ ہے۔

اسلام آباد: جمعیت علماء اسلام (ف) کے سربراہ مولانا فضل الرحمان نے کہا ہے کہ ہم نے حکومت کاغرورخاک میں ملادیاہے، حکمرانوں کی اس حاکمیت کو تسلیم نہیں کرتے اور حکمرانوں کوقوم کے مطالبے کوتسلیم کرنا ہوگا۔

تفصیلات کے مطابق اسلام آباد میں آزادی مارچ کے شرکاء سے خطاب کرتے ہوئے مولانا فضل الرحمان نے کہا کہ دھرنےکوایک عشرہ مکمل ہوگیاہے جس پر کارکنان کےجذبےاوراستقامت کوسلام پیش کرتاہوں، ہم نے باطل کےخلاف جہاد بلند کیا ہوا ہے،جابراورمسلط حکومت کےخلاف علم بغاوت بلند کر رکھا ہے۔

انہوں نے کہا کہ اسلام میں جبرکی کوئی گنجائش نہیں، برصغیرکی پوری تاریخ ہمارےاکابرین سےبھری ہوئی ہے جبری تسلط کسی کابھی ہو آواز بلند ہونی چاہئے، حکمرانوں کی اس حاکمیت کوتسلیم نہیں کرتے اور حکمرانوں کوقوم کے مطالبے کوتسلیم کرنا ہوگا۔

مولانا فضل الرحمان نے کہا کہ ہم نےحکومت کاغرورخاک میں ملادیاہے، ان کی حکمرانی کاپہاڑریت بن چکاہے تم اب کرسی پربیٹھے رہولیکن قوم تمہیں اب حکمران نہیں مانتی۔

جے یو آئی (ف) کے امیر کا کہنا تھا کہ ہم ہمیشہ 9 نومبرکویوم اقبال کےطورپرمناتےہیں لیکن پہلی بار اقبال کا دن گرونانک کےنام ہوگیا،بھارت نےاس کےبدلےآپ کوکیاتحفہ دیا؟ یہی کہ بابری مسجد ہندوؤں کے حوالے کردی ایسےملک نہیں چلاکرتا،پاکستان کی شناخت اس کانظریہ اورآئین ہے کسی کوپاکستان کےنظریے،آئین،جمہوریت سےکھیلنےکی اجازت نہیں دی جائے گی۔

انہوں نے کہا کہ موجودہ حکومت نےمعیشت پرتوجہ ہی نہیں دی، ایک سال میں گندم کی 30 اورچاول کی پیداوارمیں 40فیصدکمی ہوئی، ملک کوکیامذاق بنادیاہے،کیاہم ایسےچندلوگوں کیلئےہم نےپاکستان حاصل کیاتھا؟

فاٹا کے حوالے سے انہوں نے کہا کہ فاٹاکےلوگوں کوسبزباغ دکھائےگئے، کہاگیاتھا فاٹاکوہرسال 100ارب روپے دیا جائےگا،کہاگیافاٹاکو10سال میں ایک ہزارارب روپےدیں گے لیکن حکومت نےفاٹاکوایک روپیہ نہیں دیا اورکسی صوبے نےاین ایف سی ایوارڈ میں سےفاٹاکواس کاحصہ نہیں دیا۔

ان کا مزید کہنا تھا کہ اس نظام کےخلاف جنگ جاری رہےگی،اس میں پسپائی نہیں ہوسکتی،تمام سیاسی جماعتیں رابطےمیں ہیں اور آئندہ کےلائحہ عمل پرمشاورت جاری ہے، آگےبڑھنےکیلئےجوحکمت عملی بنائی جائے گی اس پرعمل کریں گے۔

اسلام آباد: جمعیت علماء اسلام (ف) کے سربراہ مولانا فضل الرحمان نے کہا ہے کہ حج 5 لاکھ کا ہوگیا اور سکھوں کے لیے مذہبی مقام کی زیارت مفت اور ویزہ فری کردیا گیا۔

تفصیلات کے مطابق اسلام آباد میں آزادی مارچ کے شرکاء سے خطاب کرتے ہوئے مولانا فضل الرحمان نے کہا کہ حکومت کی پالیسیوں میں تضاد ہے،ایک طرف کشمیرکی بات کرتےہیں اور دوسری طرف کرتارپورکے راستے بھارت سے پینگیں بڑھا رہے ہیں، کرتارپور رداہداری کی زمینیں قادیانی خرید رہے ہیں۔

انہوں نے کہا کہ حج مہنگاہوگیااورسکھوں کیلئےپاکستان کی زیارت مفت ہوگئی یہ باتیں آصف زرداری نےکی تھیں توانہیں ملک دشمن کہاگیا۔

مولانا فضل الرحمان نے کہا کہ افغانستان میں پاکستانی سفارتکاروں کوہراساں کرنےپروزارت خارجہ خاموش ہے، موجودہ حکومت ایسےواقعات پراحتجاج تک نہیں کررہی، ملک مزیدنقصان برداشت کرنےکامتحمل نہیں ہوسکتا۔

انہوں نے کہا کہ موجودہ حکمرانوں کوایک دن بھی مزیدبرداشت نہیں کرسکتے ہم ناکام حکومت کو گرانے کیلئے مشقت برداشت کررہےہیں ایسی آئینی حکومت چاہتےہیں جوآئین کی عکاس ہو۔

جے یوآئی (ف) کے سربراہ کا کہناتھا کہ تکلیف دہ مراحل تھےجب کارکنان بارش میں یہاں موجودتھے آج پورادن ٹھنڈےموسم کےباوجود کارکنان ڈٹےرہے، یہ اجتماع تماش بینوں کانہیں اصولوں پرکھڑےہونےوالوں کاہے،ہم اسی طرح ڈٹےرہےتویقیناًاپنےمقاصدمیں کامیاب ہوں گے۔

انہوں نے اعلان کیا کہ 12ربیع الاول کومارچ کوسیرت الطیبہ کانفرنس میں تبدیل کردیں گے۔

مولانا فضل الرحمان کا مزید کہنا تھا کہ 9 نومبرکواقبال کےدن ہمارے حکمران کرتارپورکھول رہےہیں، کیاآئندہ موجودہ حکمرانوں کی وجہ سے9 نومبرکورنجیت سنگھ ڈےمنائیں گے؟