آئی سی سی ٹی ٹوئنٹی ورلڈ کپ کے میچ میں پاکستان کے خلاف شاندار کارکردگی دکھانے پر امریکا کے کپتان مونانک پٹیل کو پلیئر آف دی میچ قرار دیا گیا۔
امریکا کے کپتان مونانک پٹیل نے میچ کے بعد بات کرتے ہوئے کہا کہ پاکستان کے خلاف کامیابی بہت بڑی اچیومنٹ ہے۔
اُنہوں نے کہا کہ پاکستان کے خلاف میچ کے لیے پورے جذبے سے میدان میں اترے تھے، ٹاس جیت کر پاکستان کو زیادہ رنز نہ بنانے دینا ٹرننگ پوائنٹ تھا۔
دوسری جانب قومی ٹیم کے کپتان بابر اعظم نے ڈیلاس میں امریکا سے سپر اوور میں شکست کے بعد کہا کہ بیٹنگ میں پہلے 6 اوورز میں اچھا پرفارم نہیں کرسکے، وکٹیں گرنے کے بعد کم بیک کیا مگر پھر کھلاڑی آؤٹ ہوئے۔
انہوں نے کہا کہ پچ میں تھوڑی نمی تھی لیکن یہ بہانہ نہیں ہم پروفیشنل کھلاڑی ہیں۔
بابر اعظم نے کہا کہ پہلے چھ اوور میں وکٹیں نہ لے سکے جس سے نقصان ہوا، ٹورنامنٹ ابھی باقی ہے، آئندہ میچوں میں اچھا کھلیں گے۔
انہوں نے کہا کہ ہم اچھا نہیں کھیلے لیکن ٹورنامنٹ میں کم بیک کریں گے۔
واضح رہے کہ امریکا نے پاکستان کو سپر اوور میں 5 رنز سے شکست دی، قومی ٹیم 19 رنز کے تعاقب میں ایک وکٹ کے نقصان پر 13 رنز بناسکی۔
امریکا سے شکست پر شعیب اختر کا سخت رد عمل سامنے آگیا
اس سے قبل پاکستان نے مقررہ اوور میں 159 رنز بنا کر امریکا کو 160 رنز کا ہدف دیا تھا امریکا نے آخری گیند پر میچ ٹائی کردیا تھا۔