کراچی: رکن بلوچستان اسمبلی مولانا ہدایت الرحمان کا لاپتہ ہونے والا بیٹا عبدالباسط مل گیا ، پولیس نے بتایا بچہ گوادر سے ملا۔
تفصیلات کے مطابق سعودآباد پولیس نے رکن بلوچستان اسمبلی مولاناہدایت الرحمان کے بیٹے کو تلاش کرلیا۔
پولیس نے بتایا کہ لاپتہ ہونے والا عبدالباسط گوادرسےملا، جس کے بعد پولیس پارٹی گمشدہ بچے کولیکرکراچی روانہ ہوگئی ہے اور واقعے کی تفصیلات حاصل کررہے ہیں۔
ایم پی اے کے اہلخانہ نے تصدیق کی لاپتہ عبدالباسط باحفاظت گھرپہنچ گیا ہے۔
دوسری جانب رکن بلوچستان اسمبلی کے بیٹے کے اغوا کی سی سی ٹی وی بھی سامنے آگئی ہے۔
یاد رہے رکن صوبائی اسمبلی ہدایت الرحمن کا بیٹا کراچی سے مبینہ طور پر لاپتا ہو گیا تھا، اہل خانہ نے بتایا کہ لڑکا اپنے ماموں کےگھر جانے کا کہہ کر مدرسے سے روانہ ہوا تھا، لڑکا سعود آباد میں زیر تعلیم ہے، کل شام مدرسے سے نکلا تھا۔
مزید پڑھیں : رکن بلوچستان اسمبلی ہدایت الرحمن کا بیٹا کراچی سے مبینہ طور پر اغوا
اہل خانہ نے بتایا کہ لڑکا اپنے ماموں کےگھر جانے کا کہہ کر مدرسے سے روانہ ہوا تھا، لڑکا سعود آباد میں زیر تعلیم ہے، کل شام مدرسے سے نکلا تھا۔
بعد ازاں سعودآباد تھانےمیں مولاناہدایت الرحمان کے سسرمحمدآدم کی مدعیت میں واقعے کا مقدمہ درج کیا گیا تھا۔
مدعی مقدمے نے بتایا تھا کہ عبدالباسط ساتویں جماعت میں تھااورپریشان رہتاتھا، لاپتہ ہونےسےقبل عبدالباسط مدرسہ چھوڑنےکی بات کرچکاتھا اور مغرب کےبعدمدرسےکی چھٹی کےوقت عبدالباسط لاپتہ ہو ا۔
