Tag: مولانا فضل الرحمن

لاہور: صوبائی وزیر فیاض الحسن چوہان کا کہنا ہے کہ وزیراعظم نے مودی سرکار کا چہرہ بے نقاب کیا، وزیراعظم نے جو مؤقف بیان کیا دنیا اس کی تعریف کر رہی ہے۔

تفصیلات کے مطابق صوبائی وزیر فیاض الحسن چوہان نے کہا کہ وزیراعظم نے مسئلہ کشمیر کے معاملے پر بہترین کردار ادا کیا، دنیا تعریف کر رہی ہے۔

فیاض الحسن چوہان نے کہا کہ بھارت کا کٹھ پتلی میڈیا مولانا فضل الرحمن کو ہیرو بنا کر پیش کر رہا ہے۔ انہوں نے کہا کہ مولانا فضل الرحمن اصول کے نام پر وصول کی سیاست کرتے ہیں۔

صوبائی وزیر نے کہا کہ مولانا فضل الرحمن سر کے بال سے پاؤں کے ناخن تک کرپشن میں ملوث ہیں، مولانا فضل الرحمن اپنے خاندان کے 10سے 30 افراد کو حکومت میں لائے۔

انہوں نے کہا کہ مولانا فضل الرحمن کے آزادی مارچ کی کوئی اہمیت نہیں ہے، مولانا فضل الرحمان نے آزادی مارچ کے شرکا کو ڈنڈے لانے کا کہا۔

فیاض الحسن چوہان نے کہا کہ مولانا صاحب پیسوں کے لیے ن لیگ، پیپلزپارٹی کو استعمال کر رہے ہیں، ن لیگ، پیپلزپارٹی والے ابو بچانے کے لیے مولانا کو استعمال کر رہے ہیں۔

اسلام آباد: وزیرامور کشمیر علی امین گنڈا پور کا کہنا ہے کہ کشمیر میں مودی اوراسلام آباد پر مولانا چڑھائی کی کوشش کر رہے ہیں۔

تفصیلات کے مطابق وزیر امورکشمیر علی امین گنڈاپور نے پریس کانفرنس کرتے ہوئے کہا کہ مولانا فضل الرحمن بلیک میلنگ کی سیاست کر رہے ہیں۔

انہوں نے کہا کہ بچوں کو استعمال کرکےسیاست بچانے کی کوشش کی جا رہی ہے، مولانا فضل الرحمن کی سیاست ختم ہوچکی ہے۔

علی امین گنڈاپور نے کہا کہ مولانا فضل الرحمن بچوں کو ڈوبتی سیاست بچانے کے لیے استعمال کر رہے ہیں، فاٹا جب زنجیروں میں تھا تو مولانا فضل الرحمن کیوں خاموش تھے۔

وفاقی وزیر نے کہا کہ کشمیر میں مودی اوراسلام آباد پرمولانا چڑھائی کی کوشش کر رہے ہیں، مولانا صاحب کا ایجنڈا پاکستان کو کمزور کرنے والی قوتوں کی مدد کرنا ہے۔

علی امین گنڈاپور نے کہا کہ مولانا صاحب جس ایجنڈے پر کام کر رہے ہیں اس سے صرف مودی کو فائدہ ہو رہا ہے۔ انہوں نے مزید کہا کہ مولانا صاحب الیکشن میں شکست کا بدلہ لینا چاہتے ہیں۔

اس سے قبل صوبائی وزیر میاں اسلم اقبال کا کہنا تھا کہ مدرسے کے بچوں کو ڈنڈوں کے ساتھ آنے کی ترغیب دی جا رہی ہے، بچوں کو اشتعال دلانے سے انارکی پھیلے گی۔ انہوں نے کہا کہ پرامن احتجاج پر کسی کو نہیں روک رہے۔

لاہور: پاکستان تحریک انصاف کے رہنما ملک کرامت علی کھوکھر کا کہنا ہے کہ تحریک انصاف عوام کا پیسہ لوٹ کر محل بنانے والوں سے کبھی کوئی ڈیل نہیں کرے گی۔

تفصیلات کے مطابق تحریک انصاف کے رہنما ملک کرامت علی کھوکھر نے کہا کہ ملک کو لوٹنے والے کسی رعایت کے مستحق نہیں، کرپشن کرنے والوں کا احتساب ہر حال میں جاری رہے گا۔

انہوں نے کہا کہ پیپلز پارٹی اور ن لیگ کے قائدین کا احتساب ہونے پر وہ چیخیں مار رہے ہیں ،عمران خان کو لانگ مارچ و دھرنے کی دھمکیوں سے بلیک میل نہیں کیا جاسکتا۔

ملک کرامت علی کھوکھر نے کہا کہ نے کہا کہ کپتان کی قیادت میں پاکستان معاشی استحکام کی طرف جا رہا ہے، حکومت مہنگائی پر بہت جلد قابو پالے گی۔

انہوں نے کہا کہ 27اکتوبر کو مولانا فضل الرحمن و نیب زدگان اپوزیشن کی سازش بری طرح ناکام ہوگی، تحریک انصاف عوام کا پیسہ لوٹ کر محل بنانے والوں سے کبھی کوئی ڈیل نہیں کرے گی۔

تحریک انصاف کے رہنما نے کہا کہ مولانا فضل الرحمن کی آزادی مارچ کے حوالے سے سولو فلائٹ پر اپوزیشن جماعتیں بھی پریشان ہیں تاہم اگر آزادی مارچ ہوا تو حکومت کسی بھی قسم کی رکاوٹ نہیں ڈالے گی۔

ملک کرامت علی کھوکھر نے کہا کہ وزیراعظم عمران خان نے عوام کو شعور دیا جس کی و جہ سے عوام بھی مفادات کی سیاست کرنے والوں پر اعتبار کرنے کو تیار نہیں ہے۔