Tag: مونا خان

ایتھنز : پاکستانی ایتھلیٹ مونا خان کو ایتھنز ایئرپورٹ پر امیگریشن حکام نے روک لیا اور پاسپورٹ بھی ضبط کرلیا۔

تفصیلات کے مطابق پاکستانی ایتھلیٹ مونا خان کو یونانی حکام نے ایک بار پھر روک لیا، ان کو ایتھنزایئرپورٹ پرامیگریشن حکام نے روکا۔

پاکستانی ایتھلیٹ اپنے بیٹے کے ہمراہ وطن واپس لوٹ رہی تھی ، اس حوالے سے موناخان نے بتایا کہ مجھے اور میرے بیٹے کو ایتھنز ایئرپورٹ پرروک لیاگیا ہے، ایتھنز میں موجود پاکستانی سفارتخانہ میرے ساتھ تعاون نہیں کررہا۔

پاکستانی ایتھلیٹ کا کہنا تھا کہ میرےساتھ یونان میں مشکوک افرادکی طرح سلوک کیاجارہاہے، میرا بیٹا بھی خوفزدہ ہے۔

انھوں نے حکومت پاکستان سے اپیل کی مجھےاور میرے بیٹے کو تحفظ دیا جائے، میرا اور بیٹے کا پاسپورٹ یونانی امیگریشن حکام نے ضبط کرلیا ہے۔

مزید پڑھیں : یونانی حکومت نے مونا خان کے یونان میں داخلے پر 5 سال کی پابندی لگادی

ذرائع نے بتایا کہ پاکستانی ایتھلیٹ نے آج یونان سے پاکستان واپس آناتھا،انھوں نے کل صبح ساڑھے 6 بجے کراچی پہنچناتھا۔

یاد رہے یونانی حکومت نے پاکستانی ایتھلیٹ کے یونان میں داخلے پر 5سال کی پابندی لگاتے ہوئے 20 دن میں ملک چھوڑنے کی ہدایت کی تھی۔

ذرائع کا کہنا تھا کہ پاکستانی ایتھلیٹ کا نام شینجن انفارمیشن سسٹم میں ڈال دیا گیا، یونان سے کسی دوسرے شینجن ملک جانے پر پورے شیجن ممالک پرپابندی لگ جائے گی۔

اسلام آباد : پاکستان نے اینکر اور میراتھن رنر مونا خان کی گرفتاری کا معاملہ یونانی حکام کے سامنے اٹھاتے ہوئے قونصلر رسائی مانگ لی۔

تفصیلات کے مطابق ترجمان دفتر خارجہ ممتاز زہرا بلوچ کی جانب سے بیان میں کہا گیا ہے کہ پاکستانی اینکر اور میراتھن رنر مونا خان کی یونان میں گرفتاری کا معاملہ پاکستانی سفارتخانے نے یونانی حکام کے سامنے اٹھا دیا۔

ممتاز زہرا بلوچ نے بتایا کہ یونانی حکام سے مونا تک قونصلررسائی مانگی ہے، یونان میں پاکستانی سفارتخانہ میراتھن رنر کی گرفتاری کی وجوہات معلوم کررہاہے اور ان کے رننگ کوچ ملک یوسف سے بھی رابطےمیں ہے۔

گذشتہ روز پاکستانی صحافی مونا خان کو یونان میں حراست میں لیا گیا تھا ، ذرائع کا کہنا تھا کہ انہیں پاکستان کا قومی پرچم لہرانے کے جرم میں گرفتار کیا گیا، وہ ہائیکنگ کیلیے گریس گئیں تھیں۔

کوچ محمد یوسف نے مونا کو حراست میں لینے کی تصدیق کرتے ہوئے بتایا تھا کہ پولیس نے ان کا فون بھی قبضے میں لے لیا ہے۔

کوچ کا کہنا تھا کہ مونا سے میرا آخری رابطہ ایک گھنٹہ قبل ہوا تھا، وہ اپنے بیٹے کو ایتھنز میں چھوڑ کرگئی تھیں۔

خیال رہے مونا خان سرکاری ٹی وی میں اینکر پرسن ہیں، وہ اپنے بیٹے کے ہمراہ بیرون ملک روانہ ہوئیں تھیں، ان کی مبینہ آڈیو گفتگو بھی منظر عام پر آئی۔

آڈیو ٹیپ میں انھوں نے بتایا تھا کہ یونان میں تمام ہائیکرز ایک ساتھ جمع ہوئے تھے، جب میں نے پاکستانی پرچم نکالا تو پولیس نے مجھے حراست میں لے لیا، مجھ سے سوال کیا گیا کہ کیا آپ پاکستان کا پرچم لہرائیں گی، جس پر میں جواب دیا کہ جی ہاں میں پاکستان کاپرچم لہراؤں گی، جس کے بعد یونان پولیس نے مجھ سے بدسلوکی کی۔

کوچ یوسف مونا کی رہائی کے لیے پاکستانی حکومت سے اقدامات کی اپیل کردی ہے۔