Tag: مون سون بارشیں

لاہور : ڈی جی پی ڈی ایم اے عرفان علی کاٹھیا نے رواں سال ہونے والی مون سون بارشیں کم یا زیادہ ہونے  کے حوالے سے بڑی پیش گوئی کردی۔

تفصیلات کے مطابق پنجاب میں مون سون بارشوں کا آغاز ہو چکا ہے،ترجمان پی ڈی ایم اے کی جانب سے بیان میں کہا گیا کہ مون سون بارشوں کاپہلا سپیل یکم جولائی تک جاری رہے گا۔

پنجاب کے بیشتر اضلاع میں تیز آندھی اور گرج چمک کے ساتھ بارشوں کی پیشگوئی ہے، جس کے پیش نظر ریلیف کمشنر پنجاب کی صوبے بھر کے کمشنرز اور ڈپٹی کمشنرز کو الرٹ رہنے کی ہدایات جاری کی ہے۔

راولپنڈی، مری، گلیات، اٹک، چکوال، منڈی بہاوالدین ، حافظ آباد، گجرات، جہلم، گوجرانوالہ ، فیصل آباد، سیالکوٹ، نارووال، ٹوبہ ٹیک سنگھ،جھنگ سرگودھا اور میانوالی میں بارش کی پیشگوئی ہے۔

موسم سے متعلق خبریں 

پی ڈی ایم اے کا کہنا تھا کہ 26 سے 28 جون ملتان، ڈی جی خان، بہاولپور اور بہاولنگر میں بھی بارش پیشگوئی ہے۔

ڈی جی عرفان علی کاٹھیا نے پیش گوئی کی رواں سال مون سون بارشیں 25 فیصد زیادہ ہونے کی پیشگوئی ہے، شہری آندھی وطوفان میں محفوظ مقامات پر رہیں اور غیر ضروری سفرنہ کریں۔

اسلام آباد: محکمہ موسمیات نے پاکستان میں مون سون بارشوں کے حوالے سے خطرے کی گھنٹی بجادی۔

تفصیلات کے مطابق مون سون سےمتعلق فیڈرل فلڈ کمیشن کا اجلاس ہوا، اجلاس کی صدارت وفاقی وزیرآبی وسائل میاں معین وٹو نے کی ، سیکرٹری آبی وسائل، چیئرمین فلڈکمیشن اجلاس میں شریک ہوئے۔

اجلاس میں مون سون سے قبل تیاریوں اورخطرات کا جائزہ لیا گیا، محکمہ موسمیات نے بتایا کہ جولائی تا ستمبر معمول سے زیادہ بارش کاامکان ہے، شمال مشرقی پنجاب،کشمیر میں زیادہ بارش متوقع ہے۔

اجلاس میں بریفنگ میں کہا گیا کہ شمالی خیبرپختونخوا،گلگت بلتستان میں کم بارش کاامکان اور ملک بھر میں درجہ حرارت زیادہ رہنے کی توقع ہے، درجہ حرارت بڑھنے سے موسمی خطرات میں اضافہ ہو سکتا ہے جبکہ شہری علاقوں میں اربن فلڈنگ کا خدشہ ہے۔

مزید پڑھیں : رواں سال مون سون بارشیں کم ہوں گی یا زیادہ؟ 

ایف ایف ڈی نے بڑےشہروں میں فوری صفائی مہم اور بیراجوں، پلوں اورنالوں سےتجاوزات اورملبہ ہٹانے کی ہدایت کی۔

اجلاس میں ڈیمز، دریاؤں اورٹیلیمیٹری سسٹم کی صورتحال پرآگاہی دی گئی جبکہ ڈی ایم اے، پی ڈی ایم اے نے حفاظتی حکمت عملی پیش کی۔

تربیلا، منگلا ڈیم کی جانب سے سیلابی ایس او پیز پیش کی گئیں، میاں معین وٹو نے کہا کہ عوام اور انفراسٹرکچر کی حفاظت اولین ترجیح ہے۔

کراچی: سندھ و بلوچستان میں ہونے والی حالیہ مون سون بارشوں کے دوران حب ڈیم کی سطح آب میں مزید اضافہ ہوگیا ہے۔

مون سون بارشوں کے باعث حب ڈیم کی سطح آب مزید بلند ہوگئی ہے، واپڈاذرائع کا کہنا ہے کہ مون سون کی بارشوں کے بعد حب ڈیم میں پانی کی مقدار 335.5 فٹ سے تجاوزکرگئی ہے، بارشوں سے ڈیم میں پانی کی مقدارمیں اضافہ ہورہا ہے۔

بلوچستان کے ضلع خضدار کے پہاڑی علاقوں اور حب ڈیم کے کیچمنٹ ایریاز میں کافی بارشیں ہوئیں جس کے باعث پانی کی سطح بڑھی۔

واپڈا حکام نے بتایا کہ حب ڈیم میں پانی ذخیرہ کرنے کی گنجائش 339 فٹ ہے، حب ڈیم مکمل بھرنے میں مزید 4 فٹ جگہ باقی ہے۔

خیال رہے کہ وزارت آبی وسائل واپڈا اور لسبیلہ ایڈمنسٙریشن کی ٹیموں کی زیر نگرانی ڈیم کو محفوظ رکھنے کیلئے ڈیم کے اسپل وے کے ذریعے اضافی پانی کا اخراج شروع کیا جاتا ہے۔

کراچی : سندھ حکومت نے آئندہ مون سون نے عوام کو مون سون بارشوں کے خطرے سے الرٹ کرتے ہوئے کہا کہ اس بار بارشیں تباہ کن ہوسکتی ہیں۔

تفصیلات کے مطابق ترجمان سندھ حکومت ارسلان اسلام شیخ  نے کراچی پریس کلب میں پریس کانفرنس کرتے ہوئے کہا کہ آنے والی مون سون بارشوں سے ہونے والے نقصانات سےنمٹنےکےحکومت کی تمام ترتیاریاں مکمل ہیں۔

ارسلان اسلام شیخ نے عوام کو خبردار کیا کہ مون سون بارشیں بہت تباہ کن ہوسکتی ہیں، عوام کھانے پینے کی اشیا اور ادویات ساتھ رکھیں۔

ترجمان نے کہا کہ دنیا کے سب سے بڑے ہاوسنگ پراجیکٹ کے تحت اکیس لاکھ گھربن رہے ہیں، 600 ارب روپےکی لاگت سےمنصوبہ مکمل ہوگا، تمام کام پلاننگ کے تحت ہو رہے ہیں ہم کام کرتے ہیں صرف ٹک ٹاک نہیں بناتے۔

اسلام آباد: سینیٹر فیصل واوڈا نے خبردار کیا ہے کہ مون سون بارشوں سے نمٹنے کیلئے کوئی ٹھوس تیاری اورحکمت عملی نہیں۔

تفصیلات کے مطابق سینیٹر فیصل واوڈا نے مون سون کی بارشوں کے حوالے سے کہا کہ مون سون بارشوں سےنمٹنےکیلئےکوئی ٹھوس تیاری اورحکمت عملی نہیں، دکھانے کیلئے گٹر لائنز صاف کرانے سے کچھ نہیں ہوگا۔

ان کا کہنا تھا کہ اس مرتبہ گزشتہ سالوں کی نسبت زیادہ بارشیں متوقع ہیں لیکن ماضی سےکوئی سبق سیکھاہےنہ ہی اس مرتبہ کوئی تیاری ہے۔

سینیٹر نے سوال کیا کہ خدانخواستہ مون سون سیزن میں جانی ومالی نقصان ہواتوکون ذمہ دارہوگا۔

انھوں نے مزید کہا کہ جب میں درست بات کرتا ہوں توتکلیف سب کوہوتی ہے، واٹرریسورسزکمیٹی اجلاس میں شرکت کے بعد ببانگ دہل بتاتا ہوں کوئی تیاری نہیں۔