Tag: مولانا فضل الرحمان

مولانا فضل الرحمان کے سخت بیانات سامنے آنے کے بعد صدر مملکت آصف علی زرداری سربراہ جے یوا ٓئی کے گھر پہنچ گئے۔

صدرمملکت آصف زرداری مولانا فضل الرحمان سے ملنے ان کے گھر گئے اور انھیں بندوق کا تحفہ دیا ہے، گزشتہ دنوں اپنے جلسوں میں جے یو آئی (ف) کے سربراہ مولانا فضل الرحمان کی جانب سے حکومت کے خلاف سخت بیانات دیے گئے تھے۔

مولانا فضل الرحمان نے نئے الیکشن کا مطالبہ کرنے کے ساتھ یہ بھی کہہ چکے ہیں‌حکومت میں ملک کا نظام چلانے کی اہلیت نہیں ہے۔

ایسے میں اچانک صدر آصف علی زرداری مولانافضل الرحمان سے ملنے ان کے گھر پہنچے ہیں جبکہ وفاقی وزیرداخلہ محسن نقوی بھی صدر کے ہمراہ موجود ہیں۔

صدر آصف زرداری اور مولانا فضل الرحمان کے درمیان ملاقات جاری ہے، ملاقات میں ملک کی سیاسی صورتحال اور باہمی دلچسپی کے امور پر گفتگو ہوئی۔

ڈی آئی خان : جمیعت علما اسلام ف کے سربراہ مولانا فضل الرحمان کا کہنا ہے کہ جے یو آئی کسی سیاسی اتحاد کے بغیر اپنی تحریک خود چلائے گی۔

تفصیلات کے مطابق جمیعت علما اسلام ف کے سربراہ مولانا فضل الرحمان نے ڈی آئی خان میں میڈیا سے گفتگو کرتے ہوئے کہا کہ جےیوآئی کسی سیاسی اتحادکےبغیراپنی تحریک خودچلائے گی، ماضی قریب میں سیاسی اتحادوں کےتجربےاچھےنہیں رہے، ہم مزید کسی کوشرمندہ کرناچاہتے ہیں اورنہ ہوناچاہتے ہیں۔

سربراہ جے یو آئی کا کہنا تھا کہ اپوزیشن کا کردار پارلیمنٹ کے اندر اور باہر کریں گے، ایشو ٹو ایشودیگر سیاسی جماعتوں سے اتحاد ہوسکتا ہے۔

انھوں نے کہا کہ 2018کےبعداسمبلیاں اپنی اہمیت کھو بیٹھی ہیں، اس سیاست میں جمہوریت اپنامقدمہ ہاررہی ہے اور سیاسی عدم استحکام معیشت پراثر انداز ہو رہی ہے۔

جمیعت علما اسلام ف کے سربراہ کا کہنا تھا کہ ریاست ہی غیرمستحکم ہوجائےتوبنگلادیش جیسےحالات پیداہوتےہیں، ہم بنگلہ دیش جیسے حالات کی جانب نہیں جانا چاہتے، عوام کامقدمہ قومی سطح پرلڑناچاہتا ہوں لیکن ہمارےاعتراضات اور تحفظات کودورکیاجائے۔

آئی ایم ایف کے حوالے سے انھوں نے کہا کہ ہمارا بجٹ اب آئی ایم ایف بناتا ہے ہماری معیشت انکےقبضےمیں چلی گئی ہے، ایک زمانہ تھا پاکستان نےآئی ایم ایف کی شرائط ماننے سے انکار کر دیا تھا وہ گھٹنے میں آکربیٹھ گئےتھے، آج وہ ہماری گردن سےپکڑتے ہیں اور سانس نہیں لینے دے رہے۔

سربراہ جے یو آئی نے بتایا کہ دوسری جنگ عظیم کے بعد کالونیل سسٹم ختم ہوگیا ہے، غریب ممالک کومعاشی، دفاعی اور سیاسی طور پر کنٹرول کیا جاتا ہے ،اس کیخلاف قوم کو متحد ہونا ہوگا۔

لکی مروت: مولانا فضل الرحمان نے کہا ہے کہ بلوچستان، خیبرپختونخوا اور قبائلی بارود کے ڈھیر پر بیٹھے ہیں، عوام مطمئن نہیں۔

جے یو آئی (ف) کے سربراہ مولانا فضل الرحمان نے جلسے سے خطاب کرتے ہوئے کہا کہ ہم امن چاہتے ہیں، غریب عوام کا احساس کریں، عوام مطمئن نہیں، اس طرح معاملات نہیں چلیں گے، اپنے حقوق پر کسی کو قبضہ کرنے کی اجازت نہیں دی جاسکتی۔

مولانا فضل الرحمان نے کہا کہ بلوچستان ہو یا خیبر پختونخوا یہ دولت مند علاقے ہیں، ہم اپنی سرزمین کے وسائل پر قبضہ ہونے نہیں دیں گے، وہ میرے ملک کی مذہبی شناخت کو ختم کرنا چاہتے ہیں۔

انھوں نے کہا کہ تم نے الیکشن کرادیے مگرہم کو یہ الیکشن قبول نہیں، دھاندلی کی بنیاد پر آئے ان لوگوں کو عوام کا نمائندہ قبول نہیں کرسکتے۔

فضل الرحمان کہا کہنا تھا کہ آج چین ہم پر اعتماد کرنے کے لیے تیار نہیں، آج پاکستان پر کوئی اعتماد نہیں کرتا اورنہ قرض دیتا ہے۔

انھوں نے جلسے سے خطاب کرتے ہوئے کہا کہ پاکستان ڈوب رہا ہے، ہم پاکستان بچانے نکلے ہیں، افغانستان کو آزاد ہوئے 3 سال نہیں ہوئے مگروہ آج ترقی پر ہے۔

اسلام آباد : جے یو آئی ف کے سربراہ نے حماس رہنما اسماعیل ہنیہ کی شہادت پر جمعہ کو ملک گیر احتجاج کا اعلان کردیا۔

تفصیلات کے مطابق سربراہ جے یو آئی ف مولانا فضل الرحمان نے حماس کے رہنما اسماعیل ہنیہ کی شہادت پر اظہار افسوس کرتے ہوئے کہا کہ شہادت سے فلسطین کی آزادی کی تحریک ختم نہیں ہوگی.

فضل الرحمان کا کہنا تھا کہ حماس رہنما سے ملاقات ہوئی تو وہ شہادت کے جذبےسےسرشارتھے، ان کی اور ان کے خاندان کی قربانیاں رائیگاں نہیں جائیں گی۔

انھوں نے کہا کہ پارلیمنٹ، کے پی اور بلوچستان اسمبلی میں ان کی خدمات کےاعتراف میں آج قراردادیں پیش کریں گے۔

سربراہ جے یو آئی ف نے اعلان کیا کہ اسرائیلی جارحیت کیخلاف جمعہ کوملک بھرمیں احتجاج کریں گے، اسرائیلی جارحیت کیخلاف اور حماس رہنما کی شہادت پر بھرپور مظاہرے کئے جائیں گے۔

اسلام آباد : جمعیت علمائے اسلام کے ترجمان عبد الغفور حیدری نے پی ٹی آئی کیساتھ رابطے کی تصدیق کرتے ہوئے کہا کہ تحریک انصاف کومذاکرات میں بہت سنجیدگی دکھانا ہوگی۔

تفصیلات کے مطابق جمعیت علمائے اسلام اور پاکستان تحریک انصاف میں رابطے بحال ہوگئے۔

رہنما پی ٹی آئی اسد قیصر اور مولانا فضل الرحمان کےدرمیان ملاقات ہوئی ، مولانا عبد الغفور حیدری نے تصدیق کی کہ پی ٹی آئی کیساتھ ہمارے رابطے ہیں۔

عبد الغفور حیدری کا کہنا تھا کہ تحریک انصاف نےمذاکراتی کمیٹی تشکیل دےدی ہے اور مذاکرات کیلئے جے یو آئی کوبھی کمیٹی قائم کرنے کی تجویزدی، ہم نے بھی طے کیا ہے کہ کمیٹی بنانیں گے۔

ترجمان جے یو آئی نے کہا کہ اس بات کاتعین کریں گےکہ کن کن نکات پربات کرنی ہے تاہم ابھی معاملہ کمیٹیوں کی حدتک ہے،کمیٹیاں بنیں گی توہی مذاکرات ہوں گے۔

ان کا کہنا تھا کہ پی ٹی آئی اور جے یو آئی میں بہت بڑی خلیج حائل ہے،اسے ہٹانےمیں دیر لگے گی، ہم 10 سے 12 سال ایک دوسرے کے مخالف رہے، قریب آتے وقت لگے گا۔

عبد الغفور حیدری   نے بتایا کہ دونوں جماعتوں کوایک دوسرےسےتحفظات ہوسکتےہیں، پہلے دونوں جماعتوں کو تحفظات دور کرنا ہوں گے، جب تک تحفظات دورنہ کئےگئےقربت ممکن نہیں لگتی، بھی ہمارے ورکرزبھی اس معاملے کوقبول نہیں کررہے،اس پربھی محنت کرنا ہوگی۔

انھوں نے زور دیا کہ تحریک انصاف کومذاکرات میں بہت سنجیدگی دکھاناہوگی، یہ مذاکراتی نشستیں ’’گفتن اور برخاستن‘‘نہ ہوں،نتیجہ بھی نکلے، ہماری ضرورت تونہیں تھی، اگرضرورت بن گئی ہےتوسنجیدہ سوچنا ہوگا۔

ڈی آئی خان : جمیعت علما اسلام ف کے سربراہ مولانا فضل الرحمان کو حملے کے خدشے کے پیش نظر تھریٹ ایڈوائزری جاری کردیا گیا۔

تفصیلات کے مطابق مقامی پولیس نے جمیعت علما اسلام ف کے سربراہ مولانا فضل الرحمان کو تھریٹ ایڈوائزری نوٹس جاری کردیا ہے۔

ایڈوائزری نوٹس میں کہا گیا کہ دہشت گرد پارٹی رہنماؤں ،ارکان کونشانہ بنا سکتے ہیں، دوران سفر،ریلی ،سیاسی مقامات یاریائش گاہوں پر ٹارگٹ کیا جا سکتا ہے۔

نوٹس میں درخواست کی گئی ہے کہ وہ غیرضروری سفر،اجتماعات میں نہ جائیں اور دوران سفرسیکیورٹی ہائی الرٹ اوراداروں کوآگاہ کریں تاکہ انہیں فول پروف سیکیورٹی فراہم کی جاسکے۔

دوسری جانب خیبرپختونخوا میں دہشت گردی کے بڑھتے ہوئے واقعات کے پیش نظر صوبائی حکومت نے بھی سرکاری افسران کو محرم کی تعطیلات کے دوران غیر ضروری سفر سے گریز کرنے کی ہدایت کی ہے۔

حکومت نے تھریٹ الرٹ لیٹر میں ڈیرہ اسماعیل خان، ٹانک، بنوں اور لکی مروت میں دہشت گردی میں اضافے اور سرکاری اہلکاروں پر ٹارگٹ حملوں کی وارننگ دی گئی ہے۔

خط میں کہا گیا ہے کہ صوبے میں دہشت گردی کے واقعات، ٹارگٹ کلنگ اور سرکاری اہلکاروں کے اغوا کے واقعات میں مسلسل اضافہ ہو رہا ہے اور اس لیے سرکاری اہلکار محرم کی تعطیلات کے دوران غیر ضروری سفر سے گریز کریں تاکہ اپنی حفاظت کو یقینی بنایا جا سکے۔

فیصل آباد: سنی اتحاد کونسل کے سربراہ صاحبزادہ حامد رضا مولانا فضل الرحمان کے ساتھ بیٹھنے پر رضامند ہوگئے۔

صاحبزادہ حامد رضا کا کہنا تھا کہ بانی پی ٹی آئی کی وجہ سے فضل الرحمان کے ساتھ بیٹھنے کو تیار ہیں، فضل الرحمان سے سیاسی اتحاد کا فیصلہ محمود اچکزئی کریں گے، پنجاب حکومت کی ٹک ٹاک پرفارمنس بھی بدترین ہے۔

انھوں نے کہا کہ مفت بجلی کا اعلان کرنے والی حکومت نے ظالمانہ ٹیکس لگا دیے، نااہل قیادت نے معیشت کو آئی سی یو میں پہنچا دیا ہے۔

صاحبزادہ حامد رضا کا کہنا تھا کہ حکومتی سرپرستی والے ذخیرہ اندوزوں نے گندم بحران کی سازش تیارکرلی ہے۔

خیال رہے کہ اس سے قبل سنی اتحاد کونسل کے سربراہ نے کہا تھا کہ جے یو آئی (ف) کے ساتھ اتحاد نہیں ہو سکتا۔

دریں اثنا جمعیت علمائے اسلام (ف) سے مذاکرات کے لیے تحریک انصاف نے 5 رہنماؤں کے نام دیے ہیں جن میں اسد قیصر، بیرسٹر گوہر رؤف حسن، شبلی فراز اور عمر ایوب شامل ہیں۔

مولانا فضل الرحمان نے پریس کانفرنس میں کہا تھا کہ جماعت کی مجلس شوریٰ نے پی ٹی آئی کے رابطوں کا جائزہ لیا ہے، پی ٹی آئی مذاکرات چاہتی ہے تو خوش آمدید کہیں گے ہم مثبت رویوں پر قائم ہیں۔

اسلام آباد : وفاقی وزیرداخلہ محسن نقوی نے ملاقات میں مولانا فضل الرحمان کیلئے نیک خواہشات کا اظہار کرتے ہوئے کہا کہ آپ کی صحت و سلامتی کیلئے دعاگو ہوں۔

تفصیلات کے مطابق اسلام آباد میں وفاقی وزیر داخلہ محسن نقوی نے جے یو آئی ف کے سربراہ مولانا فضل الرحمان سے ملاقات کی۔

وفاقی وزیر نے جے یو آئی ف کے سربراہ مولانا فضل الرحمٰان کی عیادت کی اور خیریت دریافت کی۔

وزیر داخلہ نے مولانا فضل الرحمان کیلئے نیک خواہشات کا اظہار کرتے ہوئے کہا کہ آپ کی صحت و سلامتی کیلئے دعاگو ہوں، آپ سے 25 سالہ دیرینہ تعلق اور عزت و احترام والا رشتہ ہے۔

گذشتہ روز وزیراعظم محمد شہباز شریف نے مولانا فضل الرحمان کی رہائشگاہ کا دورہ کیا تھا، اس موقع پر مولانا فضل الرحمان نے وزیراعظم کی آمد کا خیر مقدم کیا۔

وزیراعظم نے مولانا فضل الرحمان کی خیریت دریافت کرتے ہوئے کہا آپ نے ہمیشہ جمہوری اقدار کی حفاظت کے لیے پر امن جد وجہد کو فروغ دیا۔

شہباز شریف نے مولانا فضل الرحمان کی دینی خدمات کی تعریف کرتے ہوئے سیاسی مسائل کے باہمی تعاون سے حل کے لیے کمیٹی تشکیل دینے کی تجویز پیش کی تھی۔

فیصل آباد: جے یو آئی (ف) کے سربراہ مولانا فضل الرحمان نے کہا ہے کہ پارلیمنٹ اپنی اہمیت ختم کرچکی ہے، ہم تحریک چلا رہے ہیں۔

تفصیلات کے مطابق مولانا فضل الرحمان نے جامعہ عبیدیہ میں میڈیا سے گفتگو کرتے ہوئے کہا کہ ہمارے پاس آئین موجود ہے، اس پرعملدرآمد نہیں ہے، یہ پارلیمنٹ کی اہمیت ختم کرچکے ہیں، ہم نے تحریک شروع کردی ہے، تحریک میں عوامی رسپانس توقع سے بڑھ کر ہے۔

سربراہ جے یو آئی نے کہا کہ یکم جون کو مظفرگڑھ سے ملین مارچ شروع کریں گے۔ جن پر ہمیں اعتراض ہے ان کے پاس کوئی راستہ نہیں۔

مولانا فضل الرحمان کا کہنا تھا کہ یہی صورتحال رہی تو نظام تباہ ہوجائے گا۔ 9 مئی کے حوالے سے ہمارے بھی تحفظات ہیں۔

انھوں نے کہا کہ پیپلز پارٹی اس وقت حکومت کا حصہ نہیں ہے، پی پی تمام آئینی عہدے حاصل کررہی ہے اور حکومت میں بھی نہیں ہے۔ اس کے معنیٰ ہیں کہ اقلیت حکومت کررہی ہے۔

فضل الرحمان کا کہنا تھا کہ سیاستدانوں کو غور کرنا ہوگا کہ ہمارے الیکشن کیوں متنازع ہوئے، اصلاح کے لیے ادارے موجود ہیں، الیکشن کمیشن ہاتھ پر ہاتھ دھرے بیٹھا ہے۔