کراچی(7 اگست 2025): بلدیہ میں ٹرک نے اسکوال سے واپس آنیوالے موٹر سائیکل سوار باپ بیٹیوں کو کچل دیا جس کے نیتجے میں 8 سالہ طالبہ جاں بحق ہوگئی۔

تفصیلات کے مطابق کراچی میں حادثات نہ رک سکے، ایک اور افسوس ناک حادثے میں ایک خاندان کی زندگی کا چراغ گل ہو گیا، یہ المناک حادثہ کراچی کے علاقے بلدیہ میں پیش آیا ہے جس کے نیتجے میں 8 سال کی طالبہ جاں بحق جبکہ باپ اور 2 بیٹیاں شدید زخمی ہوگئیں۔

ریسیکیو ذرائع کا کہنا ہے کہ موٹر سائیکل پر سوار بچیوں کو والد اسکول سے گھر لیکر آرہا تھا کہ بلدیہ میں ٹرک اور موٹر سائیکل میں تصادم ہوا جس میں ایک 8 سال کی طالبہ جاں بحق  ہوگئی۔

ریسکیو ذرائع کا بتانا ہے کہ حادثہ تیز رفتار ٹرک کی موٹرسائیکل کو ٹکر کے باعث پیش آیا، جاں بحق طالبہ اور زخمی باپ بیٹیوں کو سول اسپتال منتقل کیا جارہا ہے۔

اس سے قبل کراچی کے پرانا گولیمار میں ایک ٹرک نے موٹر سائیکل سوار فیملی کو کچل دیا تھا، جس کے نتیجے میں ماں اور بیٹی جاں بحق ہوئی تھیں۔ یہ حادثہ سڑک پر موجود گڑھے کی وجہ سے پیش آیا تھا تاہم  ٹرک ڈرائیور کو حراست میں لے لیا گیا تھا۔

https://urdu.arynews.tv/karachi-father-and-son-crushed-traffic-accident/

کراچی : شرافی گوٹھ فیوچر موڑ کے قریب خونی واٹر ٹینکر نے ایک اور موٹر سائیکل سوار کی جان لے لی۔

تفصیلات کے مطابق کراچی کے علاقے شرافی گوٹھ فیوچر موڑ کے قریب واٹر ٹینکر کی ٹکر سے موٹر سائیکل سوار جاں بحق ہوگیا۔

پولیس کا کہنا ہے کہ مقتول کی شناخت ستائیس سال کے محمدفسیع عبدالباسط کے نام سے ہوئی تاہم لاش کو قانونی کارروائی کے لیے جناح اسپتال منتقل کیا گیا۔

پولیس نے بتایا کہ حادثے کے بعد ٹینکر ڈرائیور کو گرفتارکرکے قانونی کارروائی شروع کردی گئی ہے، گرفتار ڈرائیور کا نام طاہر خان ہے۔

مزید پڑھیں : کورنگی ویٹا چورنگی پر واٹر ٹینکر نے موٹر سائیکل سوار کو کچل دیا

گذشتہ روز کورنگی ویٹا چورنگی پر واٹر ٹینکر نے موٹر سائیکل سوار کو کچل دیا تھا، جس کے نتیجے میں مذکورہ شخص موقع پر ہی جاں بحق ہوگیا تھا۔

اس سے قبل بھی بورڈ آفس کے قریب تیز رفتار واٹر ٹینکر کی ٹکر سے 2 موٹر سائیکل سوار نوجوان جاں بحق ہوگئے تھے، پولیس نے ڈرائیور کو حراست میں لے لیا تھا۔

خیال رہے رواں سال ٹینکرزاور ڈمپرز کی ٹکر سے جاں بحق افراد کی تعداد 134 ہوگئی ہے۔

کراچی : گاڑی کی موٹر سائیکل کو ٹکر کے نتیجے میں 38 سالہ موٹرسائیکل سوار ایک شخص جاں بحق ہوگیا۔

تفصیلات کے مطابق کراچی پی آئی ڈی سی پل پر نامعلوم گاڑی نے موٹر سائیکل کو ٹکر ماردی، جس کے نتیجے میں موٹر سائیکل سوار ایک شخص جاں بحق ہوگیا۔

پولیس کا کہنا ہے کہ متوفی کی شناخت اڑتالیس سالہ محمد رفیق کے نام سے ہوئی، پولیس نے لاش اسپتال منتقل کرکے ضابطہ کی کارروائی شروع کردی۔

گذشتہ ہفتے شہر قائد میں تیز رفتار گاڑیوں کی ٹکر سے 4 موٹر سائیکل سوار جان سے چلے گئے تھے۔

مزید پڑھیں : کراچی : تیز رفتار گاڑیوں کی ٹکر سے 4 موٹر سائیکل سوار جاں بحق

کلفٹن تین تلوار چوک پر تیز رفتار ڈبل کیبن کی ٹکر سے موٹر سائیکل سوار ایک ڈیلیوری بوائے جاں بحق ہوا تھا تاہم حادثے کے ذمہ دار ڈبل کیبن ڈرائیور عثمان شاہ راشدی کو پولیس نے گرفتار کر کے درخشاں تھانے منتقل کر دیا تھا۔

ڈی آئی جی ساؤتھ اسد رضا کے مطابق موٹرسائیکل سوار ڈیلیوری بوائے کی شناخت مرتضیٰ کے نام سے ہوئی ہے جو حادثے کے بعد موقع ہی پر جاں بحق ہو گیا تھا، جب کہ گرفتار ڈرائیور عثمان شاہ راشدی سابق ڈی آئی جی پیر حسن شاہ راشدی کا پوتا ہے۔

دوسری جانب شارع فیصل کار ساز پر بھی ایک تیز رفتار کار کی ٹکر سے موٹر سائیکل سوار جاں بحق اور ان کے ساتھ موجود خاتون زخمی ہوئی تھیں، حادثہ تیز رفتاری کے باعث پیش آیا تھا۔

کراچی : پورٹ قاسم کالونی گیٹ کے قریب ٹرک کی ٹکر سے موٹر سائیکل سوار دو افراد جاں بحق ہوگئے اور ٹرک ڈرائیور فرار ہو گیا۔

تفصیلات کے مطابق کراچی میں ایک اور خونی ٹریفک حادثہ پیش آیا ، جس میں‌ پورٹ قاسم کالونی گیٹ کے قریب ٹرک کی زد میں موٹر سائیکل پر سوار ایک شخص جاں بحق اور دوسرا شدید زخمی ہوا.

ریسکیو حکام کا کہنا تھا کہ خونی ٹریفک حادثے میں موٹر سائیکل سوار ایک شخص موقع پر ہی جاں بحق ہوا،زخمی ہونے والا دوسرا شخص دوران علاج دم توڑ گیا۔

موقع پر جاں بحق شخص کی شناخت جان محمد جبکہ دوران علاج دم توڑنے والے کی شناخت محمد حسن کے نام سے ہوئی۔

پولیس حکام کے مطابق ٹرک ڈرائیور موقع سے فرار ہوگیا جبکہ ٹرک کو تحویل میں لے لیا گیا ہے۔

یاد رہے کہ رواں سال اب تک ٹریفک حادثات میں جاں بحق افراد کی تعداد دو سو نوے سے زائد ہوگئی ہے۔

کراچی : موٹرسائیکل سوار شہری کو سر میں گولی مار کر قتل کردیا گیا، مقتول راشد حب چوکی میں لوہے کی فیکٹری میں کام کرتا تھا۔

تفصیلات کے مطابق کراچی کے علاقے بلدیہ رشید آباد میں فائرنگ کے واقعے میں موٹرسائیکل سوارشخص جاں بحق ہوگیا۔

،پولیس نے بتایا کہ جاں بحق شخص کی شناخت 63 سالہ راشدشریف کےنام سے ہوئی، مقتول راشدموٹرسائیکل پرجارہا تھا کہ 2 ملزمان نے فائرنگ کردی۔

موٹرسائیکل سوارملزمان نے مقتول کےسر پرگولی ماری اور فرارہوگئے، مقتول کا تعلق بہاولپور سے تھا اور کراچی میں عابدآبادبلاک سی کا رہائشی تھا۔

مقتول سے ایک موبائل فون، ڈرائیونگ لائسنس 600روپے اور شناختی کارڈ ملا، مقتول راشد حب چوکی میں لوہے کی فیکٹری میں کام کرتا تھا۔

گذشتہ روز کیماڑی کےپی ٹی گراؤنڈکےقریب فائرنگ سے ایک شخص جاں بحق ہوا تھا تاہم پولیس نے قتل کے واقعے کو ذاتی دشمنی کا شاخسانہ قرار دیا۔

حکام کا کہنا تھا کہ مقتول کے پاس موبائل فون،پرس اور موٹر سائیکل موجود تھی، فائرنگ سے قتل ہونے والا ذیشان سکندر آباد کا رہائشی تھا۔

پولیس نے کہا کہ مقتول کوممکنہ طورپرفون کرکےبلایاگیا تھا، جائےوقوعہ سےنائن ایم ایم پستول کاایک خول ملا تاہم قتل کےواقعےکی مزید تفتیش جاری ہے۔

کراچی : ٹریلر نے ایک اور موٹرسائیکل سوار کو کچل ڈالا، حادثے کے بعد ڈرائیور فرار ہوگیا تاہم ٹریلر کو تحویل میں لے لیا گیا۔

تفصیلات کے مطابق کراچی میں ہیوی ٹریفک سے ہلاکتوں کا سلسلہ نہ رک سکا ، اسٹیل مل موڑ پر ٹریلر کی ٹکر سے موٹر سائیکل سوار جاں بحق ہوگئے۔

حادثے کے بعد ڈرائیور فرار ہوگیا، پولیس کاکہنا ہے ٹریلر کو تحویل میں لے لیا گیا ہے، جاں بحق شخص کی شناخت 28 سال کے فرحان کے نام سے ہوئی، فرحان کی لاش اسپتال منتقل کردی گئی۔

دوسری جانب گلشن حدید قائد آباد کے درمیان دو روزمیں دوسرا حادثہ ہے، گزشتہ روز بھی گلشن حدید کے قریب ٹریلر نے نوجوان کوکچل دیا تھا۔

یاد رہے چند روز قبل ملیر ہالٹ کی جانب سے تیز رفتاری سے آنے والا واٹر ٹینکر نے سڑک سے گزرنے والے موٹر سائیکل سوار شخص اور حاملہ خاتون کو کچل دیا تھا۔

خوفناک حادثے میں میاں ، بیوی اور نومولود بچہ جاں بحق ہوگئے تھے ، جس کے بعد مشتعل شہریوں نے واٹر ٹینکر کے شیشے توڑ ڈالے، ڈرائیور کوبھی تشدد کانشانہ بناکرپولیس کے حوالے کردیا تھا۔

خیال رہے رواں برس ٹریفک حادثات میں جاں بحق ہونے والوں کی تعداد 221 ہوگئیں جبکہ پچیاسی روز میں ہیوی ٹریفک کی ٹکر نے ستر افراد کی جانیں لیں۔