Tag: مونس الہٰی

لاہور : مسلم لیگ ق کے رہنما مونس الہٰی کے گمشدہ قریبی دوست احمدفاران گھر پہنچ گئے ، احمد فاران خان 4روز قبل گارڈن ٹاؤن سے گمشدہ ہوئے تھے۔

تفصیلات کے مطابق مسلم لیگ ق کے رہنما مونس الہٰی کے گمشدہ قریبی دوست احمدفاران گھر پہنچ گئے۔

احمد فاران خان کو رات گئے 2گاڑیوں میں گھرکے باہر چھوڑ دیا گیا، ان کی واپسی کی سی سی ٹی وی فوٹیج بھی سامنے آگئی ہے۔

بھائی ظہیر نے اے آر وائی سے گفتگو میں تصدیق کی ہے کہ میرابھائی خیریت سے گھر واپس پہنچ گیا ہے۔

یاد رہے 4 روز قبل احمد فاران خان گارڈن ٹاؤن سےگمشدہ ہوئے تھے ، جس کے بعد ہائی کورٹ نے واقعے کا نوٹس لے کر سی سی پی او کو بازیابی کا حکم دیا تھا۔

اس سے قبل پاکستان مسلم لیگ ق کے رہنما اور وزیراعلیٰ پنجاب چوہدری پرویز الٰہی کے بیٹے مونس الٰہی نے کہا تھا کہ کل میرے ایک دوست کو کچھ لوگوں نے لاہور سے 2 گاڑیوں میں اٹھایا ہے۔

ق لیگ کے رہنما نے ساتھ ہی ایک سی سی ٹی وی ویڈیو بھی شیئر کرتے ہوئے کہا تھا کہ ایف آئی اے والے قسمیں کھاتے ہیں ہم نے نہیں اٹھایا پھر کچھ دن بعد اچانک ایف آئی اے کو پہنچا دیا جائے گا اور مجبور کیا جائے گا پرچہ دو۔

لاہور : ق لیگ کے رہنما مونس الٰہی نے ایک بار پھر عمران خان کو یقین دہانی کرائی کہ کہا کہ ہم تیار ہیں، آپ فیصلہ کریں، فوری عمل ہوگا۔

تفصیلات کے مطابق لاہور زمان پارک میں چیئرمین پی ٹی آئی عمران خان سے ق لیگ کے رہنمامونس الٰہی کی ملاقات ہوئی ، ملاقات میں عمران خان نے  سینئرقیادت کے اجلاس سے متعلق مونس الٰہی کوآگاہ کیا۔

ذرائع نے کہا کہ ملاقات میں عمران خان نے ہونے والے  اجلاس میں فیصلوں پر مونس الٰہی کو اعتماد میں لیا، اور بتایا کہ پنجاب اسمبلی کی تحلیل کااعلان چند روز میں کردیں گے۔

ذرائع کا کہنا تھا کہ ق لیگ کے رہنمامونس الٰہی نےعمران خان کے فیصلےکی توثیق کرتے ہوئے یقین دہانی کرائی کہ ہم نے آپ کو اختیار سونپ دیا جو بھی فیصلہ کریں گے ، فوری عمل ہوگا۔

یاد رہے پاکستان تحریک انصاف کی سینئر قیادت نے پنجاب اور خیبر پختونخوا اسمبلی ایک ہی دن تحلیل کرنے کی تجویز دی تھی۔

بعد ازاں چیئرمین پی ٹی آئی عمران خان نے اعلان کیا تھا کہ سترہ دسمبر لبرٹی چوک پر ایک بڑے جلسے میں پنجاب اور کےپی کی اسمبلیاں تحلیل کرنےکی تاریخ دوں گا۔