Tag: مونس الہٰی

لاہور : اسپیشل سینٹرل عدالت نے منی لانڈرنگ کیس میں مونس الہٰی کو اشتہاری قرار دیتے ہوئے ان کے دائمی وارنٹ گرفتاری جاری کر دیے۔

تفصیلات کے مطابق منی لانڈرنگ کیس میں اسپیشل سینٹرل عدالت نے مونس الہٰی کو اشتہاری قرار دے دیا ، عدالت نے مونس الہٰی کے دائمی وارنٹ گرفتاری بھی جاری کر دیے۔

تفتیشی افسر نے عدالت میں مونس الہٰی کی جائیداد سے متعلق رپورٹ پیش کی ، جس میں بتایا گیا کہ مونس الہٰی کی جائیداد ضبط کرلی گئی۔

تفتیشی افسر نے مونس الہٰی کو اشتہاری قرار دینے کی کارروائی پر بھی رپورٹ پیش کی۔

یاد رہے گذشتہ سال نومبر میں احتساب عدالت نے ترقیاتی منصوبوں میں مبینہ کرپشن کیس میں مونس الہی کو اشتہاری قرار دیتے ہوئے دائمی وارنٹ گرفتاری جاری کئے تھے۔

لاہور : ایف آئی اے نے مونس الہٰی اور پرویز الہٰی کے تمام بینک اکاؤنٹ فریز کردیئے گئے، مونس الہٰی اور فیملی کے100سے زائداکاؤنٹس فریز کیے۔

تفصیلات کے مطابق ایف آئی اے لاہور میں مونس الہٰی اور پرویز الہٰی کے خلاف منی لانڈرنگ کی تحقیقات جاری ہے۔

مونس الہٰی اور پرویز الہٰی کے تمام بینک اکاؤنٹ فریز کردیئے گئے جبکہ دونوں رہنماؤں کی فیملی کے بھی تمام بینک اکاؤنٹس فریز کردیئے گئے ، ایف آئی اے لاہور نے مونس الہٰی اور فیملی کے100سے زائداکاؤنٹس فریز کیے۔

تمام بینک اکاؤنٹس میں مبینہ طور پر کرپشن اور منی لانڈرنگ کا پیسہ جمع کرایا گیا ، مونس الہٰی اور اس کی فیملی کے بینک اکاونٹس میں موجود کروڑوں روپے منجمد کئے گیے ہیں۔

عدالت نے مونس الہٰی کےناقابل ضمانت وارنٹ گرفتاری بھی جاری کردیئے ہیں تاہم مونس الہٰی تحقیقات سے بچنے کے لئے پہلے سے ہی ملک سے فرار ہے۔

ایف آئی اے نے مونس الہٰی کو عدالت سے اشتہاری کرانے اور مونس الہٰی کا ریڈ نوٹس جاری کرانے کا فیصلہ کرلیا ہے۔

ذرائع کا کہنا ہے کہ مونس الہٰی کیخلاف ریڈ نوٹس جاری کرواکر بذریعہ انٹرپول جلد گرفتار کیاجائے گا۔

لاہور: پاکستان تحریک انصاف کے رہنما مونس الہٰی کے دوست سہیل اصغر اعوان کو اینٹی کرپشن نے سیشن کورٹ سے گرفتار کر لیا۔

اینٹی کرپشن حکام کے مطابق سہیل اصغراعوان کو اینٹی کرپشن پنجاب نے سیشن عدالت لاہور سے گرفتار کیا، ان پر نبیہہ برج ٹوچتن والا روڈ گجرات کی تعمیر کا ٹھیکہ من پسند ٹھیکیدار کو دلوانے کا الزام ہے۔

اینٹی کرپشن حکام نے بتایا کہ سہیل اصغر اعوان نے سڑک کی تعمیر و مرمت میں 5 ملین کا کک بیک وصول کیا، سڑک کی تعمیر و مرمت میں ناقص مٹیریل استعمال کروا کر سرکاری خزانے کو کروڑوں کا نقصان پہنچایا۔

حکام کے مطابق پی ٹی آئی رہنما مونس الہٰی کے دوست سہیل اصغر عوان کو گوجرانوالہ میں درج مقدمے میں گرفتار کیا گیا ہے۔

اینٹی کرپشن پنجاب نے کروڑوں روپے کی رشوت لینے کے الزام میں چوہدری مونس الہٰی کے قریبی دوست اور فرنٹ مین زبیر خان کو گرفتار کرلیا۔

ترجمان اینٹی کرپشن پنجاب کا کہنا ہے کہ اینٹی کرپشن نے پرویزالہٰی، مونس الہٰی، محمد خان بھٹی، زبیر خان کیخلاف مقدمہ درج کیا ہے،  پرویز الہٰی اینڈ کمپنی پر ساڑھے 12کروڑ روپے رشوت لیے ہیں۔

اینٹی کرپشن کے ترجمان کا کہنا ہے کہ رشوت غیر ملکی کمپنی کی واجب الادا رقم 2 ارب 90 کروڑ کی ادائیگی کے عوض لی گئی ہے پرویز الہٰی اینڈ کمپنی نے لاہور ویسٹ مینجمنٹ کمپنی کے ذریعے یہ ادائیگی کی۔

ترجمان کے مطابق چوہدری پرویز الہٰی کے خلاف مقدمہ ٹھوس شواہد کی بنا پر درج کیا گیا، چوہدری پرویزالہٰی، مونس الہٰی، محمد خان بھٹی کی ڈیل  زبیر خان نے کرائی تھی۔

ترجمان نے یہ بھی بتایا کہ غیرملکی کمپنی کی واجب الادارقم کے عوض پرویز الہی نے ساڑھے 6کروڑ وصول کئے، مونس الہٰی اور محمد خان بھٹی نے 5 کروڑ جبکہ زبیر خان نے 50 لاکھ روپے لئے۔

اینٹی کرپشن کے ترجمان نے مزید کہا کہ ملزمان پرویزالہٰی، مونس الہٰی، محمد خان بھٹی اور زبیر خان نے اختیارات کا ناجائز استعمال کیا، پرویز الہٰی نے لاہور ویسٹ مینجمنٹ کمپنی کے علی انان قمر پر دباؤ ڈال کر ادائیگی کرائی۔

لاہور : الیکشن ٹریبونل نے پی ٹی آئی کے مرکزی صدر چوہدری پرویزالٰہی اور مونس الٰہی کو انتخابات لڑنے کی اجازت دے دی۔

تفصیلات کے مطابق الیکشن ٹریبونل میں پی ٹی آئی کے مرکزی صدر پرویزالہیٰ اورمونس الہٰی کےکاغذات نامزدگی مسترد کرنے کیخلاف درخواست پر سماعت ہوئی۔

جسٹس شہرام سرور نے پرویز الٰہی اورمونس الہٰی کی اپیل پر سماعت کی ، ٹربیونل نے چوہدری پرویز الہٰی اور مونس الہی کی اپیلوں کو منظورکرلیا۔

الیکشن ٹربیونل نے کاغذات نامزدگی مسترد کرنے کے ریٹرنگ آفیسر کا حکم کالعدم قرار دیتے ہوئے پرویز الٰہی اور مونس الہٰی کو الیکشن لڑنےکی اجازت دے دی۔

یاد رہے لاہور ہائیکورٹ نے پنجاب اسمبلی کے 14 مئی کو انتخابات کے حوالے سے چوہدری پرویز الہی ، ان کی اہلیہ اور بیٹے مونس الہی کے کاغذات نامزدگی مسترد ہونے کیخلاف اپیلوں پر الیکشن کمشن کو نوٹس جاری کرتے ہوئے جواب طلب کیا تھا۔