Tag: مولانا فضل الرحمان

جمعیت علمائے اسلام کے سربراہ مولانا فضل الرحمان نے واشگاف الفاظ میں کہا ہے کہ اب اسلامی دنیا کو فلسطین اور القدس کی آزادی کی بات کرنی ہوگی۔

مولانا فضل الرحمان کا کاتقریب سےخطاب کرتے ہوئے کہنا تھا کہ مسلم دنیا اسرائیل کے معاملے پر تذبذب کا شکار کیوں ہوگئی ہے؟ حماس نے حملہ کرکے دوبارہ سے فلسطین کے تصفیے کو اجاگر کیا، حماس کے حملے سے فلسطین کو آزاد کرنے کا موضوع دوبارہ اوپر آگیا ہے، حماس نے حملہ کرکے اسرائیل کو تسلیم کرنے کے موضوع کو توڑ دیا ہے۔

فضل الرحمان نے کہا کہ فلسطین سے آئے معزز مہمانوں کو خوش آمدید کہتا ہوں، لوگوں کے دماغ میں اسرائیل سے متعلق عجیب سوالات ڈالے جاتے ہیں۔ اسرائیل کے حوالے سے تاریخی حقائق کا یہ کچھ نہیں بتاتے۔

انھوں نے کہا کہ حرمین الشریفین کی طرح مسجدالاقصیٰ کا مسئلہ بھی امت کا مسئلہ ہے، مسجدالاقصیٰ کی آزادی کیلئے ہر مسلمان کٹ مرنے کو تیار ہے۔

جے یو آئی (ف) کے قائد نے کہا کہ آج کی صورتحال میں اسرائیل کو تسلیم کرنے کا کوئی جواز نہیں۔ کہا جاتا ہے اسرائیل حقیقت ہے، تسلیم کرنے میں کیاقباحت ہے، کہا جاتا ہے عربوں نے اسرائیل کو تسلیم کرلیا ہم کیوں نہ کریں۔

خطہ فلسطین کا ذکر تاریخ میں ہزار سالوں تک مل سکتا ہے مگر خطہ اسرائیل کا کہیں نہیں۔ اسرائیل کے حق میں یو این قرارداد پر بانی پاکستان محمد علی جناح نے پہلا ردعمل دیا۔ محمدعلی جناح نے کہا تھا کہ اسرائیل ایک ناجائز ریاست ہے۔ جناح نے کہا اسرائیل کی صورت میں عربوں کے دل میں خنجر گھونپ دیا گی۔

فضل الرحمان کا کہنا تھا کہ اسرائیل نے 1967 میں گولان کی پہاڑیوں اور دیگرعلاقوں پر قبضہ کیا، اقوام متحدہ نے 1967 کی جنگ میں عرب علاقے پر قبضے کو ناجائز قرار دیا،

انھوں نے کہا کہ پاکستان اور بھارت نے ایک دوسرے کو تسلیم کیا لیکن کشمیر پر تنازع برقرار ہے۔ روس نے افغانستان میں جنگ چھیڑ کرغلطی کی اور ٹوٹ گیا، سویت یونین کے ٹوٹنے پر امریکا ایک محوری نظام بن کرسامنے آیا،

فضل الرحمان نے کہا کہ مصر نے اسرائیل کو تسلیم کیا تو اسرائیل نے صحرائے سینا کےعلاقے خالی کردیے۔ صیہونیت اور نسل پرستی ایک چیز ہے، نسل پرستی کے خلاف یو این قرارداد موجود ہے۔

سربراہ جے یو آئی نے کہا کہ آج اقوام متحدہ میں فلسطین سے متعلق قراردادیں کہاں ہیں، غزہ میں شہر برباد کردیے گئے، کوئی اسپتال اور دکان نہیں، پانی کے ذخائر ختم کردیے گئے۔

انھوں نے کہا کہ امریکا انسانی حقوق کا علمبردار نہیں انسانی حقوق کا قاتل ہے، امریکا کو سپرپاور کیوں تسلیم کریں، وہ ہمارے پڑوس میں شکست کھاکر بھاگا ہے۔ مسلمانوں میں توہمت نہیں ہوسکی مگر جنوبی افریقا قتل عام پرعالمی عدالت انصاف میں گیا۔

مولانا فضل الرحمان نے کہا کہ ملک میں شہباز شریف کی حکومت کب ہے؟ ملک میں حکومت جن کی ہے ان کی بات اب کرنی پڑے گی۔ اس اسمبلی نے اسرائیل کو تسلیم کرنے کی بات کی تو قوم اینٹ سے اینٹ بجادے گی۔

اسلام آباد: جمعیت علما السلام ف کے سربراہ مولانا فضل الرحمان کا کہنا ہے کہ ہمارا احتجاج الیکشن کو کھیل بنانے والوں کےخلاف ہے، عوام سڑکوں پرآئیں گے تو حکومت خود گر جائے گی۔

تفصیلات کے مطابق جمعیت علما السلام ف کے سربراہ مولانا فضل الرحمان نے نجی ٹی وی چینل کے پروگرام میں گفتگو کرتے ہوئے کہا کہ عوام سڑکوں پرآئیں گے تو حکومت خود گر جائےگی، ہمارا احتجاج الیکشن کو کھیل بنانے والوں کے خلاف ہے۔

مولانا فضل الرحمان کا کہنا تھا کہ تحریک کا فوکس وہ قوت ہوگی جس نے نتائج تبدیل کیے، کیونکہ یہ حکومت ایسے نتائج پر بنی ہے جو ہمیں قبول نہیں۔

پاکستان تحریک انصاف سے رابطے کے سوال سربراہ جے یو آئی ف نے کہا کہ پی ٹی آئی کا مجھ سے رابطہ نہیں، جرم کوئی اور کرتا ہے، ذمہ داری سیاستدان اپنے سرلے لیتے ہیں۔

احتجاجی تحریک کے حوالے سے ان کا کہنا تھا کہ رمضان کےبعداحتجاج ہوگا،عوامی اسمبلیاں لگائیں گے۔

اسلام آباد ہائی کورٹ کے ججز کے خط سے متعلق مولانا فضل الرحمان نے کہا کہ پہلی مرتبہ ہائی کورٹ کے ججوں نے بھی آواز اٹھائی ہے، ججوں نے دھونس دھمکیوں اور مداخلت کی شکایت کی۔

اسلام آباد : جے یو آئی (ف) کے سربراہ مولانا فضل الرحمان نے ضمنی انتخابات کے بائیکاٹ اوراحتجاجی جلسوں کا اعلان کردیا۔

تفصیلات کے مطابق سربراہ جے یو آئی ف فضل الرحمان نے اپنے ویڈیو بیان میں احتجاجی جلسوں کا اعلان کرتے ہوئے کہا کہ عوام کو ووٹ کے حق کیلئے متحد کرنا ہوگا، پشین میں 25اپریل کو جلسہ کیا جائے گا جبکہ کراچی میں 2 مئی اور پشاور میں 9 مئی کوجلسہ ہوگا۔

مولانا فضل الرحمان نے بتایا کہ پشاور جلسے کے بعد لاہور کے لئے تاریخ کا تعین کریں گے، اس سلسلے میں دیگرسیاسی جماعتوں سےبھی رابطہ کررہے ہیں۔

اسلام آباد ہائیکورٹ کے 6 ججز کے خط کے حوالے سے سربراہ جے یو آئی ف نے کہا کہ ہائیکورٹ ججزکہہ رہےہیں کہ ہمارے معاملات میں مداخلت ہورہی ہے اور خواجہ آصف نے ماضی کے دریچوں سے پردہ اٹھایا ہے۔

مولانا فضل الرحمان نے ضمنی انتخابات کے بائیکاٹ کا اعلان کرتے ہوئے کہا کہ جے یو آئی کا کوئی امیدوار ضمنی انتخابات میں حصہ نہیں لے گا، الیکشن کمیشن بےبس ہے، ان کو نتیجہ مرتب کرنےکی اجازت نہیں۔

اسلام آباد : جمیعت علمائے اسلام ف کے سربراہ مولانا فضل الرحمان کا کہنا ہے کہ پی ٹی آئی اور ہمارے درمیان پہاڑ حائل ہے عبور کرنا آسان نہیں، ہمارا اتحاد نہیں ہوا۔

تفصیلات کے مطابق جمیعت علمائے اسلام ف کے سربراہ مولانا فضل الرحمان نے نجی ٹی وی چینل کو انٹرویو دیتے ہوئے کہا کہ غلط غلط ہوتا ہے 2018 میں ہوا ہو یا 2024 میں ، انتخابات میں کس کو کہاں جتوانا ہے، نتیجے کیلئےرشوت لی گئیں۔

مولانا فضل الرحمان کا کہنا تھا کہ پی ٹی آئی وفدپہلےبھی کئی بارآیا، ہمیشہ عزت دی، جےیوآئی کوملک بھر کے الیکشن پر تحفظات ہیں، خیبرپختونخوامیں بھی پی ٹی آئی کےنتائج پرتحفظات ہیں، ہم نے ان کے سامنے بھی اچھے اندازمیں اپنےتحفظات رکھے۔

سربراہ جے یو آئی ف نے کہا کہ پی ٹی آئی اور جے یو آئی کے درمیان کوئی اتحاد نہیں ہوا، دونوں جماعتوں کے درمیان پہاڑ حائل ہیں،عبور کرنا آسان کام نہیں، ہم اپنی اور پی ٹی آئی والےاپنی پوزیشن پرہیں۔

ان کا کہنا تھا کہ پی ٹی آئی والوں کا یہاں آنا، ہم سے گفتگو کرنا ایک ماحول تشکیل دیا ہے، ایسا ماحول جس میں مذاکرات ہوں، مسئلے کا حل نکلے۔

الیکشن کے حوالے سے مولانا فضل الرحمان نے کہا کہ 2018 اور اس بار کا الیکشن بھی متنازع ہوگیا، جس الیکشن پر سوال اٹھیں اس کو کیسے تسلیم کرلیں۔

سربراہ جے یو آئی ف کا مزید کہنا تھا کہ تحریک کے ذریعے تبدیلی لانے کا سوچ رہے ہیں، فیصلے ایوانوں میں نہیں میدان میں ہوں، الیکشن نتائج کہیں اور سے آنے ہیں تو الیکشن کا کیافائدہ؟

انھوں نے مزید کہا کہ سندھ میں پیپلزپارٹی اور کےپی میں پی ٹی آئی کیلئے ہماراحق چھینا گیا، بلوچستان میں مختلف جماعتوں کیلئے ہماراحق چھینا گیا، لاڈلے بڑھ گئے ہیں، سمجھ نہیں آرہا کون کون لاڈلے تھے۔

مولانا فضل الرحمان نے بتایا کہ 2018 میں تقریباً یہی منڈیٹ تھا،پی پی ،ن لیگ کہہ رہی تھی دھاندلی ہوئی، آج اسی مینڈیٹ کیساتھ کہہ رہےہیں الیکشن ٹھیک ہوئےہیں، پی ٹی آئی والوں کوبھی کہتاہوں آپ کابھی تقریباً وہی مینڈیٹ ہے، پی ٹی آئی والے آج دھاندلی کہہ رہے ہیں،2018 میں کہا الیکشن ٹھیک ہیں۔

پی ڈی ایم کی حکومت کے حوالے سے ان کا کہنا تھا کہ ڈیڑھ سالہ حکومت کی قیادت ن لیگ کررہی تھی، سارانزلہ ہم پرگرایاجارہاہےہم نےجرم کیاہے، نزلہ پہلےن لیگ اورپھرپیپلزپارٹی پرگرناچاہیے، پیپلز پارٹی توآگےبلوچستان کی طرف جارہی ہے۔

سربراہ جے یو آئی ف نے کہا کہ ہم سمجھتے ہیں الیکشن غلط ہوئےہیں ، اگر دوبارہ بھی الیکشن کرائے جاتے ہیں تب بھی اعتماد نہیں ، ن لیگ سےکہہ چکاہوں ڈیڑھ سال کاتجربہ آپ کےسامنے ہے، آپ کوئی نیک نامی حاصل نہیں کرسکے آئیں اپوزیشن میں بیٹھیں ، مزید اپنی سیاست دفن نہ کریں آئیں اپوزیشن میں بیٹھیں۔