ARYNews.tv | Urdu – Har Lamha Bakhabar

Tag: مومنہ مستحسن

  • سارہ خان اور آئمہ بیگ کی لفظی گولہ باری، مومنہ مستحسن بھی میدان میں آگئیں

    سارہ خان اور آئمہ بیگ کی لفظی گولہ باری، مومنہ مستحسن بھی میدان میں آگئیں

    گلوکارہ سارہ رضا خان کی جانب سے گلوکارہ آئمہ بیگ پر تنقید کے بعد معروف گلوکارہ مومنہ مستحسن دونوں گلوکاروں کی تعریف کرتے ہوئے میدان میں آگئیں۔

    حال ہی میں گلوکارہ سارہ خان ایک شو میں شریک ہوئیں جہاں انہوں نے ایسے لوگوں کو گلوکاروں کی فہرست سے نکال دیا جن کو آٹو ٹیون کا استعمال کرنا پڑے۔

     

    View this post on Instagram

     

    A post shared by Galaxy Lollywood (@galaxylollywood)

    سارہ نے آئمہ بیگ پر تنقید کرتے ہوئے کہا کہ اگر آٹو ٹیون کا آپشن نکال دیا جائے تو آئمہ بیگ گلوکارہ نہیں کہلائی جائیں گی۔

    سارہ رضا خان کا کہنا تھا کہ آئمہ گلوکارہ ہیں ہی نہیں ساتھ ہی انہوں نے یہ بھی کہا کہ ایسے اور بھی بہت سے نام ہیں جو آٹو ٹیون کے بغیر گلوکار نہیں رہیں گے۔

     

    View this post on Instagram

     

    A post shared by Galaxy Lollywood (@galaxylollywood)

    سارہ کا یہ کلپ سوشل میڈیا پر دیکھتے ہی دیکھتے وائرل ہوگیا جس کے بعد آئمہ بیگ نے بھی اپنا دفاع کرتے ہوئے جواب میں ایک ویڈیو کلپ شیئر کیا جس میں وہ اپنا مشہور گانا سِر دی بازی بغیر کسی آٹو ٹیون کے گنگنا رہی ہیں۔

    آئمہ نے اس ویڈیو کلپ کے کیپشن میں لکھا کہ ’کیا کوئی مجھے یہاں آٹو ٹیون دے سکتا ہے پلیز، آخر یہ آنٹی ہیں کون‘۔

    دونوں گلوکارہ کی اس لفظی جنگ کے بعد اس بحث پر اپنا نقطہ نظر دینے کیلئے مشہور گلوکارہ مومنہ مستحسن بھی میدان میں آگئیں۔

     

    View this post on Instagram

     

    A post shared by Galaxy Lollywood (@galaxylollywood)

      مومنہ مستحسن کا کہنا تھا کہ وہ سارہ رضا خان کے آئمہ بیگ کی موسیقی کی مہارت یا اس میں کمی کے حوالے سے ان کے تبصروں سے بالکل متفق نہیں ہیں، مومنہ نے کہا کہ دونوں گوکارہ بہترین ہیں اور دونوں میں سے کسی کو بھی آٹو ٹیون کی ضرورت نہیں ہے۔

  • مومنہ مستحسن سے متعلق نوازالدین صدیقی نے کیا کہا؟

    مومنہ مستحسن سے متعلق نوازالدین صدیقی نے کیا کہا؟

    عاصم اظہر اور مومنہ مستحسن کا کوک اسٹوڈیو کا گانا ’تیرا وہ پیار‘ تو یقیناً آپ نے سنا ہوگا، کیونکہ اس گانے نے ریلیز ہوتے ہی مقبولیت کے تمام اگلے پچھلے ریکارڈز توڑ دیے تھے۔

    بھارت کے معروف اداکار نواز الدین صدیقی نے ماضی میں انکشاف کیا تھا کہ وہ بھی اس گانے کو پسند کرنے والوں میں شامل ہیں۔

    ایک انٹرویو میں نواز الدین صدیقی کا کہنا تھا کہ وہ مومنہ اور عاصم کے اس گانے کے مداح ہیں اور اپنی فلم ’منٹو‘ کی شوٹنگ کے دوران وہ یہی گانا سن کر شوٹنگ کیا کرتے تھے۔

    اس انٹرویو میں نواز الدین صدیقی نے مومنہ مستحسن کا نام تو غلط تلفظ کے ساتھ لیا البتہ ان کے گانے کی بہت زیادہ تعریفیں کی تھیں۔

    نواز الدین صدیقی کا کہنا تھا کہ ’منٹو‘ کی شوٹنگ کے دوران میں صرف ایک گانا سنتا تھا، یہ پاکستانی گلوکارہ مومنہ مستحسن کا گانا تھا جس کا نام ”تیرا وہ پیار تھا“۔

    سعود قاسمی کا نوازالدین صدیقی سے متعلق اہم انکشاف

    اُن کا مزید کہنا تھا کہ مجھے نہیں معلوم، یہ گانا کسی سین سے ملتا بھی نہیں تھا لیکن بس میں ہر مرتبہ شوٹنگ کرنے سے قبل یہی گانا سنتا تھا۔ پھر اپنا سین شوٹ کرنے جاتا تھا۔

  • مومنہ مستحسن نے انسٹاگرام سے تمام تصاویر ڈیلیٹ کردیں

    مومنہ مستحسن نے انسٹاگرام سے تمام تصاویر ڈیلیٹ کردیں

    معروف پاکستانی گلوکارہ مومنہ مستحسن نے اپنے انسٹاگرام اکاؤنٹ سے تمام تصاویر ڈیلیٹ کردیں۔

    عالمی شہرت یافتہ گلوکار راحت فتح علی خان کے ساتھ سپر ہٹ گانا ’آفریں آفریں‘ گنگنا کر شہرت کی بلندیوں پر پہنچنے والی گلوکارہ مومنہ مستحسن نے انسٹاگرام پر موجود اپنی تمام تصاویر اور ویڈیوز ڈیلیٹ کردی ہیں۔

    مومنہ مستحسن کے انسٹاگرام پر فالوورز کی تعداد 4 ملین سے زائد ہے جبکہ گلوکارہ نے 520 لوگوں کو فالو کررکھا ہے۔

    سوشل میڈیا پر صارفین مومنہ کے یوں اچانک تصاویر اور ویڈیوز ڈیلیٹ کرنے پر تشویش میں مبتلا ہیں تاہم گلوکارہ کی جانب سے پوسٹس ڈیلیٹ کرنے سے متعلق کوئی بیان جاری نہیں کیا ہے۔

    مومنہ

    واضح رہے کہ مومنہ مستحسن نے گانا ’آفریں آفریں‘ کے بعد کئی گانے گنگنائے جسے مداحوں کی جانب سے پسند کیا گیا۔

    یاد رہے کہ 2016 میں مومنہ مستحسن نے علی نقوی نامی شخص سے منگنی کی تھی اور 2017 کے اوائل میں ان کی منگنی ٹوٹنے کی خبریں سامنے آئی تھیں۔

  • معروف گلوکارہ نے شعیب ملک کو ’لیجنڈ‘ قرار دے دیا

    معروف گلوکارہ نے شعیب ملک کو ’لیجنڈ‘ قرار دے دیا

    معروف پاکستانی گلوکارہ مومنہ مستحسن نے شعیب ملک کو ٹی 20 کرکٹ میں تیز ترین نصف سنچری کا ریکارڈ بنانے پر لیجنڈ قرار دے دیا۔

    پاکستانی گلوکارہ مومنہ مستحسن نے سماجی رابطے کی ویب سائٹ ٹویٹر پر گزشتہ روز اسکاٹ لینڈ کے خلاف میچ میں شعیب ملک کی شاندار اننگز کی تعریف کی۔

    مومنہ مستحسن نے اپنے ٹویٹ میں لھا کہ ’لیجنڈ بہت پرجوش ہے۔‘

    واضح رہے کہ گزشتہ روز شعیب ملک نے پاکستان کی جانب سے ٹی 20 کرکٹ میں تیز ترین نصف سنچری کا ریکارڈ بنایا تھا۔

    شارجہ کرکٹ گراؤنڈ میں اسکاٹ لینڈ کے خلاف شعیب ملک نے صرف 18 گیندوں پر اپنی نصف سنچری مکمل کی تھی، ان کی اننگز میں 6 چھکے اور ایک چوکا شامل تھا۔

    شعیب ملک کو شاندار کارکردگی پر میچ کا بہترین کھلاڑی قرار دیا گیا تھا۔

    یاد رہے کہ گزشتہ روز پاکستان نے اپنے آخری گروپ میچ میں اسکاٹ لینڈ کو 72 رنز سے شکست دی تھی، قومی ٹیم 11 نومبر کو آسٹریلیا کے خلاف سیمی فائنل کھیلے گی۔

  • مومنہ مستحسن کی سوشل میڈیا پر واپسی

    مومنہ مستحسن کی سوشل میڈیا پر واپسی

    پاکستان کی نامور گلوکارہ مومنہ مستحسن سوشل میڈیا سے بریک کے ڈیڑھ ماہ بعد واپس آگئیں، انہوں نے آف لائن زندگی کو خوبصورت ترین قرار دے دیا۔

    تفصیلات کے مطابق مومنہ مستحسن نے 25 جون کو اپنے انسٹا گرام اکاؤنٹ پر اپنی تصویر کے ساتھ کہا تھا کہ ہم عارضی طور پر بند ہیں۔

     

    View this post on Instagram

     

    A post shared by Momina Mustehsan (@mominamustehsan)

    تاہم گزشتہ روز گلوکارہ نے انسٹا گرام پوسٹ پر آن لائن آنے کے بعد آف لائن زندگی کو خوبصورت ترین قرار دے دیا۔

     

    View this post on Instagram

     

    A post shared by Momina Mustehsan (@mominamustehsan)

    انہوں نے کہا کہ آف لائن زندگی بہت خوبصورت ہے، سوشل میڈیا پر بہت زیادہ مواد اورمعلومات سے آپ کو تقریباً یہ یقین ہونے لگتا ہے کہ یہ ایک بہت بری دنیا ہے لیکن سچ میں ایسا نہیں ہے۔

    مومنہ مستحسن نے اپنے مداحوں کو پیغام دیا کہ زندگی ایک پہیلی ہے اور ہم سب زندگی کی بڑی تصویر کے مختلف ٹکڑے ہیں۔ ہم سب کی زندگی میں بہت مسئلے ہیں، ہمیں صرف انسان ہونے کی ضرورت ہے۔

  • مومنہ مستحسن اور بلال سعید کا ’باری 2‘ ریلیز ہوتے ہی چھا گیا

    مومنہ مستحسن اور بلال سعید کا ’باری 2‘ ریلیز ہوتے ہی چھا گیا

    کراچی: معروف گلوکارہ مومنہ مستحسن اور بلال سعید کا نیا گانا ’باری 2‘ ریلیز ہوتے ہی مداحوں میں مقبول ہوگیا۔

    تفصیلات کے مطابق معروف گلوکارہ مستحسن اور بلال سعید نے اپنے گانے باری کا دوسرا حصہ ’باری 2‘ (اُچیاں دیواراں) ریلیز کردیا جسے مداحوں کی جانب سے خوب سراہا جارہا ہے۔

    واضح رہے کہ گزشتہ سال نومبر میں دونوں گلوکاروں نے اپنا پہلا گانا ’باری‘ ریلیز کیا تھا، جس نے کامیابی کے ریکارڈ بنائے تھے۔

    گزشتہ دنوں مومنہ مستحسن اور بلال سعید نے اعلان کیا تھا کہ وہ جلد ہی گانے کا ری میک بھی ریلیز کریں گے۔

    باری 2 کو پہلے حصے سے آگے بڑھتے ہوئے دکھایا گیا ہے کہ مومنہ مستحسن غلط فہمی کی بنیاد پر ناراض ہوجاتی ہیں اور گانے کے آخر میں اس ناراضی کو ختم ہوتے بھی دکھایا گیا ہے۔

    ریلیز ہوتے ہی ‘باری 2’ کو بہت زیادہ پسند کیا گیا اور صرف 2 گھنٹے میں اس گانے کو ایک لاکھ 97 ہزار سے زائد مرتبہ دیکھا جاچکا ہے۔

    علاوہ ازیں سماجی رابطے کی ویب سائٹ ٹوئٹر پر ’باری 2‘ کا ہیش ٹیگ بھی دوسرے نمبر پر ٹرینڈ کررہا ہے۔

    مومنہ مستحسن نے اپنے انسٹاگرام اکاؤنٹ پر ایک پوسٹ شیئر کی جس میں انہوں نے بتایا تھا کہ ‘دراصل باری کی کہانی ایک ایسی نوجوان لڑکی کی کہانی ہے جو ٹوٹے ہوئے دل کے باوجود محبت کو ایک اور موقع دیتی ہے’۔

    انہوں نے اپنی پوسٹ میں مزید لکھا تھا کہ ‘ٹوٹے دل سے محبت کو دوسرا موقع دینے والی لڑکی کی کہانی میں آگے کیا ہوا؟ اس سے متعلق جلد ہی مداح باری 2 میں دیکھیں گے’۔

    دوسری جانب بلال سعید نے بھی انسٹاگرام پر ایک تصویر شیئر کی تھی جس کے کیپشن میں انہوں نے لکھا تھا کہ ‘باری 2 میں مومنہ کو دیکھ کر ہاتھ پر چائے گرے گی؟ ‘۔


    خیال رہے کہ مومنہ اور بلال سعید کے گانے ‘باری’ کو یوٹیوب پر اب تک 8 کروڑ 92 لاکھ سے زائد بار دیکھا گیا ہے۔

  • بھارتی گلوکارہ کی پوسٹ وائرل، وجہ پاکستانی گانا

    بھارتی گلوکارہ کی پوسٹ وائرل، وجہ پاکستانی گانا

    نئی دہلی: بھارتی گلوکارہ نے پاکستانی گلوکاروں مومنہ مستحسن اور بلال سعید کا گانا نہایت خوبصورت انداز میں گنگنایا جسے بے حد پسند کیا جارہا ہے۔

    تفصیلات کے مطابق بھارتی گلوکارہ نوپور سینن نے سماجی رابطے کی ویب سائٹ انسٹاگرام پر ایک ویڈیو شیئر کی، ویڈیو میں وہ پاکستانی گلوکاروں مومنہ مستحسن اور بلال سعید کا گانا باری گنگنا رہی ہیں۔

    نوپور نے لکھا کہ انہیں اپنے مداحوں کی طرف سے بے شمار فرمائشیں موصول ہوئیں جس کے بعد وہ اپنا پسندیدہ گانا سنا رہی ہیں۔

     

    View this post on Instagram

     

    A post shared by Nupur Sanon (@nupursanon)

    پنجابی زبان کا مذکورہ گانا گلوکارہ مومنہ مستحسن اور بلال سعید کا ہے جسے گزشتہ برس ریلیز کیا گیا تھا۔ اس گانے کی شاعری، کمپوزیشن اور ہدایت کاری کے فرائض بھی بلال سعید نے ہی انجام دیے ہیں۔

    گانے کو دونوں پر عکسبند کیا گیا ہے جس میں دونوں کی جوڑی بے حد خوبصورت لگ رہی ہے۔

    نوپور نے یہ گانا گنگناتے ہوئے لکھا کہ انہیں اس گانے کی شاعری بے حد پسند ہے۔

    خیال رہے کہ نوپور معروف اداکارہ کریتی سنن کی بہن ہیں اور جلد ہی بالی ووڈ فلموں میں جلوہ گر ہونے کا ارادہ رکھتی ہیں، وہ گلوکارہ بھی ہیں اور اکثر و بیشتر اپنے گانے کی ویڈیوز سوشل میڈیا پر اپ لوڈ کرتی رہتی ہیں۔

  • دنیا کی پرکشش شخصیات کی فہرست میں 4 پاکستانی شامل

    دنیا کی پرکشش شخصیات کی فہرست میں 4 پاکستانی شامل

    کراچی: دنیا کے 100 خوبصورت اور پرکشش شخصیات کی فہرست جاری کردی گئی ہے جس میں اداکار فواد خان، عمران عباس، اداکارہ ماہرہ خان اور گلوکارہ مومنہ مستحسن کو نامزد کیا گیا ہے۔

    ٹی سی کینڈلز کی جانب سے ہر سال دنیا بھر سے 100 پرکشش شخصیات کی فہرست جاری کی جاتی ہے، پاکستانی اداکاروں کے ساتھ اس فہرست میں کورین اداکار لی من ہو، اداکار ایان سمر ہالڈر ودیگر شامل ہیں۔

    فہرست میں بھارتی اداکار شاہ رخ خان، سلمان خان، ہالی ووڈ اداکار ٹام کروز، زیک ایفرون سمیت شوبز کی دنیا کے بڑے نام شامل ہیں، کینڈلز نے اس فہرست کو سماجی رابطے کی ویب سائٹ انسٹاگرام پر شیئر کیا ہے۔

    رپورٹ کے مطابق چند روز میں ووٹنگ کا عمل شروع کیا جائے گا جس کے بعد واضح ہوسکے گا کہ کون سا اداکار یا اداکارہ کس نمبر پر براجمان ہیں۔

    یاد رہے کہ گزشتہ برس بھی اس فہرست میں دو پاکستانی اداکار فواد خان اور عمران عباس جگہ بنانے میں کامیاب رہے تھے۔

    اداکار فواد خان نے بھارتی فلموں میں بھی اداکاری کے جوہر دکھائے ہیں اور انہیں بھارتی ایوارڈ فلم فیئر سے بھی نوازا گیا تھا۔

  • مومنہ کی ’کوکو کورینا‘ کے ساتھ ایک بار پھر واپسی، ویڈیو وائرل

    مومنہ کی ’کوکو کورینا‘ کے ساتھ ایک بار پھر واپسی، ویڈیو وائرل

    لاہور: پاکستانی گلوکارہ مومنہ مستحسن نے ایک ماہ تنقید کے بعد ایک بار پھر کو کو کورینہ گانا گا کر اس کا حق ادا کرنے کی کوشش کی جسے سامعین و ناظرین نے پسند بھی کیا۔

    تفصیلات کے مطابق کوک اسٹوڈیو کے گیارہویں سیزن میں پروڈیوسر زوہیب قاضی اور علی حمزہ نے مشہور پاکستانی گانے ’کو کو کورینا‘ کو نئے انداز سے پیش کرنے کی ناکام کوشش کی تھی۔

    کوک اسٹوڈیو کے سیزن 11 میں یہ گانا گلوکارہ مومنہ مستحسن اور احد رضا نے گایا جسے شائقین نے بالکل بھی پسند نہیں کیا۔

    ’کو کو کورینا‘ ریلیز ہونے کے بعد نہ صرف کوک اسٹوڈیو کے منتظمین بلکہ دونوں گلوکاروں کو بھی سوشل میڈیا پر شدید تنقید کا نشانہ بنایا گیا تھا حتیٰ کہ وزیر برائے انسانی حقوق شیری مزاری نے بھی سوشل میڈیا پر شدید ردِعمل دیا تھا۔

    مزید پڑھیں: ’کوکو کورینا‘ کا ری میک: شیریں مزاری اور مومنہ میں ٹویٹر پر نوک جھونک

    کوکو کورینا کا ری میک سن کر وحید مراد کے صاحبزادے عادل مراد نے کوک اسٹوڈیو کے پروڈیوسر کو گانے کی اجازت دینے پر شرمندگی کا اظہار کرتے ہوئے افسوس کا اظہار کیا تھا۔

    مشہور پاکستانی گانے کی بگڑی شکل سامنے آنے کے بعد بہت سے گلوکاروں اور موسیقاروں نے اپنے اپنے انداز سے اس گانے کو کمپوز کر کے بہتر انداز سے پیش کیا تھا جن میں سے کچھ کی کاوش کو مداحوں نے پسند بھی کیا تھا۔

    یہ بھی دیکھیں: مومنہ کے بچپن کی تصویر سوشل میڈیا پر وائرل

    اسلام آباد سے تعلق رکھنے والے دو بھائی جو میوزک انڈسٹری میں ’لیو ٹوئنس‘ کے نام سے کام کرتے ہیں انہوں نے وائلن اور گٹار پر سولو پرفارم کر کے ویڈیو شیئر کی تھی جسے بہت پسند کیا گیا تھا۔

    دونوں بھائیوں کی ویڈیو کو دیکھتے ہوئے گلوکارہ مومنہ مستحسن نے اُن سے رابطہ کیا اور اپنے آواز کے ساتھ اسے ریکارڈ کرنے کی اجازت بھی مانگی۔

    پاکستانی گلوکارہ نے سماجی رابطےکی ویب سائٹ پر ویڈیو شیئر کی جس میں مومنہ دونوں بھائیوں کے ساتھ ’کو کو کورینا‘ گاتے ہوئے نظر آرہی ہیں، ساتھ میں انہوں نے لکھا کہ ’ایک ماہ کی تنقید کے بعد نیا تحفہ پیش ہے‘۔

    View this post on Instagram

    Aik maheena of trolling ki khushi mai, iak aur tohfa 🌹 😏😉😂 with love, M. ♥️ #KoKoKorina #LeoTwins

    A post shared by Momina Mustehsan (@mominamustehsan) on

    گلوکارہ کی ویڈیو پر کچھ صارفین نے انہیں نہ صرف سراہا بلکہ یہ بھی کہا کہ ’گانے کی شکل پروڈیوسرز نے ہی بگاڑی تھی وگرنہ مومنہ کی آواز بہت اچھی ہے‘۔

    کیا آپ کو یہ گانا پسند آیا؟ کمنٹس میں اپنی رائے کا اظہار ضرور کریں۔

  • ’کوکو کورینا‘ کا ری میک: شیریں مزاری اور مومنہ میں ٹویٹر پر نوک جھونک

    ’کوکو کورینا‘ کا ری میک: شیریں مزاری اور مومنہ میں ٹویٹر پر نوک جھونک

    لاہور: وفاقی وزیر  شیریں مزاری کے  ’کوکو کورینا‘ کے ری میک پر سخت ردِ عمل کے بعد پی ٹی آئی رہنما اور گلوکارہ مومنہ کے درمیان ٹویٹر پر نوک جھونک شروع ہو گئی۔

    تفصیلات کے مطابق وفاقی وزیر برائے انسانی حقوق شیریں مزاری کو مومنہ مستحسن اور احد رضا کا’کوکو کورینا‘کا ری میک پسند نہیں آیا، جس پر سوشل میڈیا پر شیریں مزاری اور مومنہ کے درمیان نوک جھونک شروع ہوگئی۔

    [bs-quote quote=”عظیم کلاسک تباہ کر دیا: شیریں مزاری
    آپ وزیر ہیں کم از کم حوصلہ افزائی ہی کر دیں: مومنہ” style=”style-7″ align=”left” color=”#dd3333″][/bs-quote]

    شیریں مزاری کی تنقید پر احد بھی میدان میں آ گئے، بولے آپ کی پارٹی تبدیلی کی باتیں کرتی ہے مِس منسٹر آپ بھی خیال کریں۔

    کوکو کورینا 1966 میں پاکستانی فلم انڈسٹری کے مایہ نواز اور ورسٹائل گلو کار احمد رشدی نے گایا، جسے چاکلیٹی ہیرو وحید مراد پر فلمایا گیا تھا، یہ گانا آج بھی جو بھی سنتا ہے، سنتا ہی رہ جاتا ہے۔

    مومنہ مستحسن اور احد رضا میر کے گائے ہوئے ری میک پرسوشل میڈیا پر بحث شروع ہو گئی ہے، نوک جھونک میں وفاقی وزیر شیریں مزاری بھی شامل ہوگئیں۔

    شیریں مزاری نے سماجی رابطوں کی ویب سائٹ ٹویٹر پر ٹویٹ کیا، ہولناک ۔۔۔ عظیم کلاسک تباہ کر دیا- جس پر مومنہ نے جواب دیا دل آزاری پر معذرت، آپ وزیر ہیں کم از کم حوصلہ افزائی ہی کر دیں۔

    یہ بھی پڑھیں:  کوک اسٹوڈیو: علامہ اقبال کی ’شکوہ جواب شکوہ‘ جدید موسیقی کے ساتھ

    شریں مزاری نے جواب میں کہا میری مرضی میری پسند مجھے گانا پسند نہیں آیا بات ختم۔ وفاقی وزیر نے مومنہ سے پوچھا وزارت کا میری پسند نا پسند سے کیا تعلق؟

    شیریں مزاری کی تنقید پر احد بھی برا مان گئے بولے مِس منسٹر آپ کی پارٹی تبدیلی کی بات کرتی ہے آپ بھی انسانی حقوق کا خیال کریں۔

    کوکو کورینا کا ری میک سن کر وحید مراد کے بیٹے عادل مراد نے بھی ٹویٹ کرتے ہوئے کہا کہ گانے کی اجازت دینے پر شرمندہ ہوں۔