کراچی : خاتون ہراسانی کیس میں سی ای او کے الیکٹرک مونس علوی نے 25 لاکھ روپے جرمانہ سندھ ہائیکورٹ میں جمع کرا دیا۔

تفصیلات کے مطابق خاتون کو ہراساں کرنے کے مقدمے میں کے الیکٹرک کے چیف ایگزیکٹو آفیسر (سی ای او) مونس علوی نے عدالت کے حکم پر 25 لاکھ روپے جرمانے کی رقم ناظر سندھ ہائیکورٹ کے اکاؤنٹ میں جمع کرا دی۔

ذرائع نے بتایا کہ مونس علوی نے یہ رقم 7 اگست کو نیشنل بینک آف پاکستان میں جمع کرائی۔

یاد رہے صوبائی محتسب برائے انسداد ہراسانی نے سی ای او کے ای مونس علوی کو عہدے سے ہٹانے اور 25 لاکھ روپے جرمانہ ادا کرنے کا حکم دیا تھا۔

تاہم سندھ ہائیکورٹ نے محتسب کے حکم نامے کو جزوی طور پر معطل کرتے ہوئے مونس علوی کو ہدایت دی تھی کہ وہ جرمانے کی رقم عدالت کے ناظر کے پاس جمع کرائیں۔

مزید پڑھیں : عہدے سے ہٹانے کا حکم معطل! کے الیکٹرک کے سی ای او کو بڑا ریلیف مل گیا

عدالتی حکم پر عملدرآمد کرتے ہوئے مونس علوی  نے جرمانے کی رقم ادا کر دی ہے، جبکہ کیس کی مزید سماعت آئندہ تاریخ پر متوقع ہے۔

یاد رہے کہ صوبائی محتسب نے خاتون کو ہراساں کرنے کا الزام ثابت ہونے پر یہ کارروائی عمل میں لائی تھی، جس کے خلاف مونس علوی نے سندھ ہائیکورٹ سے رجوع کیا تھا۔

کراچی : کے الیکٹرک کے سی ای او مونس علوی کے خلاف محتسب کا فیصلہ معطل کردیا گیا اور ایک ہفتے میں جواب طلب کرلیا۔

تفصیلات کے مطابق سندھ ہائیکورٹ نے کے-الیکٹرک کے سی ای او مونس علوی کے خلاف صوبائی محتسب کے فیصلے پر عملدرآمد معطل کرتے ہوئے فریقین کو نوٹس جاری کر دیے ہیں اور ایک ہفتے میں جواب طلب کر لیا ہے۔

عدالت نے مونس علوی کو 25 لاکھ روپے بطور جرمانہ جمع کرانے کی بھی ہدایت جاری کی ہے۔

دوران سماعت مونس علوی کے وکیل بیرسٹر عابد زبیری نے مؤقف اپنایا کہ یہ کیس صوبائی محتسب برائے انسداد ہراسانی کے دائرہ اختیار میں نہیں آتا۔

انہوں نے عدالت کو بتایا کہ کے-الیکٹرک نہ صرف کراچی بلکہ حب اور وندر جیسے علاقوں میں بھی خدمات فراہم کرتا ہے، اس لیے یہ ایک بین الصوبائی ادارہ ہے جس پر وفاقی قوانین کا اطلاق ہوتا ہے۔

واضح رہے کہ صوبائی محتسب نے حال ہی میں ایک خاتون کی شکایت پر مونس علوی کو ان کے عہدے سے ہٹانے کا حکم دیا تھا، جس کے خلاف مونس علوی نے عدالت سے رجوع کیا۔

مزید پڑھیں : سی ای او کے الیکٹرک مونس علوی کو سزا سنا دی گئی

سندھ ہائیکورٹ نے ابتدائی سماعت کے بعد محتسب کے فیصلے پر عملدرآمد معطل کرتے ہوئے کیس کی مزید سماعت آئندہ ہفتے تک ملتوی کر دی۔

یاد رہے صوبائی محتسب برائے ورک پلیس ہراسمنٹ جسٹس ریٹائرڈ شاہ نواز طارق نے خاتون کو ہراساں کرنے کا الزام ثابت ہونے پر سی ایس او کے الیکٹرک کو عہدے سے ہٹانے کا حکم دیا تھا۔

صوبائی محتسب نے سی ای او کے الیکٹرک پر 25 لاکھ روپے جرمانہ بھی عائد کردیا تھا۔

کراچی : کے الیکٹرک کے سی ای او مونس علوی کا اپنے خلاف عدالتی فیصلے پر ردعمل سامنے آگیا، جس میں انھوں نے کہا اپیل کرنے کے اپنے قانونی حق کا استعمال کروں گا۔

تفصیلات کے مطابق کے الیکٹرک کے چیف ایگزیکٹو آفیسر مونس علوی نے اپنے خلاف حالیہ عدالتی فیصلے پر گہرے تحفظات کا اظہار کیا ہے۔

مونس علوی نے سماجی رابطے کی ویب سائٹ ایکس پر اپنے پیغام میں لکھا نے کہا ہے کہ پیشہ ورانہ معاملات میں ہمیشہ دیانتداری اور وقار کی اقدار کو برقرار رکھا ہے اور تمام افراد کے لیے ایک محفوظ اور باوقار کام کی جگہ فراہم کرنے کے حامی رہے ہیں۔

سی ای او نے کہا:”یہ فیصلہ میرے لیے انتہائی تکلیف دہ ہے، اگرچہ میں عدالتی نظام اور اس کے اداروں کا احترام کرتا ہوں، لیکن کہنا چاہتا ہوں کہ نتائج میری تجربہ کردہ صورتحال کی حقیقت کی عکاسی نہیں کرتے۔

uphold it, I must, in good conscience, state that the findings do not reflect the truth of the situation as I experienced it.

This has been a painful journey — not just professionally, but personally. I am currently reviewing the decision with my legal counsel and will be
(2/4)

— Moonis Alvi (@alvimoonis) July 31, 2025

انہوں نے مزید کہا کہ "میں اپنے قانونی مشیروں کے ساتھ اس فیصلے کا جائزہ لے رہا ہوں اور اپیل کرنے کے اپنے قانونی حق کا استعمال کروں گا اور قانونی دائرہ کار میں رہتے ہوئے سچ سامنے لانے کے لیے پرعزم ہوں۔”

لوگوں کی حمایت کے لیے شکر گزار ہوں جو مجھے جانتے ہیں، جنہوں نے میرے ساتھ کام کیا ہے، اور جو قانونی عمل پر یقین رکھتے ہیں۔

In the meantime, I remain grateful for the support of those who know me, who have worked alongside me, and who believe in due process. My respect for the principles of justice and workplace dignity remains unwavering.
(4/4)

— Moonis Alvi (@alvimoonis) July 31, 2025

یاد رہے صوبائی محتسب برائے ورک پلیس ہراسمنٹ جسٹس ریٹائرڈ شاہ نواز طارق نے خاتون کو ہراساں کرنے کا الزام ثابت ہونے پر سی ایس او کے الیکٹرک کو عہدے سے ہٹانے کا حکم دیا تھا۔

صوبائی محتسب نے سی ای او کے الیکٹرک پر 25 لاکھ روپے جرمانہ بھی عائد کردیا تھا۔

کراچی : مونس علوی کو دوبارہ کے الیکٹرک کا چیف ایگزیکٹو آفیسر مقرر کردیا گیا ، وہ 30 جولائی 2025 سے بطور سی ای او فرائض انجام دیں گے۔

تفصیلات کے مطابق بورڈ آف ڈائریکٹرز نے 7 جولائی 2025 کو ہونے والے اپنے اجلاس میں سید مونس عبداللہ علوی کو 30 جولائی 2025 سے کے الیکٹرک کے چیف ایگزیکٹو آفیسر (CEO) کے طور پر دوبارہ تعینات کیا ہے۔

کے الیکٹرک نے سی ای او کی دوبارہ تقرری کا نوٹیفکیشن جاری کر دیا اور اسٹاک ایکسچینج کو بھی سی ای او کی تقرری سے آگاہ کر دیا گیا ہے۔

سید مونس عبداللہ علوی 30 جولائی 2025 سے بطور سی ای او فرائض انجام دیں گے ، وہ کمپنی کے موجودہ سی ای او کے طور پر فرائض انجام دے رہے ہیں۔

مونس عبداللہ علوی نے 2008 میں کے ای میں شمولیت اختیار کی، اور 2018 میں بطور سی ای او تقرری سے قبل تنظیم میں بطور CFO، کمپنی سیکرٹری اور ہیڈ آف ٹریژری کے طور پر اہم کردار ادا کر چکے ہیں۔

وہ 30 سال کا متنوع مالیاتی تجربہ رکھتے ہیں، انہوں نے مستقبل کے لیے ایک ڈیجیٹل ادارے کی تشکیل کی قیادت کی ہے، جس کے ذریعے صارفین کو توانائی کے حصول کے لیے سرمایہ کاری اور سرمایہ کاری کو فروغ دیا جا سکتا ہے۔

خیال رہے کے۔ الیکٹرک (KE)ایک پبلک لسٹڈ کمپنی ہے، جس کا قیام 1913ء میں عمل میں آیا اور قیام پاکستان کے بعد کے ای ایس سی (KESC) کے نام سے اس کی پاکستان میں شمولیت ہوئی۔

سال 2005 میں کمپنی کی نجکاری کی گئی۔ کے۔ الیکٹرک پاکستان کی واحد عمودی طور پر مربوط پاور یوٹیلیٹی ہے، جو کراچی اور اُس کے ملحقہ علاقوں کو بجلی فراہم کرتی ہے۔

کمپنی کے 66.4 فیصد اکثریتی حصص (شیئرز) کے ای ایس پاور کی ملکیت ہیں، جو سرمایہ کاروں کا ایک کنسورشیم ہے، جس میں سعودی عرب کی الجومعہ پاور لمیٹڈ، نیشنل انڈسٹریز گروپ (ہولڈنگ) کویت اور انفرا اسٹرکچر اینڈ گروتھ کیپٹل فنڈ (آئی جی سی ایف) شامل ہیں۔
کمپنی میں حکومت پاکستان کے بھی 24.36 فیصد شیئرز ہیں۔بقیہ حصص فری فلوٹ شیئرز کے طور پر درج ہیں۔

کراچی : کے الیکٹرک کی سی ای او مونس علوی کے لائسنس منسوخی سے متعلق بیان پر وضاحت آگئی ، جس میں کہا بیان کو حقائق سے ہٹ کر رپورٹ کیا گیا ہے۔

تفصیلات کے مطابق کے الیکٹرک کے ترجمان کی جانب سے بیان میں کہا گیا کہ کمپنی لائسنس کے حوالے سے سی ای او مونس علوی سے منسوب ایک بیان کو حقائق سے ہٹ کر رپورٹ کیا گیا ہے، سی ای او نے لائسنس کی منسوخی کے حوالے سے بات نہیں کی، یہ جھوٹی اطلاع دی گئی ہے۔

کے ای نے اپنی خدمات جاری رکھنے کے عزم کا اعادہ کیا اور اس بات پر زور دیا کہ کسی بھی طرح کے دعوے گمراہ کن ہیں۔

گذشتہ روز سندھ اسمبلی کی خصوصی کمیٹی کے اجلاس میں ممبران اور سی ای او کے ای مونس علوی نے شرکت کی تھی اور اجلاس میں اظہار خیال کرتے ہوئے انھوں نے کہا تھا کہ لوڈشیڈنگ ہم کرتے ہیں لیکن ریٹ ہم طے نہیں کرتے، ہمارا لائسنس منسوخ کردیں اور حکومت خود بجلی سپلائی کرے۔

ان کا کہنا تھا کہ آپ کی اور ہماری مشترکہ کمیٹی بنادیں، جہاں بجلی کی چوری نہیں ہورہی وہاں لوڈشیڈنگ نہیں ہورہی، لوڈشیڈنگ اس وقت ہوتی ہے جب کسی علاقے میں چوری زیادہ ہوتی ہے۔

انہوں نے اس بات پر بھی روشنی ڈالی کہ مخصوص علاقوں میں غیر ادا شدہ بل مزید بندش کا باعث بنتے ہیں، اس موضوع پر پہلے قومی اسمبلی میں بحث کی گئی تھی۔

سعدیہ جاوید، شبیر قریشی اور سلیم بلوچ سمیت کمیٹی کے ارکان نے کے ای کے آپریشنز پر تحفظات کا اظہار کیا۔

سعدیہ جاوید نے نشاندہی کی تھی کہ کے ای کو کراچی کے لوگوں کی جانب سے بے شمار شکایات کا سامنا ہے، جبکہ قریشی نے چوری پر مبنی لوڈ شیڈنگ کا جواز پیش کرنے پر کمپنی کو تنقید کا نشانہ بنایا اور سوال کیا کہ صارفین کو دوسروں کے اعمال کی سزا کیوں دی جاتی ہے۔

کراچی : ایم کیو ایم رکن قومی اسمبلی ارشد وہرہ نے شدید گرمی میں لوڈشیڈنگ سے شہریوں کا قاتل مونس علوی کو قرار دینے کا مطالبہ کردیا۔

تفصیلات کے مطابق کراچی میں شدید گرمی اور بجلی کی عدم موجودگی سے شہریوں کی ہلاکت کے معاملے پر ایم کیو ایم رکن قومی اسمبلی ارشد وہرہ نے ذمہ دار کے الیکٹرک کو ٹھہرا دیا۔

ارشد وہرہ کا کہنا تھا کہ مونس علوی کے الیکٹرک کا بے تاج بادشاہ ہے ، کراچی میں دو دن کے دوران 16 سے 18 گھنٹے لوڈشیڈنگ کر کے 19 لاشیں دی گئیں ہیں ، سپریم کورٹ کو اس کا نوٹس لینا چاہئے۔

رہنما ایم کیو ایم نے کہا کہ ہلاکتوں کا قاتل مونس علوی کو قرار دینا چاہئے، سی ای او کے الیکٹرک کراچی دشمن ہے یہ اپنے آپ کو خدا سمجھتا ہے ، وہ نے اپنے منہ سے یہ خود مانا ہے کہ میرے لئے عوام کچھ نہیں ہے۔

خیال رہے کراچی میں قیامت خیزگرمی کے دوران دو روز میں سڑکوں سے انیس لاشیں ملیں جبکہ شہر کے مردہ خانوں میں لائی گئی لاشوں کی تعداد معمول سےتین گنا اضافہ ہوا۔

فیصل ایدھی کا کہنا ہے کہ عام دنوں میں تیس سے چالیس میتیں لائی جاتی ہیں گزشتہ روز ایدھی سردخانوں میں ایک سوچالیس میتیں منتقل کی گئیں۔

گزشتہ روز سپرہائی وے، گلستان جوہر، لانڈھی، کریم آباد، گولیمار،لکی اسٹار اورجامع کلاتھ سے لاشیں ملیں، ہلاک افراد میں زیادہ تر نشے کے عادی تھے۔

کراچی : سی ای او کے الیکٹرک مونس علوی نے کراچی والوں کو خبردار کیا ہے کہ اگر بل ادا نہ کیے تو بجلی نہیں ملے گی۔

تفصیلات کے مطابق کے الیکٹرک کے سی ای او مونس علوی نے کراچی میں عملے پر تشدد کی مذمت کرتے ہوئے کہا ہے کہ پُرتشدد واقعات والے علاقے میں فالٹ پرلمبےعرصےبجلی بندش کا سامنا ہوسکتاہے۔

مونس علوی کا کہنا تھا کہ بجلی کی قیمت وفاقی حکومت طے کرتی ہے ، کے الیکٹرک کا اس سے کوئی تعلق نہیں ، اگر بل ادا نہ کیے تو شہر کو بجلی کی عدم فراہمی کا سامنا کرنا ہوگا۔

انھوں نے کہا کہ شہری بل ادا نہیں کرینگے تو کے الیکٹرک کی بجلی بنانے کی صلاحیت کم ہوسکتی ہے اور ایسے واقعات کا نقصان کراچی کو بجلی کی پیدوار میں کمی کی صورت میں ہوسکتا ہے۔

کے الیکٹرک کے سی ای او کا کہنا تھا کہ ہمیں معلوم ہے بجلی کی بڑھتی قیمتوں سے عوام ناخوش ہیں لیکن پُرتشدد اور اشتعال سے صورتحال میں قطعاً بہتری نہیں آئی گی۔

مونس علوی نے مزید کہا کہ بل ادا نہ کرنا مسئلے کا حل نہیں ، بجلی کے نرخ کے تعین کا اختیار نیپرا اور وزارت توانائی کے پاس ہے اور کسی مذہب، معاشرے میں چوری جیسے خراب عمل کی کوئی گنجائش موجود نہیں۔