Tag: مون سون

حیدر آباد: سندھ حکومت نے بارشوں کی صورت حال سے نمٹنے کے لیے حیدر آباد شہر کے لیے 70 لاکھ روپے کا فنڈ جاری کر دیا۔

تفصیلات کے مطابق سندھ حکومت کی جانب سے ڈویژنل کمشنر حیدر آباد کو 50 لاکھ روپے جاری کیے گئے، ڈپٹی کمشنراعجاز شاہ نے کہا کہ ضلعی انتظامیہ کو 20 لاکھ روپے فنڈز فراہم کیے گئے۔

دوسری طرف تھرپارکر کے علاقے اسلام کوٹ کے نواحی گاؤں میں 2 بچیاں ڈوب کر جاں بحق ہو گئی ہیں، پولیس کا کہنا ہے کہ یہ بچیاں آج اسکول جاتے ہوئے بارش کے پانی کے جوہڑ میں گر گئی تھیں۔

خیال رہے ادھر کراچی میں ایک بار پھر موسلا دھار بارش شروع ہوگئی ہے، جس سے نشیبی علاقے زیر آب آ گئے ہیں، جمعے کی رات شہر میں داخل ہونے والا سسٹم ایک بار پھر گرج چمک کے ساتھ برسا، بارش سے بجلی کی فراہمی بھی شدید متاثر ہوئی۔

یہ بھی پڑھیں:  کراچی میں پھر تیز بارش، حفاظتی اقدامات کے پیش نظر کے الیکٹرک کا بجلی بند رکھنے کا عندیہ

اس دوران اورنگی ٹاؤن سیکٹر ای فور میں گھر میں کرنٹ لگنے سے ایک شخص جاں بحق ہوا، ریسکیو ذرایع کے مطابق جاں بحق شخص کی شناخت 28 سالہ شہباز کے نام سے ہوئی، مجموعی طور پر آج کرنٹ لگنے سے دو افراد جاں سے گئے، وزیر اعلیٰ سندھ نے بھی اس کا نوٹس لیا۔

ادھر حفاظتی اقدامات کے پیش نظر کے الیکٹرک نے بارش کی صورت میں نشیبی علاقوں میں بجلی بند کرنے کا اعلان کر دیا، جس سے تمام علاقے تاریکی میں ڈوب گئے، کے الیکٹرک ذرایع کے مطابق کراچی کا ہر علاقہ نشیبی ہے، شہر کا 60 فی صد سے زائد علاقہ متاثر ہوگا، کراچی کا 60 فی صد حصہ بجلی سےمحروم ہو سکتا ہے۔

لاہور: حالیہ بارشوں سے ملک کے دریاؤں اور ڈیموں میں پانی کی مسلسل آمد کا سلسلہ جاری ہے ، تربیلا میں پانی جمع کرنے کی گنجائش ختم ہوگئی۔

تفصیلات کےمطابق ملک میں ہونے والی بارشوں سے تربیلا ڈیم مکمل طور پر بھر چکا ہے جبکہ منگلا ڈیم بھرنے کے قریب ہے ، ملک بھر کے دریاؤں میں اس وقت طغیانی کی صورتحال ہے۔

تربیلاڈیم میں پانی کی آمد دو لاکھ 25 ہزار 100 کیوسک فٹ ہے جبکہ تربیلا ڈیم سےپانی کا اخراج دو لاکھ 24 ہزار 800 کیوسک فٹ ہے۔منگلا ڈیم میں پانی ذخیرہ کرنے کی ابھی 65 فٹ گنجائش موجود ہے ، اس وقت ڈیم میں پانی کی آمد 28 ہزار اوراخراج 10ہزار کیوسک فٹ ہے جبکہ ہیڈمرالہ پر پانی کی آمد 75100 اور اخراج 44500 کیوسک فٹ ہے۔

ذرائع کا کہنا ہے کہ سندھ میں بھی اس وقت پانی کی یہی صورتحال ہے سکھر اور کوٹر ی کے مقام پر پانی دروازوں کی سطح تک موجود ہے اور بڑی تعداد میں کوٹری بیراج سے پانی کا اخراج کیا جارہا ہے ، یہ سارا پانی سمند ر میں جاگرے گا۔

یا درہے کہ ڈیڑھ ماہ قبل بارشوں میں تاخیر اور گلیشئر نہ پگھلنے سے ملک کے سب سے بڑے ڈیم تربیلا میں پانی کا قابل استعمال ذخیرہ ختم ہونے کے بعد پانی کی سطح ڈیڈ لیول ایک ہزار 386 فٹ پرآگئی تھی۔

پاکستان میں ہر سال مون سون کے موسم میں بڑی تعداد میں پانی دریاؤ ں سے پانی آتا ہے تاہم طویل عرصے سے ملک محض منگلا اور تربیلا نامی دو بڑے ڈیموں سمیت چند چھوٹے ڈیموں پر انحصا کررہا رہے ، ذخیر ہ کرنے کی گنجائش نہ ہونے کے سبب ہر سال یہ پانی سمندر میں ضائع ہوجاتا ہے۔