Tag: موٹروے

  • خیبرپختونخوا پہلا صوبہ ہے جس نے اپنے وسائل سے موٹروے مکمل کی، مراد سعید

    خیبرپختونخوا پہلا صوبہ ہے جس نے اپنے وسائل سے موٹروے مکمل کی، مراد سعید

    اسلام آباد: وفاقی وزیر برائے مواصلات مراد سعید کا کہنا ہے کہ سوات موٹروے کو کالام تک توسیع دینے کا فیصلہ کیا گیا ہے۔

    تفصیلات کے مطابق سیاحت کے فروغ اور مسافروں کی سہولت کے لیے ایک اور اہم قدم، وفاقی حکومت نے خیبرپختونخوا حکومت کے ساتھ ایم او یو سائن کرلیا۔ وزیراعلیٰ خیبرپختونخوا اور وفاقی وزیر مواصلات نے معاہدے پر دستخط کیے۔

    سوات ایکسپریس وے کے انتظامی معاملات این ایچ اے کے سپرد کردیے گئے۔ سوات ایکسپریس وے پرروڈ سیفٹی، سفری سہولیات کی نگرانی موٹر وے پولیس کرے گی۔

    وزیراعلیٰ محمود خان نے کہا کہ این ایچ اے کی تمام سہولتیں سوات ایکسپریس وے پردستیاب ہوں گی، فیصلہ سوات کالام جانے والے سیاحوں کی آسانی کے لیے کیا گیا۔

    وزیراعلیٰ خیبرپختونخواہ نے کہا کہ سوات موٹروے کو توسیع دے کر ٹورسٹ زون بنایا جائے گا۔

    دوسری جانب وفاقی وزیر مواصلات مراد سعید نے کہا کہ فیصلے سے ملکی سیاحت کو فروغ ملے گا، خیبر پختونخوا پہلا صوبہ ہے جس نے اپنے وسائل سے موٹروے مکمل کی۔

    مراد سعید نے کہا کہ صوبے میں سیاحت کے فروغ کے لیے اقدامات جاری ہیں، مسافروں کے تحفظ کے لیے موٹروے پولیس سے معاہدہ کیا گیا۔

    وفاقی وزیر برائے مواصلات نے کہا کہ وزارت مواصلات سوات ایکسپریس وے کو ٹیک اوور کرے گی، سوات موٹروے کو کالام تک توسیع دینے کا فیصلہ بھی کر لیا گیا ہے۔

    مراد سعید نے کہا کہ مسافر سوات ایکسپریس وے پر این ایچ اے کی موبائل ایپ استعمال کرسکیں گے، موسم کی صورت حال، سیاحتی مقامات کی پیشگی اطلاع مل سکے گی۔

  • پنجاب کے میدانی علاقوں میں دھند کا راج

    پنجاب کے میدانی علاقوں میں دھند کا راج

    لاہور: صوبہ پنجاب کے مختلف شہر شدید دھند کی لپیٹ میں ہیں اور حد نگاہ کم ہونے کے باعث موٹروے کے کئی سیکشنز گاڑیوں کی آمدورفت کے لیے بند کردیے گئے۔

    تفصیلات کے مطابق پنجاب کے مختلف شہروں میں شدید دھند کے باعث معمولات زندگی متاثرہیں، بعض مقامات پر حد نگاہ صفر اور بعض مقامات پر 50 میٹر تک رہ گئی ہے۔

    حد دنگاہ کم ہونے کے باعث موٹروے کے کئی سیکشنز گاڑیوں کی آمدورفت کے لیے بند کردیے گئے۔

    ترجمان موٹروے پولیس کے مطابق خانیوال ملتان موٹروے شدید دھند کے باعث بند ہے، لاہور سے شیخوپورہ اورکوٹ مومن تک موٹروے ہرطرح کی ٹریفک کے لیے بند ہے۔

    ترجمان نے مسافروں کو ہدایت کی ہے کہ شہری گاڑیوں میں فوگ لائٹس کا استعمال کریں اور دھند کے دوران غیر ضروری سفر سے گریز کریں اور موٹروے پرسفر سے قبل موٹروے ایپلی کیشن ایف ایم 95 ریڈیو اور ہیلپ لائن 130 سے مدد لیں۔

    محکمہ موسمیات کے مطابق آئندہ 24 گھنٹوں کے دوران موسم خشک اور سرد رہنے کی پیشگوئی ہے جبکہ ملک کے بالائی علاقوں میں بھی رات کے اوقات میں شدید سردی اور صبح ہلکی برف باری کا امکان ہے۔

    یاد رہے کہ گزشتہ روز موٹروے پولیس افسر محمد سعید بستی ملکوک کے قریب بس اور ٹرک میں تصادم کے سبب پیش آنے والے حادثے کا جائزہ لے رہے تھے کہ سامنے سے آنے والی بس ان پرچڑھ دوڑی جس کے باعث وہ بری طرح زخمی ہوگئے تھے۔

    فرائض کی ادائیگی کے دوران موٹروے پولیس کا سب انسپکٹرشہید

    سب انسپکٹرمحمد سعید کو فوری طور پر نزدیکی اسپتال منتقل کیا گیا تھا لیکن وہ جانبر نہ ہوسکے تھے۔

  • میدانی پنجاب اور بالائی سندھ میں شدید دھند کا راج

    میدانی پنجاب اور بالائی سندھ میں شدید دھند کا راج

    اسلام آباد: صوبہ پنجاب کے میدانی، بالائی سندھ اور پشاور ڈویژن میں شدید دھند پڑنے کا سلسلہ جاری ہے جبکہ ملک کے دیگر علاقوں میں خشک سردی کی شدت برقرار رہے گی۔

    تفصیلات کے مطابق وسطی پنجاب اورپشاورڈویژن میں شاہراہوں پردھند کے باعث ٹریفک کی روانی متاثرہوئی ہے، موٹروے ایم ون پرشدید دھند کے باعث حد نگاہ صفر ہوگئی۔

    ترجمان موٹروے پولیس کے مطابق موٹروے ایم فورپنڈی بھٹیاں، فیصل آباد اورگوجرہ دھند کی وجہ سے بند ہے، ایم ون پشاور سے رشکئی تک بند کردی گئی۔

    ترجمان موٹروے نے مسافروں کو ہدایت کی ہے کہ شہری گاڑیوں میں فوگ لائٹس کا استعمال کریں اور دھند کے دوران غیر ضروری سفر سے گریز کریں اور موٹروے پرسفر سے قبل موٹروے ایپلی کیشن ایف ایم 95 ریڈیو اور ہیلپ لائن 130 سے مدد لیں۔

    پنجاب کے مختلف شہروں میں دھند کا راج

    دوسری جانب محکمہ موسمیات کی پیشگوئی کے مطابق اگلے بارہ گھنٹے کے دوران ملک کے بیشتر حصوں میں موسم سرد اور خشک رہے گا۔

    محکمہ موسمیات کے مطابق آج صبح اسلام آباد میں منفی ایک ڈگری سینٹی گریڈ لاہور4، کراچی 14 ڈگری سینٹی گریڈ کوئٹہ میں ایک، مری میں دو ڈگری جبکہ گلگت میں 6 سینٹی گریڈ ریکارڈ کیا گیا۔

  • پنجاب کے مختلف شہروں میں دھند کا راج

    پنجاب کے مختلف شہروں میں دھند کا راج

    لاہور: صوبہ پنجاب کے مختلف شہر شدید دھند کی لپیٹ میں ہیں اور حد نگاہ کم ہونے کے باعث موٹروے کے کئی سیکشنز گاڑیوں کی آمدورفت کے لیے بند کردیے گئے۔

    تفصیلات کے مطابق پنجاب کے مختلف شہروں میں شدید دھند کا راج ہے جس کے باعث معمولات زندگی متاثر جبکہ موٹرویز بھی بند ہیں۔

    قومی شاہراہ پراوکاڑہ، ساہیوال، پتوکی، حبیب آباد اور رینالہ میں شدید دھند ہے، فیروزوالا، کالا شاہ کاکو، مریدکے اورشیخوپورہ میں حد نگاہ صفر سے 50 کلومیٹر تک ہے۔

    ترجمان موٹروے پولیس کے مطابق خانیوال ملتان موٹروے شدید دھند کے باعث بند ہے، لاہور سے شیخوپورہ اورکوٹ مومن تک موٹروے ہرطرح کی ٹریفک کے لیے بند ہے۔

    ترجمان کا کہنا ہے کہ ایم فورپنڈی بھٹیاں، فیصل آبادا ورگوجرہ موٹروے شدید دھند کی وجہ سے بند ہے۔

    ترجمان موٹروے نے مسافروں کو ہدایت کی ہے کہ شہری گاڑیوں میں فوگ لائٹس کا استعمال کریں اور دھند کے دوران غیر ضروری سفر سے گریز کریں اور موٹروے پرسفر سے قبل موٹروے ایپلی کیشن ایف ایم 95 ریڈیو اور ہیلپ لائن 130 سے مدد لیں۔

  • پنڈی بھٹیاں:موٹروے پربس اور کار میں تصادم ،4افراد جاں بحق

    پنڈی بھٹیاں:موٹروے پربس اور کار میں تصادم ،4افراد جاں بحق

    پنڈی بھٹیاں:حافظ آباد کےعلاقےسکھیکی میں تیز رفتار کار اور بس کے تصادم میں خاتون سمیت چار افراد جاں بحق اوردو زخمی ہوگئے،کار لاہور سے ملتان جا رہی تھی۔

    تفصیلات کےمطابق پنڈی بھٹیاں موٹروے پرجھنگ برانچ کےقریب کار اور بس میں تصادم کے نتیجے میں چار افراد جان کی بازی ہارگئے۔

    ریسکیو حکام کےمطابق کاراور بس میں تصادم کے باعث ایک ہی خاندان کے تین افراد موقع پرہی جاں بحق جبکہ دو افراد زخمی ہوگئے۔

    حادثے میں جاں بحق ہونے والے افراد کو تحصیل ہیڈکوارٹر اسپتال منتقل کیاگیا جہاں دوران علاج ایک اور شخص زخموں کی تاب نہ لاتے ہوئےچل بسا۔


    لاہور: بس اور ٹرک میں تصادم‘ 10افراد زخمی


    خیال رہےکہ گزشتہ ماہ پنجاب کےدارالحکومت لاہور کےقریب تیز رفتار ٹرک اور مسافر بس کےدرمیان تصادم کےنتیجے میں 10 مسافر زخمی ہوگئےتھے۔


    ڈی جی خان : ٹرالراور بس میں تصادم‘ 2افرادجاں بحق


    یاد رہےکہ رواں ماہ صوبہ پنجاب کےشہرڈیرہ غازی خان میں ٹرالراوربس میں تصادم کے نتیجےمیں 2افراد جاں بحق ہوگئےتھے۔


    ساہیوال میں بس اور ٹرالر میں تصادم‘4افراد جاں بحق


    واضح رہےکہ رواں سال جنوری میں صوبہ پنجاب کے شہر ساہیوال میں یوسف والا کے قریب مسافر بس اور ٹرالر میں تصادم کےنتیجےمیں4افراد جاں بحق متعدد زخمی ہوگئےتھے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • ملک کے مختلف شہروں میں دھند کا راج برقرار

    ملک کے مختلف شہروں میں دھند کا راج برقرار

    ملک کے مختلف شہروں میں شدید دھند کا راج ہے، حد نگاہ انتہائی کم ہونے کے باعث ٹریفک حادثات میں چار افراد جان سے ہاتھ دھو بیٹھے۔

    لاہور سمیت پنجاب کے مختلف شہروں میں شدید دھند کے ڈیرے ہیں، شدید دھند کے باعث موٹروے پر حد نگاہ صفر ہوگئی ہے، جس کے بعد موٹروے کو پشاور سے صوابی تک ہر قسم کی ٹریفک کے لئے بند کردیا گیا ہے، شدید دھند کے باعث ٹریفک حادثات میں بھی اضافہ ہوگیا ہے۔

    خانیوال میں موٹر سائیکل اور ٹرک میں تصادم میں دس طلبہ شدید زخمی ہوگئے، حویلی لکھا میں بس نے موٹر سائیکل کو ٹکر مار دی، جس کے نتیجے میں تین طالبعلم شدید زخمی ہوئے، نارنگ روڈ اور فیروز پور روڈ پر ٹریفک حادثات میں پندرہ افراد زخمی ہوگئے، جنہیں طبی امداد کے لئے اسپتال منتقل کردیا گیا۔

    وٹر وے حکام نے عوام کو سفر کیلئے جی ٹی روڈ استعمال کرنے کی ہدایت کی ہے، ٹریفک حکام کا کہنا ہے کہ ڈرائیورز دھند میں فوگ لائٹس آن رکھیں اور احتیاط سے ڈرائیونگ کریں ۔

     

  • اسلام آباد:موٹروے پربس ٹرالرمیں تصادم،پانچ جاںبحق،بیس زخمی

    اسلام آباد:موٹروے پربس ٹرالرمیں تصادم،پانچ جاںبحق،بیس زخمی

    موٹروے اسلام آباد ٹول پلازہ کے قریب بس اور ٹرالر تصادم کے نتیجے میں پانچ افراد جاں بحق جبکہ بیس افراد زخمی ہو گئے۔ موٹر وے پولیس کے مطابق مسافروں سے بھری بدقسمت بس بہاولپور سے اسلام آباد جارہی تھی اور موٹر وے پر اسلام آباد ٹول پلازاکے قریب کھڑے ٹرالر سے سے ٹکرا گئی۔

    موٹر وے پولیس کے مطابق حادثہ ڈرائیور کے سو جانے باعث پیش آیا اور اُس کو سامنے کھڑا ٹرالرنظر نہیں آیا۔ حادثے میں جاں بحق افراد اور زخمیوں کو ریسکیو وکرز نے بس کاٹ نکالا ۔زخمیوں کو پمز اسلام آباد اور سی ایم ایچ راولپنڈی منتقل کردیا گیا جہاں کئی کی حالت نازک ہے۔