Tag: مولانا فضل الرحمان

دوحہ : جمیعت علما اسلام کے سربراہ مولانا فضل الرحمان نے حماس رہنماؤں کو ہر قسم کے تعاون کی یقین دہانی کرادی۔

تفصیلات کے مطابق سربراہ جے یو آئی مولانا فضل الرحمان وفد کے ہمراہ قطر پہنچ گئے ، ترجمان جے یوآئی نے بتایا کہ مولانا کی حماس رہنماؤں سے ملاقات ہوئی۔

وفد نے فضل الرحمان کی قیادت میں حماس کی مجلس شوریٰ سے ملاقات کی، ترجمان اسلم غوری کا کہنا تھا کہ حماس کی مجلس شوریٰ کے سربراہ ابو عمر وفد کی قیادت کررہے تھے، ملاقات میں غزہ و فلسطین کی تازہ صورتحال پر تبادلہ خیال کیا گیا۔

اسلم غوری نے بتایا کہ فضل الرحمان نے حماس رہنماؤں کو ہر قسم کے تعاون کی یقین دہانی کراتے ہوئے کہا کہ فلسطین آزادریاست ہے،اسرائیلی قبضے کی حمایت نہیں کی جاسکتی، مسجداقصیٰ اور فلسطینیوں کی آزادی کی جدوجہد کی حمایت کرتے ہیں۔

سربراہ مجلس شوریٰ حماس ابو عمر نے جے یو آئی کے سربراہ کے تعاون پر شکریہ ادا کرتے ہوئے کہا سربراہ اور جے یو آئی امت مسلمہ کی طرف سے فرض کفایہ ادا کر رہی ہے، گھروں کی تعمیر، خیموں، دواؤں، رمضان میں سحر و افطار کیلئے تعاون کی اپیل کرتے ہیں۔

جے یو آئی کے سربراہ نے پاکستانی عوام سے اپیل کی کہ وہ بھرپور تعاون کریں۔

مردان: جمعیت علمائے اسلام (ف) کے سربراہ مولانا فضل الرحمان نے کہا ہے کہ بانی پی ٹی آئی سمیت کسی بھی سیاستدان کو جیل میں رکھنے کیخلاف ہوں۔

تفصیلات کے مطابق مولانا فضل الرحمان نے میڈیا سے گفتگو کرتے ہوئے کہا کہ مخالفین کو طاقت کے ذریعے سیاست کےمیدان سے باہر کرنے کاحامی نہیں سیاست میں شدت پسندی نہیں ہونی چاہیے، 26ویں ترامیم سے متعلق مولانا نے کہا کہ 26ویں ترامیم سے متعلق ہم نے اکیلے جنگ لڑی۔

مدارس ایکٹ پر انھوں نے کہا کہ دینی مدارس ایکٹ سے متعلق تاخیری حربے استعمال کیے جارہےہیں، ہم مسائل کا حل تلخیوں سے نہیں گفتگو کے ذریعے چاہتے ہیں۔

جے یو آئی (ف) کے سربراہ کا کہنا تھا کہ ہم اسمبلیوں میں اپوزیشن میں بیٹھے ہیں، حکومت کے معاشی استحکام کے دعوے بے بنیاد ہیں۔

نئے انتخابات کروا کر دھاندلی کا داغ دھویا جائے، مولانا فضل الرحمان کا وزیراعظم سے مطالبہ

انھوں نے کہا کہ اگلے سال مہنگائی مزید بڑھے گی اور جی ڈی پی کم ہوگی، ہم نے آئین، پارلیمنٹ اور شہریوں کے حقوق کا تحفظ کیا ہے، ہر ایک کو آئینی دائرہ کار کے اندر رہ کر کام کرنا ہوگا۔

مولانا فضل الرحمان نے کہا کہ امریکا کو افغانستان اور اسرائیل کو فلسطین میں شکست ہوئی، عالمی قوتوں کا جنگی جنون زمین بوس ہوگیا ہے۔

اسلام آباد : اپوزیشن جماعتوں کے اجلاس میں مولانا فضل الرحمان کی شرکت اور نئے الیکشن کے مطالبے کے بعد وزیراعظم شہباز شریف سرگرم ہوگئے۔

تفصیلات کے مطابق اپوزیشن جماعتوں کے درمیان رابطوں اور ملاقاتوں نے حکومتی صفوں میں کھلبلی مچادی ہے۔

اسد قیصر کی رہائش گاہ پر اپوزیشن جماعتوں کے اجلاس میں مولانا فضل الرحمان کی شرکت اور نئے الیکشن کے مطالبے کے بعد حکومت بھی سرگرم ہوگئی۔

وزیراعظم شہباز شریف اچانک مولانا فضل الرحمان کی رہائش گاہ پہنچ گئے، ملاقات میں ملک کی تازہ ترین سیاسی صورتحال پر گفتگو کی گئی۔

وزیرِ اعظم نے فضل الرحمان کی صحت کیلئے دعا کی ، جس پر  سربراہ جے یو  آئی  نے وزیرِ اعظم کی آمد اور نیک خواہشات پر شکریہ ادا کیا، ملاقات میں وفاقی وزیر منصوبہ بندی احسن اقبال اور وفاقی وزیر اطلاعات و نشریات عطاءاللہ تارڑ بھی موجود تھے۔

اس حوالے سے وزیر اعظم کے کوآرڈنیٹر رانا احسان افضل خان نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ فضل الرحمان نے 26 ویں آئینی ترمیم کی حمایت کی ہے تو حکومت کو مانتے بھی ہیں، وہ کہتے ہیں مینڈیٹ چوری ہوا ہے تو وہ کے پی میں ہوا ہے۔

ان کا کہنا تھا کہ فضل الرحمان کے مینڈیٹ چوری سے متعلق شکوے پی ٹی آئی سے ہیں، پی ٹی آئی حکومت سے مذاکرات کررہی ہے تو وہ حکومت کے مینڈیٹ کو مان بھی رہی ہے۔

یاد رہے حکومت کو ٹف ٹائم دینے کیلئے گرینڈ اپوزیشن الائنس کی تشکیل کیلئے کوششیں تیز ہوگئی ہیں اور اس سلسلے میں رابطے اور ملاقاتیں جاری ہیں۔

سابق وزیراعظم شاہد خاقان عباسی کا کہنا تھا کہ ملکی مسائل کا حل نئے الیکشن ہیں، اپوزیشن جماعتوں کے درمیان ملاقاتوں کا سلسلہ آگے بڑھایا جائے گا، اپوزیشن جماعتوں کی پہلی میٹنگ تھی لیکن اتحاد تشکیل نہیں دیا گیا۔

جے یو آئی (ف) کے سربراہ مولانا فضل الرحمان کا کہنا ہے کہ یہ حکومت ایسی نہیں کہ ایک دن بھی چل سکے۔

اے آر وائی نیوز کے مطابق جے یو آئی سربراہ مولانا فضل الرحمان نے نیوز کانفرنس کرتے ہوئے کہا کہ اس حکومت کو جو لائے ہیں وہی چلا رہے ہیں۔

انہوں نے کہا کہ یکطرفہ قانون پاس کرنے کے بجائے مشاورت کرنی چاہیے تھی، صحافیوں سے بات کی جائے ان کی تجاویز لی جانی چاہئیں، پیکا ایکٹ پر صحافیوں سے بات ہوئی ان کی بات میں وزن ہے۔

مولانا فضل الرحمان کا کہنا ہے کہ پیکا قانون کے حوالے سے صحافیوں کے ایک وفد اسلام آباد میں ملا، پیکا ایسا قانون ہے کہ جس کو جب چاہیں اٹھالیں کوئی پوچھنے والا نہیں، صدر سے رابطہ کرے انہیں دستخط نہ کرنے کا کہا، انہوں نے بات چیت کے باوجود دستخط کیے۔

جے یو آئی سربراہ نے کہا کہ ہم مذاکرات پر یقین رکھتے ہیں، مذاکرات کے ذریعے سیاسی حل پر یقین رکھتا ہوں، مذاکرات کرنا یہ نہ کرنا ان کا اپنا معاملہ ہے، اس حوالے سے اپوزیشن کو اعتماد میں نہیں لیا۔

انہوں نے کہا کہ کرم میں سڑکیں مسلح گروہ کے قبضے میں ہوتی ہیں وہی گاڑیاں روکتے ہیں، کے پی میں ہمارے علما بھی نشانہ بن رہے ہیں، جو حالات ہیں پنجاب میں اس کا احساس نہیں ہورہا، بلوچستان کے حالات پر بھی کوئی سنجیدگی نہیں، ریاست کی سطح پر بلوچستان کی صورتحال کو سنجیدہ لینا پڑے گا۔

لاہور: پی ٹی آئی وفد اور جے یو آئی (ف) سربراہ مولانا فضل الرحمان کی ملاقات ان کی رہائشگاہ پر طے پاگئی۔

اے آر وائی نیوز کے مطابق جے یو آئی (ف) سربراہ مولانا فضل الرحمان سے تحریک تحفظ آئین کے ترجمان حسین اخونزادہ کی ملاقات ہوئی جس میں حسین اخونزادہ نے بتایا کہ بانی پی ٹی آئی کی ہدایت ہے کہ اپوزیشن جماعتوں کا اتحاد ترتیب دیا جائے۔

انہوں نے کہا کہ عمران خان کی ہدایت ہے گرینڈ اتحاد آئین کے تحفظ کا بیڑا آٹھائے۔

حسین اخونزادہ نے کہا کہ پی ٹی آئی کا وفد کل مولانا فضل الرحمان سے باضابطہ ملاقات کرے گا، سیاسی طور پر مشترکہ نکات ہیں ان پر بحث آگے بڑھائیں گے۔

انہوں نے کہا کہ آئین کی بالادستی اور عوام کی حق حکمرانی کے لیے جماعتوں کو اکٹھا کیا جائے گا۔

جے یو آئی (ف) کے سربراہ مولانا فضل الرحمان کا کہنا ہے کہ حکمرانوں کا انجام ایک دن حسینہ واجد والا ہوگا۔

اے آر وائی نیوز کے مطابق جے یو آئی سربراہ مولانا فضل الرحمان نے میڈیا سے گفتگو کرتے ہوئے کہا کہ حکمرانوں سے کہتا ہوں طاقت کے زور پرچیزیں نہیں چل سکتیں، ایک دن آئے گا کہ آپ کا انجام بھی حسینہ واجد والا ہوگا، اپنا انجام ان جیسا نہ کرو۔

انہوں نے بتایا کہ بلوچستان کے ایک ساتھی نے کہا نتیجہ غلط ہے ووٹ دوبارہ چیک کیے جائیں، نادرا کی تحقیقات میں پتہ چلا 98 فیصد ووٹ کا پتا نہیں کہاں سے آئے، کیا یہ آپ کا الیکشن ہے، خیبرپختونخوا میں بھی جھوٹا الیکشن ہوا۔

جے یو آئی سربراہ نے کہا کہ سود کے نظام کو مستقل طور پر ختم کرنے کی بنیاد رکھ دی ہے، نظریہ زندہ رہے گا تو مواقع ملتے رہیں گے، آئینی روح سے قانون ساز ادارہ اسمبلی ہے یہ حق کوئی نہیں لے سکتا۔

مولانا فضل الرحمان نے کہا کہ ہم نے ترمیم دی یکم جنوری 2028 سے ملک کے ہر ادارے سے سود کا خاتمہ ہوجائے۔

انہوں نے کہا کہ پی ٹی آئی والے جہاں اعتراض کرتے تھے تو ہم اس کو اعتماد میں لیتے تھے، مسودہ سامنے آیا تو سب سے پہلے حملہ آرٹیکل 8 پر دیکھنے کو ملا، 56 شقوں پر مشتمل ترمیم پر ہم نے 34 سے حکومت کو دستبردار کروایا۔