کوک اسٹوڈیو میں ’آفریں آفریں‘ سے شہرت پانے والی مومنہ مستحسن گلوکاری کے شعبے میں بے شک زیادہ فعال نہیں، لیکن انہیں خبروں میں رہنے کا فن خوب آتا ہے۔
اب وہ بالکل نئے روپ میں اپنے مداحوں کو حیران کرنے جارہی ہیں جس میں وہ ماہ رمضان میں قصیدہ بردہ شریف پڑھتی دکھائی دیں گی۔
آفرین آفرین کے بعد مومنہ نے پاکستان سپر لیگ کی ٹیم اسلام آباد یونائیٹڈ کے لیے ایک گانا گایا تھا مگر وہ زیادہ مقبول نہ ہوسکا۔
اس کے بعد مومنہ نے اپنی منگنی ٹوٹنے کا باضابطہ اعلان کیا جس کے بعد وہ پھر سے خبروں کی زینت بن گئیں۔
اب وہ اسکرین پر اس مذہبی روپ کے ساتھ واپس آرہی ہیں۔
بعض ذرائع کی جانب سے جاری کی جانے والی تصاویر میں مومنہ سفید رنگ کے لباس میں ملبوس نظر آرہی ہیں۔
اس قصیدہ بردہ شریف کی پروڈکشن شیراز اوپل کی جانب سے کی جارہی ہے جسے رمضان میں ریلیز کردیا جائے گا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
