کراچی: منعم ظفر نے کہا ہے کہ نمبرپلیٹ کے نام پر بھتہ وصول کیا جارہا ہے جسے مسترد کرتے ہیں، وزیراعلیٰ ہاوس جانےکی کال دیں گے۔
نمبر پلیٹس اور ٹریفک پولیس کیخلاف جماعت اسلامی کی جانب سے کراچی میں نکالی گئی موٹر سائیکل ریلی سے خطاب کرتے ہوئے امیرجماعت اسلامی کراچی نے کہا کہ بہت ہوگیا ہم وزیراعلیٰ ہاوس جانے کی کال دیں گے، جماعت اسلامی ظلم کیخلاف سیسہ پلائی دیوارکی طرح کھڑی ہوگی۔
جماعت اسلامی کا کے الیکٹرک کی جانب سے لوڈ شیڈنگ کیخلاف آج احتجاج کا اعلان
منعم ظفر نے کہا کہ رشوت خوری سے باز آجاؤ، ایسا نہ ہو کل نوجوان پولیس چوکیوں کے سامنے دھرنا دیں، جماعت اسلامی کراچی کے مسائل سےغافل نہیں۔
بائیک ریلی سے خطاب کرتے ہوئے منعم ظفر نے مزید کہا کہ آپ کراچی کا مقدمہ لڑنے کیلئے سڑکوں پر موجود ہیں، وزیراعلیٰ سندھ کرپٹ لوگوں کی سرپرستی کررہے ہیں۔
سندھ حکومت نے نئی نمبر پلیٹ لازمی قرار دے کر شہریوں کی مشکلات بڑھا دیں
امیرجماعت اسلامی کراچی نے کہا کہ ظالم اور جاگیردار نواجوان کےخلاف متحد ہیں، کراچی اربوں روپے کا ٹیکس دیتا ہے، کراچی کے لوگوں کی ضرورت انفرااسٹرکچر ہے، جہانگیر روڈ کو 4 بار بنایا جاچکا ہے۔
جماعت اسلامی نے فائیواسٹارچورنگی سے فریسکو چوک تک ریلی نکالی، امیر جماعت اسلامی کراچی منعم ظفر خان نے موٹرسائیکل ریلی کی قیادت کی۔
https://urdu.arynews.tv/ajrak-new-number-plates-excise-minister-mukesh-chawla/
